ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ ᓴᖅᑭᑎᑦᑎᔪᑦ ᑐᓵᔨᐅᓂᕐᒧᑦ/ᐃᓄᒃᑎᑑᓕᕆᔨᐅᓂᕐᒧᓪᓗ ᐃᓕᓐᓂᐊᖅᑎᑦ ᐃᑲᔫᑎᒃᓴᖏᓐᓂᒃ

            ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᓪᓗᒥ ᓴᖅᑭᑎᑦᑎᔪᖅ ᑐᓵᔩᐅᓂᕐᒧᑦ/ᐃᓄᒃᑎᑑᓕᕆᔨᐅᓂᕐᒧᓪᓗ ᐃᓕᓐᓂᐊᖅᑎᑦ ᐃᑲᔫᑎᒃᓴᖏᓐᓂᒃ ᐅᑯᓄᖓ ᓯᕗᓪᓕᓄᑦ ᐊᒻᒪᓗ ᑐᖏᓕᐊᓂ ᐃᓕᓐᓂᐊᖅᑐᑦ ᐊᑎᓕᐅᖅᓯᒪᓪᓗᑎᒃ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᐊᓂ ᐃᓄᒃᑎᑑᓕᕆᔨᐅᓂᕐᒧᑦ ᑐᓵᔨᐅᓂᕐᒧᓪᓗ ᐃᓕᑕᕆᔭᐅᔾᔪᑎᑖᕐᓂᕐᒧᑦ ᐱᓕᕆᐊᖑᔪᑎᒍᑦ ᐃᓕᓐᓂᐊᖅᖢᑎᒃ.

ᐅᓇ ᓄᑖᖅ ᑐᓂᓯᖃᑦᑕᕐᓂᕐᒧᑦ ᑐᖓᑎᓕᒃ ᑕᒪᒃᑯᓄᖓ ᐃᓕᓐᓂᐊᑦᑎᐊᕐᓂᕐᒧᑦ ᐃᓕᑕᕆᔭᐅᓂᖅ ᐊᒻᒪᓗ ᑐᓂᓯᓂᐅᔪᑦ ᐊᑕᐅᓯᕐᒧᑦ ᓯᕗᓪᓕᕐᒥ ᐅᑭᐅᒥ ᐃᓕᓐᓂᐊᖅᑐᒧᑦ ᐊᒻᒪᓗ ᐊᑕᐅᓯᕐᒧᑦ ᑐᖏᓕᐊᓂ ᐅᑭᐅᑉ ᐃᓕᓐᓂᐊᖅᑐᒧᑦ ᐊᑐᓂᑦ ᑐᓂᔭᐅᓗᑎᒃ $1,000. ᑲᔪᓯᑦᐊᕐᓂᕐᒧᑦ ᐱᑎᑕᐅᔫᒃ ᓂᕈᐊᖅᑕᐅᓗᑎᒃ ᐱᓕᕆᐊᖑᔪᒧᑦ ᑕᒪᑦᓱᒧᖓ ᐃᓕᓴᐃᔨᐅᔪᓄᑦ.

ᐅᑭᐅᖅ ᒫᓐᓇ ᐅᑯᐊᖑᕗᑦ ᐋᓐᑐᕆᐊ ᑕᕕ (ᐅᑭᐅᒥ ᓯᕗᓪᓕᕐᒥ), ᐃᓚᐅᔪᖅ ᐃᓄᒃᑎᑐᑦ ᑐᓵᔨᐅᓂᕐᒧᑦ ᐃᓄᒃᑎᑑᓕᕆᔨᐅᓂᕐᒧᑦ ᐃᓕᑕᕆᔭᐅᔾᔪᑎᑖᕐᓂᕐᒧᑦ ᐱᓕᕆᐊᒥᑦ ᑕᐃᑲᓂ ᑲᖏᖅᖠᓂᕐᒥ, ᐊᒻᒪᓗ ᓗᕇᓐ ᐸᕐᑦ (ᐅᑭᐅᑉ ᑐᖏᓕᐊᓂ ᐃᓕᓐᓂᐊᖅᑐᖅ), ᐱᐊᓂᒃᓯᔪᖅ ᑐᖏᓕᐊᓂ ᐃᓕᓐᓂᐊᕐᓂᕐᒥᑦ ᐊᒻᒪ ᐱᔭᕇᖅᓯᔪᖅ ᐃᓄᐃᓐᓇᖅᑐᑦ ᑐᓵᔨᐅᓂᕐᒧᑦ ᐃᓄᒃᑎᑑᓕᕆᔨᐅᓂᕐᒧᑦ ᐃᓕᑕᕆᔭᐅᔾᔪᑎᑖᖅᖢᓂ ᐱᓕᕆᐊᖑᔪᒥᑦ ᑕᒪᑦᓱᒧᖓ.

“ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓗᐃᑦᑐᒥᑦ ᑐᓂᓯᒪᔪᑦ ᐃᑲᔪᐃᓂᕐᒥᑦ ᐃᓄᒃᑐᑦ ᐊᒃᓱᕈᕐᓂᕐᒥᑦ ᓄᓇᕗᒥ. ᐅᐱᒍᓱᒻᒪᕆᒃᑐᖓ ᐱᔪᓐᓇᖅᑎᑕᐅᓂᕐᒥᑦ ᐃᑲᔪᖅᑐᐃᓂᕐᒥᓪᓗ ᐅᑯᓂᖓ ᐃᓕᓐᓂᐊᖅᑎᓂᒃ ᐃᓕᓴᖅᑕᖏᓐᓂᒃᓗ. ᖁᕕᐊᓲᑕᐅᔭᕆᐊᖃᖅᑐᑦ ᐃᓚᐅᓂᖏᓐᓂᒃ ᐃᒪᓐᓇᓗ ᐱᓕᕆᑎᓪᓗᒋᑦ ᓴᐳᒻᒥᓂᕐᒥᑦ ᐊᓐᓇᒃᑐᐃᓂᒃᑯᑦ ᐅᖃᐅᓯᑦᑎᓐᓂᒃ ᐊᒻᒪᓗ ᐱᖅᑯᓯᑦᑎᓐᓂᒃ,” ᐅᖃᖅᑐᖅ ᑕᐅᑐᖏ.

ᓄᓇᕗᑦ ᑐᓐᖓᕕᒃ ᑎᒥᖓᑦ ᓱᓕ ᐱᕕᖃᖅᑎᑦᑎᔪᑦ ᐱᓕᕆᓂᕐᒧᑦ ᐃᓕᓯᖃᑦᑕᕐᓂᕐᒥᑦ ᐃᓕᓐᓂᐊᖅᑎᓪᓗᒋᑦ ᐱᓕᒻᒪᒃᓴᐃᓂᕐᒧᑦ ᐅᑯᓄᖓ ᐃᓕᓐᓂᐊᖅᑎᐅᔪᓂᒃ ᐱᓕᕆᐊᖅ ᐊᑐᖅᖢᒋᑦ ᑕᒪᑦᓱᒧᖓ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: