ᓴᒃᑯᑕᐅᑲᐅᑎᒋᔭᕆᐊᓕᒃ
(ᒪᐃ 7, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᔨᐅᓚᒥ ᑑᕐᖔᓗᒃ ᖁᕕᐊᓱᒃᑐᖅ ᑐᓴᖅᑎᑦᑎᔭᕆᐊᒃᓴᖅ 2025-2026-ᒥ ᐅᖃᐅᓯᕐᖓᖅ ᑮᓇᐅᔭᓄᑦ ᑐᒃᓯᕋᐅᑎᓕᐅᖁᔨᔾᔪᑎᓕᐅᕈᓐᓇᖅᓯᒻᒪᑕ ᐃᓄᐃᑦ, ᐃᓄᖕᓄᑦ ᓯᕗᒃᑲᖅᑖᖑᔪᖅ ᐱᓕᕆᐊᖅ ᑮᓇᐅᔭᖃᖅᑎᑕᐅᔪᑦ ᑲᓇᑕᒥ ᒐᕙᒪᒃᑯᓐᓄᑦ ᐃᑲᔪᖅᑐᖅᑕᐅᖁᓪᓗᒋᑦ ᓴᐳᒻᒥᐅᓯᖅᑕᐅᓂᖓᓄᑦ, ᑕᓱᖅᑕᐅᓂᖓᓄᑦ, ᐊᑐᖅᑕᐅᒃᑲᓐᓂᓕᒻᒪᕆᒃᑎᑕᐅᓇᓱᐊᕐᓂᕐᒧᑦ, ᐊᒻᒪᓗ ᓱᕐᕋᕐᔭᐃᖅᓯᒪᓂᖓᓄᑦ ᐃᓄᒃᑐᑦ ᓄᓇᕗᓕᒫᕐᒥ ᐅᖓᑖᓄᓪᓗ.
“ᓯᕗᓪᓕᐅᔾᔭᐅᓗᐊᒻᒪᕆᒐᓱᒃᑐᖅ ᐃᓄᖕᓂᒃ ᒪᑭᑉᐸᓪᓕᐊᑎᑦᑎᓂᖅ 2025-2029, ᓄᓇᕗᑦ ᑐᙵᕕᒃ ᑎᒥᖓᑕ ᑎᓴᒪᓄᑦ ᐊᕐᕌᒍᓄᑦ ᖃᓄᖅᑑᕈᑎ ᓯᕗᓪᓕᐅᔾᔭᐅᖁᔭᖅ, ᐃᓄᒃᑑᖏᓪᓐᓇᕐᓗ;ᑎᑦ − ᖃᐅᔨᒪᑦᑎᐊᑎᑦᑎᔪᖅ ᐃᓄᒃᑐᑦ ᐊᑐᖅᑕᐅᑦᑎᐊᖏᓐᓇᖅᑐᑯᓘᒐᒥᒃ ᓄᓇᕗᒻᒥᐅᓄᑦ ᐃᓄᖕᓄᑦ,” ᐅᖃᖅᑐᓂ ᐊᖓᔪᖅᑳᖅ ᑑᕐᖔᓗᒃ. “ᐊᒻᒪᓗ ᐅᖃᐅᓯᓕᕆᓂᕐᒧᑦ ᑮᓇᐅᔭᓂᒃ ᐊᑐᕆᐊᓯᒍᓐᓇᕐᓗᓂ ᐃᑲᔪᕐᓂᐊᕐᒪᑦ ᐅᕙᑦᑎᓐᓂᒃ ᑎᑭᓪᓗᒍ ᑕᒪᓐᓇ ᑐᕌᒐᕆᔭᐅᔪᖅ”.
ᑐᒃᓯᕋᐅᑏᑦ ᑕᑯᒃᓴᐅᑎᑦᑎᔭᕆᐊᓖᑦ ᖃᓄᖅ ᖃᓄᐃᓕᐅᕈᑕᐅᒐᔭᖅᑐᑦ ᐱᔨᑦᑎᕋᕋᔭᕐᒪᖔᕐᒥᒃ ᐊᒥᓲᓂᖅᓴᖏᖕᓄᑦ ᓄᓇᕗᒻᒥ ᐃᓄᒻᒪᕆᖏᑦ ᐊᒻᒪᓗ ᐃᑲᔪᖅᑐᐃᓗᑎᑦ ᐊᑕᐅᓯᕐᒥᒃ ᐅᖓᑖᓄᓪᓘᓐᓃᑦ ᑮᓇᐅᔭᑦ ᐊᑐᖅᑕᐅᔪᓐᓇᕐᓂᖏᑦᑕ ᓯᕗᓪᓕᐅᑎᑕᐅᒐᔭᖅᑐᑦ ᐱᑎᑕᐅᓗᑎᑦ, ᐱᖃᓯᐅᑎᓗᒋᑦ ᐅᑯᐊ:
1. ᐃᓄᒃᑐᑦ ᑕᑯᓐᓇᒐᒃᓴᓕᕆᓂᖅ ᓴᓇᙳᐊᕐᓂᖅ ᑕᐅᑐᕋᓐᓈᑎᑦᓯᓂᕐᓗ
2. ᐃᓄᒃᑐᑦ ᐃᓕᓐᓂᐊᖅᑎᑦᑎᓂᖅ
3. ᐃᓄᒃᑐᑦ ᐅᖃᐅᓯᕐᒥᒃ ᐊᔪᕈᓐᓃᖅᓴᑎᑦᑎᓂᖅ
4. ᐃᓄᒃᑐᑦ ᓄᓇᓕᓐᓂ ᐱᓕᕆᐊᓕᐅᕐᓂᖅ
5. ᐃᓄᒃᑐᑦ ᐅᖃᐅᓯᖅ ᑎᑎᖅᑐᖅᑕᐅᓂᖓ
ᐱᓕᕆᐊᑦ ᐱᔭᕇᖅᑕᐅᓯᒪᔭᕆᐊᓖᑦ ᒫᑦᓯ 31, 2026 ᐊᓂᒍᓚᐅᙱᓐᓂᖓᓂᒃ, ᐊᒻᒪᓗ ᓇᓕᒧᓐᓂᖃᕐᓗᓂ ᐊᒥᓱᕈᕆᐊᖅᑎᑦᑎᓗᑎᓪᓗ ᐊᑐᖅᑕᐅᒍᓐᓇᕐᓂᖏᓐᓂᒃ ᐃᓄᒃᑐᑦ ᐅᖃᐅᓯᓕᕆᔾᔪᑎᓂᒃ, ᐃᓕᓐᓂᐊᕋᒃᓴᓂᒃ, ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐃᓕᓐᓂᐊᕈᑎᓂᑦ ᓄᓇᕗᒻᒥ ᐃᓄᖏᖕᓄᑦ.
.-30-
ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒃᑲᕈᓐᓇᖅᑐᑦ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᔪᓕᕆᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ
