ᑐᓴᕋᑦᓴᓕᕆᔩᑦ

ᑐᙵᕕᒃᑯᑦ ᐊᓂᑦᑕᐃᓕᒋᐊᓕᓐᓄᑦ ᐃᑲᔫᑎᖓᓂᒃ ᐊᙳᑎᑎᑦᓯᒋᐊᕈᑎᖓ ᑭᒃᑯᑐᐃᓐᓇᕐᓄᑦ ᐊᒃᑐᖅᑕᐅᓯᒪᔪᓄᑦ ᓄᕙᔾᔪᐊᕐᓇᖅ−19−ᒧᑦ

(ᑎᓯᐱᕆ 30, 2021 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐊᙳᑎᑎᑦᒋᐊᖅᓯᒪᔭᖏᑦ ᐊᑐᖅᑕᐅᒋᐊᓖᑦ ᓄᓇᕗᒻᒥ ᐃᓄᓐᓄᑦ, ᐊᒃᑐᖅᑕᐅᓯᒪᓪᓚᑖᖅᑐᓄᑦ ᓄᕙᔾᔪᐊᕐᓇᖅ-19, ᑐᒃᓯᕋᐅᑎᓂᒃ ᐊᓂᑦᑕᐃᓕᒋᐊᓕᓐᓄᑦ ᐃᑲᔫᑎᓂᒃ ᐃᑲᔪᖅᑕᐅᒍᑎᒃᓴᑦ ᓱᓇᒃᑯᑖᓄᑦ ᐃᑲᔫᑎᓄᓪᓗ. ᐊᓂᑦᑕᐃᓕᒋᐊᖃᖅᑎᑕᐅᔪᓄᑦ ᐃᑲᔫᑏᑦ ᑐᓂᔭᐅᓂᐊᖅᑐᑦ ᐃᓄᓐᓄᑦ ᓇᓗᓇᐃᖅᑕᐅᓯᒪᔪᓄᑦ ᓄᕙᔾᔪᐊᓇᖅᑖᖅᓯᒪᒋᐊᖏᑦ−19−ᒥᒃ, ᐊᓂᑦᑕᐃᓕᒋᐊᖃᖅᑎᑕᐅᔪᓄᑦ 14-ᓄᑦ ᐅᓪᓗᓄᑦ ᖃᐅᔨᒋᐊᖅᑕᐅᒋᐊᓖᑦ ᖃᐅᔨᓴᖅᑕᐅᓂᖏᓐᓂ, ᐅᕝᕙᓘᓐᓃᑦ ᓄᓇᕗᑦ ᓄᓇᓕᖏᓐᓂ ᓇᓗᓇᐃᖅᑕᐅᓯᒪᔪᖅᑕᓕᓐᓂ ᓄᕙᔾᔪᐊᓇᖅᑖᖅᓯᒪᔪᖃᕆᐊᖓ−19−ᒥᒃ.

ᐊᓂᑦᑕᐃᓕᒋᐊᓕᓐᓄᑦ ᐃᑲᔫᑏᑦ ᐃᑲᔫᑎᒃᓴᒫᑦ ᓄᓇᕗᒻᒥ ᐃᓄᐃᑦ ᐊᖏᕐᕋᖅᓯᒪᑐᐃᓐᓇᖁᓪᓗᒋᑦ. ᐃᓗᓕᓖᑦ ᐃᑲᔫᑏᑦ ᓇᓗᓇᐃᖅᓯᓯᒪᓂᖏᑎᒍᑦ ᑐᓴᐅᒪᑎᑦᓯᒍᑎᓂᒃ ᑐᙵᕕᒃᑯᓐᓄᑦ, ᑐᒃᓯᕋᕈᒪᓐᓂᕈᕕᑦ, ᐊᑏ ᓇᓗᓇᐃᔭᕐᓗᒋᑦ ᑭᓱᓂᒃ ᐱᔭᕆᐊᖃᕐᒪᖔᖅᐱᑦ ᓂᕆᔭᒃᓴᓂᒃ, ᖃᑦᓯᐅᓂᖏᓐᓂᒃ ᐃᓐᓇᐃᑦ ᓄᑕᖅᑲᓪᓗ ᐃᓪᓗᒥᐅᖃᑕᐅᔪᑦ ᐊᒻᒪᓗ ᐱᐊᕋᖅᑕᖃᖅᐸᑦ ᑭᓱᑖᕆᐊᖃᕐᒪᖔᖅ.

ᓄᓇᓖᑦ ᓇᓗᓇᐃᖅᓯᕕᐅᓯᒪᔪᑦ ᓄᕙᔾᔪᐊᓇᖅᑐᖅᑕᖃᕆᐊᖏᑦ, ᓲᕐᓗ ᐃᖃᓗᐃᑦ, ᑲᖏᖅᓯᓂᖅ, ᐸᖕᓂᖅᑑ, ᓴᓂᕋᔭᒃ,ᐊᕐᕕᐊᑦ, ᐃᖃᓗᒃᑑᑦᑎᐊᖅ, ᕿᑭᖅᑕᕐᔪᐊᖅ, ᐃᒡᓗᓕᒃ, ᐊᒻᒪᓗ ᖃᒪᓂᑦᑐᐊᖅ ᐊᓂᑦᑕᐃᓕᒋᐊᓕᓐᓄᑦ ᐃᑲᔫᑎᓂᒃ ᑐᒃᓯᕋᐅᑏᑦ           ᐊᑎᓕᐅᖅᑕᐅᓯᒪᔭᕆᐊᑐᙱᑦᑐᑦ ᐃᖢᐊᖅᓴᐃᔨᒧᑦ. ᑕᒪᕐᒥᒃ ᐊᓯᓕᒫᖏᑦ ᓄᓇᕗᒻᒥ ᓄᓇᓖᑦ ᐊᒻᒪᓗ ᐃᓄᐃᑦ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᑕ ᓯᓚᑖᓂᒥᐅᑦ ᐊᑎᓕᐅᖅᑕᐅᓯᒪᔭᕆᐊᓖᑦ ᐃᖢᐊᖅᓴᐃᔨᒧᑦ.

ᑲᙳᓇᖅᑎᑕᐅᓂᖓᓄᑦ, ᓱᓇᒃᑯᑖᑦ ᐊᒻᒪᓗ ᐃᑲᔫᑏᑦ ᑐᓂᔭᐅᔾᔮᖏᑦᑐᑦ ᐊᒃᑐᖅᑕᐅᓯᒪᔪᖅ(ᔪᑦ) ᖃᐅᔨᒃᑲᐃᖄᖅᑎᓐᓇᒍ(ᒋᑦ) ᓄᓇᓕᓐᓂ ᐋᓐᓂᐊᕐᕕᖓᓄᑦ ᐅᕝᕙᓘᓐᓃᑦ ᑐᙵᕕᒃᑯᑦ ᓄᕙᔾᔪᐊᕐᓇᕐᒧᑦ ᐃᕐᖐᓐᓈᕈᑎᖓᓄᑦ ᑐᒃᓯᕋᐅᒻᒥ ᑕᑕᑎᕋᑦᓴᒥᒃ ᑐᒃᓯᕋᖅᐸᑦ. ᑐᓴᐅᒪᑎᑦᓯᒍᑏᑦ ᑐᓂᔭᐅᔪᑦ ᐊᓯᖅᑯᕝᕕᖃᙱᑦᑐᒥᒃ ᑲᙳᓇᖅᑎᑕᐅᓂᐊᖅᑐᑦ.

ᐊᓂᒋᐊᖃᙱᑎᑕᐅᔪᓄᑦ ᐃᑲᔫᑏᑦ ᐃᓱᒪᖅᓲᑕᐅᔪᑦ ᐱᔭᐅᔪᒪᑉᐸᑦ, ᐃᓄᐃᑦ ᑐᓂᔭᐅᔪᒪᙱᑉᐸᑕ ᑐᓂᔭᐅᒋᐊᑐᙱᑦᑐᑦ ᐃᑲᔫᑎᒥᒃ. ᑐᙵᕕᒃᑯᑦ ᐊᓂᒋᐊᖃᙱᑎᑕᐅᔪᓄᑦ ᐃᑲᔫᑎᖓ ᐋᖅᑭᓱᖅᑕᐅᓚᐅᖅᑐᖅ ᑲᓇᑕ ᒐᕙᒪᒃᑯᑦ ᓄᓇᖃᖅᑳᖅᓯᒪᔪᓄᑦ ᓄᓇᓕᓐᓄ ᐃᑲᔫᑎᒃᓴᓄᑦ ᑮᓇᐅᔭᓕᑕᐅᒍᑎᒃᑯᑦ.

ᑐᑭᓯᒋᐊᒃᑲᓂᕐᕕᒃᓴᖅ ᑐᙵᕕᒃᑯᑦ ᐊᓂᒋᐊᖃᙱᑎᑕᐅᔪᓄᑦ ᐃᑲᔫᑎᒃᓴᓕᕆᔨᖏᓐᓂᒃ, ᐅᖄᓚᓕᑎ ᐅᕗᖓ ᐊᑭᖃᖏᑦᑐᖅ

1-888-924-3757  ᐅᕝᕙᓘᓂ ᐃᕐᖐᓐᓈᕈᑎᒃᑯᑦ ᐅᕗᖓ COVID-19@tunngavik.com, ᑐᑭᓯᒋᐊᒃᑲᓂᕐᕕᒃᓴᐅᒻᒥᔪᖅ ᑕᑯᒋᐊᕐᓗᑎᑦ ᐃᑭᐊᖅᑭᕕᑦᑎᓐᓄᑦ COVID- 19 Isolation Kits – COVID-19 (tunngavik.com)

-30-

ᑐᑭᓯᒋᐊᒃᑲᓂᕐᕕᒃᓴᖅ:

ᒪᓚᐃᔭ ᒥᑭᔾᔪᒃ

ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᑦ ᐃᓕᓴᔪᖅ

ᓄᓇᕗᑦ ᑐᙵᕕᒃ ᑎᒥᖓ

www.tunngavik.com

 

Download (PDF, 67KB)

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: