ᑐᓴᕋᑦᓴᓕᕆᔩᑦ

ᓄᓇᕗᖕᒥ ᐃᓄᖕᓄᑦ ᐃᓕᓴᐃᒍᑎᒃᓴᓂᒃ ᑯᐊᐳᕇᓴ ᐊᐅᓚᓂᖃᓕᕐᐳᖅ

ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ ᐅᓪᓗᒥ ᑐᓴᖅᑎᑎᖅᑲᐅᕗᑦ ᓄᑖᕐᒥᒃ ᐃᓕᓴᐃᓂᕐᒧᑦ ᑯᐊᐳᕇᓴᖓᑦ ᑲᑎᒪᒋᐊᙵᓚᐅᕐᒪᑕ ᑕᒪᑐᒪᓂ ᐱᓇᓱᐊᕈᓯᒃᑎᓐᓂᒃ ᐃᖃᓗᓐᓂᒃ.

ᐊᐅᓚᑕᐅᓂᐊᕐᑐᖅ ᑕᐃᔭᐅᓂᖃᓪᓗᓂᒃ ᒪᑭᒋᐊᖅᑕ ᐃᓄᖕᓄᑦ ᐃᓕᓴᐃᓂᕐᒧᑦ ᑯᐊᐳᕇᓴᒃᑯᑦ (ᒪᓕᒐᖅᑎᒍᑦ ᓇᓗᓇᐃᖅᑕᐅᕕᒃᓴᖓ ᓱᓕ ᑎᑎᕋᖅᑕᐅᒋᐊᓕᒃ), ᐃᓕᓴᐃᒍᑎᒃᓴᓂᒃ ᑯᐊᐳᕇᓴᒃᑯᑦ ᐱᙳᖅᑎᑕᐅᕗᖅ ᓄᓇᕗᑦ ᑐᙵᕕᒃᑯᑦ ᑎᒥᖓᓄᑦ ᓴᖅᑭᒃᑐᑦ ᐋᖅᑭᖃᑎᒌᓐᓂᕐᒧᑦ ᐊᖏᕈᑎᓕᐊᖑᓚᐅᕐᑐᓂᒃ ᓄᓇᕗᑦ ᑐᙵᕕᒃ ᑎᒥᖓᓄᑦ, ᒐᕙᒪᒃᑯᖏᓐᓄᑦ ᑲᓇᑕᐅᑉ ᐊᒻᒪᓗ ᓄᓇᕘᑉ ᒐᕙᒪᒃᑯᖏᓐᓄᑦ ᐊᑎᓕᐅᕐᑕᐅᓚᐅᕐᓯᒪᔪᒧᑦ ᒪᐃ 4, 2015-ᒥ ᐋᖅᑭᒍᑕᐅᓪᓗᓂ 2006-ᒥ ᐊᑐᓕᕐᑎᑕᐅᔭᕆᐊᓖᑦ ᐱᓪᓗᒋᑦ ᐃᖅᑲᖅᑐᐃᕕᒃᑰᕈᔾᔨᓂᕆᓚᐅᕐᑕᖏᓐᓄᑦ. ᐊᑑᑎᒃᓴᒫᖓᓕ ᐃᓕᓴᐃᒍᑎᒃᓴᓂᒃ ᑯᐊᐳᕇᓴᒃᑯᑦ ᐱᓕᕆᓂᖃᓐᓂᐊᕐᓗᑎᒃ ᐃᓕᓴᒍᑎᒃᓴᓂᒃ ᐊᒻᒪᓗ ᖃᐅᔨᒪᓂᖅᑖᕈᑎᒃᓴᓂᒃ ᐱᓕᕆᔾᔪᑎᐅᓂᐊᕐᓗᓂ ᓄᓇᕗᖕᒥ ᐃᓄᖏᓐᓄᑦ ᐊᔪᖏᓂᖅᑖᐸᓪᓕᖁᓪᓗᒋᑦ ᐅᕝᕙᓗ ᐃᖅᑲᓇᐃᔮᕐᑕᕈᓐᓇᓕᖁᓪᓗᒋᑦ ᐃᓄᐃᑦ.

“ᑖᓐᓇ ᐊᖏᔪᒥᒃ ᐃᒻᒪᕆᐅᔪᒥᒃ ᐱᔭᐅᔪᓐᓇᕐᓯᓯᒪᔪᖅ ᐃᓄᖕᓄᑦ. ᑯᐊᐳᕇᓴᖃᓕᕐᓗᓂ ᐊᒻᒪ ᐊᐅᓚᓂᖃᓕᕐᑎᓪᓗᒍ, ᓄᓇᕗᑦ ᑐᙵᕕᒃ ᑎᒥᖓ ᐱᕙᓪᓕᐊᓂᖃᕈᑕᐅᓂᐊᕋᓱᒋᔭᖓ ᐃᓄᐃᑦ ᐅᓄᕐᓂᕐᓴᐃᑦ ᐃᖅᑲᓇᐃᔮᕐᑖᕈᓐᓇᕐᓂᖏᓐᓄᑦ ᓄᓇᕗᖕᒥ ᐃᑲᔪᕈᑕᐅᓗᓂ ᐃᓄᖕᓂᒃ ᐃᖅᑲᓇᐃᔮᕐᑖᓂᕐᒧᑦ ᐊᒻᒪᓗ ᓯᕗᒧᒋᐊᒃᑲᓐᓂᕈᑕᐅᓗᓂ ᐃᖃᓇᐃᔭᕈᓐᓇᕐᑐᓄᑦ, ᐊᐅᓚᑦᓯᔨᐅᓂᕐᒥᒃ ᑎᑎᕋᕐᕕᖕᒥ ᖃᐅᔨᒪᓂᖃᑐᓂᒃ ᐱᓇᓱᐊᓂᕐᒥᒃ, ᐃᓕᓴᖅᑕᐅᓂᕐᒧᑦ ᐊᒻᒪᓗ ᐃᖅᑲᓇᐃᔮᖅᑖᕈᑕᐅᔪᓐᓇᑲᓐᓂᕐᓗᓂ ᑕᐃᒪᓐᓇ ᐱᕙᓪᓕᕈᑕᐅᓲᖑᒻᒪᒃ ᒪᑭᒃᑲᓐᓂᕈᑕᐅᓲᖑᓪᓗᓂᓗᑦ ᐃᓚᔮᕆᓄᑦ ᐊᒻᒪ ᓄᓇᖅᑲᑎᒌᓄᑦ.

ᑲᑎᒪᑎᓪᓗᒋᑦ, ᑯᐊᐳᕇᓴᒃᑯᑦ ᓈᖕᒪᒃᓴᓚᐅᕐᐳᑦ ᒪᓕᒐᕋᓛᒃᓴᒥᓐᓂᒃ ᐊᒻᒪᓗ ᓂᕈᐊᖅᑐᑎᒃ ᓯᕗᓪᓕᖅᐹᓂᒃ ᑲᑎᒪᔨᐅᓂᐊᕐᑐᓂᒃ, ᐱᖃᑕᐅᓪᓗᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᑳᑎ ᑕᐅᑐᙱ, ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓᑦᑕ ᑐᖏᓕᖓ ᔭᐃᒥᓯ ᐃᑦᑐᓗᒃ, ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓ ᓯᑖᓐᓕ ᐊᓇᑉᓚᒃ, ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓ ᑕᐃᕙᑦ ᓂᖏᐅᖓᓐ, ᕿᑭᖅᑕᓃ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓᑦ ᐸᐅᓗᓯ ᐊᕿᐊᕈᖅ, ᓄᓇᕗᑦ ᓯᕗᓕᖅᑎᖓ ᐲᑕ ᑕᑉᑑᓇ ᐊᒻᒪᓗ ᓄᓇᕗᑦ ᐃᓕᓐᓂᐊᕐᓂᓕᕆᓂᕐᒧᑦ ᒥᓂᔅᑕᖓ ᐹᓪ ᖁᐊᓴ.

“ᐃᓕᓐᓂᐊᕐᓂᓕᕆᓂᖅ ᐊᒻᒪᓗ ᐱᓕᒻᒪᒃᓴᐃᓂ ᐱᔭᐅᔭᕆᐊᖃᓪᓚᕆᒻᒪᑕ ᓯᕗᓂᒃᑎᓐᓄᑦ ᑲᔪᓯᑦᑎᐊᕆᐊᖃᓐᓂᕐᒧᑦ ᓄᓇᕘᒥ ᐊᒻᒪᓗ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᔪᓄᑦ. ᐱᙳᖅᑎᑕᐅᑎᓪᓗᒍ ᒪᑭᒋᐊᖅᑕ ᐃᓄᐃᑦ ᐃᓕᓴᐃᒍᑎᒃᓴᓂᒃ ᑯᐊᐳᕇᓴᒃᑯᑦ ᐱᒻᒪᕆᐅᔪᒥᒃ ᐊᓪᓗᕆᐊᕈᑕᐅᖕᒪᑦ ᐃᒻᒥᒃᑯᑦ ᒪᑭᒪᒐᓱᐊᕈᓐᓇᓂᕐᒧᑦ,” ᐅᖃᓚᐅᕐᑐᖅ ᓯᕗᓕᖅᑎ ᑕᑉᑑᓇ.

ᑯᐊᐳᕇᓴᒃᑯᑦ ᐋᖅᑭᒃᓱᐃᓛᕐᑐᑦ ᐅᐸᓗᖓᐃᔭᐅᑎᓂᒃ ᐸᕐᓇᒍᑎᓂᒃ ᑕᖅᑭᓂ ᖃᐃᔪᓂ ᑲᐅᔨᒪᒍᑕᐅᓂᐊᕐᑐᓂᒃ ᐱᓕᕆᐊᕆᔭᕆᐊᖃᖅᑕᖏᓐᓄᑦ. ᖃᐅᔨᒻᒪᑕᖃᓐᓂᐊᕐᑐᑦ ᑲᑎᒪᔨᓂ ᐱᙳᖅᑎᑕᐅᓛᕐᑐᓂᒃ ᐅᖃᐅᔾᔨᒋᐊᕐᑎᐅᓗᑎᒃ ᖃᐅᔨᒪᔨᒋᔭᐅᖃᑦᑕᓂᐊᕐᑐᓂᒃ ᑯᐊᐳᕇᓴᒃᑯᓐᓄᑦ ᑖᒃᑯᐊ ᐊᑑᑎᖃᑦᑎᐊᖁᓪᓗᒋᑦ ᑮᓇᐅᔭᑦ ᐃᓕᓐᓂᐊᕈᑎᒃᓴᐅᔪᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: