ᓴᒃᑯᑕᐅᑲᐅᑎᒋᔭᕆᐊᓕᒃ
(ᒫᑦᓯ 31, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐹᓪ ᐃᕐᖓᐅᑦ ᑐᓴᖅᑎᑦᑎᕗᖅ ᔫ ᐋᓪᓚ ᑯᓄᒃ, ᐱᓕᕆᖃᑎᖃᖅᑐᓂ ᐊᔮᔮ ᓴᖅᑭᔮᖅᑎᑦᑎᔨᖏᑦ ᐊᒻᒪᓗ ᑐᓴᐅᒪᑎᑦᑎᔪᓕᕆᔨᖏᑦ, ᑎᒃᑯᐊᖅᑕᐅᖕᒪᑦ ᓂᕈᐊᖅᑐᓕᕆᔨᒻᒪᕆᐅᓛᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᒪᐅᓇᑐᐃᓐᓇᖅ ᓂᕈᐊᖅᑎᑦᑎᓂᕆᓛᖅᑕᖓᓄᑦ ᐊᖓᔪᖅᑳᑉ ᐃᓂᖓᓄᑦ, ᓂᕈᐊᖅᑐᖃᓛᖅᑐᓂ ᐱᖓᓲᓕᖅᓲᑦ, ᒪᐃ 27, 2026.
ᓂᕈᐊᕋᒃᓴᓕᐅᕐᓂᖅ ᑖᔅᓱᒧᖓ ᓂᕈᐊᕐᓇᒧᑦ ᒪᑐᐃᕋᔭᖅᑐᖅ ᐱᖓᓲᓕᖅᓲᑦ, ᐄᐳᕈᓪ 15 ᑎᑭᓪᓗᒍ ᓇᒡᒐᔾᔭᐅᓕᖅᑭᒃ, ᐄᐳᕈᓪ 21, 2026. ᓂᕈᐊᕋᒃᓴᐅᒍᓐᓇᖁᓪᓗᑎᑦ ᐅᕝᕙᓘᓐᓃᑦ ᓂᕈᐊᕈᓐᓇᓛᖁᓪᓗᑎᑦ ᐃᒪᐃᑦᑕᕆᐊᖃᖅᑐᑎᑦ ᐃᓄᐃᑦ ᑲᓇᑕᒥᐅᑕᐅᓗᑎᑦ, 16−ᓂᒃ ᐅᑭᐅᖃᕐᓗᑎᑦ ᒪᐃ 27, 2026−ᒥ, ᐊᒻᒪᓗ ᐊᑎᓕᐅᖅᑕᐅᖃᑕᐅᓯᒪᓗᑎᑦ ᓄᓇᕗᑦ ᐊᖏᕈᑎᖓᓄᑦ. ᓂᕈᐊᕋᒃᓴᓕᐅᖅᑎᑦᑎᓂᖅ ᐅᓪᓗᖓ ᐱᒋᐊᕈᓂ, ᓂᕈᐊᕋᒃᓴᓕᐅᕐᓂᕐᒧᑦ ᓈᑎᕆᐊᓖᑦ ᐊᑐᐃᓐᓇᐅᒪᓛᖅᑐᑦ ᓂᕈᐊᖅᑐᓕᕆᔨᒻᒪᕆᒻᒥᒃ ᓄᓇᓕᓐᓂ ᑐᓴᐅᒪᑎᑦᑎᔨᓂᒃ, ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᑕ ᐃᑭᐊᖅᑭᕕᖓᓂᒃ.
ᑲᒪᒋᔭᕆᐊᖃᕐᒪᒋᑦ ᐊᑐᓂ ᓂᕈᐊᕋᒃᓴᐅᔪᑦ ᖃᐅᔨᒪᑦᑎᐊᕐᓗᑎᑦ ᐱᔭᕇᖅᓯᒪᒐᓗᐊᕐᒪᖔᑦ ᓂᕈᐊᕋᒃᓴᓕᐅᕈᑏᑦ ᑎᑎᖅᑲᖏᑦ, ᐱᖃᓯᐅᑎᓗᒍ ᐱᕋᔭᓐᓂᑯᖃᕐᒪᖔᖅ ᖃᐅᔨᓴᐅᑎᖓ, ᑐᓂᔭᐅᓯᒪᒐᓗᐊᕐᒪᖔᑖ ᓂᕈᐊᖅᑐᓕᕆᔨᒻᒪᕆᒻᒧᑦ ᐃᓱᓕᕝᕕᖓ ᐊᓂᒍᓚᐅᖅᑎᓐᓇᒍ ᐅᓪᓗᖓ. ᓂᕈᐊᕋᒃᓴᓕᐅᕈᑏᑦ ᐸᐃᑉᐹᖏᑦ ᐱᔭᐅᔪᑦ ᐃᓱᓕᕝᕕᖓᑕ ᐅᓪᓗᖓ ᑭᖑᓂᐊᒍᑦ ᐱᔭᐅᒐᔮᓛᙱᑦᑐᑦ, ᐊᒻᒪᓗ ᐃᓄᒃ ᐃᓚᐅᖃᑕᐅᔪᓐᓇᔾᔮᓛᕋᓂ ᒪᐃ 2026 ᒪᐅᓇᑐᐃᓐᓇᖅ ᓂᕈᐊᖅᑐᖃᖅᑎᓪᓗᒍ. ᓂᕈᐊᕋᒃᓴᐅᔪᑦ ᖁᔭᓈᖅᓯᔪᓐᓇᖅᑐᑦ ᓂᕈᐊᕋᒃᓴᐅᔾᔪᑎᒥᓂᒃ ᐃᓱᓕᓚᐅᙱᓐᓂᖓᓂ ᐅᓪᓗᕈᓗᑐᐃᓐᓇᖅ, ᐄᐳᕈᓪ 24 2026.
ᓂᕈᐊᓛᖅᑐᑦ ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᖅᑎᑦᑎᑎᓪᓗᒋᑦ ᐊᖓᔪᖅᑳᕐᒧᑦ ᓂᕈᐊᕆᐊᖅᑐᕈᓐᓇᓛᖅᑐᑦ ᐊᑐᕐᓗᑎᑦ ᐅᑯᓂᖓ ᐃᓚᖏᓐᓂᒃ ᑕᒪᐃᓐᓂ ᑕᓪᓕᒪᑎᒍᑦ ᓂᕈᐊᕈᓐᓇᕈᑎᖏᑎᒍᑦ ᑖᒃᑯᐊ ᓂᕈᐊᕈᓐᓇᓛᖅᑐᑎᑦ ᓯᕗᓂᐊᒍᑦ ᓂᕈᐊᕐᓗᑎᒃ ᒪᐃ 20, 2026−ᒥ, ᓂᕈᐊᖅᑎᑦᑎᔨᖏᑦ ᐅᐸᒍᑎᓯᒪᑎᓪᓗᒋᑦ, ᑭᒡᒐᖅᑐᐃᔨᖃᕐᓗᑎᑦ, ᑎᑎᖅᑲᓂᐊᕐᕕᒃᑯᑎᒍᑦ, ᐅᕝᕙᓘᓐᓃᑦ ᐃᓄᒃᑎᒍᑦ ᓂᕈᐊᕆᐊᖅᑐᕐᓗᑎᑦ ᓂᕈᐊᕐᓇᑉ ᐅᓪᓗᖓᓂ ᒪᐃ 27, 2026−ᒥ.
-30-
ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒋᐊᕈᓐᓇᖅᑐᑦ
ᐳᕉᑎ ᓚᕋᒃ
ᑐᑭᒧᐊᑦᑎᑦᑎᔨᐅᑲᐃᓐᓇᖅᑐᖅ ᑐᓴᐅᒪᔪᓕᕆᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ
