ᑐᓴᕋᑦᓴᓕᕆᔩᑦ

ᓄᓇᕗᑦ ᑐᙵᕕᒃ ᑎᒥᖓ ᓇᓗᓇᐃᕆᕗᑦ 2016-ᒥ ᐊᖓᔪᖅᑳᑉ ᐱᔾᔪᓯᐊᖅᑖᖅᑎᑕᖏᑦ

ᓄᓇᕗᑦ ᑐᙵᑯᒃ ᑎᒥᖓᑕ ᐊᖓᔪᖅᑳᖓ ᑳᑎ ᑕᐅᑐᙱ ᖃᐅᔨᒃᑲᐃᓚᐅᕐᐳᖅ 2016-ᒥ ᐊᖓᔪᖅᑳᑉ ᑐᓂᕙᒃᑕᖏᓐᓂᒃ ᐅᓐᓄᑦ ᓂᕆᕕᔾᔪᐊᑎᓪᓗᒋᑦ ᑲᖏᖅᖠᓂᕐᒥ ᐃᓚᒋᓪᓗᓂᐅᒃ ᐊᕐᕌᒍᓕᒫᕐᓯᐅᖕᒥ ᑲᑎᒪᓂᖃᖅᑎᓪᓗᒋᑦ ᑲᑎᒪᔨᖏᑦ.

ᑯᕆᔅ ᑲᓴᓐ ᐃᓕᑕᕆᔭᐅᓚᐅᕐᐳᖅ ᐊᒃᓱᕈᖅᑐᓂ ᐱᓕᕆᓚᐅᕐᒪᑦ ᖁᓕᖅ ᐆᒻᒪᖁᑎᓕᕆᔨᒃᑯᑦ ᑯᕆᐳᕇᓴᒃᑯᓐᓂᒃ ᐃᓕᑕᖅᓯᖁᔨᓪᓗᓂ ᐊᒻᒪᓗ ᒪᓕᖁᔨᓪᓗᓂ ᑎᑎᕋᖅᓗᓯᒪᔪᒥᒃ 23-ᒥ ᓄᓇᕗᖕᒥ ᐊᖏᕈᑎᓂᒃ. ᓗᐃ ᑲᒨᓚᒃ ᐅᕐᓱᖅᑑᕐᒥᐅᖅ ᐃᓕᑕᕆᔭᐅᓚᐅᕐᐳᖅ ᓄᐊᑦᑎᓚᐅᕐᒪᑦ ᐅᓃᒃᑲᓂᒃ ᐱᔾᔪᑎᖃᖅᑐᒥᒃ ᐳᕋᓐᑭᓚᓐ ᐅᒥᐊᕐᔪᐊᒥᓂᖓᓂᒃ ᓇᓃᓐᒪᖔᖅ ᖃᐅᔨᒪᐅᔪᓐᓃᕐᓯᒥᓂᖓᓄᑦ, ᖃᐅᔨᔭᐅᓚᕿᔾᔪᑎᒋᓚᐅᕐᒪᒍ ᕼᐃᒻᐃᐊᔅ ᐃᐅᕆᐸᔅ 2014-ᖑᑎᓪᓗᒍ ᐊᒻᒪᓗ ᕼᐃᒻᐃᐊᔅ ᑎᐅᕈ 2016-ᒥ. ᓵᒥ ᖁᒡᕕᒃ ᐅᕐᓱᖅᑑᕐᒥᐅᖅ ᐃᓕᑕᕆᔭᐅᓚᐅᖅᐳᖅ ᖃᐅᔨᑎᑦᓯᓚᐅᕐᒪᑦ ᖃᐅᔨᓴᖅᑎᓂᒃ ᓇᓃᒻᒪᖔᑦ ᐅᒥᐊᕐᔪᐊᒥᓂᖅ ᕼᐃᒻᐃᐊᔅ ᑎᐅᕈ ᖃᓂᒋᔮᓂ ᐅᖅᓱᖅᑑᑉ ᑕᖅᑭᕆᔪᔭᑦᑎᓐᓂ. ᓵᓕ ᐸᓂᒍᓂᐊᖅ ᖃᖏᖅᖠᓂᕐᒥᐅᑕᖅ ᐃᓕᑕᕆᔭᐅᓚᐅᕐᐳᖅ ᐃᑲᔪᕐᓯᓯᒪᓂᖓᓄᑦ ᐃᓄᖕᓂᒃ ᐊᒻᒪᓗ ᑲᓇᑕᒥᐅᑦ ᐃᓕᖅᑯᓯᖏᓐᓂᒃ ᐃᓄᒃᑐᑦ ᐃᙱᐅᓯᕐᒥᓄ ᑐᓴᕐᓂᕆᔭᐅᒐᔪᓐᓂᕐᒥᓄᑦ, ᐊᒻᒪᓗ ᕋᐃᒋᓕ ᐱᐅᙱᑦᑐᖅ ᑲᖏᖅᑐᒑᐱᖕᒥᐅᑕᖅ ᐃᓕᑕᕆᔭᐅᓚᐅᕐᐳᖅ ᐃᖅᑲᓇᐃᔮᖃᓐᓂᖓᓄᑦ ᐃᓅᓯᓕᕆᔨᐅᓂᕐᒥᒃ ᐃᓕᓴᖅᓯᕕᖕᒥ.

“ᐊᑐᓂᑦ ᑖᒃᑯᐊ ᐃᓕᑕᕆᔭᐅᔾᔪᑎᑖᖅᑐᑦ ᐱᓕᕆᓂᖃᖅᓯᒪᓂᖏᓐᓄᑦ ᓴᖅᑭᔮᕐᑎᑦᑎᓂᕐᒥᒃ ᐊᒻᒪ ᐱᕚᓪᓕᑎᑦᑎᓂᕐᒥᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᒻᒪᓗ ᐃᓕᖅᑯᓯᓕᕆᓂᒃᑯᑦ, ᐊᒻᒪ ᐃᓕᑕᕆᔭᐅᔭᕆᐊᖃᒻᒪᑕᒎᑦ ᐃᓅᖃᑎᖏᓐᓄᑦ ᓄᓇᕗᖕᒥ.” ᐅᖃᖅᑐᖅ ᑕᐅᑐᙱ.

ᐊᑐᓂᑦ $500- ᓂᒃ ᑮᓇᐅᔭᓂ ᐊᒻᒪᓗ ᓇᓗᓇᐃᒃᑯᑕᕐᒥᒃ ᐃᓕᑕᕆᔭᐅᔾᔪᑎᑖᓚᐅᕐᑐᑦ.

 

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: