800×600
Normal
0
false
false
false
EN-CA
X-NONE
X-NONE
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”,”serif”;}
ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᙱ ᐅᓪᓗᒥ ᐅᖃᐅᔾᔨᖅᑲᐅᔪᖅ ᑲᓇᑕ ᒐᕙᒪᖓᓂᒃ ᐊᖏᖁᔨᒐᓂ ᔫᕈᑉᒥᐅᑦ ᑐᒃᓯᕋᐅᑎᖓᓂᒃ ᑐᓂᔭᐅᔪᒪᔾᔪᑎᖓᓂᒃ ᑲᑎᒪᓂᖏᓐᓃᖃᑦᑕᕈᒪᔾᔪᑎᒥᒃ ᐃᓂᖃᓪᓚᑖᕐᓗᓂ ᑲᑎᒪᔪᓂ ᓈᓚᒋᐊᕐᓯᒪᓗᑎᒃ ᐅᑭᐅᖅᑕᖅᑐᒥ ᑲᑎᒪᔩᑦ.
ᑐᓐᖓᕕᒃᑯᑦ ᑲᑎᒪᖃᑎᖃᓚᐅᖅᑐᑦ ᔫᕈᑉᒥᐅᑦ ᐊᖓᔪᖅᑲᐅᑎᖏᓐᓂᒃ ᐃᖃᓗᓐᓂ ᐱᓇᓱᐊᕈᓯᑦᑕ ᐱᒋᐊᓕᓵᕐᓂᖓᓂ ᐋᔩᕋᕈᑎᖃᖅᑐᑎᒃ ᔫᕈᑉ ᓇᑦᓯᓃᓐᖔᖅᑐᓂᒃ ᐃᓯᖅᑎᑦᓯᖃᑦᑕᕈᒪᓐᖏᔾᔪᑎᖏᓐᓂᒃ ᐊᒻᒪᓗ ᔫᕈᑉ ᑐᒃᓯᕋᐅᑎᖓᓂᒃ ᐃᓂᖃᓪᓚᑖᕐᓗᓂ ᑲᑎᒪᓂᖏᓐᓂ ᓈᓚᒋᐊᕐᓯᒪᖃᑦᑕᕈᒪᓂᕐᒧᑦ. ᑭᓯᐊᓂ ᔫᕈᑉ ᓴᒃᑯᐃᑉᐸᑦ ᐃᓘᓐᓇᑦᓯᐊᖏᓐᓂᒃ ᓄᖅᑲᖓᑎᑦᓯᓂᕐᒥᒃ ᓇᑦᓯᓃᓐᖔᖅᑐᓂᒃ ᐃᓯᖅᑎᑦᓯᖃᑦᑕᕈᒪᓐᖏᓐᓂᖏᓐᓂᒃ ᑕᐅᑐᓐᖏ ᐅᖃᖅᑐᖅ ᑐᓐᖓᕕᒃᑯᑦ ᐊᖏᖅᓯᒪᓂᐊᓐᖏᒻᒪᕆᑦᑐᑦ ᑐᒃᓯᕋᐅᑎᖓᓂᒃ.
“ᐅᑭᐅᑕᖅᑐᒥ ᓄᓇᓕᕐᔪᐊᑦ ᐊᒻᒪᓗ ᐅᑭᐅᖅᑕᖅᑑᑉ ᐃᓄᖏᑦ ᓱᖏᖅᓲᑎᖃᖃᑦᑕᕐᒪᑕ ᐃᓅᓯᒃᑯᑦ, ᒪᑭᒪᔾᔪᑎᒃᑯᑦ ᐊᒻᒪᓕ ᐃᓕᖅᑯᓯᕐᒥᓄᑦ ᐊᑐᐃᓐᓇᖃᑦᑕᓲᖑᓂᕐᒥᓂᒃ ᓄᖑᐊᑎᑦᓯᕙᓪᓕᐊᒐᑎᒃ ᓂᕐᔪᑎᓂᒃ ᐊᒻᒪᓗ ᓄᓇᒦᓐᖔᖅᑐᓂᒃ ᐱᕈᒃᑲᓐᓂᕈᓐᓇᖅᑐᓂᒃ. ᔫᕈᑉ ᐃᑲᔪᖅᓱᐃᖏᓐᓂᕐᒥᓂᒃ ᑕᐃᒪᓐᖓᓕᒫᖅ ᓴᖅᑭᔮᖅᑎᑦᓯᔪᖅ ᑲᓇᑕᒥ ᐊᑐᖅᑕᐅᖏᓐᓇᖅᑐᓂᒃ ᓄᖑᐊᑎᕆᕙᓪᓚᐊᒐᑎᒃ ᓄᓇᒦᓐᖔᖅᑐᓂᒃ ᐱᕈᒃᑲᓐᓂᕈᓐᓇᖅᑐᓂᒃ. ᔫᕈᑉ ᑕᑯᑦᓴᐅᑎᑦᓯᖃᑦᑕᕐᓯᒪᔪᑦ ᐊᐅᓚᑦᓯᓂᕐᒥᒍᑦ ᑲᓇᑕ ᓇᑦᓯᕋᓱᐊᖃᑦᑕᕐᓂᖓᓂᒃ ᐊᒻᒪᓗ ᒫᓐᓇᐅᓂᕐᐹᖅ ᐃᑲᔪᖅᓱᐃᓚᐅᓐᖏᓐᓂᖏᑎᒍᑦ ᓴᐃᑏᔅ (ᑲᑎᒪᔨᕐᔪᐊᑦ ᓯᓚᕐᔪᐊᒥ ᓂᐅᕐᕈᑎᖃᕐᓂᕐᒧᑦ ᐅᓗᕆᐊᓇᖅᑐᒦᓐᓂᕋᖅᑕᐅᔪᓂᒃ ᐆᒪᔪᓂᒃ CITES) ᓇᓐᓄᖃᑦᑕᓂᕐᒧᑦ,” ᐅᖃᖅᑐᖅ ᑕᐅᑐᓐᖏ.
ᑕᐅᑐᓐᖏ ᐅᖃᓚᐅᖅᑐᖅ ᔫᕈᑉ ᐋᖅᑭᑦᓯᓯᒪᓂᖓ ᐃᓯᖅᑎᑦᓯᒍᓐᓇᓐᖏᑎᑦᓯᓂᕐᒧᑦ ᐊᐅᓪᓚᖅᑎᑕᐅᔪᓂᒃ ᓇᑦᓯᓃᓐᖔᖅᑐᓂᒃ ᑖᒃᑯᓇᓐᖔᓚᐅᓐᖏᑦᑐᖅ ᐃᓱᒫᓘᑕᐅᔪᓂᒃ ᐊᑐᖅᑕᐅᖃᑦᑕᕈᓐᓇᖅᑐᓂᒃ ᓄᖑᐊᑎᕆᕙᓪᓕᐊᓇᓐᖏᑦᑐᓂᒃ ᐅᕝᕙᓘᓐᓃᑦ ᓯᕐᓕᕿᑖᖅᑎᑦᓯᓪᓗᑎᒃ ᑐᖁᑦᓯᖃᑦᑕᕐᓂᖏᑎᒍᑦ ᐊᖑᓇᓲᓯᕐᓂᒃ, ᑭᓯᐊᓂ ᑲᓇᑕᒥ ᑲᑎᒪᔨᖏᓐᓂᒃ ᐊᒻᒪᓗ ᑐᑭᓯᓂᕐᓗᑦᑎᑦᓯᓯᒪᓂᖏᓐᓄᑦ ᐃᓄᖕᓂᒃ ᐃᓱᒪᒋᔭᐅᓕᕐᓯᒪᓂᖓ, ᓯᖁᒥᑦᓯᓯᒪᔪᖅ ᓯᓚᕐᔪᐊᒥ ᓂᐅᕐᕈᑎᖃᖃᑦᑕᓂᕐᒧᑦ ᐊᖏᖃᑎᒌᒍᑎᓕᐊᖑᓯᒪᔪᓂᒃ ᐊᒻᒪᓗ ᖃᓪᓗᓈᑦ ᖃᐅᔨᓴᖅᑎᕐᔪᐊᖏᓐᓂᒃ ᓱᖅᑯᐃᕐᓯᒍᑕᐅᓯᒪᔪᓂᒃ.
ᓱᓕᒃᑲᓐᓂᖅ, ᔫᕈᑉ ᖃᓄᐃᓕᖓᓂᖓ ᓯᓚᕐᔪᐊᒥ ᓂᐅᕐᕈᑎᖃᖃᑦᑕᓂᕐᒧᑦ ᓇᓄᕐᓃᖔᖅᑐᓂᒃ ᓴᖅᑮᓚᐅᖅᑐᖅ ᔫᕈᑉ ᐊᖏᕐᓯᒪᓐᖏᓐᓂᖓᓂᒃ ᐊᐅᓚᑦᓯᓂᖏᓐᓂᒃ ᐃᓄᐃᑦ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒋᔭᐅᓂᖏᓐᓂᒃ ᒪᓕᑦᑐᒋᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ, ᐊᒻᒪᓗ ᓈᖕᒪᓴᓐᖏᑦᑐᑦ ᒫᓐᓇ ᐊᐅᓚᑦᓯᔾᔪᓯᐅᕙᑦᑐᓂᒃ ᓇᓄᕐᓂᒃ ᑲᓇᑕᒥ ᓈᖕᒪᖏᓐᓂᕋᐃᓪᓗᑎᒃ.
ᒫᓐᓇᒫᖑᓚᐅᖅᑐᖅ ᓴᐃᑏᔅ ᑲᑎᒪᑎᓪᓗᒋᑦ ᑕᐃᓚᓐᒥ, ᐃᓚᒋᔭᐅᓪᓗᑎᒃ ᒥᐊᓕᒃᑲᑦ ᑐᒃᓯᕋᐅᑎᖓ ᓇᓄᐃᑦ ᓇᓗᓇᐃᖅᑕᐅᓯᒪᓂᖏᓐᓂᒃ ᖁᑉᕙᕆᐊᕆᔪᒪᓂᕐᒥᓄᑦ, ᔫᕈᑉ ᑐᒃᓯᕋᐅᑎᓕᐅᓚᐅᖅᑐᑦ ᐋᖅᑭᒋᐊᕆᒍᒪᓪᓗᑎᒃ ᒥᐊᓕᒃᑲᑦ ᑐᒃᓯᕋᐅᑎᖓᓂᒃ ᑐᓂᓯᔾᔪᑕᐅᒐᔭᓚᐅᖅᑐᒥᒃ ᔫᕈᑉ ᓈᖕᒪᖏᑦᑐᒥᒃ ᐊᐅᓚᑦᓯᒐᔭᓚᐅᖅᑐᑦ ᓇᓄᓕᕆᓂᕐᒧᑦ ᑲᓇᑕᒥ. ᓇᑯᓚᐅᕐᐳᕐᓕ, ᓯᓚᕐᔪᐊᒦᓐᖔᖅᑐᑦ ᓄᓇᓖᑦ ᓂᕈᐊᓚᐅᕐᓂᖏᓐᓂᒃ ᐋᒡᒑᖅᑐᑎᒃ ᔫᕈᑉ ᐋᖅᑭᒋᐊᕈᑕᐅᖁᔭᖓᓂᒃ ᐊᒻᒪᓗ ᒥᐊᓕᒃᑲᑦ ᑐᒃᓯᕋᐅᑎᖓᓂᒃ ᐱᔾᔪᑎᒋᓪᓗᒍ ᑲᓇᑕ ᓴᖅᑭᔮᖅᑎᑦᓯᑦᓯᐊᓚᐅᕐᓂᖓᓄᑦ ᓇᓐᓄᖃᑦᑕᕐᓂᖅ ᓯᕐᓕᕿᑖᖅᑎᑦᓯᖃᑦᑕᓂᒃᑰᖓᓐᖏᒻᒪᑦ, ᓄᖑᐊᑎᑦᓯᕙᓪᓕᐊᒐᓂᓗ ᐊᒻᒪᓗ ᐅᓗᕆᓇᖅᑐᒦᑎᑦᓯᖏᒻᒪᑦ ᓇᓄᖃᕐᓂᖓᓂᒃ, ᑕᐃᒪᐃᓪᓚᑖᕐᓂᖓ ᐃᑲᔪᖅᓱᖅᑕᐅᓚᐅᕐᒥᔪᖅ ᓴᐃᑏᔅᑯᑦ ᐊᐅᓚᑦᓯᔨᖏᓐᓂᒃ ᑲᑎᒪᒋᐊᓚᐅᖅᑎᓐᓇᒋᑦ ᓱᓕ.
ᔫᕈᑉ ᖃᓄᐃᓕᖓᓂᖓ ᓇᑦᓯᓃᓐᖔᖅᑐᓂᒃ ᐃᓯᕈᓐᓇᖏᑦᑎᑦᓯᓂᖓ ᐊᒻᒪᓗ ᓇᓄᕐᓂᒃ ᓇᓗᓇᐃᖅᑐᖅ ᔫᕈᑉ ᑲᑎᒪᔪᓂ ᑐᓵᔭᖅᑐᖅᑎᐅᒍᒪᓂᖓᓄᑦ ᑎᑭᐅᑎᓯᒪᓐᖏᑦᑐᖅ ᒪᓕᒋᐊᓕᖁᑎᖏᖕᓂᒃ ᐅᑭᐅᖅᑕᖅᑐᒥ ᑲᑎᒪᔩᑦ, ᐃᓚᒋᔭᐅᓪᓗᓂ ᐃᑉᐱᒍᓱᑦᓯᐊᕆᐊᖃᕐᓂᕐᒧᑦ ᐱᖕᒪᕆᐅᔪᖁᑎᒋᔭᐅᔪᓂᒃ, ᐱᔪᒪᔭᐅᔪᓂᒃ, ᐃᓕᖅᑯᓯᕐᒨᖓᔪᓂᒃ ᐊᒻᒪᓗ ᐱᖅᑯᓯᖏᓐᓄᑦ ᐅᑭᐅᖅᑕᖅᑐᒥ ᓄᓇᖃᖅᑳᕐᓯᒪᔪᑦ.
“ᑕᒪᒃᑯᐊᖑᕗᑦ ᑕᒪᔾᔭ ᓇᓗᓇᐃᖅᓯᒪᔾᔪᑎᖏᑦ ᔫᕈᑉ ᐃᓕᖅᑯᓯᖃᕐᕕᒋᔭᖏᑦ ᑲᓇᑕᒥᐅᓂᒃ ᐊᒻᒪᓗ ᐃᓄᐃᑦ ᐆᒪᔪᓕᕆᔾᔪᓯᖏᓐᓂᒃ. ᐃᓄᐃᑦ ᓈᖕᒪᒋᓐᖏᑕᖓ ᔫᕈᑉ ᑐᓂᔭᐅᓇᔭᕐᓂᕐᐸᑦ ᐃᓂᖃᓪᓚᑦᑖᖅᑎᑕᐅᓕᕐᓗᓂ ᓈᓚᒋᐊᖃᑦᑕᓂᕐᒥᒃ ᑲᑎᒪᔪᓂ,” ᐅᖃᖅᑐᖅ ᑕᐅᑐᓐᖏ.
