Nunavut Tunngavik Timinga ublumi ukaktut malgunik havaktikaliktut ikayugiagnaik munagitjutikhainik Inminik Ilihaktut Ikayugutikhait Pilihimayuinik. Donna Adams ovalo Paul Sammurtok havaktiliktuk ikayugiaganik ilihagiaktukhimayut ilihaktut Nunavumi pilaagiaganik pilihimayuit.
Inminik Ilihaktut Ikayugutikhait pilihimayuit ilauyut Kanatami Kavamatkut Ilihagiaktukhimayut Angigutaanut. Tamamil ilihagiaktukhimayut ilihakhimayhut pihimayut Aatjikutainik Pihimayait Akiligutainik kitkanit ukiumit 2007mit ovalo 2012mut pilaaniaktut pilaagutainik atugutikhait Inminik Ilihaktut Ikayugutikhait. Crawford Akigaktukhimayait tuniniaktait ilihagiaktukhimayut pilihimayuit uktugutikhainik makpigaanik titigakut. Pikaktut hanik 2, 600mik Nunavumi Inuit pilaaktut Inminik Ilihaktut Ikayugutikhainik, ilauyut Inuit inuuyut hilataanik Nunavumit.
Atauhimik Inminik Ilihaktut Ikayugutikhait $3,000mik ilihaktut pilaitut kinauyakhainik ovaluniit chekhainik, kihimi ikayugutikhait ilihakvimi nani ilihagiaktukhimayut ilauyumayut ilihakvianut. Ilihagiaktukhimayut ilihaktut Nunavumit atulaaktait hamna ikayugutikhait mikhaanut Iliniagiakpaalivikmut ilihagutikhait pilihimayuinut ovalo ilihagiaganik Inuit kinguliit, inuuviviniit ovalo ukautait pilihimayuit ovalo ilihaktakhainik.
Adams ovalo Sammurtok ikayuniaktait ilihakgiaktukhimayut iniktigutainik makpigaat ovalo nakuuyumik naluhuigiaganik ovalo pilaagiaganik amigaitut pilaaktait ataani Inminik Ilihaktut Ikayugutikhait pilihimayuit. Pilihimayuit iniktikhimayut January 1mi, 2014. Ilihagiaktukhimayut pilaaniaktut October 31mut tunilutik Ilitagitjutait Makpigaat ovalo pilaaniaktut December 1mik, 2014, piyaanganik ikayugutikhait.
Adams fonilaaktuk NTIkut titigakviani Kangiklinimi, foninga: 1-888-236-5400. Sammurtok Iqalumiiniaktuk ovalo fonilaaktuk hamani: 1-888-646-0006.
