ᓴᒃᑯᑕᐅᑲᐅᑎᒋᔭᕆᐊᓕᒃ
(ᕕᕝᕗᐊᓕ 27, 2025 ) ᐅᓪᓗᒥ, ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᓲᑎᓖᑦ ᐊᑎᓕᐅᕐᓂᕐᒥᒃ ᓯᓈ ᐊᖏᖃᑎᒌᒍᑦ, ᐊᖏᖃᑎᒌᒍᑎᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᑲᓇᑕ ᒐᕙᒪᖓ. ᑕᕝᕙᓂ ᐊᖏᖃᑎᒌᒍᒻᒥ, ᑲᓇᑕ $200-ᒥᓕᔭᑖᖅᑎᑦᓯᔪᖅ ᑮᓇᐅᔭᓖᒍᑎᒥᓂᒃ ᕿᑭᖅᑕᓂᒃᑯᓐᓄᑦ ᐃᓚᖃᖅᑐᑎᒃ $70−ᒥᓕᔭᓐ ᐃᑲᔪᖅᑐᓂᒃ, ᓴᖅᑮᒍᑎᒃᓴᓂᒃ ᓈᖕᒪᓯᐊᖅᑐᓂᒃ ᐃᖅᑲᓇᐃᔮᓂᒃ ᐊᒻᒪᓗ ᐃᑲᔫᑎᒃᓴᒥᒃ ᓄᖑᐊᙱᑦᑐᒥᒃ ᒪᑭᒪᔾᔪᑎᒃᓴᖓᓄᒃ ᐃᓄᐃᑦ ᐱᖕᒪᕆᐅᔪᖁᑎᖏᓐᓄᑦ, ᖃᐅᔨᒪᓂᖏᓐᓄᑦ ᐊᒻᒪᓗ ᓯᕗᓕᖅᑎᐅᓂᖏᓐᓄᑦ ᐊᐅᓚᑦᓯᔨᐅᓂᖏᓐᓄᑦ.
ᐅᔾᔨᓇᕐᓂᖏᑦ ᐊᖏᕈᑎᓃᖃᑕᐅᔪᑦ:
• ᐱᙳᖅᑎᑕᐅᓂᖓ ᓯᑕᒪᑦ ᓇᐅᑦᑎᖅᓱᖅᑏᑦ ᓴᐳᔾᔨᓂᕐᒧᑦ ᐊᓪᓚᕝᕕᖏᑦ
• ᓄᑖᖅ ᐃᓄᐃᑦ−ᓯᕗᓕᖅᑕᖓ ᐊᐅᓚᑦᓯᔩᑦ ᑎᒥᐅᔪᑦ ᓴᐳᔾᔨᓯᒪᓂᕐᒧᑦ ᐃᓱᒪᓕᐅᕈᑕᐅᔪᓄᑦ
• ᐊᑐᐃᓐᓇᖃᒃᑲᓂᕐᓂᒃ ᐃᓄᓕᖅᑕᓂᒃ ᓂᕿᓂᒃ ᐊᖏᓕᒋᐊᖅᑕᐅᓂᖏᓐᓄᑦ ᓇᐅᑦᓯᑐᖅᑏᑦ ᐃᑲᔫᑎ
ᓯᓈ ᐊᖏᖃᑎᒌᒍᑦ ᑲᔪᓯᑎᑦᓯᒻᒥᔪᖅ ᑎᒍᒥᐊᖅᑐᓂᓗ ᐃᓛᒃᑯᑦ 15 ᓄᓇᕗᑦ ᐊᖏᕈᑎᖏᓐᓂᒃ, ᐃᓕᓴᖅᓯᒍᑎ ᒪᓕᒐᖅᑎᒍᑦ ᐱᔪᓐᓇᐅᑎᖏᓐᓂᒃ ᐃᓄᐃᑦ ᑕᕆᐅᖕᓄᑦ ᐱᖅᑯᓯᕐᒥᒍᑦ ᐊᒻᒪᓗ ᒫᓐᓇ ᐊᑐᖅᑕᐅᕙᑦᑐᓄᑦ. ᐃᓛᒃᑯᑦ 15 ᐃᓕᓴᖅᓯᑲᓐᓂᕐᒥᔪᖅ ᐃᓄᐃᑦ ᒪᑭᒪᔾᔪᑎᒃᓴᖏᓐᓂᒃ ᑕᕝᕙᙶᖅᑐᒥᒃ ᑕᕆᐅᕐᒦᙶᖅᑐᓂᒃ ᐊᑐᕋᑦᓴᓂᒃ ᐆᑦᑐᕋᐅᑎᒃᑯᑦ ᐱᔪᒪᔭᐅᔪᓂᓪᓗ.
ᐊᑎᓕᐅᖅᑕᐅᓂᖓᒍᑦ ᓯᓈ ᐊᖏᖃᑎᒌᒍᑦ, ᕿᑭᖅᑕᓂᒃᑯᑦ ᓯᕗᒧᐊᒃᑎᑦᑎᔪᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ ᓴᐳᔾᔨᓯᒪᓂᕐᒧᑦ, ᐃᖃᓗᓕᕆᓂᕐᒥᒃ ᐊᐅᓚᑦᓯᔾᔪᑎᓂᓪᓗ ᑕᕆᐅᕐᒧᑦ, ᐃᑲᔫᑎᖃᖅᑐᓂᓗ ᐃᓄᐃᑦ ᐃᓕᖅᑯᓯᖓᓄᑦ, ᐅᖃᐅᓯᖓᓄᑦ ᐊᒻᒪᓗ ᐃᓅᓯᖏᓐᓄᑦ ᒫᓐᓇ ᐊᒻᒪᓗ ᓯᕗᓂᑦᑎᓐᓂ ᑭᖑᕚᖑᓂᐊᖅᑐᓄᑦ.
ᐱᕙᓪᓕᐊᔪᓕᕆᔨᒃᑯᓐᓄᑦ ᖃᐅᔨᒋᐊᕐᕕᒃ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᔪᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓ
