(July 9, 2009 – Iqaluit, Nunavut) Nunavut Tunngavik Timingata Angayokangat Paul Kaludjak uvalu Nunavut Hivuliktiat Eva Aariak ublumi okaktok hapkuninga attitnik atkonaotikaghimayot ekayohiaghimayot hapkuninga aipagugangat Kakiniit Ekahohiagotaitnik. Una ekayohiakutaokataktok maniknek hapkununga Nunatakataohimayoyunot haffuminga Nunavut Nunatagotaita Angekutat (NLCA) elihakpaligomakpata eliitkohitokamingnek uvalu elihakpalikvikmi elihakpaligomanigomik.
Una okiok atoktitlugo 6-sioyot atkonaghimayot toghighimayot ekayohiaghimayot elihakpaligotighamingnik eliitkohitokamingnek uvalu elihakpalikvikmi elihakpaligomanigomik. Attiit hapkua Teevi MacKay, Romani Makkik, Crystal Martin, Myra Netser, Patrick Sageatook uvalu Sandi Vincent.
Oktoktot angektaoyomakpata, toghiotikaghimayot onipkaliokoyaohimayot onipkamik haffuma Nunavut Nunatagotaita mighagot.
“ Ehomagiyaotiaktot hapkua okiomi atoktomi aitoktaohimayot hapkuninga Kakiniit Ekayohiagotanik. NTI-kut annangaitjakutigiyat hapkua oktotighait Nunatakataohimayot elihakpaligomakpata eliitkohitokamingnek uvalu elihakpalikvikmi elihakpaligomanigomik. Oktokuinaktatka tamaita sikoktot pinahoaklugit hapkua aipagugangat ekayohiagotighat.”
“Kovianaktok taima hagyaighihimagapta hapkuninga oktotighaitnek hapkua Nunatakataohimayot elihakpaligomakpata,” okaktok Hivulikti Aariak. “Tatvataok una piyungnaotighagiyat hapkua inolgamiotivut elingaikpaligomagomiku inuhiktik uvalu eliitkohiktik atoghimagahoaklugo. Havakatigihimaliktavut ukkua NTI-kut kangangoktok taimaitomik hatkomiktigiyomavluta tatvalu koviahoktunga holi havakatigihimakniagaptitlu taimatot.”
Kakiniit-kut ekayohiagotait ekayoktigeghotik havakatigektok ukkua NTI-kut uvalu Nunavut Kavamatkut. Toghiotighat aipago Kakiniit-nit ekayohiagotighat hagyaiktaoniagivut tatvani April 1, 2010-mi.
Tohakpaligomaguvit:
| BJ Barnes |
| Assistant Director of Communications |
| Nunavut Tunngavik Incorporated |
| 867 975 4905 |
| Toll-free: 1-888-646-0006 |
Yasmina Pepa
Office of the Premier
Government of Nunavut
867-975-5059
