ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᐱᖃᑦᑕᖅᑐᖅ ᑐᑦᓯᕋᐅᑎᓂᒃ ᑲᑭᓃᑦ ᐊᐃᑦᑑᑎᖏᓐᓂ

(ᐄᑉᐳᕉᓪ 9, 2009 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᒫᓐᓇ ᐱᖃᑦᑕᖅᑐᑦ ᑐᑦᓯᕋᐅᑎᓂᒃ 2009-ᒧᑦ ᑲᑭᓃᑦ ᐊᐃᑦᑑᑎᖏᓐᓄᑦ. ᑕᒪᓐᓇ ᐊᐅᓚᓂᐅᔪᖅ ᐊᐅᓚᔾᔭᑦᑕᐅᓯᒪᔪᖅ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓄᑦ ᐊᒻᒪᓗ ᒐᕙᒪᒃᑯᖏᓐᓄᑦ ᓄᓇᕗᑦ 2007-ᖑᑎᓪᓗᒍ ᐃᓇᑦᓯᒍᑕᐅᑦᓱᑎᒃ ᐃᑲᔪᕈᑕᐅᑦᓱᑎᓪᓗ ᐃᓕᓐᓂᐊᖅᑎᓂᒃ ᐱᖅᑯᓯᕐᓅᖓᔪᓂᒃ ᖁᕝᕙᖅᓴᕐᓂᕐᒧᓪᓗ ᐃᓕᓐᐊᓂᖅᑕᖏᓐᓄᑦ.

ᐊᐃᑦᑑᑕᐅᕙᑦᑐᑦ $1,000 ᑕᓪᓕᒪᓄᑦ ᐃᓕᓐᓂᐊᖅᑎᓄᑦ ᐱᕚᓪᓕᑎᑦᓯᒐᓱᐊᖅᑐᓄᑦ ᐱᖅᑯᓯᕐᒨᖓᔪᓂᒃ ᐊᒻᒪᓗ $1,000 ᐃᓕᓐᓂᐊᖅᑎᓄᑦ ᑕᓪᓕᒪᓄᑦ ᐃᓕᓐᓂᐊᖅᑐᓄᑦ ᓯᓚᑦᑐᓴᕐᕕᓐᓂ. ᐊᑎᖃᖃᑕᐅᔪᑦ ᑭᓯᐊᓂ ᓄᓇᕗᒻᒥ ᓄᓇᑖᓃᕐᒧᑦ ᐊᖏᖃᑎᒌᒍᑎᒻᒪᕆᒃᑯᑦ ᐱᒍᓐᓇᖅᑐᑦ ᑮᓇᐅᔭᓂᒃ.

“ᐃᓕᓐᓂᐊᕐᓂᖅ-ᑕᒪᕐᒥᒃ ᐱᖅᑯᓯᒃᑯᑦ ᖁᕝᕙᖅᓴᕐᓂᒃᑯᓪᓗ – ᖃᐅᔨᓴᑦᓯᐊᕈᑕᐅᔪᖅ ᐃᓄᐃᑦ ᒪᒃᑯᑦᑐᖅ ᓯᕗᓂᑦᓴᒥ ᓱᓕᕆᐊᑦᓴᖏᑦ ᑭᓪᓕᖃᓐᖏᒋᐊᖏᑦ. ᑎᒍᒥᐊᖅᑕᐅᔪᖅ ᓄᓇᕗᒻᒥᐅᓕᒫᓄᑦ ᐱᕈᖅᓴᐃᓂᖅ ᐃᑲᔪᖅᓯᒪᓂᕐᓗ ᒪᒃᑯᑦᑐᓂᒃ ᐃᓕᓐᓂᐊᓂᕐᒧᑦ ᐊᐅᓚᔾᔭᒋᐊᕈᑎᖏᓐᓂ ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ᐅᐱᒍᓱᓪᓚᕆᑦᑐᑦ ᒪᓂᒪᑎᑦᓯᒋᐊᑦᓴᖅ ᑲᑭᓃᑦ ᐊᐃᑦᑑᑎᖏᓐᓂᒃ ᖁᓕᓄᑦ ᐃᓕᓐᓂᐊᖅᑎᓄᑦ ᐃᓚᐅᓂᖃᖅᑐᓄᑦ ᐱᖅᑯᓯᕐᒨᖓᔪᓄᑦ ᖁᕝᕙᖅᓴᕐᓂᕐᒧᓪᓘᓐᓃᑦ.” ᐅᖃᖅᑐᖅ ᐊᖓᔪᖅᑳᖅ ᐹᓪ ᖃᓗᔾᔭᒃ.

ᐊᑎᖏᑦ ᑲᔪᑦᓯᐊᖅᑐᖅ ᐱᑎᑕᐅᔪᑦ ᓇᓗᓇᐃᖅᑕᐅᓛᖅᑐᑦ ᓄᓇᕗᑦ ᐅᓪᓗᖓᓂ, ᔪᓚᐃ 9, 2009, ᖁᕕᐊᓲᑎᖃᖅᑎᓪᓗᒋᑦ ᐃᖃᓗᓐᓂ.

ᐱᔭᕇᖅᓯᒪᔪᑦ ᑐᑦᓯᕋᐅᑏᑦ ᐱᔭᕇᖅᓯᒪᒋᐊᓖᑦ ᑕᓪᓕᒥᕐᒥ, ᒪᐃ 29, 2009 ᐅᓐᓄᓴᒃᑯᑦ 5-ᒥ ᑲᓇᓐᓇᐅᑉ ᓯᕿᓐᖑᔭᖓ ᒪᓕᓪᓗᒍ. ᑐᑦᓯᕋᐅᑏᑦ ᐊᑐᐃᓐᓇᐅᔪᑦ ᐅᕙᓂ www.tunngavik.com ᐅᕝᕙᓗ ᐅᖄᓚᓗᓯ 1-888-646-0006.

ᑐᑭᓯᒋᐊᒃᑲᓐᓂᕕᑦᓴᖅ:

ᕗᕌᖕᑯ ᕗᓴᒥ
ᐊᖓᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ
ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓂ
ᐅᖄᓚᐅᑎᖓ: (867) 975-4900 ᐊᑭᖃᓐᖏᑦᑐᖅ: 1-888-646-0006

www.tunngavik.com

NR 09-04 NDG INUK 2009 Kakiniit Grant.pdf