ᓴᒃᑯᑕᐅᑲᐅᑎᒋᔭᕆᐊᓕᒃ
(ᐄᐳᕈᓪ 29, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖅ ᔨᐅᕆᒥ ᑑᕐᙶᓗᒃ ᖁᕕᐊᓲᑎᖃᖅᑐᑦ ᑲᓇᑕᒥ ᓯᕗᓕᖅᑎᕐᔪᐊᖓᓂᒃ, ᐊᖓᔪᖅᑳᖅ ᒫᒃ ᑳᕐᓂ ᓵᓚᒃᓴᓚᐅᖅᑎᓪᓗᒍ ᓂᕈᐊᖅᑕᐅᓪᓗᓂ.
ᓄᓇᕗᑦ ᑐᙵᕕᒃ ᑎᒥᖓ ᓂᕆᐅᑦᑎᐊᖅᑐᑦ ᐃᖅᑲᓇᐃᔭᖃᑎᖃᕆᐊᒃᓴᖅ ᒐᕙᒪᕆᔭᕐᓂᒃ ᐊᒻᒪᓗ ᓄᓇᕗᑉ ᒪᓕᒐᓕᐅᕐᕕᕐᔪᐊᕐᒧᑦ ᒪᓕᒐᓕᐅᖅᑎᕐᔪᐊᕈᖅᑐᒥᒃ ᐊᑐᓕᖅᑎᑕᐅᖁᓪᓗᒍ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓂᒃ, ᐊᒻᒪᓗ ᓯᕗᒧᐊᑦᑎᑕᐅᖁᓪᓗᒍ ᓄᓇᕗᑦ ᑐᙵᕕᒃ ᑎᒥᖓᑕ ᑎᓴᒪᓄᑦ ᐊᕐᕌᒍᓄᑦ ᐊᑯᓂᐅᑎᒋᔪᖅ ᓯᕗᓪᓕᐅᑎᖁᓯᒪᔭᖏᑦ ᐃᓄᖕᓂᒃ ᒪᑭᑉᐸᓪᓕᐊᑎᑦᑎᓂᖅ 2024-2029.
ᐃᓄᐃᑦ ᓇᒻᒥᓂᖅᓱᕈᓐᓇᕐᓂᖏᑦ ᐃᓱᒪᓕᐅᖃᑦᑕᕐᓗᑎᑦ ᓇᖕᒥᓂᖅ ᑐᑦᑕᕐᕕᐅᕗᖅ ᓯᕗᓂᒃᓴᖓᑕ ᓄᓇᕗᑉ ᐊᒻᒪᓗ ᑲᓇᑕ ᓄᓇᓕᕐᔪᐊᖃᕐᓂᕋᕐᓂᖓᓄᑦ ᐊᒻᒪᓗ ᐊᑦᑕᕐᓇᕐᔭᐃᖅᓯᒪᓂᖓᓄᑦ ᐅᑭᐅᖅᑕᖅᑐᒥ. ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᓄᓇᕗᑦ ᒐᕙᒪᖏᑦ ᓇᓗᓇᐃᔭᐃᓯᒪᕗᑦ ᑲᑐᔾᔨᓂᑦᑎᓐᓂᒃ ᐅᖃᐅᓯᒃᓴᑦ ᐅᑭᐅᖅᑕᖅᑐᖅ ᐊᑦᑕᕐᓇᕐᔭᐃᖅᑎᑕᐅᓂᖓᓄᑦ ᓇᒻᒥᓂᖁᑎᒋᔭᐅᓂᕋᕐᓗᓂ, ᑲᓇᑕᑉ ᐅᑭᐅᖅᑕᖅᑐᖓ ᐱᒋᔭᐅᓂᕋᕐᓗᓂ ᑐᑭᓕᒃ ᐃᑲᒧᖅᑐᖅᑕᐅᔭᕆᐊᖃᖅᑐᑦ ᐃᓄᖕᓄᑦ ᓯᓄᒃᑲᖅᑖᕆᔭᑦ ᐱᓕᕆᐊᑦ ᑖᒃᑯᑎᒎᓇᖅ ᑮᓇᐅᔭᓂᒃ ᐊᑐᖅᑐᖃᕐᓗᓂ ᓇᓗᓇᐃᖅᑕᐅᓯᒪᔪᓂᒃ ᐱᖁᑎᕐᔪᐊᕐᓄᑦ, ᐃᒡᓗᓕᕆᓂᕐᒧᑦ, ᐋᓐᓂᐊᖅᑕᐃᓕᒪᔪᓕᕆᓂᕐᒥᒃ, ᐃᓕᓐᓂᐊᕐᓂᓕᕆᓂᕐᒥᒃ, ᐊᒻᒪᓗ ᐱᕙᓪᓕᐊᔪᓕᕆᓂᕐᒥᒃ.
ᑲᓇᑕᓕᐅᖅᑎᓪᓗᒋᑦ ᐅᑭᐅᖅᑕᖅᑐᒥ ᐊᔾᔨᖃᕆᐊᓕᒃ ᐊᒻᒪᓗ ᖃᓄᐃᓕᐅᕈᑎᖃᕆᐊᕐᓗᓂ ᑭᙴᒪᒋᔭᖏᓐᓂᒃ ᐃᓄᐃᑦ ᓄᓇᓕᖏᑦ. ᓄᓇᕗᑦ ᑐᙵᕕᒃ ᑎᒥᖓ ᐅᐸᓗᖓᐃᖅᓯᒪᕗᑦ ᐃᖅᑲᓇᐃᔭᖃᑎᖃᑦᑎᐊᕐᓗᑎᑦ ᑲᕐᓂᑉ ᒐᕙᒪᖓᓂᒃ ᐱᖁᑎᕐᔪᐊᖃᙱᓐᓂᕗᑦ ᐱᑕᖃᕈᓐᓃᖁᓪᓗᒍ ᐊᒻᒪᓗ ᐃᑲᔪᖅᑐᖅᑕᐅᓗᑎᑦ ᒪᑭᒪᔪᓐᓇᖅᑐᑦ, ᖃᓄᐃᙱᑦᑐᑦ ᓄᓇᓖᑦ ᑐᙵᕕᒋᔭᐅᒻᒪᑕ ᓴᙱᔪᒥᒃ ᐃᓕᒌᑦᑐᒥᒃ ᐅᑭᐅᖅᑕᖅᑐᖃᕐᓂᐊᕋᑦᑕ.
ᓂᕆᐅᑦᑎᐊᖅᐳᒍᑦ ᐃᖅᑲᓇᐃᔭᖃᑎᖃᑦᑎᐊᕐᓂᐊᕐᓂᑦᑎᓐᓂᒃ ᓴᖅᑮᓇᖅᑐᓂᒃ ᑐᙵᕕᖃᕐᓗᒍ ᐃᑉᐱᒍᓱᖃᑎᒌᑦᑎᐊᕐᓂᕐᒥᒃ, ᐱᓕᕆᖃᑎᒌᑦᑎᐊᖅᑐᒥᒃ, ᐊᒻᒪᓗ ᐱᕙᓪᓕᐊᓂᖃᑦᑎᐊᕐᓗᓂ ᓄᓇᕗᑦ ᐃᓄᒻᒪᕆᖏᖕᓄᒃ ᐊᒻᒪᓗ ᑕᒪᐃᓐᓂ ᑲᓇᑕᒥᐅᑕᓄᑦ.
ᐱᕙᓪᓕᐊᔪᓕᕆᔨᒃᑯᓐᓄᑦ ᖃᐅᔨᒋᐊᕐᕕᒃᓴᖅ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᔪᓕᕆᓂᕐᒧᑦ
ᓄᓇᕗᑦ ᑐᙵᕕᒃ ᑎᒥᖓ
