(ᒫᑦᓯ 17, 2021, ᖃᒪᓂ’ᑐᐊᕐᒃ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦ ᐊᔭᐅᕆᕗᐃᑦ ᐃᓐᓇᕐᓂᒃ ᐊᔪᖏᑦᑎᑕᐅᔾᔪᑎᓖᖕᓄᑦ ᐱᖁᔭᖏᑦ ᒪᓪᓕᓗᒋᑦ ᐊᒻᒪᓗ ᖃᐅᔨᒪᖁᔭᐅᔪᐃᑦ ᐃᓐᓇᐃᑦ ᓱᓕ ᑐᓂᓯᓚᐅᖏᒃᑯᑎᒃ ᑐᒃᓯᕌᖕᒥᒃ ᑎᑎᕐᒃᑲᕐᓂᒃ ᑐᒃᓯᕋᓪᓗᑎᒃ ᑖᒃᓱᒧᖓ ᐃᑲᔪᕈᑎᒥᒃ ᐃᕐᒃᑲᐃᑎᑕᐅᕗᐃᑦ ᑐᓂᓯᖁᔭᐅᓗᑎᒃ.
ᖃᐅᔨᒃᑲᐃᒍᑦ ᑭᓇᒃᑯᑐᐃᓐᓇᕐᓄᑦᓄᑦ ᐅᕐᒃᑯᔾᔭᐃᑦ ᐃᓐᓇᕐᓄᑦ – ᐃᓐᓇᕐᓄᑦ ᐃᑲᔫᑏᑦ. ᓄᓇᕗᑦ ᑐᙵᕕᒃ ᓴᕐᒃᑭᑎᓚᐅᓯᒪᔪᑦ ᐆᑑᑉᐱᕆ 2020 ᓄᓇᕗᑦ ᑐᙵᕕᒃ ᐊᕐᕌᒍᑕᒫᕐᒃᓯᐅᑎᒥᓐᓂᒃ ᑲᑎᒪᑎᑦᓗᒋ ᐃᖃᓗᑦᑑᑦᑎᐊᖅ, ᓄᓇᕗᒻᒥᑦ. ᑕᒻᒪᑐᒥᖓ ᐱᓕᕆᐊᒥᒃ, ᐱᔪᓐᓇᖁᖅᑎᑕᐅᔪᑦ, ᓄᓇᕗᑦ ᐃᓄᐃᑦ ᐃᓅᓕᖅᓯᒪᔪᑦ ᔮᓐᓄᐊᕆ 1, 1949 ᐊᒻᒪᓗ ᑎᓯᑉᐱᕆ 31, 1955 ᑐᒃᓯᕋᕈᓐᓇᕐᐳᐃᑦ ᑕᕐᒃᑭᑕᒫᕐᓯᐅᒥᒃ ᑐᓂᔭᐅᒍᓐᓇᕋᒥᒃ ᐃᑲᔪᕈᑎᒥᒃ ᑕᕿᑕᒫᑦ ᐊᑭᖃᕐᓗᓂ $120.
ᑕᒪᓐᓇ ᐅᕐᒃᑯᔾᔭᐃᑦ ᐃᓐᓇᕐᓄᑦ−ᐃᓐᓇᐃᑦ ᐃᑲᔫᑎᑦᓴᑦ ᐅᐃᒍᔭᐅᒍᑎᖏᑦ ᓄᓇᕗᒻᒥ ᐃᓐᓇᐃᑦ ᐃᑲᔫᓯᐊᕆᖃᑦᑕᖅᑕᖏᓐᓄᑦ ᓄᓇᕗᒻᒥᑦ ᐃᓐᓇᐃᑦ ᐃᑲᔫᑎᓂᒃ ᐃᓐᓇᕐᓄᑦ ᐱᓕᕆᐊᒃᑯᑦ.
ᐅᓪᓗᒥᒧᑦ, 530 ᐃᓐᓇᐃᑦ ᑐᒃᓯᕋᕐᓯᒪᓪᓗᑎᒃ ᐱᓕᕆᐊᒥᒃ ᐊᒻᒪᓗ ᑮᓇᐅᔭᕐᒥᒃ ᐃᑲᔪᕐᑕᐅᖃᑦᑕᖅᑐᑦ. ᐊᔾᔨᐸᓪᑐᐃᓇᖓ ᒪᓐᓇᐅᔪᖅ ᐊᑐᖅᑕᐅᔪᖅ ᐃᓐᓇᕐᓄᑦ ᐃᑲᔫᑎᓂᒃ ᐱᓪᓕᕆᐊᑦᓴᐃᑦ, ᑐᓂᔭᐅᕋᑦᑕᕐᓂᐊᕐᑐᑦ ᑕᕝᕙᖓᕐᑐᒥᒃ ᐅᖅᖁᔾᔭᐃᑦ ᐃᓐᓇᕐᓄᑦ ᐱᓪᓕᕆᐊᑦᓴᓄᑦ ᖃᐅᔨᒪᖁᔭᐅᔪᐃᑦ ᐊᒃᑭᖅᓱᕆᐊᑐᖏᑦᑐᐃᑦ ᐃᒻᑲᒥᑕᔅᓯᒥᒃ ᑮᓇᐅᔭᖏᑦ ᐃᓪᓚᖓᕐᑕᐅᒋᐊᖃᕋᔭᖏᑦᑐᑦ ᓯᕿᑕᖏᓐᓄ.
ᓄᓇᕗᑦ ᑐᙵᕕᒃ ᐊᔭᐅᕆᕗᐃᑦ ᑕᐃᒃᑯᓂᖓ ᐃᓄᐃᑦ ᑐᒃᓯᕋᕈᓐᓇᕐᑐᐃᑦ ᒫᓐᓇᑯᑦ ᑐᓂᓯᓗᑎᒃ ᑕᑕᑎᕋᑦᓴᐃᑦ ᐱᓕᕆᐊᕆᔭᐅᓪᓗᑎᒃ ᓄᓇᑦᑎᓐᓂ ᑐᑦᑕᕐᕕᖏᑦ ᐊᑐᐃᓇᖃᕐᑐᐃᑦ ᓄᓇᕗᑦ ᑐᙵᕕᒃ ᐊᓪᓚᕕᖏᑦ ᐊᒻᒪᓗ ᖃᕆᓴᐅᔭᕐᑎᒍᑦ ᐊᒻᒪᓗ ᓄᓇᑦᑎᓐᓂ ᐃᕐᒃᑲᓇᐃᔭᑎᖏᓐᓂᒃ.
ᑕᒪᓐᓇ ᐅᕐᒃᑯᔾᔭᐃᑦ ᐃᓐᓇᕐᓄᑦ ᑮᓇᐅᔭᐃᒃ ᓴᕐᒃᑭᑕᐅᓯᒪᔪᑦ ᑖᒃᑯᓇᖓᑦ ᓄᓇᕗᑦ ᑐᙵᕕᒃ ᐃᑲᔫᑎᒋᖃᑦᑕᖅᑕᖏᑦ ᑮᓇᐅᔭᖅᑕᖏᑦ ᐅᔭᕋᖕᓂᐊᓂᕐᒥᑦ ᑮᓇᐅᔭᓕᐊᓂᒃ ᑕᒻᒪᓇ ᐅᔭᕋᖕᓂᐊᓂᕐᒥᑦ ᑮᓇᐅᔭᓕᐊᓂᒃ ᐊᑐᐊᒐᐃᑦ, ᐊᖏᕐᑕᐅᓯᒪᔪᑦ ᑕᒃᑯᓄᖓ ᓄᓇᕗᑦ ᑐᙵᕕᒃ ᑲᑎᒪᔨᖏᓐᓄᑦ ᐊᕐᕌᒍᐊᓂ 2011, ᓇᓗᓇᐃᕐᓯᒪᔪᐃᑦ ᑕᒪᓐᓇ ᑮᓇᐅᔭᐃᑦ ᐊᑐᖅᑕᐅᔪᒃᓴᐃᑦ ᐃᓚᖓᓐᓂᒃ ᐱᕙᓪᓕᐊᒍᑕᐅᔪᐃᑦ ᓄᓇᕗᒻᒥᑦ ᐊᖏᕈᑕᐅᓯᒪᔪᑦ ᒪᓕᓪᓗᒋᑦ ᓄᓇᕗᒻᒥ. ᑮᓇᐅᔭᐃᑦ ᓄᓇᒦᙶᖅᑐᓂᒃ ᓇᑉᐸᖏᑦ ᐊᐅᓚᓂᕆᔭᖏᓐᓄᑦ ᐊᒻᒪᓗ ᓇᑉᐸᖏᑦ ᑐᓂᔭᐅᓪᓗᑎᒃ ᐃᑲᔫᑎᒋᖃᑦᑕᖅᑕᖏᓐᓄᑦ ᑮᓇᐅᔭᖁᑎᖏᓐᓄᑦ ᑐᕌᖓᓪᓗᓐᓂ. ᐊᐅᓚᓂᕆᔭᖏᓐᓄᑦ ᑮᓇᐅᔭᓕᐊᓂᒃ ᑮᓇᐅᔭᓕᐊᓂᒃ ᑮᓇᔭᐃᑦ ᐊᕐᕌᒍᑕᒫᑦ ᑖᒃᑯᓄᖓ ᑎᒥᐅᔪᓄᑦ ᑐᓂᔭᐅᓲᖑᔪᖅ ᐅᑯᓄᖓ ᓄᓇᕗᑦ ᑐᙵᕕᒃ ᐊᒻᒪᓗ ᐊᕕᑦᑐᕐᒃᓯᒪᔪᑦ ᐃᓄᐃᑦ ᑲᑐᔨᖃᑎᒌᖏᑦ.
.-30-
ᑐᑭᓯᒋᐊᒃᑲᓂᕐᕕᒃᓴᖅ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006
ᑐᑭᓯᒍᑕᐅᔪᒃᓴᐃᑦ ᐅᖅᑯᔾᔭᐃᑦ ᐃᓐᓇᕐᓄᑦ -ᐃᓐᓇᕐᓄᑦ ᐃᑲᔫᑎᒃᓴᓂᒃ
ᑭᒃᑯᑦ ᑮᓐᓇᐅᔭᕐᑖᒍᓐᓇᖃᖅ ᐅᕐᒃᑯᔾᔭᐃᑦ ᐃᓐᓇᕐᓄᑦ – ᐃᓐᓇᕐᓄᑦ ᐃᑲᔫᑎᒃᓴᓂᒃ:
- ᐃᓅᓗᑎᑦ ᐊᑎᖃᖃᑕᐅᓗᑎ ᓄᓇᕗᑦ ᐊᖏᕈᑎᖏᓐᓂ; ᐊᒻᒪᓗ
- ᐃᓅᓕᕕᖃᕈᕕᑦ ᐅᑯᓐᓂᖏᓐᓂᑦ ᔮᓐᓄᐊᕆ 1−ᒥᒃ, 1949 ᐊᒻᒪᓗ ᑎᓯᑉᐱᕆ 31, 1955.
ᑕᑕᑎᕇᕐᒃᓯᒪᕈᕕ ᑐᒃᓯᕋᐅᕐᒥᑦ ᕿᒥᕈᑕᐅᒍᓐᓇᓐᓂᐊᕐᑐᐃᑦ ᑕᒃᑯᓄᖓ ᓄᓇᕗᑦ ᑐᙵᕕᒃ. ᑐᒃᓯᕋᐅᑦ ᑕᑕᑎᖅᑕᐅᓯᒪᔪᑦ ᕿᒥᕈᑕᐅᒌᕈᑦᑎᒃ, ᐊᖏᕐᑕᐅᓪᓗᑎᒃᓗ ᑐᓐᓂᔭᐅᕋᑦᑕᓐᓂᐊᕐᑐᖅ ᑖᒃᑯᐊ ᑕᕐᒃᑭᑦᑕᒫᑦ ᑮᓇᐅᔭᑯᕕᖕᒧᑦ ᐅᕙᓗᓐᓃᒃ ᓯᒃᑭᒥᒃ ᑐᓂᔭᐅᖃᑦᑕᓚᖓᔪᐃᑦ ᐅᓪᓗᖅ ᓯᕗᓪᓕᕐᐹᖓᓐᓂ ᑕᕐᒃᑭᑕᒫᒃ.
ᑖᒃᑯᐊᓕᒫᑦ ᐃᓐᓇᐃᑦ ᐆᒃᑐᕈᓐᓇᖁᓪᓗᒋᑦ ᑐᒃᓯᕋᐅᑉ ᑕᑕᑎᕋᑦᓴᐃᑦ ᑲᒪᒋᓪᓗᓐᓂᒋᑦ, ᑕᒻᒪᓇ ᑐᒃᓯᕋᕈᓐᓇᕐᓂᖅ ᒪᑐᐃᖓᓂᐊᕐᑐᖅ ᐊᕐᕌᒍ ᐊᑕᐅᓯᕐᒥᒃ, ᑕᒪᓐᓇ ᐱᓕᕆᐊᑦᓴᖓᑦ ᓴᕿᑕᐅᒍᓐᓂ ᑭᒃᑯᓕᒫᓄᑦ ᑐᓴᕐᑕᐅᒍᓂ ᓯᕗᓕᕐᒥᒃ. ᓯᕗᓕᕐᐹᖓᓐᓂᒃ ᐅᓪᓗᖅ ᐃᕐᒃᑲᐅᒪᔭᐅᖁᔭᐅᔪᖅ ᐱᒻᒪᕆᐅᔪᖅ ᐊᑭᓕᕐᑕᐅᓂᖏᓐᓄᑦ ᐅᑎᕆᐊᓯᒪᖏᒻᒪᑦ ᓲᕐᓗ ᑭᖑᓂᑦᑎᓐᓂ ᐊᑑᑎᖃᖏᒻᒪᑕ ᐅᓪᓗᒐᓴᐃᑦ ᐊᒻᒪᓗ ᐱᒋᐊᕐᑕᐅᒍᓐᓂ ᑕᒪᓐᓇ ᓯᕗᓕᕐᐹᖓᓂ ᐅᓪᓗᖅ ᓴᕿᑦᑕᐅᑎᓪᓗᒍ ᐱᒋᐊᕐᕕᒋᑕᐃᓐᓇᕐᓂᐊᕐᑕᖓ ᐊᒻᒪᓗ ᖃᐅᔨᒪᓂᐊᕐᒃᑯᓯ ᑕᒪᓐᓇ ᐱᒋᐊᓕᑕᐃᓐᓇᕋᔭᕐᑐᖅ ᐃᑲᔪᕐᑕᐅᒍᑎᒋᓂᐊᕐᑕᐃᑦ ᕿᒻᒥᕈᑕᐅᒌᕈᓐᓂ ᑕᑕᑎᕋᑦᓴᖅ ᐊᒻᒪᓗ ᐊᖏᕐᑕᐅᒍᓐᓂ ᑭᓯᐊᓂ ᐱᒋᐊᓕᑕᐃᓇᕋᔭᕐᑐᖅ ᐃᑲᔫᑏᑦ.
ᑕᕐᒃᑭᑕᒫᑦ ᓯᒃᑭᑖᕐᓂᖏᑦ ᐊᑭᓕᖅᑕᐅᓪᓗᑎᒃ
| ᐃᓐᓇᕐᐃᑦ ᐃᓅᓕᕐᕕᖃᖅᑐᑦ ᐊᒃᓂᖏᓐᓂᒃ ᐊᕐᕋᒍᐃᑦ ᐃᒻᒪᓇ: | ᓰᑭᑦᑕᔭᕆᓚᐅᖅᑕᐃᑦ ᐃᑲᔪᕈᑏᑦ | ᓰᒃᑭᑕᕆᓂᐊᕐᑕᐃᑦ
ᓄᑕᖅ ᐃᑲᔪᕈᑏᑦ |
| ᔮᓐᓄᐊᕆ 1, 1949 to ᑎᓯᑉᐱᕆ 31, 1955 | 0 | $120 |
| ᔮᓐᓄᐊᕆ 1, 1948 to ᑎᓯᑉᐱᕆ 31, 1948 | $90 | $120 |
| ᔮᓐᓄᐊᕆ 1, 1947 to ᑎᓯᑉᐱᕆ 31, 1947 | $105 | $120 |
| ᔮᓐᓄᐊᕆ 1, 1946 to ᑎᓯᑉᐱᕆ 31, 1946 | $120 | $120 |
| ᔮᓐᓄᐊᕆ 1, 1945 to ᑎᓯᑉᐱᕆ 31, 1945 | $135 | $135 |
| ᔮᓐᓄᐊᕆ 1, 1944 to ᑎᓯᑉᐱᕆ 31, 1944 | $150 | $150 |
ᓱ`ᖕᒪᑦ ᐅᖁᔾᔭᐃᑦ ᐃᓐᓇᕐᓄᑦ ᓂᕈᐊᕐᑕᐅᕙ
ᐅᕐᒃᑯᔾᔭᐃᑦ ᐃᓐᓇᕐᓄᑦ ᓂᕈᐊᕐᑕᐅᔪᖅ ᑐᑭᖃᕐᒪᑦ ᑕᐃᒎᓯᖓ ᑐᓂᓯᓂᐊᕈᓐᓂ ᑭᓇᑐᐃᓇᖅ ᐱᒃᑯᒋᔭᖃᕐᓗᓐᓂ ᑐᓐᓂᓯᓂᐊᓪᓗᓐᓂ ᐊᒻᒪᓗ ᐅᑉᐱᒋᓗᒍ. ᑕᐃᒪᓐᓇ ᐃᓱᒪᒋᔭᐅᓪᓗᓐᓂ ᓄᓇᕗᑦ ᑐᙵᕕᒃ ᐊᖏᓪᓕᒋᐊᕆᕗᐃᑦ ᑮᓇᐃᔭᐃᑦ ᑐᕌᖓᔪᑦ ᐃᓐᓇᒃᓄᑦ ᑐᓂᒃᑲᓐᓂᓪᓗᒋᑦ ᐊᒻᒪᓗ ᐱᓕᕆᐊᑦᓴᖅ ᐃᓚᒋᐊᕐᓱᒍ ᐋᕐᒃᑭᑕᐅᓯᒪᓂᖏᑦ ᑭᒡᓕᖓᑦᑕ ᐱᕕᖃᖁᓐᓇᓂᖓᓐᓂᒃ.
