ᓴᒃᑯᑕᐅᑲᐅᑎᒋᔭᕆᐊᓕᒃ
(ᔫᓂ 19, 2024 – ᐃᖃᓗᐃᑦ, ᓄᓇᕗᑦ) ᑲᓇᑕᒥ ᓄᓇᖃᖅᑳᖅᓯᒪᔪᑦ ᐅᓪᓗᖓᑕ ᓯᕗᓂᐊᒍᑦ, ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᖁᕕᐊᓱᑉᐳᖅ ᓴᖅᑭᖅᑎᑦᑎᔭᕆᐊᒃᓴᖅ ᐱᖓᔪᒋᓕᖅᑕᖓᓂᒃ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒧᑦ ᐱᔾᔪᓯᐊᕐᒥᒃ.
ᐃᓄᒃᑑᖅᑕ! ᐱᔾᔪᓯᐊᖅᑖᕆᔭᐅᒐᔭᖅᑐᖅ ᐊᑕᐅᓯᕐᒧᑦ ᓄᓇᕗᒻᒥ ᐃᓄᒻᒧᑦ ᑎᑎᕋᕈᓐᓇᖁᓪᓗᒍ ᐊᒥᓲᓛᕐᓂᑦ ᐱᔾᔪᓯᐊᖅᑖᕐᓗᓂ $80,000 ᐊᒻᒪᓗ ᐃᑲᔪᖅᑐᐃᔾᔪᑕᐅᔪᖅ ᑎᑎᕋᕈᓐᓇᖁᓪᓗᒍ ᓵᓚᒃᓴᖅᑐᖅ ᐊᑕᐅᓯᕐᒧᑦ ᐊᕐᕌᒍᒧᑦ ᐅᖓᑖᓄᑦ, ᐱᖃᓯᐅᑎᓪᓗᒍ ᓇᔪᒐᖃᕋᔭᕐᓗᓂ ᑎᑎᕋᖃᑦᑕᕋᔭᕐᓂᖓᓄᑦ ᐊᒻᒪᓗ ᐃᓕᓴᐃᔨᖃᕐᓗᓂ ᐋᖅᑭᒃᓱᐃᒍᓐᓇᖁᓪᓗᒋᑦ ᑎᑎᕋᖅᑕᒥᓂᖏᑦ ᐅᖃᓕᒫᒐᕈᖅᑎᑕᐅᒐᔭᕐᒪᑕ. ᑎᓴᒪᒃᑲᓐᓃᑦ ᐱᔾᔪᓯᐊᖅᑖᕆᔭᐅᒐᔭᕐᒥᔪᑦ $10,000, $5000, $3000, ᐊᒻᒪᓗ $2000. ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᖅᑲᓇᐃᔭᖃᑎᖃᕋᔭᖅᑐᑦ ᓵᓚᒃᓴᖅᑐᓂᑦ ᑎᑎᕋᖅᑎᓂᑦ ᐱᔭᕇᖁᓪᓗᒋᑦ ᐊᒻᒪᓗ ᑎᑎᕋᖅᑕᐅᓗᑎᑦ ᐃᖅᑲᓇᐃᔮᖏᑦ ᑎᑎᕋᖅᑕᒥᓂᖏᑦ.
“ᐃᑲᔪᖅᑐᐃᓪᓗᓂ ᑲᔪᖏᖅᓴᐃᓪᓗᓂᓗ ᑎᑎᕋᖅᑎᓂᑦ ᐋᖅᑭᒃᓱᐃᖁᓪᓗᒋᑦ ᐃᓄᒃᑑᖓᔪᓂᑦ ᓴᙵᑦᑎᑕᐅᔾᔪᑕᐅᒐᔭᖅᑐᖅ ᐊᒻᒪᓗ ᐊᑐᔫᒥᓕᖅᑎᑕᐅᓗᓂ ᐅᖃᐅᓯᑦᑎᓐᓂᒃ. ᐅᖃᕈᓯᕐᓂᒃ ᑎᑎᕋᕋᓗᐊᕈᕕᑦ ᐃᓄᐃᓐᓇᖅᑐᑦ ᐃᓄᒃᑎᑐᓪᓘᓐᓃᑦ, ᓄᓇᕗᑦ ᑐᙵᕕᒃ ᑎᒥᖓ ᑕᑯᔪᒪᕗᑦ ᑎᑎᕋᖅᑕᒥᓂᕐᓂᑦ ᐊᒻᒪᓗ ᐅᓪᓗᒥᐅᔪᖅ ᐅᖃᓕᒫᖅᑎᕗᑦ, ᓯᕗᓂᒃᓴᒥᓗ ᐅᖃᓕᒫᖅᑎᒋᓛᖅᑕᕗᑦ, ᖁᕕᐊᒋᔭᖃᓛᕐᒪᑕ ᓴᓇᔭᒥᓂᕐᓂᑦ ᐃᓄᒃᑑᖓᔪᓂᑦ.” ᐅᖃᖅᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ.
ᐊᑐᖅᑕᐅᒋᐊᓯᔪᒻᒪᓂᑦ ᑕᒪᓐᓇ 2020−ᐅᑎᓪᓗᒍ, ᓄᓇᕗᑦ ᑐᙵᕕᒃ ᑎᒥᖓ ᐱᔾᔪᓯᐊᖅᑎᑦᑎᓯᒪᓕᖅᑐᑦ ᐃᒪᓐᓇᓂᑦ $200,000.00 ᓵᓚᖃᐅᓯᐊᕐᓂᑦ ᑖᒃᑯᓄᖓ ᐃᓄᐃᑦ ᑎᑎᕋᖅᑎᕈᖅᐸᓪᓕᐊᔪᓄᑦ. ᐅᐊᑦᑎᐊᕈ ᐱᔾᔪᓯᐊᖅᓯᒪᓂᑰᒃ ᓗᐃ ᐋᕆᐊᒃ, ᐊᒻᒪᓗ ᓲᓴᓐ ᑎᒍᓪᓚᒐᖅ.
ᑐᑭᓯᒋᐊᒃᑲᓐᓂᕈᒪᒍᕕᑦ.ᓵᓚᒃᓴᖅᑐᖅ ᑭᓇᐅᒻᒪᖔᖅ ᐅᖃᐅᓯᐅᓛᖅᑐᖅ ᑎᓰᕝᕙ 4, 2024−ᖑᓕᖅᐸᑦ ᑕᐃᑲᓂ ᐃᓄᒃᑑᖅᑕ! ᓂᕆᕕᔾᔪᐊᖅᑎᓪᓗᒋᑦ ᐊᖅᓴᕐᓃᑦ ᑐᔪᕐᒥᕕᖓᓂ ᐃᖃᓗᓐᓂ.
-30-
ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒃᑲᐃᔪᓐᓇᖅᑐᑦ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᔪᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓ
