ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓ ᐊᒻᒪᓗ ᒐᕙᒪᒃᑯᑦ ᓄᓇᕗᒻᒥ ᑐᓴᖅᑕᐅᑎᑦᓯᕗᑦ ᑲᑭᓃᑦ ᑮᓇᐅᔭᓂᒃ ᐊᐃᑦᑑᑎᖏᓐᓂᒃ ᐱᔪᓂᒃ

(ᔪᓚᐃ 9, 2009 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᖓᔪᖅᑳᖓᑦ ᐹᓪ ᖃᓗᔾᔭᒃ ᐊᒻᒪᓗ ᓄᓇᕗᑦ ᓯᕗᓕᖅᑎᖓ ᐄᕙ ᐋᕆᐊᒃ ᐅᓪᓗᒥ ᑐᓴᖅᑎᑦᓯᖅᑲᐅᔫᒃ ᐊᑎᖏᓐᓂᒃ ᓵᓚᖃᖅᓯᒪᔪᓂᒃ ᐊᕐᕌᒍᒥ ᑲᑭᓃᑦ ᐊᐃᑦᑑᑎᖏᓐᓂᒃ. ᐊᐅᓚᓂᐅᔪᒃᑯᑦ ᐊᐃᑦᑐᐃᖃᑦᑕᕐᒪᑕ ᐊᑎᖃᖃᑕᐅᔪᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒻᒪᕆᒃᑯᑦ ᐱᕚᓪᓕᑎᑦᓯᒐᓱᐊᖅᑐᓂᒃ ᐱᖅᑯᓯᕐᒥᓂᒃ ᐃᓕᓐᓂᐊᖅᓯᒪᓂᕐᒥᓂᓪᓗ.
ᑕᕝᕙᓂ ᐊᕐᕌᒍᒥ 6¬ᖑᔪᑦ ᑐᑦᓯᕋᖅᓯᒪᔪᑦ ᐱᓂᐊᖅᑐᓂᒃ ᑮᓇᐅᔭᓂᒃ ᑲᔪᓯᒍᑎᑦᓴᖏᓐᓂᒃ ᐃᓕᓐᓂᐊᖅᑕᒥᓐᓂᒃ ᐱᖅᑯᓯᕐᒨᖓᔪᓂᒃ ᐃᓕᓐᓂᐊᕕᑦᑎᒍᓪᓗ. ᐊᑎᖏᑦ ᑏᕙᐃ ᒪᑲᐃ, ᕉᒪᓂ ᒪᒃᑭᒃ, ᑯᕆᔅᑐ ᒫᑎᓐ, ᒪᐃᖃ ᓇᑦᓯ, ᐹᑐᕆᒃ ᓵᒋᐊᖅᑐᖅ ᐊᒻᒪᓗ ᓵᓐᑎ ᕕᓐᓴᓐᑦ.
ᐱᒐᓱᐊᕐᓂᐊᕈᑎᒃ, ᐃᓕᓐᓂᐊᖅᑏᑦ ᑎᑎᕋᖁᔭᐅᓯᒪᔪᑦ ᓇᐃᑦᑐᒥᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒻᒪᕆᐅᑉ ᒥᑦᓵᓄᑦ.
“ᐅᐱᒃᑯᓲᑎᕙᕗᑦ ᑕᕝᕙᓂ ᐊᕐᕌᒍᒥ ᓂᕈᐊᖅᑕᐅᔪᑦ ᑲᑭᓃᑦ ᐊᐃᑦᑑᑎᖏᓐᓄᑦ. ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᐅᐱᒍᓱᑉᐳᖅ ᐊᑐᐃᓐᓇᐅᑎᑦᓯᒋᐊᑦᓴᖅ ᐱᕕᑦᓴᖃᖅᑎᑦᓯᓂᕐᒥᒃ ᐊᑎᖃᖃᑕᐅᔪᓂᒃ ᐃᓚᐅᑎᓐᓂᖏᓐᓄᑦ ᐱᖅᑯᓯᕐᓅᖓᔪᓄᑦ ᐃᓕᓐᓂᐊᕆᐊᒃᑲᓐᓂᖅᑐᓄᓪᓗ. ᐃᓇᒋᐊᒃᑲᓐᓂᖅᐸᒃᑲ ᐃᓕᓐᓂᐊᖅᑎᓕᒫᑦ ᐱᓇᓱᐊᖃᑦᑕᖁᓪᓗᒋᑦ ᐊᕐᕌᒍᑕᒫᑦ ᐊᐃᑦᑑᑕᐅᕙᑦᑐᒥᒃ.”
“ᐱᐅᔪᒻᒪᕆᐅᕗᖅ ᐊᑐᐃᓐᓇᐅᑎᑦᓯᒍᓐᓇᕋᑦᑕ ᐱᕕᑦᓴᖃᕐᓂᐅᔪᓂᒃ ᐊᑎᖃᖃᑕᐅᔪᓄᑦ ᑲᔪᓯᖁᓪᓗᒋᑦ ᐃᓕᓐᓂᐊᖅᑕᒥᓂᒃ,” ᐅᖃᖅᑐᖅ ᓯᕗᓕᖅᑎ ᐋᕆᐊᒃ. ᐊᖅᑯᑎᓪᓗᐊᑕᐅᔪᖅ ᒪᒃᑯᑦᑐᖁᑎᕗᑦ ᐱᕕᑦᓴᖃᖅᑎᑕᐅᖃᑦᑕᕐᓂᖏᑦ ᓴᓐᖏᓕᖅᐹᓪᓕᖁᓪᓗᒋᑦ ᐃᓅᓯᖏᑦ ᑲᓲᒪᓗᑎᓪᓗ ᐱᖅᑯᓯᑐᖃᑦᑎᓐᓄᑦ. ᑲᑐᔾᔨᖃᑎᖃᖅᓯᒪᓕᖅᑐᒍᑦ ᐊᑯᓂᒐᓛᒃ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓂᒃ ᒪᓂᒪᑎᑦᓯᒍ ᑕᒪᓐᓇ ᐊᐅᓚᔾᔭᒋᐊᕈᑕᐅᔪᖅ ᖁᕕᐊᓱᒻᒪᕆᑉᐳᖓᓗ ᑕᒪᑦᓱᒥᖓ ᑲᑐᔾᔨᖃᑎᒌᓐᓂᕐᒥᒃ.”
ᑲᑭᓃᑦ ᐊᐃᑦᑑᑕᐅᕙᑦᑐᑦ ᑮᓇᐅᔭᖃᖅᑎᑦᓯᒍᑕᐅᔪᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓄᑦ ᐊᒻᒪᓗ ᒐᕙᒪᒃᑯᓐᓄᑦ ᓄᓇᕗᒻᒥ. ᑐᑦᓯᕋᐅᑏᑦ ᐊᑐᐃᓐᓇᐅᔪᑦ ᐊᕐᕌᒎᓂᐊᖅᑐᒧᑦ ᑲᑭᓃᑦ ᐊᐃᑦᑑᑎᖏᓐᓄᑦ ᐊᑐᐃᓐᓇᐅᓛᖅᑐᑦ ᐄᑉᐳᕉᓪ 1, 2010.

ᑐᑭᓯᒋᐊᒃᑲᓐᓂᕐᕕᑦᓴᖅ:
ᕕᓕ ᔫ ᕚᕐᓐᔅ ᐊᐅᓚᑦᓯᔨᐅᑉ ᐃᑲᔪᖅᑎᖓ ᑕᓴᐅᒪᖃᑦᑕᐅᑎᓂᓕᕆᓂᕐᒥ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᐅᖄᓚᐅᑖ: (867) 975¬4905 ᐊᑭᖃᓐᖏᑦᑐᖅ: 1¬888¬646¬0006
ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᑐᓴᕋᑦᓴᖁᑎᖏᑦ ᑕᑯᑦᓴᐅᕙᑦᑐᖅ ᓄᓇᕐᔪᐊᕐᒨᖓᔪᖁᑎᑦᑎᓐᓂ http://www.tunngavik .com
ᓄᓇᕗᑦ ᑐᓐᖓᕕᒃᑯᓐᓂᒃ ᑐᓴᕋᑦᓴᖅ ᒪᑉᐱᒐᖅ 2
www.tunngavik.com
ᔭᔅᒥᓇ ᐸᐸ ᐊᓪᓚᕝᕕᖓᓂᒃ ᓯᕗᓕᖅᑎᐅᑉ ᒐᕙᒪᒃᑯᖏᑦ ᓄᓇᕗᑦ 867¬975¬5059