ᑐᓴᕋᑦᓴᓕᕆᔩᑦ

ᓄᓇᕗᑦ ᑐᙵᕕᒃ ᑎᒥᖓ ᓈᖕᒪᓴᙱᑦᑐᑦ ᓂᕈᐊᖅᑎᑦᑎᓂᐅᔪᒫᕐᑐᒥᒃ ᒪᐃᖑᓕᖅᐸᑦ

Nᓄᓇᕗᑦ ᑐᙵᕕᒃᑯᑦ ᑎᒥᖓᑕ ᐊᖓᔪᖅᑳᖓ ᑳᑎ ᑕᐅᑐᙱ ᐅᖃᖅᑲᐅᔪᖅ ᐅᑉᓗᒥ ᐃᓱᒪᒃᓴᕐᓯᐅᕈᑕᐅᑦᑎᐊᓚᐅᕐᑐᓂ ᓄᓇᕗᑦ ᑐᙵᕕᒃ ᑎᒥᖓᑕ ᓯᕗᓕᖅᑎᖏᑕ ᑲᑎᒪᔨᕋᓛᖏᓐᓄᑦ, ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᕐᓱᐃᖏᑦᑐᑦ ᑕᒪᑐᒪᓂ ᓄᓇᓖᑦ ᒐᕙᒪᖏᑕ ᓄᓇᖁᑎᖏᓐᓂᒃ ᓂᐅᕐᕈᑎᖃᓐᓂᕐᒥᒃ. ᓂᐅᕕᐊᒃᓴᐅᓕᕈᓐᓇᑐᐃᓐᓇᕆᐊᖃᓐᓂᖏᓐᓂᒃ ᓄᓇᓖᑦ ᒐᕙᒪᖏᑕ ᓄᓇᖁᑎᖏᑦ ᓂᕈᐊᕈᑕᐅᓛᕐᒪᑕ ᓂᕈᐊᓐᓂᖃᖅᑎᑦᑎᓂᐊᕐᑎᓪᓗᒋᑦ ᓄᓇᕗᑦ ᒐᕙᒪᒃᑯᖏᑦ ᓄᓇᕘᓕᒫᕐᒥ ᒪᐃ 9, 2016-ᖑᓕᖅᐸᑦ.

ᒪᓕᓪᓗᒋᑦ ᓄᓇᕗᑦ ᐊᖏᕈᑎᖏᑦ, ᓂᕈᐊᖅᑎᑦᑎᒍᑏᑦ ᓂᕈᐊᖅᑎᓂᒃ ᐊᐱᕆᓯᒪᓛᕐᑐᑦ ᓄᓇᓕᖕᓂ ᕼᐊᒻᓚᒃᑯᑦ ᑲᑎᒪᔨᖏᑦ ᓄᓇᒥᓐᓂ ᓂᐅᕐᕈᑎᖃᕈᓐᓇᕐᑎᑕᐅᒐᔭᕐᒪᖔᑖ ᓄᓇᓕᖕᓂ ᒐᕙᒪᐅᔪᑦ ᓄᓇᖁᑎᒥᓂᒃ ᓄᓇᖅᑲᑎᒥᓄᑦ. ᐊᑐᓂᑦ ᓄᓇᓖᑦ ᐃᒻᒥᒃᑯᑦ ᐃᓱᒪᕐᓱᓂᐊᕐᑐᑦ ᖃᓄᖅ ᓂᕈᐊᓛᕐᓂᕐᒥᓂᒃ ᓂᕈᐊᖅᑎᑦᑎᔪᖃᓕᕐᐸᑦ.

“ᑕᐃᒪᙵᓂᑦ ᐊᑎᓕᐅᖅᑕᐅᓚᐅᕐᓯᒪᒻᒪᓂᑦ ᓄᓇᕗᑦ ᐊᖏᕈᑎᖏᑦ ᐊᒻᒪᓗ ᐱᙳᖅᑎᑦᑎᒍᑕᐅᓚᐅᕐᓯᒪᓪᓗᓂ ᓄᓇᕗᖕᒥᑦ, ᐊᑐᓂᑦ ᓄᓇᕘᒥ ᓄᓇᓖᑦ ᐊᔾᔨᒌᙱᑦᑐᓂᒃ ᐱᕕᒃᓴᖃᖅᕕᓴᖃᖃᑦᑕᕐᓯᒪᒻᒪᑕ ᐊᒻᒪᓗ ᐱᑦᑎᕆᐊᙱᑦᑐᓂᒃ. ᑕᐃᒪᐅᖕᒪᑕ ᐊᔾᔨᒌᙱᑦᑐᑦ ᑮᓇᐅᔭᓕᐅᕐᓂᕐᒧᑦ ᐱᕙᓪᓕᐊᓂᖃᕐᕕᒃᓴᑦ ᐊᒻᒪᓗ ᒪᑭᑉᐹᓪᓕᕈᑎᒃᓴᓪᓗ ᓄᓇᓕᖕᓂ ᐊᒻᒪ ᐃᓚᖏᓐᓄᑦ ᐃᓄᖕᓄᑦ,” ᐅᖃᖅᑐᖅ ᑕᐅᑐᙱ.  “ᒐᕙᒪᒃᑯᖏᑦ ᓄᓇᕘᑉ ᓴᖅᑭᑎᑦᑎᓯᒪᔪᓐᓇᕐᓯᓯᒪᙱᑦᑐᑦ ᓈᖕᒪᒃᑐᓂᒃ ᑐᑭᓯᐅᒪᒍᑎᒃᓴᓂᒃ ᐊᒻᒪ ᖃᐅᔨᓴᕈᑎᒋᓯᒪᔭᕐᒥᓂᒃ ᓱᓕᔪᖅᓴᓖᔾᔪᑕᐅᔪᓐᓇᕐᑐᓂᒃ ᓄᓇᕗᑦ ᑐᙵᕕᒃ ᑎᒥᖓᓄᑦ ᑖᒃᑯᐊ ᐃᓄᐃᑦ ᐃᓄᒋᐊᓐᓂᕐᓴᐃᑦ ᒪᑭᒃᐹᓪᓕᕈᑎᖃᕋᔭᕐᒪᖔᑖ ᓂᐅᕐᕈᑎᒋᔭᐅᒃᐸᑕ ᓄᓇᑦ ᓄᓇᓕᖕᓂ ᒐᕙᒪᒋᔭᐅᔪᑦ ᓄᓇᖁᑎᖏᓐᓂᒃ ᐊᑐᓂᑦ ᓄᓇᓕᖕᓂ.  ᑕᐃᒪᐃᓐᓂᖓᓄᑦ ᓄᓇᕗᑦ ᑐᙵᕕᒃ ᑎᒥᖓ ᐃᑲᔪᕐᓯᖏᒃᐳᑦ “ᐊᖏᓐᓂᕐᒥᒃ” ᓂᕈᐊᓐᓂᒃᑯᑦ ᑕᒪᑐᒪᓂ ᓂᕈᐊᓐᓇᕈᒫᕐᓂᕐᒥ ᐊᒻᒪ ᓂᐅᕐᕈᑎᖃᓐᓂᕐᒥᒃ ᓄᓇᓂᒃ.”

ᑕᒪᑐᒪᓂ ᓂᕈᐊᖅᑎᑦᑎᓂᐅᔪᖅ ᐊᐃᒃᐸᕆᓕᕐᒪᒍᑦ ᐱᔾᔪᑎᒋᓪᓗᒋᑦ ᓂᐅᕐᕈᑎᖃᕈᓐᓇᓂᕐᒥᒃ ᓄᓇᓕᖕᓂ ᒐᕙᒪᐅᔪᑦ ᓄᓇᖁᑎᖏᓐᓂᒃ. ᓯᕗᓪᓕᕐᒥᒃ ᓂᕈᐊᓐᓂᖃᖅᑎᑦᑎᓚᐅᕐᓯᒪᕗᑦ ᐃᐱᕆ 1995-ᖑᑎᓐᓄᔭᖑᒪ ᓄᓇᕗᑦ ᑐᙵᕕᒃ ᑎᒥᖓ ᐊᑭᕋᖅᑐᓚᐅᕐᓯᒪᕗᑦ ᓂᐅᕕᐊᕐᓴᖃᕈᓐᓇᓂᕐᒥᒃ ᓄᓇᓂᒃ ᓄᓇᕗᑦ ᑐᙵᕕᒃ ᑎᒥᖓ ᐃᓱᒪᑖᓚᐅᕐᑎᓪᓗᒋᑦ ᓂᐅᕕᐊᒃᓴᖃᕈᓐᓇᕐᓂᖅ ᐃᑲᔪᕐᓯᓂᖃᕋᔭᙱᓐᓂᖓᓂᒃ ᐃᓄᒋᐊᓐᓂᕐᓴᓂᒃ ᐃᓄᖕᓂᒃ. ᓂᐅᕕᐅᑎᖃᕈᓐᓇᕐᓂᖅ ᓄᓇᓂᒃ ᓵᓚᐅᓚᐅᕐᓯᒪᕗᖅ ᐊᒻᒪᓗ ᐅᑭᐅᑦ ᐊᕙᑎᑦ ᐱᑐᐃᓐᓇᐅᖏᔾᔪᑎᖃᓐᓂᐊᕐᓗᑎᒃ ᓂᐅᕕᐊᒃᓴᖃᕈᓐᓇᓂᕐᒥᒃ ᓄᓇᓕᖕᓂ ᒐᕙᒪᐅᔪᑦ ᓄᓇᖁᑎᖏᓐᓂᒃ ᐊᒻᒪᓗ ᒪᓕᒐᙳᖅᑎᑕᐅᓪᓗᓂ. ᓂᕈᐊᖅᑎᑦᑎᓂᖅ ᐊᐱᕆᓯᒪᔪᒫᖅᐳᑦ ᓂᕈᐊᖅᑎᓂᒃ ᑖᓐᓇ ᓂᐅᕕᐊᒃᓴᖃᕈᓐᓇᓂᕐᒧᑦ ᐱ

ᓄᓇᕗᑦ ᑐᙵᕕᒃ ᑎᒥᖓ ᓄᓇᕗᑦ ᒐᕙᒪᒃᑯᓐᓂᒃ ᑭᖑᕙᕆᐊᖅᑎᑦᑎᖁᔨᓚᐅᕐᑑᒐᓗᐊᑦ ᐱᕕᒃᓴᖃᓐᓂᕐᓴᐅᖁᓪᓗᒋᑦ ᓄᓇᕗᑦ ᒐᕙᒪᒃᑯᖏᑦ ᓈᖕᒪᒃᑐᓂᒃ ᑐᑭᓯᓯᒪᒍᑎᒃᓴᓂᒃ ᓂᕈᐊᖅᑎᓄᑦ ᓂᕈᐊᕈᓐᓇᓂᐊᕐᒪᑕ ᑐᑭᓯᓯᒪᑦᑎᐊᕐᓗᑎᒃ ᑐᑭᑖᕈᓐᓇᓂᐊᕐᒪᑕ, ᑭᓯᐊᓂᓗ ᓄᓇᕗᑦ ᒐᕙᒪᒃᑯᖏᑦ ᑲᔪᓯᑐᐃᓐᓇᕈᒪᓚᐅᕐᒪᑕ ᓂᕈᐊᖅᑎᑦᑎᓂᕐᒥᒃ ᑕᐃᒪᓐᓇ ᓯᕗᓪᓕᕐᒥᒃ ᐸᕐᓇᒍᑎᒋᓯᒪᒻᒪᔾᔪᒃ.

ᑐᐃᓐᓇᐅᖏᔾᔪᑎᐅᔪᖅ ᐊᑐᕈᓐᓃᕐᑎᑕᐅᔭᕆᐊᖃᕐᒪᖔᑦ.

 

 

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: