ᑐᓴᕋᑦᓴᓕᕆᔩᑦ

ᓄᓇᕗᑦ ᑐᙵᕕᒃ ᑎᒥᖓᑦ ᖁᕕᐊᓱᖃᑎᒋᕙᙱᑦ ᐃᓄᐃᑦ ᑕᓪᓗᕈᑎᐅᑉ ᒥᒃᓵᓄᑦ ᐊᙱᕈᑎᑦ ᐱᑉᓗᒋᑦ

(ᑎᓴᒻᐸ 10, 2009 ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᙵᔪᖅᑳᖓᑦ ᐹᓪ ᖃᓗᔾᔭᖅ ᐅᑉᓗᒥ ᖁᕕᐊᓱᖃᑎᖃᖅᐳᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒋᓐᓂᒃ ᐊᑎᓕᐅᕆᑎᓪᓗᒋᑦ ᑐᑭᓯᐅᒪᖃᑦᑕᐅᑎᑦᑎᐊᕐᓂᕐᒧᑦ ᐊᙱᕈᑎᒧᑦ ᐃᓚᒋᓪᓗᒋᑦ ᓄᓇᕗᑦ ᒐᕙᒪᑉᑯᙱᑦ ᐊᒻᒪᓗ ᖃᓇᑕᐅᑉ ᒐᕙᒪᑉᑯᙱᑦ ᐱᑉᓗᒋᑦ ᑐᒃᓯᕋᐅᑎᑦ ᑲᓇᑕᓕᒫᒧᑦ ᑕᕆᐅᕐᒥᐅᑕᓂᑦ ᓴᐳᒻᒥᕕᖕᒥᑦ ᑕᐃᔭᐅᔪᖅ ᑕᓪᓗᕈᑎᑦ, ᐊᒻᒪᓗ ᖃᐅᔨᒪᔭᐅᔪᖅ ᑕᐃᒪᓐᓇ ᑕᓪᓗᕈᑎᐅᑉ ᑕᕆᐅᖓ. ᒐᕙᒪᑉᑯᑦ ᑲᓇᑕᒥ ᐅᖃᖅᑐᑦ ᐊᑎᓕᐅᕆᓂᖅ ᐅᑯᓂᖓ ᑐᑭᓯᐅᒪᖃᑦᑕᐅᑎᑦᑎᐊᕐᓂᕐᒧᑦ ᐊᙱᕈᑎᓂᑦ ᐃᑉᐸᒃᓴᖅ ᐋᑐᕚᒥ. ᖃᓗᔾᔭᖅ ᐅᐸᓚᐅᖅᑐᖅ ᐱᕕᒃᔪᐊᖅᑐᓄᑦ.

“ᐃᓄᐃᑦ ᕿᑭᖅᑖᓗᖕᒥ, ᐊᖅᑯᑎᒋᑉᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐊᐱᕆᓚᐅᖅᓯᒪᖕᒪᑕ ᓄᓇ ᓴᐳᔾᔭᐅᓯᒪᔭᕆᐊᖃᕐᓂᐊᓂᒃ ᐅᑭᐅᓄᑦ ᐊᕙᑎᓄᑦ (20) ᐱᑉᓗᒋᒃ ᑕᕆᐅᕐᒥᐅᑕᐃᑦ ᐆᒪᔪᑦ ᐆᒪᔪᓐᓇᕐᓂᐊᕐᒪᑕ ᑕᐅᕙᓂ,” ᐅᖃᖅᑐᖅ ᖃᓗᔾᔭᖅ.

“ᖁᔭᓐᓇᒦᖅᑕᒃᑲ ᑲᓇᑕᐅᑉ ᐊᒻᒪᓗ ᓄᓇᕗᑦ ᒐᕙᒪᑉᑯᙱᑦ ᑕᐃᒪᓐᓇ ᐊᖅᑭᒃᓱᐃᑎᓪᓗᒋᑦ ᓱᓕᔪᙳᖅᑎᑦᑎᓂᕐᒧᑦ.” ᐅᖃᐅᓯᐅᔪᖅ ᑐᑭᓕᒃ ᐃᒪᓐᓇ $5-ᒥᓕᔭᓐᑖᓚᑦ ᐊᑐᖅᑕᐅᓂᐊᕐᓂᙱᓐᓂᒃ ᐃᒻᒪᖄ ᖃᐅᔨᓴᕈᑕᐅᓗᓂ ᐅᖃᖃᑎᖃᕐᓂᕐᒥᑦ ᐃᓄᖕᓂᑦ ᐊᒻᒪᓗ ᐊᒃᑐᖅᑕᐅᓯᒪᔪᓂᒃ ᓄᓇᓕᑦ ᓇᓗᓇᐃᖅᓯᓂᐊᕐᓗᑎᒃ ᐱᔪᒪᔭᐅᔪᑦ ᑭᒡᓕᒃᓴᙱᓐᓄᑦ ᓄᓇᐃᑦ ᒪᑯᓄᖓ ᓴᐳᒻᒥᕕᐅᔪᒪᔪᓄᑦ ᓄᓇᓂᑦ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᑦ ᐃᓚᐅᓂᖃᒻᒪᕆᖕᓂᐊᖅᑐᑦ ᖃᐅᔨᓴᕐᓂᐅᔪᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ: