Toninagiktukhak
(April 29-mi 2025-mi Ikalokni, Nonavumi) Nonavut Tungavik Timeoyok (NTI) koyagiyat Atanikpakyoak Kavamatokani Kanatami, Ihomagiyaoteaktok Mark Carney vutiktaoyoni takhikmat.
NTI-kot nahogiyut havakatigiyagani kavamagiyat Nonavumilo Ilaoyok Maligaleokvikyoami tamat atoligeagani Nonavumi Agikatigegut, hivomuktitpaligeaganilo NTI-kot hitamani ukeoni atoligomayaenik atoaktakhaenik Inuknit Makitpaleayutinik 2024-mit 2029-mut.
Inoet nanminik inuvalealigeagani kiteanetmat hivonikhani Nonavut Kanataovlo nanminigiyaoniganik ihomaloknaeniganiklo Ukeoktaktomi. NTI-kot Kavamalo Nonavumi okakmata ataotimi okaohiptikni Ukeoktaktok nanminigiyaoniganik, ihomaloknaegeagani Kanataop Ukeoktaktoa tokikakmat ikayoktokniginik Inoenaknit hivolikhoktaoyut holiyotit togagateaktonit maniknik atoktitiyotinit ihageagiyaoliktoni hanahimayonik, iglolikiyotinik, aneaktonik monagiyotinik, ilihaktolikiyotinik, manikhakheogotinik pigaleayotiniklo.
Nonakyoamik agiklivaleayotikhanik Ukeoktaktomi takupkaeyageakaktut upiyotikaklotiklo ihageagiyaenik Inoenaet nonagiyaoyoni. NTI-kot upalogaektut havakatikageamikni ikayoktigiteaklogit Carney-p kavamat pikaligeagani hanayakhanik ilakoenaonigini ikayoktoklotiklo atokhimaktukhanik, aneaknaetonik nonagiyaoyonik tungaveokmata hakogiktomi ikayoktigeteaktoni Ukeoktaktomi.
Nahogiyogut hanakiyakateageaptikni havakatigegotinik tungavikaktonik avanmut ihomagikatigeteaknikmi, ikayoktigeteagotini aolanikateaknikmilo Nonavumi Inoet tamaetalo Kanatameot.
