NR 10-37 VPS INUK – ᐃᓐᖐᓐᓇᖅ ᓴᖅᑭᑦᑎᑕᐅᓂᖅ

(ᐊᒃᑑᑉᐱᕆ 4, 2010 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᓂᕈᐊᖅᑐᓕᕆᔨᖁᑎᐊᑦ ᓗᐊᕆ ᐃᓪᓚᐅᑦ ᐅᖃᖅᑐᖅ ᐅᑉᓗᒥ ᐅᑯᐊ ᓄᓇᕗᑦ ᑐᙵᕕᒃ ᑎᒥᖓᑦ ᓂᕈᐊᖅᑎᑦᑎᓂᐊᖅᑐᑦ ᒪᕐᕉᖕᓄᑦ ᐊᖓᔪᖅᑳᑉ ᑐᖏᓕᖏᓐᓄᑦ ᑎᓴᑉᐸ 13, 2010.

ᑕᒪᒃᑮᒃ ᐊᖓᔪᖅᑳᑉ-ᑐᖏᓕᖏᑦᑕ ᐃᓂᖏᒃ ᐱᔨᑦᑎᕐᓗᑎᒃ ᓄᓇᕗᑦ ᑐᙵᕕᒃ ᑎᒥᖓᑦᑕ ᑲᑎᒪᔨᖏᓐᓄᑦ. ᓂᕈᐊᕌᓂᒃᐸᑕ, ᓄᓇᕗᑦ ᑐᙵᕕᒃ ᑎᒥᖓᑦᑕ ᑲᑎᒪᔨᖏᑦ ᑎᓕᓯᓂᐊᖅᑐᑦ ᓵᓚᒃᓴᖅᑐᓂᑦ ᓂᕈᐊᒐᒃᓴᐅᓚᐅᖅᑎᓪᓗᒋᑦ ᐃᒻᒪᖄ ᐱᓕᕆᐊᖃᕐᓗᓂ ᐃᒃᓯᕙᐅᑕᐅᓂᕐᒧᑦ ᐅᑯᓄᖓ ᓄᓇᕗᒥ ᐃᓅᓯᓕᕆᓂᕐᒧᑦ ᐱᖅᑯᓯᓕᕆᓂᕐᒧᓪᓗ ᑲᑎᒪᔨᓄᑦ ᐅᕝᕙᓘᓐᓃᑦ ᐃᒃᓯᕙᐅᑕᓗᓂ ᐃᓄᐃᑦ ᐆᒪᔪᓕᕆᓂᕐᒧᑦ ᖃᐅᔨᒪᔨᖏᓐᓄᑦ ᑲᑎᒪᔨᖏᑦᑕ.

ᓂᕈᐊᖅᑎᑦ ᓂᕈᐊᕆᐊᖅᑐᓕᖅᐸᑕ ᓂᕈᐊᕐᕕᐅᕙᒃᑐᓂᑦ, ᐊᐱᕆᔭᐅᖃᑦᑕᕐᓂᐊᖅᑐᑦ ᓂᕈᐊᖁᔭᐅᓗᑎᒃ ᒪᕐᕉᖕᓄᑦ ᐆᒃᑐᖅᑐᓄᑦ ᐊᑎᖏᑦ ᓴᖅᑯᒥᓪᓗᑎᒃ ᓂᕈᐊᕈᑎᒃᓴᓂ.

ᐱᔪᓐᓇᖅᑎᑕᐅᔪᑦ ᓂᕈᐊᒐᒃᓴᑦ ᐊᒻᒪᓗ ᓂᕈᐊᖅᑎᑦ ᑲᓇᑕᒥᐅᑕᐅᔭᕆᐊᓕᑦ, ᐊᒻᒪᓗ ᐅᑭᐅᖃᕐᓗᑎᒃ 16-ᓂᑦ, ᐊᒻᒪᓗ ᐊᑎᓕᐅᖅᑲᑕᐅᓯᒪᓗᑎᒃ ᒪᓕᒃᖢᒋᑦ ᐅᑯᐊ ᓄᓇᕗᑦ ᓄᓇᑖᕈᑎᓄᑦ ᐊᖏᕈᑎᓂ.

ᓂᕈᐊᒐᒃᓴᐅᓂᕐᒧᑦ ᑕᑕᑎᕈᑎᑦ ᐅᑯᓄᖓ ᒪᕐᕉᖕᓄᑦ ᐊᖓᔪᖅᑳᑉ-ᑐᖏᓕᖏᓐᓄᑦ ᐱᔭᐅᔪᓐᓇᖅᑐᑦ ᑖᑦᓱᒪᖓᑦ ᓂᕈᐊᖅᑐᓕᕆᔨᒥᑦ, ᓄᓇᓕᖕᓂ ᑐᑦᑕᕐᕕᐅᕙᒃᑐᓂᓪᓗ, ᐅᕝᕙᓘᓐᓃᑦ ᓄᓇᕗᑦ ᑐᙵᕕᒃ ᑎᒥᖓᑦᑕ ᐃᑭᐊᕿᔾᔪᑎᖏᓐᓂ (ᖃᕆᑕᐅᔭᒃᑯᑦ) ᐃᓕᖓᔪᓂ.

ᓂᕈᐊᒐᒃᓴᐅᓂᕐᒧᑦ ᐆᒃᑐᖅᑐᑦ ᑐᓂᓯᔭᕆᐊᖃᖅᑐᑦ ᓂᕈᐊᒐᒃᓴᐅᔾᔪᑎᖏᓐᓂᑦ ᐸᐃᑉᐹᑎᒍᑦ ᑕᐃᑯᖓ ᓂᕈᐊᖅᑐᓕᕆᔨᒧᑦ ᓯᕗᓂᐊᒍᑦ ᖃᐅᔨᓴᐅᑎ 5-ᒨᓚᐅᖅᑎᓐᓇᒍ. ᓄᓇᓕᐅᑉ ᖃᐅᔨᓴᐅᑎᖏᑦ ᒪᓕᒃᓗᒋᑦ ᓄᕕᐱᕆ 5, 2010. ᓂᕈᐊᒐᒃᓴᐅᔪᑦ ᐱᔭᒃᓴᖃᖅᑐᑦ ᓇᓗᓇᐃᖅᓯᓯᒪᑦᑎᐊᕐᓂᕐᒥᑦ ᑕᒪᒃᑯᐊ ᓂᕈᐊᒐᒃᓴᐅᔾᔪᑎᑦ ᐸᐃᑉᐹᑦ ᐊᐅᓪᓚᖅᑎᑕᐅᓯᒪᓗᑎᒃ ᓂᕈᐊᖅᑐᓕᕆᔨᒧᑦ ᐊᒻᒪᓗ ᐱᓯᒪᓕᕐᓗᓂᒋᑦ. ᓂᕈᐊᒐᒃᓴᐅᓂᕐᒧᑦ ᐸᐃᑉᐹᑦ ᐱᔭᐅᖏᑉᐸᑕ ᐅᑉᓗᐊᑕ ᐃᓱᓕᕝᕕᐊᓂᑦ, ᓂᕈᐊᒐᒃᓴᐅᔪᒪᓚᐅᖅᑐᑦ ᐱᔪᓐᓇᖅᑎᑕᐅᔾᔮᖏᑦᑐᑦ ᐆᒃᑐᕐᓂᕐᒥᑦ ᓄᓇᕗᑦ ᑐᙵᕕᒃ ᑎᒥᖓᑦ ᓂᕈᐊᖅᑎᑦᑎᓂᐊᓐᓂ.

ᓂᕈᐊᒐᒃᓴᐅᔪᑦ ᓴᑐᐃᔪᓐᓇᖅᑐᑦ ᓂᕈᐊᒐᒃᓴᐅᔪᓐᓃᕈᒪᓂᕐᒥᑦ ᓂᕈᐊᒐᒃᓴᐅᔾᔪᑎᖏᓐᓂᑦ ᐸᐃᑉᐹᓂᑦ ᑎᑭᐅᑎᓗ 5-ᒥ ᐅᓐᓄᒃᓴᒃᑯᑦ ᓄᓇᓕᐅᑉ ᖃᐅᔨᓴᐅᑎᖏᑦ ᒪᓕᒃᓗᒋᑦ ᓄᕕᐱᕆ 8, 2010.

ᓂᕈᐊᖅᑎᑦ ᓯᕗᓂᐊᒍᑦ ᓂᕈᐊᕈᓐᓇᕐᒥᔪᑦ ᑎᓴᑉᐸ 6, 2010, ᐊᒻᒪᓗ ᓂᕈᐊᕈᓐᓇᖅᖢᑎᒃ ᐊᓯᐊᓄᑦ ᓂᕈᐊᕈᔾᔭᐅᓂᕐᒥᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ:

ᓗᐊᕆ ᐃᓪᓚᐅᑦ
ᐊᐅᓚᑦᑎᔨ ᓂᕈᐊᖅᑐᓕᕆᓂᕐᒧᑦ
ᐅᖄᓚᐅᑎᐊ: 1-866-222-1979