ᑐᓴᕋᑦᓴᓕᕆᔩᑦ

ᑐᓐᖓᕕᒃᑯᑦ ᐃᑲᔪᖅᓱᐃᔪᑦ ᓄᓇᓕᖓᓐᓂᒃ ᒥᑦᑎᒪᑕᓕᖕᒥ

(ᑎᓯᐱᕆ 05, 2008) — ᐃᖃᓗᐃᑦ, ᓄᓇᕗᑦ

ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ ᑭᖑᓪᓕᐅᓂᖅᓴᖅ ᑐᒡᓕᕆᔭᖓᑦ ᐊᖓᔪᕐᒧᑦ, ᕇᒪᓐ ᓂᖏᐅᑦᓯᐊᖅ ᐅᓪᓗᒥ ᐅᖃᖃᐅᔪᖅ ᑐᓐᖓᕕᒃᑯᑦ ᐃᑲᔪᖅᓱᐃᓕᕐᓂᖏᓐᓂᒃ ᒥᑦᑎᒪᑕᓕᖕᒥᐅᓂᒃ.

“ᐃᓄᐃᑦ ᒥᑦᑎᒪᑕᓕᖕᒥ ᐊᑐᕋᔪᖏᑦᑐᒻᒪᕆᐊᓗᖕᒥᒃ ᐅᒡᒍᐊᖅᓇᖅᑐᒥᒡᓗ ᑎᑭᑕᐅᓯᒪᖕᒪᑕ. ᐃᓅᓪᓗᑕ, ᐆᒪᔪᕐᓂᒃ ᐋᓐᓂᐊᖁᔨᔪᓐᓇᖏᓐᓇᑦᑕ. ᐅᐱᒋᑦᑎᐊᖅᐸᒃᑲ ᒥᑦᑎᒪᑕᓕᖕᒥᐅᑦ ᐋᓐᓂᐊᕐᓇᖏᓛᕐᓂᒃ ᓈᒻᒪᓛᕐᓂᒡᓗ ᐊᑐᕐᓂᖏᓐᓂᒃ ᑕᐃᒪᐃᑦᑐᖃᖅᑎᓪᓗᒍ,” ᐅᖃᖃᐅᔪᖅ ᓂᖏᐅᑦᓯᐊᖅ.

ᔭᐃᑯ ᐋᓗᓘ ᐃᒃᓯᕙᐅᑕᕆᔭᐅᔪᖅ ᒥᑦᑎᒪᑕᓕᖕᒥ ᐊᖑᓇᓱᒃᑎᒃᑯᑦ ᑲᑐᔾᔨᖃᑎᒌᖏᓐᓄᑦ ᒥᑦᑎᒪᑕᓕᖕᒥ. ᐅᖃᖃᐅᔪᖅ ᑕᐃᒪᐃᒐᔪᖏᑦᑐᒻᒪᕆᐊᓘᓂᕋᐃᓪᓗᓂ; ᑭᖑᓪᓕᕐᒥ ᐊᔪᖅᓯᓯᒪᓚᐅᖅᓯᒪᔪᑦ ᑐᒑᓖᑦ ᒥᑦᑎᒪᑕᓕᐅᑉ ᖃᓂᒋᔮᓂ 70-ᖑᓚᐅᖅᑐᓂ ᐊᕐᕋᒍᓂ ᐊᓂᒍᖅᓯᒪᓕᖅᑐᓂ.

“ᐊᒃᑑᕙᐅᓚᐅᖅᑐᒥ, ᑑᒐᓖᑦ ᕿᓚᓗᒐᐃᑦ ᑕᑯᔭᐅᖃᑦᑕᓚᐅᖅᑐᑦ ᐅᑎᖅᐸᓪᓕᐊᔪᑦ  ᐃᓐᓈᓘᑉ ᑲᖏᖅᖢᐊᕐᔪᐊᓄᑦ, ᐃᒻᒪᖃ ᐱᔾᔪᑕᐅᓪᓗᑎᒃ ᐋᕐᓗᐃᑦ ᑕᑯᔭᐅᖃᑦᑕᓚᐅᕐᓂᖏᑦ ᑕᐅᕙᓂ. ᓯᑯᓴᕋᐃᓐᓂᕐᒧᓪᓗ, ᐃᓚᖏᑦ ᑐᒑᓖᑦ ᐊᔪᖅᓯᓯᒪᔪᕕᓂᐅᔪᒃᓴᐅᔪᑦ ᓯᑯᒥ. ᒪᑐᐃᖓᔪᖃᓲᖑᒐᓗᐊᕐᒪᑦ ᐊᕐᕋᒍᑕᒫᖅ ᓯᑯᕙᓪᓕᐊᓕᓵᖅᑎᓪᓗᒋ, ᑭᓯᐊᓂ ᑕᒪᑐᒪᓂ ᐊᕐᕋᒍᒥ, ᒪᕐᕉᖕᓂᒃ ᐱᓇᓱᐊᕈᓰᖕᓂ ᐃᒃᑮᕐᓇᖅᓯᑳᓪᓚᓚᐅᕐᒪᑦ ᓯᓚᑦᑎᐊᕙᐅᖏᓇᖅᓱᓂᓗ. ᓯᑯᖓ ᑕᐅᕙᓂ ᑲᖏᖅᖢᐊᕐᔪᐊᓂ ᓯᑯᓯᒪᑳᓪᓚᓚᐅᕐᒪᑦ, ᑕᐅᕗᖓᓕᒫᖅ ᓴᓐᓂᕈᑎᐅᑉ ᑕᕆᐅᖓᓄᑦ,” ᐅᖃᖃᐅᔪᖅ ᔭᐃᑯ ᐋᓗᓘ.

ᑕᐃᒪᓕ ᑐᓐᖓᕕᒃᑯᑦ ᐃᑲᔪᖅᓱᐃᓂᐊᖅᐳᑦ ᒥᑦᑎᒪᑕᓕᖕᒥᐅᑦ ᐊᖑᓇᓱᒃᑎᒃᑯᖏᓐᓂᒃ ᐱᔭᕇᖅᑕᐅᑦᑎᐊᖁᓪᓗᒋᑦ ᐊᓐᓂᐊᕈᓐᓃᖅᑎᑦᑎᓂᕐᒧᑦ ᕿᓇᓗᒐᕐᓂᐊᕐᓂᕐᒥᒃ, ᒪᒃᑖᓪᓗ ᑐᓂᐅᖃᖅᑕᐅᓂᐊᕐᓂᖏᓐᓂ ᓄᓇᓕᖕᓄᑦ ᑕᒪᐃᓐᓂ ᓄᓇᕗᒻᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ:

ᕗᕌᖕᑯᑦ ᐳᓯᐊᒥ

ᐊᐅᓚᑦᑎᔨᐅᑉ ᑐᒡᓕᕆᔭᖓ ᑐᓴᐅᒪᑎᑦᑎᓂᕐᒧᑦ

ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ

ᐅᖄᓚᐅᑦ: (867) 975-4939 ᐅᖓᓯᒃᑐᒥᒃ ᐊᑭᖃᖏᑦᑐᖅ: 1-888-646-0006

NR 08-43 PON INUK Trapped Whales in Pond Inlet.doc