Iqaluit, Nunavut (May 8th, 2015) – Minista Leona Aglukkaq uqaqtuq pingattiunmi kavamatuqatkut angiqhimaliqtaa angirut Nunavut Kavamatkunnun uvunga kiinauyaliqinikkut ukiumun 2014-15 uvani $2.7 million uqauhikkut akhuuqhainirmun. Talvani akitutilaami, $1.625 million pikhauyuq Uiuitun uqauhinun unalu 1.1 million pikhauyuq Inuit uqauhianun.
“Hapkuat aallanguqhimaimmata avatquhimayuni qulini ukiuni”, uqaqtuq Uqauhinun Kamisina Sandra Inutiq. “Piyumayugut aajjikkiikniqartunik maniliqtuutikhanik uvunga Inuit uqauhianun, maniliqtuutikhanunlu Uiuitun uqauhianun tautungnarniqaqtumik ihariagiyainnun taapkunannga, akiinni akittuqyuummiqpaktuni akittuqyuummiqnirmunlu talvanga pihilaaliqtillugu 2000”, uqaqhimmaaqtuq.
‘’Inulrammigiaknirmi inuqarnirmi, takuliqtugut kayumikhiliqtumik uqauhikkut tammarnirmik. Tammaqtailiniq uqauhiptikni amigarnarhiyuq atauttikkullu munariyaghavut. Kavamatuqatkut munariniqaqpiaqtut ihuarhaqlugu Inuit uqauhiani qanuringaliqtuq Nunavunmi taimainninganin ilauvakhimanirmikni atanniqtuinikkut maligaghainnin hivuagut”, uqaqtuq Sandra Inutiq.
Nunavut Tunngavikkut Ataningata tuglia James Eetoolook uqaqtuq “Inuktut akhuuqhainiq uqauhiptinnik hakugikhaivuq Ihuinnaaqpiaqtuq tuniyauhimainnapta manikhanik uqauhiliqinirmut Nunavunmi. Ilait uqauhiqqut Nunavunmi hakugiktuugaluaq kihimi allait uqauhirminik tammaivalliangmata kayumiktumik. Uqauhiq aalla uqauhittinnik tammaitiptivalliangmat ilippallaaqtipluta . Aajjikiimik manitaaqtitauyukhauyugut uqauhiliqinirmut uqauhivut annirnaqtuq hakugiinnaquplugu huvunikhaptinni inuit amigailiqpallaaqtiplugit.”
“Amigaittut havaktauyughat utiqtinikkut uqauhikkut tammainiinnik ilauyut maniliqtuutinikkut iliharnirni ilinniarutikhanik pivallialiuqniit piliuqniinlu aturutikhanik, nutarannuani pinahuarutini, inirnini ayuirhainikkut pinahuarutit ukuallu tuhaqtipkainikkut pivikhat Nunavunmi”. Talvuuna angiqtauhimanirmi Ilitariyauhimayunun Uqauhinut Maligaqmi uvanilu Inuit Uqauhinginnun Tammaqtailinirmut Maligaqmi, Nunavut uqaqhimayuq qanuqtun piyumayut ilitariyauhimayuni uqauhimiknik hapummiyauyukhat annautiyauyukhat aghuurhaqtauyukhallu.
###
Tuhaqtipkainikkut Uqaqvigiyakhaq:
Karliin Aariak
Havakaplaktuq Tuhaqtauyukaliqinirmut
Uqauhiliqinirmut Kamisinaup Havagviani
Hivayaut: 867-975-5082
Akiittuq: 1-877-836-2280
www.langcom.nu.ca
Kerry McCluskey
Atanguyak Tuhaktituiyit
Nunavut Tunngavik Timinga
Foninga: (867) 975-4914 Foninga Akiituk: 1-888-646-0006
Foninga Alguyakut: (867) 222-2893
Kagitauyakut Takulvia: www.tunngavik.com
