ᓴᒃᑯᑕᐅᑲᐅᑎᒋᔭᕆᐊᓕᒃ
(ᐊᒃᑑᕝᕙ 7, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᖅᑎᑦᑎᓛᖅᑐᑦ ᐊᖓᔪᖅᑳᑉ ᐃᓂᖓᓄᑦ ᑎᓰᕝᕙ 9, 2024−ᖑᓕᖅᐸᑦ. ᓂᕈᐊᕋᒃᓴᓕᐅᕈᓐᓇᖅᑐᑦ ᐊᖓᔪᖅᑳᑉ ᐃᓂᖓᓄᑦ ᐅᑯᓇᓂ ᐊᒃᑑᕝᕙ 28 ᑎᑭᓪᓗᒍ ᓄᕖᕝᕙ 1, 2024. ᖃᐅᔨᒪᒋᑦ ᐅᑯᓂᖓ:
• ᓂᕈᐊᕋᒃᓴᐅᒍᓐᓇᖅᑐᑦ ᐃᓚᒋᔭᐅᒐᓱᐊᕐᓗᓂ ᓄᓇᕗᑦ ᑐᙵᕕᒃ ᑎᒥᖓ ᐊᐅᓚᑦᑎᔨᓄᑦ ᐃᓄᒻᒪᕆᐅᔭᕆᐊᓖᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᐊᖏᕈᑎᖓᓄᑦ, ᐅᑭᐅᖃᕐᓗᑎᑦ 16-ᓂᑦ ᐅᖓᑖᓄᓪᓗ ᑎᓰᕝᕙ 9th−ᒥ, ᐊᒻᒪᓗ ᓂᕈᐊᕈᓐᓇᕐᓗᓂ. ᑕᒪᐃᓐᓂ ᓂᕈᐊᕐᓂᕐᒧᑦ ᒪᓕᒐᕋᓛᖏᑦ ᐊᒻᒪᓗ ᐊᐅᓚᑦᑎᒍᓯᖏᑦ ᐱᖃᓯᐅᔾᔭᐅᒐᔭᖅᑐᑦ ᓂᕈᐊᕋᒃᓴᓕᐅᕐᓂᕐᒧᑦ ᑎᑎᕋᕐᕕᐅᔭᕆᐊᓖᑦ ᑲᑎᖅᓱᖅᓯᒪᔪᖏᖕᓄᑦ.
• ᓂᕈᐊᕋᒃᓴᓕᐅᕐᓂᕐᒧᑦ ᓈᑎᕆᐊᓖᑦ ᐱᔭᐅᔪᓐᓇᖅᑐᑦ ᒫᓂᑲ ᐃᐅᓪ−ᑲᓇᔪᕐᒥ, ᐊᖓᔪᖅᑳᖅ ᓂᕈᐊᖅᑐᓕᕆᔨ, ᓄᓇᓕᓐᓂ ᑐᓴᐅᒪᑎᑦᑎᔨᓂᒃ ᐅᕝᕙᓘᓐᓃᑦ ᓄᓇᕗᑦ ᑐᙵᕕᒃ ᑎᒥᖓᑕ ᐃᑭᐊᖅᑭᕕᖓᓂ ᓂᕈᐊᕋᒃᓴᓕᐅᕐᓇᑉ ᒪᑐᐃᕈᓂ ᐊᒃᑑᕝᕙ 28, 2024, ᓯᕿᙳᔭᖅ 9 ᐅᓪᓛᒃᑯᑦ ᑲᓇᑕᑉ ᑲᓇᓐᓇᖓᑕ ᓯᕿᙳᔭᖓ ᒪᓕᓪᓗᒍ.
• ᐃᓄᒃ ᑐᓂᓯᔭᕆᐊᓕᒃ ᓈᑎᕇᖅᓯᒪᔪᓂᑦ ᓂᕈᐊᕋᒃᓴᓂᑦ ᐊᖓᔪᖅᑳᕐᒧᑦ ᓂᕈᐊᖅᑐᓕᕆᔨᒧᑦ. ᓂᕈᐊᖅᑕᐅᓇᓱᐊᖅᑐᑦ ᑲᒪᒋᔭᖃᕆᐊᓖᑦ ᖃᐅᔨᒪᑦᑎᐊᑎᑦᑎᓗᑎᑦ ᓂᕈᐊᕋᒃᓴᐅᓂᕐᒧᑦ ᐸᐃᑉᐹᑦ ᐊᐅᓪᓚᖅᑎᑕᐅᔪᑦ ᐊᖓᔪᖅᑳᖅ ᓂᕈᐊᖅᑐᓕᕆᔨᒧᑦ ᐱᔭᐅᒐᓗᐊᕐᒪᖔᑕ.
• ᓂᕈᐊᕋᒃᓴᓕᐅᕐᓂᕐᒧᑦ ᑎᑎᖅᑲᑦ ᐱᔭᐅᓯᒪᙱᒃᑯᑎᑦ ᓄᕖᕝᕙ 1 ᓯᕿᙳᔭᖅ 5 ᐅᓐᓄᓴᒃᑯᑦ, ᓄᓇᓖᑦ ᓯᕿᙳᔭᖓ ᒪᓕᓪᓗᒍ, ᓂᕈᐊᕋᒃᓴᓕᐊᕆᔭᐅᓯᒪᔪᖅ ᓂᕈᐊᕋᒃᓴᐅᔭᕆᐊᖃᙱᓚᖅ.
• ᓂᕈᐊᕋᒃᓴᕈᕋᓱᐊᕐᓗᑎᑦ ᓂᕈᐊᖅᑕᐅᓇᓱᐊᕆᐊᓯᒍᓐᓇᖅᑐᑎᑦ ᐊᑐᕐᓗᑎᑦ ᓇᖕᒥᓂᖅ ᑮᓇᐅᔭᕐᓂᑦ ᐃᑲᔫᑎᓂᓪᓗ ᐊᑐᕆᐊᓕᖕᓂᑦ ᐱᒋᐊᕐᓗᒍ ᐋᒡᒌᓯ 6, 2024. ᑭᓯᐊᓂᓕ, ᑮᓇᐅᔭᓂᑦ ᐱᕈᖅᓴᐃᓇᓱᐊᕆᐊᖃᙱᓚᑎᑦ ᑭᓯᐊᓂ ᐃᓕᓴᕆᔭᐅᓚᐅᕐᓗᑎᑦ ᓂᕈᐊᕋᒃᓴᐅᓕᕋᕕᑦ ᐊᖓᔪᖅᑳᕐᒧᑦ ᓂᕈᐊᖅᑐᓕᕆᔨᒧᑦ.
• ᓂᕈᐊᕋᒃᓴᐅᔪᑦ ᑐᓂᓯᔭᕆᐊᓖᑦ ᐊᒥᓱᓕᐅᖅᓯᒪᙱᑦᑐᓂᑦ ᐱᕋᔭᓐᓂᑯᖃᕐᒪᖔᖅ ᖃᐅᔨᓴᕈᑎᒥᒃ ᐅᓪᓗᖃᕐᓗᒍ 90 ᐅᓪᓗᐃᑦ ᓯᕗᓂᐊᒍᑦ ᒪᑐᐃᖅᑐᒥᓂᐅᓚᐅᖅᑎᓪᓗᒍ ᓂᕈᐊᕋᒃᓴᓕᐅᕐᓇᖅ.
• ᓂᕈᐊᕋᒃᓴᑦ ᖁᔭᓈᖅᓯᒍᓐᓇᖅᑐᑦ ᓂᕈᐊᕋᒃᓴᐅᓂᕐᒧᑦ ᐸᐃᑉᐹᖏᖕᓂᒃ ᖃᖓᑐᐃᓐᓇᒃᑯᑦ ᓯᕗᓂᐊᒍᑦ 5 ᐅᓐᓄᓴ ᓄᓇᓖᑦ ᓯᕿᙳᔭᖓ ᒪᓕᓪᓗᒍ ᓄᕖᕝᕙ 4, 2024−ᒥ.
ᖃᐅᔨᒋᐊᕐᕕᐅᔪᓐᓇᖅᑐᑦ
ᒫᓂᑲ ᐃᐅᓪ ᑲᓇᔪᖅ
ᐊᖓᔪᖅᑳᖅ ᓂᕈᐊᖅᑐᓕᕆᓂᕐᒧᑦ
ᐅᖄᓚᐅᑎᖓ: 867-222-3519
ᔭᐃᓴᓐ ᕌᕗᑦᔅ
ᐊᓪᓚᕝᕕᐊ ᐊᖓᔪᖅᑳᑉ ᓂᕈᐊᖅᑐᓕᕆᓂᕐᒧᑦ – ᐊᔮᔮ ᑐᓴᐅᒪᑎᑦᑎᔨᒃᑯᑦ
ᐃᒡᓗ 275, ᐃᖃᓗᐃᑦ, ᓄᓇᕗᑦ, X0A 2H0
ᐅᖄᓚᐅᑎᖓ: 867-222-2487
