ᑐᓴᕋᑦᓴᓕᕆᔩᑦ

ᕿᓚᓗᒐᕐᓂᒃ ᑑᒑᓕᖕᓂᑦ ᐊᐅᓚᑦᓯᖃᑎᒌᖕᓂᕐᒧᑦ ᐸᕐᓇᐅᑏᑦ ᑐᓂᔭᐅᔪᑦ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ

ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᕆᑲᐃᓐᓇᖅᑕᖓᑦ ᔭᐃᒻᔅ ᐃᑦᑐᓗᒃ ᐅᓪᓗᒥ ᑎᓕᐅᕆᕗᖅ ᐃᓄᐃᑦ ᐅᐸᐅᑎᖁᓪᓗᒋᑦ ᓈᓚᒃᑎᑦᓯᓂᐅᔪᒧᑦ ᐃᖃᓗᖕᓂᑦ ᓴᖅᑭᑎᑕᐅᓪᓗᓂ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ ᕿᒥᕐᕈᓂᐊᖅᑐᑎᒃ ᑲᑎᑕᐅᓯᒪᔪᓂᒃ ᐃᖃᓗᓕᕆᓂᕐᒧᑦ ᐊᐅᓚᑦᓯᔾᔪᑎᒃᓴᑦ ᐊᒻᒪ ᑑᒑᓕᖕᓄᑦ ᑐᒃᓯᕋᐅᑕᐅᔪᖅ ᐃᖃᓗᓕᕆᔨᒃᑯᑦ, ᐃᒪᕐᒥᐅᑕᓕᕆᔨᒃᑯᓐᓄᓪᓗ.

ᑖᒃᑯᐊ ᐊᐅᓚᑦᓯᖃᑎᒌᒍᑎᒃᓴᑦ ᐸᕐᓇᐅᑏᑦ ᐋᖅᑭᒃᓱᖅᓴᑕᐅᓚᐅᖅᑐᑦ ᑖᒃᑯᓄᖓ ᐃᖃᓗᓕᕆᔨᒃᑯᑦ, ᐃᒪᕐᒥᐅ

ᐃᒪᕐᒥᐅᑕᓕᕆᔨᒃᑯᓐᓄᓪᓗ ᐋᔩᖃᑎᖃᖅᑐᑎᒃ ᓄᓇᕗᑦ ᑐᓐᖓᕕᒃᑯᓐᓂᒃ, ᐊᕕᒃᑐᖅᓯᒪᓂᐅᔪᑦ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᐊᒻᒪ ᓄᓇᓖᖅ ᐊᖑᓇᓱᒃᑐᓕᕆᔨᖏᑦᑕ ᑲᑐᔾᔨᖃᑎᒌᖏᑦ ᐋᖅᑭᒃᓯᒐᓱᐊᖅᑐᑎᒃ ᐅᓄᕐᓂᖏᓐᓂᒃ ᐊᓐᖑᑕᐅᔪᓐᓇᖅᑐᑦ ᑑᒑᓕᖕᓂᑦ ᐃᒃᐱᒍᓱᑦᓯᐊᖅᑐᓂᒃ ᐃᓄᐃᑦ ᐊᖑᓇᓱᐊᕈᓐᓇᕐᓂᕐᒧᑦ ᐱᔪᓐᓇᐅᑎᖏᓐᓂᒃ ᓴᖅᑭᔮᖅᑎᑦᓰᓐᓇᕐᓗᑎᒃ ᐋᖅᑭᐅᒪᑎᑦᓯᔪᓐᓇᕐᓂᕐᒥᑦ ᐊᒻᒪ ᑕᐅᖅᓰᒍᑕᐅᖃᑦᑕᕐᓂᖏᓐᓄᑦ ᑑᒑᓖᑦ.  ᑖᒃᑯᐊ ᐊᐅᓚᑦᓯᖃᑎᒌᒍᑕᐅᓂᐊᖅᑐᑦ ᐸᕐᓇᐅᑏᑦ ᓴᖅᑭᑦᓯᒍᒪᓂᐊᖅᑐᑦ ᐅᓄᕐᓂᖏᓐᓂᒃ ᐊᓐᖑᑕᐅᔪᓐᓇᖅᑐᑦ ᒪᓕᒡᓗᒋᑦ ᐊᐅᔭᒃᑯᑦ ᕿᓚᓗᒐᐅᕙᒃᑐᓂᒃ, ᒪᕐᕉᒃ ᓂᕕᑲᑖᖃᕈᑕᐅᓂᐊᖅᑐᑦ ᐃᓚᖏᑦ ᓄᓇᓖᑦ ᐊᒻᒪ ᓄᑖᓂᒃ ᐅᓂᒃᑳᖃᑦᑕᕆᐊᖃᕈᑎᖃᓕᕐᓗᑎᒃ ᐊᖑᓇᓱᒃᑏᑦ.

ᐃᖃᓗᓕᕆᔨᒃᑯᑦ, ᐃᒪᕐᒥᐅᑕᓕᕆᔨᒃᑯᓐᓄᓪᓗ ᑭᖑᓪᓕᖅᐹᒥ ᑎᑎᕋᖅᑕᖓᑦ ᐸᕐᓇᐅᑎᓕᐊᖅ ᐊᒻᒪ ᑐᓂᔭᐅᓪᓗᓂᐊᖏᕈᑕᐅᔪᒃᓴᐅᓪᓗᓂ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ ᐋᔩᖃᑎᖃᓚᐅᖅᑐᑎᒃ ᐃᓄᖕᓂᑦ ᒫᑦᓯᐅᓚᐅᖅᑐᒥ ᑭᖑᓪᓕᖅᐹᒥ.  ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᕿᒥᕐᕈᓂᐊᓕᖅᑐᑦ ᑖᒃᑯᓂᖓ ᐸᕐᓇᐅᑎᓂᒃ ᐊᒻᒪ ᑐᓴᕋᓱᐊᕐᓗᑎᒃ ᐊᒻᒪ ᐅᖃᕐᕕᐅᓗᑎᒃ ᐃᓄᖕᓄᑦ ᐊᒻᒪ ᑕᖅᑲᒃᑯᓄᖓ.  ᑖᓐᓇ ᐊᖏᕈᑕᐅᒃᐸᑦ ᐸᕐᓇᐅᑕᐅᔪᖅ, ᑖᒃᑯᐊ ᑐᓂᔭᐅᓪᓗᓂᐊᖏᕈᑕᐅᔪᒃᓴᐅᓪᓗᓂ  ᐃᖃᓗᓕᕆᔨᒃᑯᑦ, ᐃᒪᕐᒥᐅᑕᓕᕆᔨᒃᑯᓐᓄᓪᓗ ᒥᓂᔅᑕᖓᑦ ᐋᖅᑭᒃᓯᒍᓐᓇᖅᓯᓂᐊᖅᑐᖅ ᑲᑎᓪᓗᒋᑦ ᐅᓄᕐᓂᒃᓴᖏᓐᓂᒃ ᐊᓐᖑᑕᐅᔪᓐᓇᖅᑐᑦ ᐊᒻᒪ ᑖᒃᑯᐊ ᓄᑖᑦ ᐸᕐᓇᐅᑏᑦ ᐋᖅᑭᒃᓯᒪᓕᕐᓂᐊᕐᓗᑎᒃ ᑖᒃᑯᐊ (ᑲᑎᒪᔩᑦ ᓄᓇᕐᔪᐊᓂ ᐊᑦᑕᕐᓇᖅᑐᒦᓐᓂᕋᖅᑕᐅᔪᑦ ᑕᐅᖅᓰᒍᑕᐅᖃᑦᑕᕐᓂᖏᓐᓄᑦ) ᑲᑎᒪᓂᖓᑦ ᒫᑦᓯ 2013 ᐊᒻᒪ ᓈᒻᒪᓈᕐᓗᑎᒃ ᑭᖑᓪᓕᕐᒧᑦ ᑑᒑᓕᖕᓂᑦ ᕿᓚᓗᒐᕋᓱᐊᕐᓂᕐᒧᑦ.

ᑲᓇᑕᒥ ᑭᒡᒐᖅᑐᐃᔨᐅᔪᖅ ᑖᒃᓇᓂ (ᑲᑎᒪᔩᑦ ᓄᓇᕐᔪᐊᓂ ᐊᑦᑕᕐᓇᖅᑐᒦᓐᓂᕋᖅᑕᐅᔪᑦ ᑕᐅᖅᓰᒍᑕᐅᖃᑦᑕᕐᓂᖏᓐᓄᑦ) ᑲᑎᒪᓕᖅᐸᑕ ᐊᑐᕐᓂᐊᖅᑐᑦ ᑖᒃᑯᓂᖓ ᐊᐅᓚᑦᓯᖃᑎᒌᖕᓂᕐᒧᑦ ᐸᕐᓇᐅᑎᓂᒃ ᑕᑯᑎᑦᓯᔾᔪᑎᒋᓗᒋᑦ ᓄᓇᕐᔪᐊᒥᐅᕗᑦ ᑕᒪᒃᑯᐊ ᑑᒑᓖ ᕿᓚᓗᒐᐃᑦ ᐊᐅᓚᑕᐅᑦᓯᐊᕐᓂᖏᓐᓂᒃ ᑲᓇᑕᒥ ᐊᒻᒪ ᓄᓇᕐᔪᐊᖃᑎᒌᓄᑦ ᑕᐅᖅᓰᖃᑎᖃᖃᑦᑕᕐᓂᖅ ᐊᑦᑕᕐᓇᖅᑐᒦᑎᑦᓯᖏᒻᒪᑕ ᑖᒃᑯᓂᖓ ᓄᖑᒐᔭᕐᓂᖏᓐᓂᒃ ᐆᒪᔪᐃᑦ.

ᒪᕐᕉᒃ ᐊᑐᓂ ᐊᕕᒃᑐᑦᓯᒪᓂᐅᔪᑦ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᖏᓐᓂᒃ ᐊᒻᒪ ᐊᑕᐅᓯᖅ ᐃᓐᓇᒻᒪᕆᒃ ᖃᐃᖅᑯᔭᐅᓂᐊᖅᑐᑦ ᐅᐸᐅᑎᖁᔭᐅᓗᑎᒃ ᐊᑐᓂ ᓄᓇᕗᑦ ᐊᕕᒃᑐᖅᓯᒪᓂᖏᓐᓂᒃ ᔪᓚᐃ 24-26.