(Oblok March 17,2021– Baker Lake, Nunavut) Nunavut Tunngavik . (NTI-kot) tilihivot tamainnik Enotkoanik Akoaktoniklo toghiktaakhimalinggittonik hapkoningga Eningnitokaknot Ekayootaoyoghanik hivonighijotikaktuk imaa Uqqujjait Innarnut – Eningnitokaknot ekayoohiagotighak. NTI-kot atoliktitaak okiaghak Aktopa 2020-mi Katimavikyoakhotik Ekaluktutiami. Haffomoona, tamaita Nunavunmi enoohimayuk okioni January 1, 1949 ovalo Kolaisimakvik atoktillogo 31, 1955-tillogo taimaninggoktok manighaktoinnagialakiyut $120-taalamik tatkighiok tamaat.
Uqqujjait Innarnut- Eningnitokaknot ekayoohiagotighak aklivaaliotaoyok tatja eningnitokait manighaagivaktainot.
Oblomimot, 530 Eningnigit toghiktaakhimaliktot haffomingga manighaagoyoghamik. Tatja eningnitokaknut ekayoohiagotaovaktop ajigotagiyaa, oma Uqqujjait Innarnut itkaptaaksinot akiliktoiyagiitut enotkoakhiotinik manighakpaktonot.
NTI-kot tilihivot tamainnik Enotkoanik Akoaktoniklo toghiktaakhimalinggittonik hapkoningg. Titikat toghiotighat tatatigialiit hailiyot piinnagialgit nunalingni NTI-kot tohaomatitiyiinit.
Ona Uqqujjait Innarnut maniit pihimayot NTI-kot maningnik avvaghaagivaktainnik oyagakhiokviknit. Ekayoghiotaoyonot Nunamit Manighiotaoyotigot Pikoyaliokhimayaanot, anggigiikhimayaat NTI-kot Katimayiinit 2011-gotillogo, okakhimayuk manighioknighamot ekayootighanik Nunavunmi pivalianighakot ekayoohiagotaoyoghanik oyagakhioktinit. Nunamit ekayootighanik avvaghakpaktut maningnik okiok naatagaagat. Hapkoa pivaktut nunani aviktohimayonit Inuit Katojikatigiiginnit.
.-30-
Naonaikpaaligomagovit ona okakvigiinnagialik:
Malaya Mikijuk
Ataniat Tohaomatitiyiinit Elihaktuk
Nunavut Tunngavik Timingat
Okaotaa: (867) 975-4900/Akiligiitokot: 1-888-646-0006
Ona Uqqujjait Innarnut- Eningnitokaknot Ekayootaoyoghanik
Omingga Piinnagialakiyaaini Imailigayoghaoyok:
- Inuinnaolotit Titikaniikataolotillo Nunavunmik Nunataagotaoyokot Anggikatigiigonmi; ovalo
- Enoohimagovit January 1-mi, 1949 ovalo Kolaisimakvikmi 31, 1955-gotillogo.
Eniktitiakhimayomiklo Titikamik Toghiotaoyomik Tatagigialikmik piyaghagiyaat NTI-kot. Toghiotaoyok Anggiktaoyaakakhonilo Kitotlikaa manikakviinot manik eliyaovakniakhoni Tatkighiot atoligaikpat.
Piyaaginni Tamaita Enotkoaktut Akoaktollo Eningnitokaknot Ekayootaoyoghanik toghiotighaitigot atoliktaoyaagani okiok naatpat NTI-konnit anggiktaolgaaktillogo. Pimmagioyok tamaita manighaagoyoghat kinggovikkotaohimayonot akiliotigilogit namaagiyaolgaaktillogo.
Takighiot Naatagaikpat Manighaagoyoghat
| Enignigit Enoohimayot | Tatkighionmit Kinggolikmit Manighaagohimayut | Nutaami Tatkighionmi Manighaaghat |
| January 1, 1949 Kolaisimakvikmi 31, 1955 | 0 | $120 |
| January 1, 1948 Kolaisimakvikmi 31, 1948 | $90 | $120 |
| January 1, 1947 Kolaisimakvikmi 31, 1947 | $105 | $120 |
| January 1, 1946 Kolaisimakvikmi 31, 1946 | $120 | $120 |
| January 1, 1945 Kolaisimakvikmi 31, 1945 | $135 | $135 |
| January 1, 1944 Kolaisimakvikmi 31, 1944 | $150 | $150 |
Hoogook Uqqujjait Innarnut Taiyaohimavat
Uqqujjait Innarnut Taiyaohimava okakhimakmat okpigiyaotiakhotik Ehomagiyaohimakmata. Omani imaa inmat, NTI-kot eningnitokait pitkokmatigit tamaita Enotkoaktut Akoaktollo haffomingga ekayoohiagotighanik pikataohimaligiaginni.
