ᓴᒃᑯᑕᐅᑲᐅᑎᒋᔭᕆᐊᓕᒃ
(ᒫᑦᓯ 18, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᐃᓄᐃᑦ ᓯᕗᓕᖅᑎᖏᑦ ᑲᑎᒪᖃᑎᓖᑦ ᑲᓇᑕᑉ ᓯᕗᓕᖅᑎᕐᔪᐊᖓᓂᒃ, ᐊᖓᔪᖅᑳᖅ ᒫᒃ ᑲᕐᓂ, ᐃᖃᓗᓐᓂ ᐅᓪᓗᒥᒋᐊᖑᖅᑲᐅᔪᖅ.
ᑐᓴᖅᑕᐅᖁᔭᕐᒥᓂᒃ, ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑦ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖅ ᓇᑖᓐ ᐆᐱᑦ ᓱᖅᑯᐃᓇᖅᑐᓪᓚᕆᐊᓘᖅᑲᐅᕗᑦ ᐊᔭᐅᕆᓪᓗᑎᑦ ᑲᓇᑕᒥ ᓯᕗᓕᖅᑎᕐᔪᐊᖓᓂᒃ. ᓄᓇᓕᕐᔪᐊᑦ ᓂᕈᐊᖅᑕᐅᓯᒪᕝᕕᖏᑦ ᐱᔭᐅᔪᒪᓂᖅᓴᐅᓕᖅᑎᓪᓗᒋᑦ ᐅᑭᐅᖅᑕᖅᑐᖅ ᐱᓗᐊᖅᑐᒥᒃ, ᐃᓄᐃᑦ ᓯᕗᓕᖅᑎᖏᑦ ᓴᙵᑎᑦᑎᖁᔨᒻᒪᕆᑦᑐᑦ ᐱᓕᕆᖃᑎᒌᖃᑦᑕᕐᓂᖏᖕᓂᒃ ᐃᓄᐃᑦ ᐊᒻᒪᓗ ᒐᕙᒪᑐᖃᒃᑯᓐᓂ.
ᐅᕝᕙ ᐅᑯᐊ ᐱᔾᔪᑕᐅᓗᐊᖅᑲᐅᔪᑦ ᐅᖃᐅᓯᕆᔭᐅᓪᓗᑎᑦ ᑲᑎᒪᖃᑎᒌᑦᑎᓪᓗᒋᑦ:
• ᓄᓇᕗᑦ ᑐᙵᕕᒃ ᑎᒥᖓ ᐊᖓᔪᖅᑳᖓ, ᔨᐅᓚᒥ ᑑᕐᖔᓗᒃ ᑮᓇᐅᔭᓂᒃ ᐊᑐᕐᔫᒥᔪᖃᕈᓂ ᐃᓄᐃᑦ ᓄᓇᓕᖏᖕᓂᒃ ᐊᒻᒪᓗ ᐃᓄᐃᑦ ᖃᓄᐃᑦᑕᐃᓕᒪᓂᖏᓐᓂᒃ ᑮᓇᐅᔭᓂᑦ ᐊᑐᖅᑕᐅᓯᓐᓈᕋᔭᕐᒪᑕᒎᖅ ᑲᓇᑕᑉ ᓄᓇᓕᕐᔪᐊᖑᓂᕋᕐᓂᖓᓂᒃ. ᐊᔭᐅᕆᖅᑲᐅᔪᖅ ᐊᑭᑐᓗᐊᕐᔭᐃᖅᓯᒪᖃᑦᑕᖁᔨᓪᓗᓂ ᖃᓄᐃᓕᐅᕈᑎᖃᖅᑐᖃᓕᕐᓗᓂ, ᓲᕐᓗᒃ ᑲᔪᓯᓂᖃᐃᓐᓇᕐᓗᓂ ᓈᒻᒪᑦᑐᒃᑯᑦ ᑮᓇᐅᔭᖃᖅᑎᑕᐅᓗᓂ ᐊᑯᓂᐅᔪᒧᑦ ᒪᑭᒪᔪᓐᓇᖅᑐᑰᓕᕋᔭᕐᒪᑦ ᐃᓄᐃᑦ ᓄᑕᖅᑲᑦ ᓯᕗᓪᓕᐅᑎᑕᐅᓂᖏᑦ ᐱᓕᕆᐊᖅ
• ᐃᓄᐃᑦ ᑕᐱᕇᑦ ᑲᓇᑕᒥ, ᓇᑖᓐ ᐆᐱᑦ ᐅᖃᐅᓯᖃᓗᐊᖅᑲᐅᒋᕗᖅ ᐃᓕᒌᓐᓂᖏᓐᓂᒃ ᐃᓄᐃᑦ ᑲᓇᑕᒥ, ᐊᒻᒪᓗ ᐱᒻᒪᕆᐅᓂᖓᓂᒃ ᐃᓄᐃᑦ−ᒐᕙᒪᑐᖃᒃᑯᑦ ᐱᓕᕆᖃᑎᒌᓐᓂᖏᖕᓄᑦ ᑲᑎᒪᔨᐊᓛᖅᑎᒍᑦ ᐊᐅᓚᑎᑦᑎᓪᓚᕆᒻᒪᑦ ᑲᓇᑕ ᐃᖅᑲᓇᐃᔭᖃᑎᖃᕐᓗᑎᑦ ᐃᓄᓐᓂᒃ ᓇᒻᒥᓂᖅᓱᕋᔭᕐᓂᖏᖕᓄᑦ ᐊᒻᒪᓗ ᑕᒪᐃᓐᓂ ᑲᓇᑕ ᓄᓇᖃᕐᓂᕋᕐᓂᕋᕐᓗᓂ ᐅᑭᐅᖅᑕᖅᑐᖅ ᐱᖃᓯᐅᓪᓗᒍ
• ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓ, ᐅᓛᔪᖅ ᐊᑭᓱᒃ ᐅᖃᐅᓯᖃᖅᑲᐅᒋᕗᖅ ᓯᓈ ᐊᖏᕈᑎᖓᓂᒃ ᐊᒻᒪᓗ ᐱᒻᒪᕆᐅᓂᖓᓂᖓᒃ ᐸᐸᑦᑎᔾᔪᑕᐅᓇᓱᐊᓲᑦ ᐃᓄᐃᑦ ᐱᒻᒪᕆᒋᒻᒥᒻᒪᒋᑦ ᐊᒻᒪᓗ ᒪᑭᒪᑎᑦᑎᒍᑕᐅᔪᓐᓇᖅᑐᑎᑦ. ᐅᖃᐅᓯᖃᓗᐊᖅᑲᐅᒋᕗᖅ ᑖᓐᓇ ᒐᕙᒪᒃᑯᓐᓄᑦ ᑮᓇᐅᔭᑦ ᐊᑐᖅᑕᐅᔪᑦ ᐊᒥᓱᓂᒃ ᐃᑲᔫᑎᖃᒻᒪᕆᒃᑲᔭᕐᓂᖏᖕᓂᒃ ᐃᓄᖕᓄᑦ
• ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓ, ᑯᓄᒃ ᑕᑦᑐᐃᓂᖅ ᐅᖃᐅᓯᖃᓗᐊᖅᑲᐅᕗᖅ ᑭᕙᓪᓕᕐᒥ ᐃᒪᒃᑯᑦ ᐃᑭᐊᖅᑭᔾᔪᑏᑦ ᐱᓕᕆᐊᖓᓂᒃ, ᐱᐅᓯᑎᑦᑎᔾᔪᑕᐅᓇᓱᐊᖅᑐᖅ ᐱᖁᑎᕐᔪᐊᓂᒃ ᐊᒻᒪᓗ ᑲᓱᖅᓯᒪᓂᖓᓂᒃ ᐊᕕᑦᑐᖅᓯᒪᓂᖓ, ᐱᕈᖅᐸᓪᓕᐊᑎᑦᑎᒍᑕᐅᔪᓐᓇᕋᔭᖅᑐᓂ ᐊᒻᒪᓗ ᐱᕕᖃᕈᑕᐅᑦᑎᐊᓕᕐᓗᓂ. ᐅᖃᐅᓯᖃᖅᑲᐅᒋᕗᖅ ᓴᒃᑯ ᖃᓄᖅᑑᖅᑕᐅᓯᒪᓪᓗᑎᑦ ᐃᒡᓗᐃᑦ ᐊᖏᕐᕋᒃᓴᓂᑦ ᓴᓇᕝᕕᒃᓴᖅ ᐊᕐᕕᐊᓂ ᐊᒻᒪᓗ ᐱᒻᒪᕆᐅᓂᖓᓂᒃ ᐃᑲᔪᖅᑐᐃᓗᓂ ᓄᓇᓕᓐᓂ ᓴᓇᔪᓕᕆᓂᐅᕙᑦᑐᓂᒃ
• ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᒧᖅᑳᕆᔭᐅᑲᐃᓐᓇᖅᑐᖅ, ᔭᐃᒥᓯ ᐃᑦᑐᓗᒃ ᖃᐅᓯᖃᓗᐊᖅᑲᐅᕗᖅ ᖁᕐᓗᖅᑐᐊᕐᔪᑉ ᐊᖅᑯᑎᖓᓂᒃ ᐊᒻᒪᓗ ᑐᓚᒃᑕᕐᕕᒃ ᐱᓕᕆᐊᕐᒥᒃ ᐱᒻᒪᕆᐅᓂᕋᖅᑐᓂᐅᒃ ᐱᕙᓪᓕᐊᔪᓕᕆᓂᖅ ᓯᕗᒧᐊᑦᑎᐊᕈᓐᓇᕐᓂᖓᓂᒃ ᐱᑕᖃᕈᓂ ᐊᒻᒪᓗ ᓄᓇᒦᙶᖅᑐᓂᒃ ᐊᐅᓚᑦᑎᓂᕐᒧᑦ ᕿᑎᕐᒥᐅᓂ ᓇᓕᒧᑎᑦᑎᓯᓐᓈᑦ ᐱᕙᓪᓕᐊᒍᑕᐅᓂᖓ ᐸᐸᑦᑎᕕᒃᑲᓐᓂᖅᑕᖃᕆᐊᖃᕐᓂᖓᓂᒃ, ᑕᒪᒃᑮᑦ ᓄᓇᒥ ᐃᒪᕐᒥᓗ, ᐊᕕᑦᑐᖅᓯᒪᓂᖓᓂᒃ
ᓄᓇᕗᒻᒥ ᐃᓄᐃᑦ ᐅᐊᑦᑎᐊᕈ ᐊᒻᒪᓗ ᐅᓪᓗᒥᐅᔪᖅ ᐊᑐᐃᓐᓇᖃᑦᑕᕐᓂᖏᑦ ᐊᒻᒪᓗ ᐊᖏᕐᕋᖃᖃᑦᑕᕐᓂᖏᑦ ᓄᓇᓂ ᓴᙱᓛᒃᑯᑦ ᐃᑲᔪᖅᑐᐃᓯᒪᓂᖃᖅᑐᑦ ᑲᓇᑕᑉ ᓄᓇᕐᔪᐊᖃᕐᓂᕋᕐᓂᖓᓂᒃ ᐅᑭᐅᖅᑕᖅᑐᒥ ᓄᓇᖏᖕᓂ ᐃᒪᖏᓐᓂᓗ. ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎ ᐅᖃᖅᓯᒪᓪᓚᑦᑖᖅᑐᓂ ᐃᓕᓴᖅᓯᓯᒪᕗᖅ “ᐃᑲᔪᕐᓂᖃᕐᓂᖏᑦ ᐃᓄᐃᑦ ᑲᓇᑕᑉ ᐊᑐᖃᑦᑕᖅᓯᒪᔭᖏᖕᓂᒃ, ᑲᓇᑕᐅᓂᕋᕐᓂᕋᕐᓂᖓᓂᒃ ᐊᒻᒪᓗ ᓇᒻᒥᓂᖁᑎᖃᕐᓂᕋᕐᓂᖓᓂᒃ ᓄᓇᓂ ᐃᒪᕐᓂᓗ ᐅᑭᐅᖅᑕᖅᑐᒥ”.
-30-
ᐱᕙᓪᓕᐊᔪᓕᕆᔨᒃᑯᓐᓄᑦ ᖃᐅᔨᒃᑲᕋᒃᓴᖅ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᔪᓕᕆᓂᕐᒧᑦ
ᐸᑐᕆᓴ ᑎ’ᓲᔭ
ᑐᑭᒧᐊᑦᑎᑦᑎᔨ ᑐᓴᐅᒪᔪᓕᕆᓂᕐᒧᑦ
613-292-4482
ᑭᐅᕆᓐ ᕕᓕᐅᕆᑎ
ᑐᑭᒧᐊᑦᑎᑦᑎᔨ, ᖃᓄᖅᑑᖅᓯᒪᓪᓗᑎᑦ ᑐᓴᐅᒪᔪᓕᕆᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(P) 867.975.8398 ᐅᕝᕙᓘᓐᓃᑦ ᐊᑭᖃᙱᑦᑐᖅ 1.800.667.2742
ᒐᐃᕗᕆᐅᓪ ᖃᕐᓕᒃ
ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᖏᑦ
867-645-5768
ᔭᐃᒥᓯ ᑲᐃᓗᕐ
ᐊᐅᓚᑦᑎᔨ ᑐᓴᐅᒪᔪᓕᕆᓂᕐᒧᑦ
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ
867-983-5340
