ᓄᓇᕗᑦ ᑐᙵᕕᒃ ᑎᒥᖁᑎᖓ ᓴᕿᑎᑎᓚᐅᕐᑐᑦ ᐃᖃᖅᑐᐃᔨᒃᑯᑎᓄᑦ ᐃᓕᓯᒪᓂᖏᓄᑦ ᐱᔾᔪᑎᖃᕐᑐᒥᒃ ᓄᓇᕘᑦ ᒐᕙᒪᖓᒃᑯᓐᓂ ᓈᒪᖏᑐᖃᕐᓕᐅᕐᑕᐅᓂᕐᒧᑦ ᓄᑕᖃᑦ ᐊᒻᒪ ᒪᒃᑯᑐᑦ ᐱᔪᓐᓇᐅᑎᖏᓐᓂᒃ

(ᐊᒃᑑᐸ 13, 2021, ᐃᖃᓗᐃᑦ, ᓄᓇᕘᑦ) ᐅᑉᓗᒥ, ᓄᓇᕗᑦ ᑐᙵᕕᑦ ᑎᒥᖁᑎᖓ (NTI) ᓴᕿᑎᓕᓚᐅᖅᑐᑦ ᓈᒪᒃᓴᖏᓂᖓᒍᑦ ᐊᐱᖁᑎᓄ ᐃᓕᔭᐅᑦᓗᓂᓗ ᑕᑉᕙᓂ ᐃᖃᓗᐃᑦᒥ, ᓇᓗᓇᐃᖅᓯᑦᓗᑎᒃ ᑖᑉᑯᓂᖓ ᓄᓇᕘᑦ ᒐᕙᒪᒃᑯᓐᓄᑦ (GN), ᐱᔾᔪᑎᖃᕐᖢᑎᒃ ᐃᓕᓐᓂᐊᕐᕕᐅᔪᑦ ᐱᑕᖃᖏᓂᖓᓂᒃ ᐃᓕᓐᓂᐊᕈᑎᒃᓴᐅᔪᓂᒃ ᓄᓇᕘᑦᒥ ᐃᓄᐃᑦ ᐱᑉᕕᖃᑎᒋᔭᐅᖏᓐᓂᖓᒍᑦ ᐃᓕᓐᓂᐊᕈᑕᐅᔪᓂ ᐃᓕᓯᒪᔭᐅᖏᓂᖓ ᐃᓄᐃᑦ ᐅᖃᐅᓯᖓᓂᒃ ᐊᒻᒪᓗ ᐃᓕᖁᓯᑐᖃᖏᓐᓂᒃ, ᑕᒪᓐᓇ ᓯᖁᒥᑦᑎᒪᑦ ᐊᖏᕈᑎᒃᑰᖅᑐᓂᒃ ᐃᓕᖁᔭᐅᓚᐅᕐᑐᓂᒃ ᐱᑉᕕᖃᑎᑎᓂᕐᒥ ᐃᓄᖕᓂᒃ ᓄᓇᕘᑦᒥᐅᑕᓂᒃ ᑕᑉᕙᓂ ᑎᑎᖃᖓ ᓇᓗᓇᐃᖅᑕᐅᓯᒪᔪᒥᒃ ᐱᖁᔭᖑᕐᓂᖓ ᑖᒃᓱᒪ ᒪᓕᒐᓕᐅᖅᑕᐅᓂᒃᑯᓂᒃ ᑲᓇᑕᒥᐅᑦ ᐱᓐᓇᐅᑎᖓᓂᓗ ᐊᒻᒪ ᐃᓱᒪᖅᓱᓂᖏᓂᒡᓗ.

ᑎᒍᒻᒥᔭᐅᓯᒪᓕᕐᑐᒥᒃ ᓄᑖᖑᓂᕐᓴᖅ ᐱᖁᔭᓕᐊᕆᔭᐅᓂᒃᑯ ᐃᓕᓐᓂᐊᕐᑐᓕᕆᔨᑦᓄ ᐅᑭᐅᖑᑎᓪᓗᒍ  2009,  ᓄᓇᕘᑦᒥᐅᑕᑦ ᐃᓄᐃᑦ ᓂᕆᐅᖕᓂᖃᓚᐅᖅᑐᑦ ᐊᒻᒪᓗ ᐅᑕᕿᑦᓗᑎᒡᓗ ᑖᑉᑯᓂᖓ ᓄᓇᕘᑦ ᒐᕙᒪᖁᑎᖓᓂᒃ ᓴᕿᑎᕆᓂᐊᓚᐅᖅᑕᖓᓂᒃ ᐃᓄᐃᑦ ᐱᔪᒥᓇᕆᔭᕆᖏᓐᓂᓗ ᑕᑉᕘᓇ ᐃᓕᓐᓂᐊᕐᓂᒃᑯᑦ ᓴᕿᑎᑕᐅᓂᖓᓂᒃ ᐃᓄᐃᑦ ᐅᖃᐅᓯᖓᓂ ᐊᒻᒪᓗ ᓴᕿᑎᑕᐅᓂᖓᓂ ᐃᓕᓐᓂᐊᕐᕕᒡᔪᐊᒦᑐᑦ ᐅᖃᕈᓐᓇᕐᓂᖏᓂ ᐃᓄᒃᑎᑐᑦᓗ ᖃᑉᓗᓈᑎᑐᓪᓗ ᐅᑉᕙᓘᓃᑦ ᐅᖃᐅᓯᓂᒃ ᐊᓯᖏᓐᓂᒃ.

ᑭᓯᐊᓂ ᑕᒪᓐᓇ ᐊᑐᒐᐅᑎᐊᖏᓐᓂᖓᒍᑦ ᐱᖁᔭᖑᕐᓂᖓ ᑲᑎᒪᔾᔪᑕᐅᑕᕐᖢᓂ ᓇᓗᓇᐃᔭᕐᑕᐅᓂᒃᑯᖓ ᐃᓄᒃᑎᑑᑐᐃᓐᓇᐅᒐᓗᐊᓕᕐᓂᖓᓂ ᐃᓕᓐᓂᐊᕈᑎᓂᒃ ᑕᑉᕙᓂ ᓄᓇᕘᑦᒥ ᑎᑭᓚᐅᕐᖄᑎᓪᓇᒍ 2019, ᓄᓇᕘᑦ ᒐᕙᒪᖁᑎᖏ ᐱᖁᔭᓕᐅᓚᐅᕐᒪᑕ ᐊᓯᔾᔨᖅᑕᐅᓂᒃᑯᓂᒃ ᐅᒃᑭᐊᒃᓵᒃᑯᑦ 2020 ᑭᓯᐊᓂᓕ ᑭᖑᕙᕆᐊᕐᑕᐅᑦᓗᓂᓗ ᐊᑐᕐᑕᐅᓂᖓᓂ ᐃᓄᐃᑦ ᐅᖃᐅᓯᖓᓂ ᐃᓕᓐᓂᐊᕐᐸᓕᐊᓂᖏᓐᓄᑦ. ᓴᕿᑎᑕᐅᓂᒃᑰᔪᑦ ᐊᓯᔾᔨᕐᓂᑰᓚᐅᖅᑐᑦ ᐊᓚᕈᖅᑎᑎᓚᐅᕐᒪᑕ ᐊᑐᐊᒐᕆᔭᐅᔪᓂᒃ ᓄᓇᕘᑦ ᒐᕙᒪᖏᓄ ᐊᖏᖅᓯᒪᓂᕆᓚᐅᒐᖓᓂᒃ ᐱᓕᕆᐊᕆᔭᐅᓂᖓᒍᑦ ᐊᒻᒪᓗ ᑐᑭᒧᐊᖕᓂᖓᒍᓪᓗ ᐃᓄᖕᓂ ᐃᓕᓐᓂᐊᕆᐊᕐᓯᒪᔪᓂᒃ ᐃᓕᓐᓂᐊᖁᑉᓗᒋᑦ ᐅᖃᐅᓯᑐᖃᒥᖕᓂᒃ ᐊᑐᕐᓗᑎ ᐊᔪᕈᓐᓇᐃᕐᓂᖓᓂ ᐃᓄᒃᑐᐃᓐᓇ ᐅᖃᐅᓯᖃᕐᓂᖅ, ᐅᑐᓕᖅᑎᑕᐅᓂᖓ  ᐃᓄᐃᑦ ᐅᖃᐅᓯᖓᓂᑦ ᐃᓕᑉᐸᓕᐊᒍᑕᔪᒫᕐᒪᑦ ᐊᒻᒪᓗ ᐊᑐᐊᒐᖑᖅᑎᑕᐅᓗᓂ ᐃᓕᓐᓂᐊᕈᑎᓂᒃ ᑎᒃᑭᓪᓗᒍ ᐊᔪᖏᓂᖏᑕ Grade 4 ᑕᑉᕗᖓ ᐃᓕᓐᓂᐊᖅᑎᑎᓂᒃᑯ ᐊᒻᒪᓗ ᐊᓯᕙᕐᑕᐅᓚᕆᓕᕐᓗᓂ ᒐᕙᒪᒃᑯᑦ ᐊᑐᐊᒐᖓᓂᒃ ᐱᖁᔭᑎᒎᖅᑐᒥᒃ ᓴᕿᑎᑎᓂᓗᖕᓂᖓᓂ ᐃᓄᒃᑎᑐᐃᓐᓈᖅᑐ ᐃᓕᓐᓂᐊᒐᒃᓴᐅᓂᖏ ᑎᑭᓪᓗᒋᑦ ᐊᔪᖏᓂᖏᓐᓄ Grade 12ᒧᑦ.  ᐊᒻᒪᓗ, ᓄᓇᕘᑦ ᒐᕙᒪᖁᑎᖓ ᐃᖕᒥᒎᖅᑐᒥ ᐱᑉᕕᖃᑎᑎᓚᐅᕐᓂᖓᓂ ᐅᖓᕙᕆᐊᕐᑎᑎᑦᓗᑎ ᑖᑉᓱᒥᖓ ᐱᔾᔪᑎᖃᕐᓂᖓᒍᑦ , ᐅᒃᑯᐊᓂᖃᕐᓗᓂ ᐅᒃᑭᐅᖑᓕᕐᐸᑦ2039 ᑲᑎᒪᔾᔪᑎᒃᓴᖃᕐᖢᑎᓗ ᓱᓇᐅᓗᐊᖏᓂᖅᓴᓂᒃ ᑲᑎᒪᔾᔪᑎᒃᓴᒥᖕᓂᒃ.

ᐃᓕᓐᓂᐊᕐᓂᖅ ᐋᕿᒃᑕᐅᓂᖓᒍᑦ ᐃᓄᒃᑐᐃᓐᓇᖅ ᑐᖓᕕᒋᔭᐅᒻᒪᑦ ᐃᓄᐃᑦ ᐅᖃᐅᓯᖓᓂ ᐊᒻᒪᓗ ᐃᓕᖁᓯᖓᓂᒃ, ᐊᒻᒪᓗ ᐱᓪᓚᕆᐅᓂᖓᑦ ᐃᓕᖁᓯᑉᑕ ᑭᓇᐅᖕᒪᖔᑉᑖᓗ, ᑭᖑᕚᕆᓚᐅᕐᑕᕗᓪᓗ ᐊᒻᒪᓗ ᐊᓐᓇᐅᒪᓂᕐᒥ ᐃᓄᒃᑑᕐᑐᒥ ᓄᓇᕘᑦᒥ. ᐊᒥᓲᖕᒪᑕ ᐃᓕᖁᓯᐅᓂᖏ ᑲᓇᑕᒥ ᐊᒃᓱᕈᖃᑕᐅᔪᓂᒃ ᒥᐊᓂᕆᔭᐅᓂᖏᓐᓄ ᐅᖃᐅᓯᖏᓐᓂᒃ ᓕᖕᒥᒃᓃᑐᓂᒃ ᓄᓇᑐᖃᕐᒥᒃᓂᑦ , ᓄᓇᕘᑦ ᐋᕿᒃᓱᕐᑕᐅᓂᖓ ᓇᓗᓇᐃᖅᓯᒪᖕᒪᑦ ᐃᓄᐃᑦ ᐅᖃᐅᓯᑕᖃᒃᑯᑦ ᐊᑐᓕᕐᑎᑎᓂᕐᒥ ᐳᐃᒍᖅᑕᐅᖄᖅᑎᓐᓄᒍ ᐃᓄᒃᑐ ᐅᖃᐅᓯᕐᒥᒃ.

ᐃᒪᖄ 85% ᐳᓴᑦ ᓄᓇᕘᑦᒥᐅᑕᐅᔪᑦ ᐊᒥᓲᓂᖏ ᐃᓄᐃᑦ ᓄᓇᓕᖃᕐᑐᑦ ᑕᒪᓂ ᖃᐅᔨᓐᓇᕐᒪᑦ, ᑭᓯᐊᓂ 64 ᐳᓴᑦᖏᓇᖏ ᓇᓗᓇᐃᖅᓯᓚᐅᕐᑐᑦ ᐃᓄᒃᑐ ᐅᖃᐅᓯᕐᒥ ᐊᑐᓱᕐᑐᓂᒃ ᓇᓗᓇᐃᖅᑕᐅᓚᐅᕐᑐᒃ ᖃᐅᔨᓴᕐᓂᒃᑰᓚᐅᖅᑐᒥᒃ ᐅᑭᐅᖑᑎᓪᓗᒍ  2016 ᑲᓇᑕᒥᐅᓂ ᓈᓴᕐᑕᐅᑎᓪᓗᒋᑦ, ᐊᒪᓗ ᑲᔪᓯᓂᖓᓂ ᓄᖑᑉᐸᓕᐊᓂᖓᓂ ᐅᖃᐅᓯᖅ ᐃᓄᒃᑐᑦ ᐅᓗᕆᐊᓇᖅᓯᑐᐃᓐᓇᕐᒪᑦ . ᑕᐃᒫᒃ ᐱᔾᔪᑎᒋᓪᓗᒍ ᓯᖁᒥᑎᓚᐅᕐᓂᖓ ᓄᓇᕘᑦ ᒐᕙᒪᑯᓐᓄᑦ ᐊᑐᓕᖁᔭᐅᓂᒃᑯᓂᓗ ᐊᒻᒪᓗ ᐋᕿᒃᐸᓕᐊᖏᓐᓂᖓᒍᓗ ᐃᓄᒃᑎᑐᐃᓐᓇᕆᐊᖃᕐᓂᖓ ᐃᓕᓐᓂᐊᕈᑎᒃᓴᐅᔪᑦ , ᑕᐃᒪ ᐊᑐᓕᕐᓂᖓᓗ ᐊᒻᒪᓗ ᐅᖃᕈᒪᑎᐊᕐᓂᖏ ᐃᓄᒃᑐᑦ ᐊᒃᓱᕈᓐᓇᓕᕐᓗᓂᓗ ᓄᖑᑐᐃᓐᓇᓕᕐᒪᑦ ᓯᕗᓂᒃᓴᕆᔭᑉᑕ ᐃᓕᓐᓂᐊᕈᑎᐅᔪᓂᒃ ᐃᓄᒃᑐᑦ.

ᐱᓕᕆᐊᕆᔭᐅᖏᑉᐸᑦ ᐊᒻᒪᓗ ᐋᕿᒃᑕᐅᖏᐸᓪᓗ ᑕᒪᓐᓇ ᑎᓕᔭᐅᓯᒪᔪᒧᑦ ᓄᓇᕘᑦ ᒐᕙᒪᒃᑯᓐᓄᑦ, ᓄᖑᑉᐸᓕᐊᑐᐃᓐᓇᕐᓂᐊᖅᓱ ᐃᓄᒃᑐ ᐅᖃᐅᓯᖓ — ᐊᒻᒪᓗ ᐊᒃᑐᕐᐸᓕᐊᓗᓂᓗ ᓈᒪᖏᑐᒧᑦ ᐱᔾᔪᑎᖃᕐᓂᕐᒧ ᐃᓄᐃᑦ ᐃᓕᖁᓯᖏᓐᓂ ᐊᒻᒪᓗ ᐊᒃᓱᕉᑕᐅᔪᓂᓪᓗ— ᐋᕿᒃᑕᐅᖏᓂᖓ ᒫᓇᐅᔪᖅ ᐅᓗᕆᐊᓇᕐᓯᑐᐃᓐᓇᕐᒪ ᐊᒻᒪᓗ ᑭᖑᕙᒍᑦ ᓴᑐᕐᓯᓂᕐᒥ ᐊᔪᕐᓇᖅᓯᓗᓂ ᐅᖃᐅᓯᑐᖃᕐᒥᒃ ᐃᓄᖁᑎᒥᓐᓄ .

“ᒫᓇᐅᓕᕐᑐ ᐃᓕᓐᓂᐊᕐᕕᐅᔪᑦ, ᑕᐃᑉᓱᒪᓂᑐᑦ ᐊᐅᓚᐃᔭᐅᑦᓗᑎᒃ ᐃᓕᓐᓂᐊᕆᐊᖅᑕᓚᐅᖅᑐᓂᒃ , ᐃᓄᐃᑦ ᓄᓇᕘᑦᒥᐅᑕ ᑐᓗᕈᑎᓕᐅᕐᑕᐅᕗᑦ ᐃᓕᑉᐸᓕᐊᕐᓂᕐᒥ ᐅᖃᐅᓯᖓᓂ ᐃᓄᒃᑐᑦ ᓵᓚᐅᒥᐊᓕᕐᓗᓂᓗ ᖃᑉᓗᓈᑐᑦ ᐅᑉᕙᓘᓃᑦ ᐊᓯᖏᓐᓂ ᐅᖃᐅᓯᐅᔪᓂᒃ . ᐅᖃᐅᓯᓕᕆᓂᒃᑯᑦ ᑕᐃᔭᐅᓂᖓᓂ ᐃᓕᑉᐸᓕᐊᓱᕐᑐᑦ ᐅᓗᕆᐊᓇᖅᓯᑐᐃᓐᓇᕐᒪᑦ ᐅᖃᕈᓐᓇᕐᓂᖅ. ᑭᓯᐊᓂᓕ ᐃᑲᔪᖅᑐᐃᓂᒃᑯ ᓴᖏᑎᕆᓂᕐᒥ ᐃᓄᐃᑦ ᐃᓕᓐᓂᐊᕈᑎᖏᓐᓂᒃ ᐃᓕᓐᓂᐊᕐᕕᑰᖅᑐᓂᒃ ᑕᒪᐃᓐᓂᒃ ᒥᑭᔪᓂᒃ ᐱᒋᐊᕐᓗᒍ ᐊᒻᒪᓗ ᕿᓂᖃᑦᑕᕐᓗᑎᒃ ᐃᓕᓐᓂᐊᕈᑎᒃᓴᐅᔪᓂ ᓯᕗᓂᒃᓴᒧᑦ ᐊᑐᒐᒃᓴᐅᔪᒫᓂᒃ ᐃᓄᐃᑦ ᐱᓐᓇᕆᔭᐅᓂᖏᓐᓂᒃ, ᒐᕙᒪᖁᑎᕗᑦ ᓄᖑᑉᐸᓕᐊᓕᕐᒪᒍ ᐅᖃᐅᓯᑐᖃᕗᑦ ᐊᒻᒪᓗ ᐱᓐᓇᐅᑎᕗᓪᓗ ᐃᓄᒃᑎᑐ .” ᒫᓇᐅᓕᕐᑐ ᓄᓇᕘᑦ ᐃᓕᓐᓂᐊᕈᑎᖏ ᐊᑐᕐᑕᐅᔪᑦ ᐊᖑᒪᖏᒻᒪᑕ ᐱᖁᔭᓕᐅᖅᑕᐅᓂᒃᑯᒥᒃ ᐃᓕᓐᓂᐊᕈᑎᒃᓴᐅᔪᓂᓗ ᐊᒻᒪᓗ ᐊᑐᒐᒃᓴᐅᓂᖏᓗ ᐃᓄᑐᖃᐃᑦ ᐅᖃᐅᓯᖏᓐᓂ ᐃᓕᓐᓂᐊᕆᐊᑲᓂᓕᕌᖓᑕ ᐅᑉᕙᖣᓃᑦ ᐃᑦᖃᓇᐃᔭᕈᑎᐅᔪᒫᖅᑐᓂᒃ ᐊᒻᒪ ᑮᓇᐅᔭᓕᐅᕈᑕᐅᔪᒪᑐᓂᒃ”,  ᐅᖃᖅᑐᖅ ᓄᓇᕘᑦ ᑐᖕᖓᑎᒃ ᑎᒥᖁᑎᖓᑕ ᐊᖓᔪ ᖃᖓ, ᐊᓗᑭ ᑰᑏᖅ

ᓄᓇᕘᑦ ᑐᖕᖓᑎᒃ ᑎᒥᖁᑎᖓ ᐃᑲᔪᖅᑐᑕᐅᕗᑦ ᐃᖃᑐᐃᔨᑰᕐᓂᖓᓂ ᐃᓚᒋᔭᐅᑉᓗᑎᒃ ᐃᓄᖕᓄ ᐊᖓᔪᖄᕆᔭᐅᔪᓄ ᐊᒻᒪᓗ ᐃᓕᓐᓂᐊᕆᐊᕐᓯᒪᔪᓄᑦ ᐊᑐᓚᐅᖅᓯᒪᔪᓂᒃ ᐊᒻᒪᓗ ᐊᒃᑐᐊᕆᔭᐅᓂᖓᒍ ᓈᒪᖏᑦᑐᓂᑦ ᐱᔾᔪᑎᖃᕐᖢᑎᒃ ᐃᓄᒃᑐ ᐃᓕᓐᓂᐊᕈᑎᖃᓗᐊᖏᓂᖓᓂᒃ ᐊᒃᓱᕈᖅᑎᑕᐅᓚᐅᕐᓂᖏ ᐃᓕᓐᓂᐊᕐᕕᖕᓂ ᓇᓂᑐᐃᓐᓇ  ᐃᓄᒃᑐ ᐅᖃᐅᓯᖃᖏᓂᓐᖓᒍᑦ.

-30-

ᑐᑭᓯᒋᐊᒃᑲᓂᕐᕕᒃᓴᖅ:

ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨᐅᓂᕐᒥᒃ ᑐᓴᐅᒪᔾᔪᑎᓕᕆᔨᒃᑯᓐᓂ ᐃᓕᓐᓂᐊᖅᑐᖅ
ᓄᓇᕗᑦᑐᙵᕕᒃᑎᒥᖓ
ᐅᖄᓚᐅᑖ:(867)975-4900/ᐊᑭᖃᙱᑦᑐᖅ:1-888-646-0006

www.tunngavik.com

ᐅᓂᑉᑳᖓ: ᐃᓄᐃᑦ ᐅᖃᐅᓯᖓ ᐊᒻᒪᓗ ᐱᓐᓇᐅᑎᖏᓪᓗ

• ᑕᐃᒪᖓᓂ ᓴᕿᑎᑕᐅᓂᖓ ᓄᓇᕘᑦ ᐅᑭᐅᖑᑎᓪᓗᒍ 1999, ᓄᓇᕘᑦ ᑐᖕᖓᑎᒃ ᑎᒥᖁᑎᖓ ᑲᑎᒪᔨᐅᓂᖏ ᐊᒥᓱᐃᕐᖢᑎᒃ ᑲᑎᒪᓐᓂᒃᑯᑦ ᐱᖁᔨᕗᖔᓕᐅᖅᓯᒪᓕᕐᑐᑦ ᐅᒃᑭᐅᖑᔪᓂ ᐊᑐᕐᑕᐅᓂᒃᑯᓂ ᐱᒋᐊᖢᒍ 1999, 2000, 2003, 2004, 2005, 2006, 2007, 2013, 2016, 2017, 2018 and 2019, ᑐᒃᓯᕋᐃᓇᕐᖢᑎᓪᓗ ᓄᓇᕘᑦ ᒐᕙᒪᖓᓐᓂᒃ ᐃᒪᓐᓇᐃᓕᐅᖁᔨᑦᓗᑎᒃ;

• ᓴᕿᑎᑕᐅᓗᓂ ᐃᓄᒃᑐᒃ ᐅᖃᐅᓯ ᐃᓕᓐᓂᐊᕈᑕᐅᓕᕐᓗᓂ ᐱᒋᐊᓗᑎᒃ ᒥᑭᓂᖅᓴᓂ ᑕᐃᒃᑯᖓ ᑎᑭᓪᓗᒍ ᐊᖏᓂᖅᓴᓄᑦ ᐃᓕᓂᐊᕐᑐᓂᒃ ,
• ᒥᐊᓂᕆᔭᐅᑎᐊᕐᓗᓂ ᐃᓕᓐᓂᐊᕈᑎᒃᓴᐅᔪᑦ ᐃᓕᔭᐅᓂᖏᓂ ᐃᓚᐅᑎᑎᑕᕐᓗᑎᒃ ᐊᖓᔪᖄᓂᖅᖠᖅ ᐃᓕᓐᓂᐊᕕᒃᑯᐃᓐᓇᐅᖏᑐᖅ,
• ᒥᐊᓂᕆᔭᐅᓗᑎᒃ ᐃᓕᓐᓂᐊᕈᑎᒃᓴᐅᔪ ᐊᑐᐊᒐᖃᖁᓪᓗᒋᑦ ᐃᓄᐃᑦ ᐅᖃᐅᓯᖏᓐᓗ ᐊᒻᒪᓗ ᐃᓕᖁᓯᑐᖃᖏᓐᓂᒃ,
• ᒥᐊᓂᕆᔭᐅᓗᑎ ᐃᓄᒃᑐ ᐃᓕᓐᓂᐊᖅᑎᑎᔨᐅᔪᑦ ᐃᑲᔪᕐᑕᐅᑎᐊᕐᓂᖏ ᐃᓕᓐᓂᐊᑐᓕᕆᔨᒃᑯ, ᐃᓕᓐᓂᐊᒃᑲᓂᕐᓗᑎᓗ, ᓂᕈᐊᕐᓂᕐᒥ ᐊᒪᓗ ᐊᓯᕙᐃᓂᕐᒥ ᐱᓕᕆᔨᓂᒃ

• ᐅᖃᐅᓯᐅᓚᐅᖅᑐᓂᒃ ᐃᓱᒫᓗᒋᔭᐅᓚᐅᖅᑐᑦ ᑭᖑᓪᓕᕐᒥ ᑲᑎᒪᑎᑎᒪᑕ ᐃᓄᖕᓂᒃ ᑲᑎᒪᓂᒃᑯ ᐅᑭᐅᖑᑎᓪᓗᒍ 2018 ᓄᓇᕘᑦᒥᐅᑕᓗᒃᑖᓄᑦ ᐅᕐᓂᒃᓯᓚᐅᕐᑎᓪᓗᒋ ᐅᖃᐅᓯᐅᒐᓚᐅᕐᑐᑦ ᐅᑯᐊᖑᔪᑦ;

• ᐱᑦᑕᖃᓗᐊᖏᓂᖏ ᐃᓄᐃᑦ ᐃᓕᓐᓂᐊᖅᑎᑎᔨᓂᒃ, ᐊᒻᒪᓗ ᐃᑲᔪᖅᑐᑕᐅᑎᐊᖏᓐᓂᖓᒍᑦ ᐃᓄᐃᑦ ᐃᓕᓐᓂᐊᑎᑎᔨᐅᔪᓂᒃ , ᐃᓕᓂᐊᕐᓂᒃᑯᑦ , ᐊᔪᕈᓐᓇᐃᓴᕐᓂᒃᑯ ᐃᓕᔭᐅᓂᖏ ᐃᑦᖃᓇᐃᔭᕐᕕᖕᓄᑦ ,ᓂᕈᐊᖅᖠᓂᕐᒥ ᐊᒻᒪᓗ ᐊᓯᕙᐃᓂᕐᒥ ᐃᑦᖃᓇᐃᔭᕐᑎᓂᒃ ,
• ᐱᑕᖃᓗᐊᖏᓂᖓ ᐃᓄᒃᑐ ᐃᓕᓐᓂᐊᕈᑎᒃᓴᓂᒃ, ᐅᖃᓕᒫᒐᒃᓴᓂᓗ ᐊᒻᒪᓗ ᐃᑲᔪᖅᑐᐃᓂᖏᓗ ᐃᓄᖕᓂ ᐃᓕᓐᓂᐊᖅᑎᑎᔨᐅᔪᓂᒃ, ᐊᒻᒪᓗ ᐊᔪᖅᑎᑕᐅᓂᖓᓂ ᓴᕿᑎᑕᐅᓂᖏ ᐊᑐᐊᒐᑎᐊᖑᔪᓂᒃ ᐃᓄᐃ ᐅᖃᐅᓯᖏᓐᓂ ᐊᒻᒪᓗ ᐃᓕᖁᓯᖏᓐᓂᒃ , ᐊᒻᒪᓗ ᐅᖃᐅᓯᑐᖃᕐᖏᓐᓂ ᐊᑐᓕᕐᑎᑎᓂᕐᒥᒃ ,
• ᑐᓗᕈᑎᐅᔪᑦ ᐃᓚᐅᑎᑎᑕᖏᓂᕐᒥ ᐃᓄᖕᓂ ᐃᓐᓇᕆᔭᐅᔪᓂᒃ ᑐᑭᓯᓕᐅᕈᓇᑎᐊᕐᑐᓂᒃ,
• ᐊᔪᕐᑎᑕᐅᓂᖏᓪᓗ ᐊᖓᔪᖄᓂᒃ ᐊᒻᒪᓗ ᓄᓇᓕᖕᒥᐅᑕᐅᔪᓂᒃ ᐃᓄᖏᓐᓂᓗ ᑎᒍᒥᑎᑕᐅᖏᑕᕐᖢᑎᒃ ᓱᓇᓂᒃ ᐃᓕᓐᓂᐊᕐᑐᓕᕆᔨᑯᑦ ᑲᑎᒪᔨᖏᑕ ᐅᖃᐅᓯᐅᓱᕐᑕᓐᖏᓂᒃ ᐃᓱᒫᓗᒋᔭᐅᔪᓂᓪᓗ, ᐊᒻᒪᓗ ᐊᑐᓕᖅᑎᑕᐅᔪᑐᖃᕐᒥᒃ ᐱᖁᔭᓂᓪᓗ ᐊᑐᐊᒐᑐᖃᕐᓂᓗ ᐊᓯᕙᕐᑕᐅᑕᖏᒻᒪᑕ ᑎᒍᒻᒥᔪᓂᒃ ᑎᒥᐅᔪᓂᒃ (ᐆᒃᑐᑎᒋᓗᒋ ᐃᓕᓐᓂᐊᕈᑎᒃᑯ ᐊᑐᐊᒐᒃᓴᐅᔪᑦ , ᐃᓚᐅᑎᑎᓂᕐᒥ ᐃᓕᓐᓂᐊᕐᑐᓕᕆᔨᓂᒃ , ᐃᓱᒪᑕᒃᓴᐅᔪᓂᒃ ᓂᕈᐊᕐᖠᕐᓂᕐᒥᒃ, ᐊᒪ ᓇᓗᓇᐃᓯᓂᖅ ᐅᑉᓗᕿᐅᑎᓂᒃᑯᑦ ), ᐊᒻᒪᓗ ᐊᔪᖅᑎᑕᐅᓂᖏᓗ ᐱᓐᓇᐅᑎᖏᓐᓂᒃ ᐊᑐᓕᖁᔨᓂᕐᒥ ᒥᑭᔪᐃᓐᓇᕐᓂ ᐃᑲᔪᖅᑎᖃᕐᖢᑎᓗ ᐊᒻᒪᓗ ᐊᑐᒐᒃᓴᖃᓗᐊᖏᓪᖢᑎᒃ ,
• ᐊᔪᓕᖅᑎᑎᓂᕐᒥ ᐃᓕᓐᓂᐊᕆᐊᕐᓯᓚᔪᓂᒃ ᐱᐊᓂᖕᓂᒥ ᐃᓕᓐᓂᐊᕈᑎᓂᒃ, ᖄᒃᑲᓂᐊᒍ ᐃᓕᓐᓂᐊᕈᑎᒃᓴᓂᒃ , ᐱᓕᕆᑉᕕᖃᑎᐊᕐᓂᐊᒻᒪᓗ ᓂᕈᐊᖅᑕᐅᓂᖏ ᐃᑦᖃᓇᐃᔭᕐᕕᖕᓄᑦ ᐱᔾᔪᑎᖃᕐᖢᑎᒃ ᐃᓚᖃᕐᓂᑯ ᑐᓂᔭᐅᓂᕐᒥ ᐃᑦᖃᓇᐃᔭᕐᑎᐅᓂᕐᒧ ᐊᒻᒪᓗ ᐃᑲᔪᖅᑎᒌᖏᑐᓂᒃ ᓴᕿᑎᑎᔪᓂᒃ ᐊᕿᒃᓱᐃᓂᕐᒥ ᐃᓕᓐᓂᐊᕆᐊᓱᕐᑐᓂᒃ ᓈᓴᐃᓂᖅ

• ᓄᓇᕘᑦ ᑐᖕᖓᑎᒃ ᑎᒥᖁᑎᖓ ᑐᓂᓯᓚᐅᖅᑐᑦ ᐃᖕᒥᒎᖅᑐᒥ ᐱᖁᔭᒥᒃ’ ᑕᐃᔭᐅᔪᒥᒃ ᓄᓇᕘᑦ ᐃᓕᓐᓂᐊᕈᑎᒃᓴᐅᔪᖅ ᐱᖁᔭ ᐅᒃᑭᐊᒃᓵᖑᑎᓪᓗᒍ 2019, ᑕᒪᓐᓇ ᐊᑐᓕᕐᓂᖓ ᓴᕿᑎᑕᐅᓚᐅᖅᑐᖅ ᐊᔪᕐᓇᓯᒍᓂ ᐊᑐᐊᒐᒃᓴᐅᓂᖓ ᐱᖁᔭᑯᑦ Bill 25, ᑖᒻᓇ ᐱᖁᔭ ᐋᕿᒃᓱᕈᑕᐅᓂᐊᖅᑐᒧᑦ ᐃᓕᓐᓂᐊᑐᓕᕆᔨᒃᑯ ᐱᖁᔭᖓᓂᒃ ᐊᒻᒪᓗ ᐃᓄᐃᑦ ᐅᖃᐅᓯᖓᓄ ᒥᐊᓂᕆᔭᐅᓂᖓᑕ ᐱᖁᔭᖅ, ᑕᒪᓐᓇ ᓴᕿᑎᑕᐅᓚᕐᐅᑐ ᓄᓇᕘᑦ ᒐᕙᒪᒃᑯᖏᓐᓄ ᐱᖁᔭᖑᑎᑕᐅᖄᑎᓐᓇᒍ ᑖᑉᓱᒥᖓ ᐱᖁᔭᒥ Bill 25 ᐊᓂᒍᖅᑕᐅᓂᒃᑰᓚᐅᖅᑐ ᒪᓕᒐᓕᕆᔨᕐᔪᐊᒃᑯᓐᓄ ᓄᓇᕘᑦᒧ ᑕᐃᑉᓱᒪᓂ ᐅᒃᑭᐊᒃᓵᒃᑯᑦ ᐊᒃᑑᐸ  ᑖᒻᓇ ᓄᓇᕘᑦ ᐃᓕᓐᓂᐊᕐᑐᓕᕆᔨᒃᑯ ᐱᖁᔭᓕᐊᖓ ᓴᕿᑎᑕᐅᓚᐅᕐᑐᖅ ᐱᑉᕕᖃᖁᓗᒍ ᐃᓄᒃᑐ ᐅᖃᐅᓯᖅ ᐊᑐᓕᖁᓗᒍ ᐃᓕᓐᓂᐊᕐᕕᖕᓂ ᐱᒋᐊᕐᓗᖑ ᒥᑭᔪᓂᒃ ᐃᓕᓐᓂᐊᖅᑐᓂᒃ ᑕᐃᒃᑯᖓ ᑎᒃᑭᓪᓗᒍ ᐊᖏᔪᓄᑦ ᐃᓕᓐᓂᐊᕐᑐᓄᑦ, ᐃᓄᐃᑦᓗ ᑎᒍᒻᒪᑲᓂᖁᓗᒋ ᐃᓕᓐᓂᐊᕐᑐᓕᕆᓂᕐᒧᑦ , ᐊᖓᔪᖄᕆᔭᐅᖁᓪᓗᒋᓗ ᐃᓄᒃᑐ ᐅᖃᐅᓯᖏᑕ ᐃᓕᓐᓂᐊᖅᑐᓕᕆᔨᒃᑯᖏᓄ ᐊᒻᒪᓗ ᐃᓕᖁᓯᑐᖃᖏᓄ ᐃᓕᓐᓂᐊᕈᑎᐅᓂᐊᖅᑐᓂᒃ , ᐃᓄᐃ ᐃᑦᖃᓇᐃᔭᕐᑎᖏᑕ ᑐᑭᒧᐊᒍᑎᖏᓐᓄᓗ ᑐᕌᖓᔪᒧᑦ ᓄᓇᕘᑦ ᒐᕙᒪᖁᑎᖓᓄᑦ ᑎᓕᔭᐅᓂᖏᑕ ᐃᓕᓐᓂᐊᖅᑎᑎᓂᕐᒥ, ᐃᓕᑎᓂᒃᑰᑦᑐᒥ, ᓂᕈᐊᕐᖠᓂᕐᒥ ᐊᒻᒪ ᐱᓯᒪᐃᕐᓇᓂᖓ ᐃᓄᒃᑐ ᐅᖃᓱᕐᑐᓂᒃ ᐃᓕᓐᓂᐊᕐᑐᓕᕆᔨᓂᒃ , ᐊᒻᒪᓗ ᐊᓯᖏᓐᓂ ᐊᑐᐊᒐᒃᓴᐅᓂᐊᕐᑐᓂᒃ ᐋᕿᒃᓱᐃᓂᕐᒥ ᐃᓕᓐᓂᐊᕈᑎᒃᓴᐅᔪᓂᒃ ᐊᑐᓕᖁᔨᓂᖓᒍᑦ

• ᓇᓗᓇᐃᒃᑯᑎᖓ ᑖᒃᓱᒧᖓ ᐱᔾᔪᖓᓂᒃ ᓇᓗᓇᐃᓯᕗᖅ ᓄᓇᕘᑦ ᒐᕙᒪᖁᑎᖓᓂ ᐱᑉᕕᖃᑎᑎᖏᓐᖓᒍᑦ ᐱᓐᓇᐅᑎᑎᓂᓗ ᐊᒻᒪ ᓇᕈᓇᕐᓯᑎᑎᓗᓂᓗ ᐊᑐᐊᒐᒃᓴᐅᔪᓂ ᐃᑯᓄᖓ;

1. ᐱᖑᔭᖅᑎᑎᓪᓗᑎᓗ ᐃᓄᐃᑦ ᐃᓕᓐᓂᐊᕆᐊᖅᑐᑦ ᐊᑐᓕᖁᔭᐅᑉᓗᑎᒃ ᐃᓕᓐᓂᐊᕈᑎᐅᔪᓂᒃ ᖃᑉᓗᓈᑎᑐᐃᓐᓇᕐᓗ ᐊᒻᒪᓗ ᐊᓯᖏᓐᓂ ᐅᖃᐅᓯᕐᓂᒃ, ᐊᒪᓗ ᑐᓗᕈᑎᖃᕐᑎᑎᓗᑎ ᐃᓕᓐᓂᐊᕈᑎᓂᒃ ᐱᑕᖃᖏᑐᒥ ᐃᖕᒥᒍ ᐅᖃᐅᓯᑐᖃᒥᓂ ᐊᒻᒪᓗ ᐃᓕᖁᓯᑐᖃᕐᒥᓂᒃ , ᐊᒻᒪᓗ
2. ᐊᒃᑐᐊᕐᖃᕐᖢᑎᒃ ᐊᔪᖏᓐᖏᓐᓂ ᑎᑭᑕᐅᓂᖓ ᐃᓱᓕᓂᕐᒧᑦ ᐃᓕᓐᓂᐊᕈᑎᒋᔭᒥᓐᓂᒃ, ᐊᒻᒪᓗ ᖄᑲᓂᐊᒍᑦ ᐱᑕᖃᕈᓇᐃᐸᓕᐊᑦᓗᑎᒃ ᐱᑉᕕᒃᓴᐅᔪᓂᒃ ᐃᓕᓐᓂᐊᒃᑲᓂᕈᒪᓂᖏᓐᓄᑦ , ᐃᑦᖃᓇᐃᔭᕐᓂᕐᒧᖅ ᐊᒻᒪᓗ ᐃᓚᐅᖃᑕᐅᓂᕐᒥ ᑮᓇᐅᔭᓕᐅᕈᑎᒃᓴᕐᓂᒃ

• ᐊᐱᖁᑎᓄᒃ ᐃᓕᔭᐅᓯᒪᔪᑦ ᑖᑉᓱᒧᖓ ᓇᓗᓇᐃᖅᑕᐅᓂᖓᓂᒃ ᐅᑯᐊᖑᕗᑦ ᑲᒥᓴᒋᔭᐅᔪ ᓄᓇᕗᑦᒧ ᐊᒻᒪ ᑭᒡᒐᖅᑐᐃᔨᕐᔪᐊᖓ ᒪᓕᒐᓕᕆᔨᓄ ᓄᓇᕘᑦᒥ ᑖᑉᑯᐊ ᑭᒡᒐᑐᐃᓪᓗᑎᒃ ᓄᓇᕘᑦ ᒐᕙᒪᑯᑦᓄᑦ, ᓄᓇᕘᑦ ᑐᖕᖓᑎᒃ ᑎᒥᖁᑎᖓ ᐊᒻᒪᓗ ᐃᓄᖕᓂ ᐊᖓᔪᖄᓂᒃ ᐃᓕᓐᓂᐊᕆᐊᖅᓯᒪᔪᓂᒃ ᑕᑉᕙᓂ ᓄᓇᕘᒃ ᐃᓕᓐᓂᐊᕐᑐᓕᕆᔨᕐᔪᐊᒃᑯ ᐊᑐᐊᒐᖓᓂᒃ.

• ᐊᐱᖁᑎᓄ ᐃᓕᔭᐅᓂᖓ ᕿᓂᖅᑕᐅᕗᖅ ᑕᑉᕙᓂ ᓄᓇᕘᑦ ᐊᐱᖁᑎᕐᔪᐊᖏᓐᓄᑦ ᑕᑯᔪᒪᑦᓗᑎᒃ ᐃᑲᔪᕈᑎᐅᓂᐊᖅᑐᓂᒃ ᐊᐱᖁᑎᒃᑰᓯᒪᔪᓂᒃ ᑎᓕᔭᐅᓂᖏᓐᓄ ᑕᐃᑯᖓ ᓄᓇᕘᑦ ᒐᕙᒪᖏ ᐊᑐᓕᖁᓪᓗᒋᑦ ᐅᑯᓂᖓ;

1. ᓴᕿᑎᑦᓯᓗᑎ ᐅᑐᓕᖁᔭᐅᔪᒥᒃ ᐸᕐᓇᒍᑎᒥ ᒪᓕᒡᓗᒍ ᐅᖃᖃᑎᒋᔭᐅᓚᐅᕐᓂᖓᓂ ᓄᓇᕘᑦ ᑐᖕᖓᑎᒃ ᑎᒥᖁᑎᖓ ᑕᕿᓂᒃ ᐊᕐᕕᓂᓕᖕᓂ ᑐᓴᕐᑎᑕᐅᓂᖓ ᒪᓕᒡᓗᒍ ᐊᐱᖁᑎᒃᑯ ᑐᓴᕐᑎᑕᐅᓂᖓᓂᒃ,
2. ᑐᓂᓯᓗᑎᒃ ᐃᓄᐃ ᐅᖃᐅᓯᖃᑐᒥ ᐃᓕᓐᓂᐊᕈᑎᒃᓴᐅᔪᓂ ᐱᒋᐊᕐᓗᒍ ᐃᓕᓐᓂᐊᖅᑐᓂᒃ ᖁᑦᓯᓂᓖ 4 ᑎᒃᑭᓗᒍ ᐊᖏᓂᖅᓴᐅᔪᓄᑦ 12 ᑕᑉᕙᓂ ᐃᓗᐊᓂ ᑕᓕᒪᓂᒃ ᐅᒃᑭᐅᓂ ᑐᓴᕐᑎᑕᐅᓂᖓ ᐊᐱᖁᑎᓂᒃ,
3. ᑐᓴᕈᑎᓕᐅᕐᓗᑎᒃ ᖃᐅᔨᒪᒍᑕᐅᓂᐊᖅᑐᒥᒃ ᐊᐱᖁᑎᓄᑦ ᖃᐅᔨᒋᐊᕐᑕᕐᓗᑎ ᖃᓄᐃᓕᐅᓕᕐᒪᖔᑦ ᐸᕐᓇᑕᐅᓂᖓᓗ ᐊᒻᒪᓗ ᐊᑐᓕᖁᔭᐅᓂᖓᓗ ᐃᓄᒃᑐ ᐅᖃᐅᓯᕐᒥ ᐃᓕᓐᓂᐊᕈᑎᓂᒃ

• ᐃᓚᖓᒍᑦᓕ, ᑕᒪᓐᓇ ᓇᓗᓇᐃᖅᑕᐅᓚᐅᖅᑐ ᕿᓂᕐᑎᑎᒐᒥ ᓈᒪᒋᔭᐅᓂᖃᕐᓗᓂ ᑕᒪᒃᑯᐊ ᐊᓯᔾᔨᖅᑕᐅᓂᒃᑰᓚᐅᖅᑐᓂᒃ ᒪᓕᒐᕐᒧᑦ ᐃᓚᖓᓂᒃ ᑐᕌᖅᑐᒥ ᐃᓄᐃᑦ ᐃᓕᖁᓯᖏᓄᓗ ᐃᓕᓐᓂᐊᕈᑎᒃᓴᐅᓂᐊᖅᑐᓂᒃ ᑎᑭᓚᐅᕐᖄᖅᑎᓐᓇᒍ ᐅᒃᑭᐅᖅ 2039 ᓈᒪᒋᔭᐅᖏᓂᖓᓄ ᐃᓄᐃᑦ ᐊᖓᔪ ᖃᖑᔪᓄᑦ ᐊᒻᒪᓗ ᐃᓕᓐᓂᐊᕆᐊᕐᑐᓂᒃᓗ ᐊᒻᒪᓗ ᐊᑐᓕᖁᔭᐅᖏᓗᓂᓗ.

• ᓄᓇᕘ ᒐᕙᒪᖁᑎᖓ ᑐᓂᔭᐅᕗᑦ ᐅᑉᓗᓂᒃ 30 ᓴᕿᑎᑎᔪᒪᑉᐸᑕ ᑎᑎᖃᒥᒃ ᑖᑉᓱᒧᖓ ᐊᑭᕋᖅᑕᐅᓂᖓᓄᑦ ᑭᐅᔭᐅᓂᖃᓂᖓᒍᑦ ᑕᑉᕗᖓ ᓇᓗᓇᐃᑕᐅᓯᒪᔪᒥᒃ ᐊᐱᖁᑎᒃᑯᑦ.