ᓴᒃᑯᑕᐅᑲᐅᑎᒋᔭᕆᐊᓕᒃ
(ᔭᓐᓄᐊᓕ 27, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᕿᓂᖅᑐᑦ ᐱᓇᓱᐊᕈᒪᔪᓂᒃ ᐃᓄᒃᑐᑦ ᐃᓕᓴᐃᔨᓂᒃ, ᐅᖃᓕᒫᒐᓕᐅᖅᑎᓂᒃ, ᐅᓂᒃᑳᖅᑎᓂᒃ, ᐊᒻᒪᓗ ᐅᖃᐅᓯᓕᕆᔨᓂᒃ ᓂᕈᐊᕐᕕᐅᔪᒫᕐᓂᐊᖅᑐᓂᒃ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒧᑦ ᓵᓚᒃᓴᕋᓱᕈᑎᓂᒃ ᓂᕈᐊᖅᑎᐅᓂᐊᖅᑐᓂᒃ ᑲᑎᒪᔨᕋᓛᓂᒃ.
“ᐃᓄᒃᑑᖅᑕ! ᓵᓚᒃᓴᐅᓯᐊᖅ ᐱᖕᒪᕆᐅᔪᖅ ᐊᑐᕋᑦᓴᖅ ᓄᓇᕗᒻᒥ ᐃᓄᐃᑦ ᓴᕐᖓᑎᑦᓯᑲᓐᓂᕈᓐᓇᖁᓪᓗᒋᑦ ᐊᒻᒪᓗ ᑲᔪᓯᑎᑦᓯᓂᕐᒧᑦ ᐅᖃᐅᓯᑦᑎᓐᓂᒃ,” ᐅᖃᖅᑐᖅ NTF ᐃᒃᓯᕙᐅᑕᖓ ᐹᓪ ᐃᕐᖓᐅᑦ. “ᓂᕈᐊᖅᑏᑦ ᑲᑎᒪᔨᕋᓛᖏᑦ ᑐᓂᔭᐅᖃᑦᑕᖅᓯᒪᔪᑦ ᓴᙱᔫᑎᓂᒃ ᐃᓄᒃᑑᖅᑕ ᐅᓂᒃᑳᓂᒃ ᐊᕐᕌᒍᑕᒫᑦ, ᐊᒻᒪᓗ ᐃᓇᑦᓯᔪᒍᑦ ᐃᓄᒃᑐᑦ ᖃᐅᔨᒪᔪᕐᔪᐊᓂᒃ ᐃᓱᒪᑦᓴᖅᓯᐅᕈᑕᐅᓂᐊᖅᑐᓂᒃ ᑲᑎᒪᔨᕋᓛᖑᖃᑕᐅᓂᕐᒧᑦ 2026 ᓵᓚᒃᓴᐅᓯᐊᑦᓴᒧᑦ.”
ᓂᕈᐊᖅᑏᑦ ᑲᑎᒪᔨᕋᓛᖏᑦ ᑎᒃᑯᐊᖅᑕᐅᓂᐊᖅᑐᑦ ᑐᙵᕕᒃᑯᓐᓄᑦ. ᑎᒃᑯᐊᖅᑕᐅᔪᑦ ᑲᑎᒪᔨᕋᓛᓄᑦ ᐊᔾᔨᒌᑎᑦᓯᒋᐊᓕᑦ, ᑕᑉᐲᓯᒪᙱᓪᓗᑎᒃ, ᐃᓱᒪᒃᓴᖅᓯᐅᕈᑎᖃᕐᓗᑎᓪᓗ ᑕᒪᐃᓐᓂᒃ ᐃᓄᒃᑐᑦ ᑎᑎᕋᖅᑕᐅᓯᒪᔪᓕᒫᓂᒃ. ᑲᑎᒪᔨᕋᓛᑦ ᐃᑉᐱᒋᔭᖃᑦᓯᐊᕆᐊᖃᕐᒥᔪᑦ ᑕᒪᐃᓐᓂᒃ ᐃᓄᒃᑐᑦ ᐅᖃᐅᓯᖃᑎᒌᖏᑦᑐᓂᒃ ᐊᒻᒪᓗ ᐅᖃᐅᓯᖃᑎᒌᖏᑦᑐᓂᒃ ᐊᑐᕈᒪᔭᖏᓐᓂᒃ ᐃᓄᒃᑑᖅᑕ! ᐱᓇᓱᐊᖅᑐᓂᒃ. ᑲᑎᒪᔨᕋᓛᑦ ᑎᒃᑯᐊᖅᑕᐅᓯᒪᓂᐊᖅᑐᑦ ᐊᕐᕌᒎᓐᓂᒃ ᒪᕐᕉᓐᓂᒃ, ᐅᖓᕙᕆᐊᖅᑕᐅᒍᓐᓇᕐᓗᑎᒃ ᐅᓂᓗᕝᕕᓐᓂᒃ ᑲᑎᒪᔨᕋᓛᖃᕆᐊᖃᖅᐸᑕ.
5-ᒥ ᐅᓐᓄᓴᒃᑯᑦ ᑲᓇᓐᓇᕐᒥ, ᕕᕝᕗᐊᓕ 20, 2026.ᑐᑭᓯᒋᐊᒃᑲᓂᕐᕕᒃᓴᖅ ᐃᑲᔪᖅᑕᐅᒍᒪᒍᕕᓪᓘᓐᓃᑦ ᑐᓂᓯᓂᕐᒥᒃ EOI, ᖃᐅᔨᒋᐊᕐᕕᒋᓗᒍ ᐊᕐᓇᐅᔭᖅ ᖃᐅᒪᒃ, ᑐᑭᒧᐊᒃᑎᑦᑎᔨᐅᑉ ᐃᑲᔪᖅᑎᖓ ᐃᓄᓐᓄᑦ ᐱᓕᕆᐊᒃᓴᑦ ᐱᔨᑦᓯᕈᑏᓪᓗ ᐃᕐᖐᓐᓈᕈᑎᒃᑯᑦ ᐅᕗᖓ (867) 975-7589 ᐊᑭᖃᙱᑦᑐᒧᓪᓘᓐᓃᑦ ᐅᕗᖓ 1-888-646-0006.
-30-
ᑐᓴᕋᑦᓴᙳᖅᑎᑕᐅᔪᓂᒃ ᖃᐅᔨᒋᐊᕐᕕᒃᓴᖅ:
ᐃᕙᓗᐊᕐᔪᒃ ᒦᕆᑦ
ᑐᑭᒧᐊᒃᑎᑦᑎᔨᖓ ᑐᓴᐅᒪᔾᔪᑎᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
