(Juni 5, 2020 – Iqaluit, Nunavut) Avataani atauhiq milian taalat tuniyauhimayut tapkunanga Nunavut Tunngavik Nanminilgit (NTI) Katimayit hugiaqninut tapkuat atuqpiarialgit piyaqaqni Inuit ilihaqtut hugiaqhugit tapkuat Qalakyuarniq Aaniarutauqpiaqniq.
Tapkuat maniktakhat katitai tapkuat Mastercard Tunngavik tunityutai tapkuatlu Kavamatkut Kanataup Inuit Ilihatqikhaqtut Iliharniq tunityutai. Maniktakhat tuniyauhimayut tapkununga Nunaliit Avikhimanini Inuit Katutyiqatigit tapkuatlu Kakivak Katutyiqatigit tapkuanguyut:
Kitikmeot Inuit Katutyiqatigit, katitlugit – $248,646.95
Kivalliq Inuit Katutyiqatigit, katitlugit – $341,957.08
Qikiqtani Inuit Katutyiqatigit, Mastercard Tunngavik – $227,257.77
Kakivak Katutyiqatigit, Inuit Ilihatqikhaqni Iliharniq – $263,055.17
Katitlugit – $1,080,916.90
Ilihaqtut piyaqaqni hugiaqtauniat tapkununga nunaliit avikhimani ihumagiqahiutini ilaqaqniatlu:
• Atatyutainut tuluqtautit (tapkuatut angilrami qaritauyakkurutit, tigumiagat qaritauyat qaritauyakkutlu ilihautit hanalrutit)
• Irininaqtunut maniktaklhat ilihaqtunut nuktiqtut (tahapkuatut hanalrutit ikayuriangi iniqhiyut ilihaqtut pilaqtut ilihatqikharniqmun havagutit)
• Attaqtuhivalliqni qaritauyakkut ikayurutit (tapkuatut ilikkut ilihautyauni, ihumaliqutit aaniaqtailiniq kivgaqtutit)
• Munaruini tapkuat pivaliani aktuanit taphuma Qalakyuarniq-19 tahapkununga Inuit nunaliit ilihaqtutlu
“Tamna Qalakyuarniq-19 aaniaqyuarniq agliyumiyai tapkuat piyalgit hivunmuktittangi iliharniq pivaliatitnitlu nunalikni, amihutigininut havaktiuyut. Niriugittiaqtara tamna atuqtaunia taphuma aaniaqyuarniq Nunavutmi hakugitqiyauyuq, nunalikni, amihutikkutainut Inuit havaktit tamaitni avikhimanini,” uqartuq Aluki Kotierk, Angayuqaq NTI-kutni.
“Pinahuaquyatka Nunavut Inuit kayuhininik ilihautiphiknut atuqtitlugu una pivigiya pilariakhaqnik piyakhaqnut inikhaq maniliurutiptingni. Ukpiriyagit.”
“Ilihimatquyatka tapkuat Inuit Tapariit Kanatami ikayuqtuiyut tapkununga Inuit ilihatqikhaqni iliharniq quyagiyatkalu tapkuat Mastercard Tunngavit tapkuatlu Kavamatkut Kanata hanivaivigininut.” uqartuq James Eetoolook, Angayuqap Tuklia NTI-kutni.
Tuhaqpalliriami:
Malaya Mikijuk, Hivuliqti Tuhaumatyutit Ilihaqtuq
Qalakyuarniq-19 Tukhirautit, Ikayurutit Tuhagakhatlu
Nunavut Tunngavik Nanminilgit covid-19@tunngavik.com
(867) 975-4919
