(ᓯᑎᐱᕆ 29, 2009 – – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦᑕ ᓯᕗᓪᓕᖅ ᐊᖓᔪᖅᑳᑉ ᑐᖏᓕᐊ  ᔭᐃᔅ ᐃᑦᑐᓗᒃ ᖁᕕᐊᓲᑎᖃᖅᐳᖅ ᖃᐅᔨᒪᔨᕐᔪᐊᒥᑦ ᒪᐃᑯ ᐹᐃᔪᔅ ᐅᑉᓗᐊᓂ ᓴᖅᑭᑎᑦᑎᓪᓗᒋᑦ ᐅᖃᓕᒫᒐᓕᐊᙵᓂᒃ ᑕᐃᒎᓯᓕᒃ ᑭᐊ ᓇᖕᒥᓂᖁᑎᒋᕙᐅᑉ ᐅᑭᐅᖅᑕᖅᑐᖅ? ᑐᑭᓯᐅᒪᓗᒍ ᐅᑭᐅᖅᑕᖅᑐᒥᑦ ᐊᑦᑕᓇᖅᑕᐅᓕᒪᑎᑦᑎᓂᕐᒧᑦ ᐊᙱᖃᑎᒌᒃᑐᓐᓇᐃᓕᔾᔪᑎᑦ ᐅᑭᐅᖅᑕᖅᑐᒥ. ᑖᓐᓇ ᐅᖃᓕᒫᒐᖅ, ᓯᓚᕐᔪᐊᓕᒫᒥ ᖃᐅᔨᒪᔨᕐᔪᐊᖑᔪᓂᑦ ᐊᔭᐅᖅᑐᐃᔪᖅ ᐅᑯᐊ ᒐᕙᒪᒃᑯᑦ ᑲᓇᑕᒥ ᐃᓗᐃᒃᑲᒥᑦ ᐃᓂᓪᓚᐃᖁᓪᓗᒋᑦ ᐅᑯᐊᓗ ᓄᓇᕗᒥ ᓄᓇᑖᕐᓂᕐᒧᑦ ᐊᙱᕈᑎᑦ ᐃᒪᓐᓇ ᖃᐅᔨᒃᑲᐃᓪᓗᑎᒃ ᑲᓇᑕᒥᑦ ᐃᓗᐃᑦᑐᒥᑦ ᓄᓇᖁᑎᖃᕐᓂᕐᒥᑦ ᐱᓪᓗᒋᑦ ᐅᑭᐅᖅᑕᖅᑑᑉ ᓱᑉᓗᐊᓗᐊ..

“ᑕᑯᔭᕗᑦ ᑕᒪᓐᓇ ᖃᐅᔨᓴᖅᑕᐅᓂᖅ ᐃᓗᐃᑦᑐᒥᑦ ᐃᑲᔪᖅᑐᖅᖢᒍ ᐊᒻᒪᓗ ᐃᑲᔪᖅᑐᐃᓯᒪᓪᓗᑕ ᐅᑭᐅᓄᑦ ᐊᒥᓱᓄᑦ ᐊᒻᒪᓗ ᑲᔪᓯᑎᓪᓗᒋᑦ ᐱᓇᓱᐊᖅᑕᐅᔪᑦ ᓴᙳᑎᓐᓇᓱᒃᖢᒋᑦ ᑲᓇᑕᒥ ᒐᕙᒪᒃᑯᑦ ᑲᔪᓯᖁᓪᓗᒋᑦ ᐱᔭᒃᓴᙱᓐᓂᒃ ᒪᓕᒃᖢᒋᑦ ᓄᓇᕗᒥ ᓄᓇᑖᕐᓂᕐᒧᑦ ᐊᙱᕈᑎᑦ, ᐃᓚᒋᓪᓗᒍ ᐃᖅᑲᖅᑐᐃᕕᖕᒧᑦ ᐆᖅᓯᓯᒪᓂᖅ ᐅᕙᒐᑦ ᑖᒃᑯᓂᖓ ᒐᕙᒪᒃᑯᓐᓄᑦ 2006-ᒥ ᑐᖓᐅᑦᑎᓚᐅᕐᓂᖏᓐᓂᒃ ᐃᓂᓪᓚᐃᕙᓪᓕᐊᓂᕐᒧᑦ ᐊᖏᕈᑎᓂ ᐃᓕᖓᔪᓂᒃ,” ᐅᖃᖅᑐᖅ ᐃᑦᑐᓗᒃ.

ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖓᕗᖅᑳᖓᑦ ᐹᓪ ᖃᓗᔾᔭᖅ ᓇᓗᓇᐃᖅᓯᕕᐅᖕᒥᔪᖅ ᐅᖃᓚᐅᖅᑕᖏᓐᓂᒃ ᐅᖃᓕᒫᒐᒥ ᐃᒪᓐᓇ ᐅᖃᖅᑎᓪᓗᒍ, “ᐅᕙᒍᑦ ᐃᖅᑲᖅᑐᐃᕕᖕᒦᒃᑲᑦᑕ ᐱᔾᔪᑎᒋᓪᓗᒍ ᑲᓇᑕᒥ ᒐᕙᒪᒃᑯᑦ ᑐᖓᐅᑦᑎᓯᒪᖕᒪᑕ ᐃᓂᓪᓚᐃᕙᓪᓕᐊᓂᕐᒥᑦ ᐊᖏᕈᑎᓂᒃ ᐃᓕᖓᔪᓂᒃ ᐃᒪᓐᓇᓗ, ᐃᓗᐃᒃᑲᒥᑦ ᐊᒃᓱᕉᑎᒋᓯᒪᓪᓗᒋᑦ ᐊᒻᒪᓗ ᐊᒃᑐᖅᓯᓂᖏᑦ, ᓴᙱᓕᖅᑎᑦᑎᓇᔭᖅᑐᑦ ᑲᓇᐅᑉ ᐅᑭᐅᖅᑕᖅᑐᒥᑦ ᐊᑦᑕᓇᖅᑕᐃᓕᒪᑎᑦᑎᓂᐊᑦ..”

ᐅᖃᐅᓯᐅᑎᓪᓗᒍ ᓇᓗᓇᐃᖅᑕᐅᓂᐊᒍᑦ ᐆᒧᖓ ᖃᐅᔨᒪᔨᕐᔪᐊᒧᑦ ᐸᐃᔭᔅ, ᐊᑕᐅᓯᖅ ᐱᒻᒪᕆᐅᔪᖅ ᐱᐊᓂᒃᑕᐅᓯᒪᙱᑦᑐᖅ ᐱᔭᒃᓴᐅᔫᒐᓗᐊᒥᑦ ᐆᒪ ᐃᓗᐊᓂ ᑎᑎᕋᖅᓯᒪᔫᑉ 23, ᐃᒪᓐᓇᓗ ᐊᑐᐃᓐᓇᕈᐃᔪᖅ ᐃᓄᖕᓂᑦ ᐱᓕᕆᑎᑦᑎᓂᕐᒧᑦ ᒐᕙᒪᒃᑯᓐᓂ ᐃᓕᖓᓂᐊ ᐊᔾᔨᒋᓗᓕᐅᒃ ᐊᒥᓲᓂᙱᑦᑕ ᐃᓄᖏᑦ ᐅᑯᐊ ᐃᓄᐃᑦ ᓄᓇᕗᒥ – 85-ᐳᓴ-ᒥᑦ. ᖃᐅᔨᒪᔨᕐᔪᐊᒧᑦ ᐸᐃᔭᔅ ᐅᖃᓚᐅᕐᒥᔪᖅ ᒫᔾᔨ 2006-ᒥ ᐋᖅᑭᒃᓯᓇᓱᖕᓂᕐᒧᑦ ᐅᓂᑉᑳᓕᐊᖅ ᑕᐃᓱᒧᖓ ᐃᖅᑲᖅᑐᐃᔨᑦ ᑖᒪᔅ ᐆᔾᔪ-ᒧᑦ. ᐴᔾᔪ ᐅᓂᑉᑳᓕᐊᖓ ᐱᐊᓂᒍᑎᖃᓚᐅᖅᓯᒪᔪᖅ ᓄᓇᕗᑦ ᐊᑦᑕᓇᖅᑐᒦᓐᓂᖓᓂ, ᐊᒻᒪᓗ ᐊᑕᐅᓯᓗᐊᖅ ᐊᑲᐅᙱᓕᐅᕈᑎ ᐅᑯᓄᖓ ᐊᔾᔨᒌᒃᑎᑦᑎᓂᕐᒧᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐱᓕᕆᐊᒃᓴᓄᑦ ᓄᓇᕗᒥ ᐊᑦᑎᒃᑑᖕᒪᑦ ᐃᓄᐃᑦ ᐃᓕᓐᓂᐊᕐᕕᒃᔪᐊᒥᑦ ᐃᓕᓐᓂᐊᕐᓂᖏᑦᑕ ᐊᒥᓲᓂᖏᓪᓗ, ᑕᒪᐅᖓ ᐱᔾᔪᑎᐅᑉ ᐊᒥᒐᖅᓯᔪᑦ ᐃᓗᐃᒃᑲᒥᑦ ᐅᖃᐅᓯᖃᕐᓂᕐᒥᑦ ᐊᑕᐅᓯᐅᑉ ᐅᖓᑖᓄᑦ ᐃᓄᒃᑐᑦ ᐊᒻᒪᓗ ᐅᐃᕖᑎᑐᑦ ᐃᓕᓐᓂᐊᕐᓂᕐᒧᑦ ᐃᓕᖓᔪᑦ ᐃᓕᓐᓂᐊᕈᑎᒃᓴᑦ ᐱᒋᐊᕐᓗᒋᑦ ᐃᓕᓐᓂᐊᓕᓵᖅᑐᑯᓗᐃᑦ ᑎᑭᐅᑎᓗᒍ 12-ᒧᑦ ᖁᑦᑎᖕᓂᓕᖕᒧᑦ ᐃᓕᓐᓂᐊᕈᑎᓂᒃ.

ᐄᓛᙳᒐᓗᐊᖅ ᐊᑭᑐᔫᑎᓪᓗᒍ, ᖃᐅᔨᒪᔨᕐᔪᐊᖅ ᐸᐃᔭᔅ, ᐅᖃᖅᑐᖅ ᑕᒪᒃᑯᐊ ᑮᓇᐅᔭᓕᐅᖃᓐᓂᕋᓱᐊᕈᑎᒃ ᖄᖓᒍᑦ ᒪᑯᓄᖓ ᐊᑕᐅᓯᕐᒥᑦ ᐅᖓᑖᓄᑦ ᐅᖃᐅᓯᓂᖅ ᐅᖃᕈᓐᓇᕐᓂᕐᒥᑦ ᐃᓕᓐᓂᖓᕈᑎᑦ ᒫᓐᓇ ᐊᑐᙱᓐᓂᖅᓴᐅᓇᔭᖅᑐᑦ ᒥᓕᔭᓐᓃᑦᑐᓂᑦ ᑮᓇᐅᔭᓂᑦ ᐅᑭᐅᑕᒫᑦ ᐱᓇᓱᐊᖃᑦᑕᕐᓗᓂᒃ ᐃᖅᑲᓇᐃᔭᖅᑎᒃᓴᓂᒃ, ᐱᓕᕆᓕᖅᑎᑦᑎᓂᕐᒥᑦ ᐊᒻᒪᓗ ᐃᓕᓐᓂᐊᖅᑎᑦᑎᓂᕐᒥᑦ ᐃᓄᒻᒪᕆᐅᙱᑦᑐᓂᒃ ᑕᐅᓇᖓᑦ ᖃᑉᓗᓈᑦ ᓄᓇᖓᓐᓂᑦ, ᐊᒻᒪᓗ ᑎᑭᐅᑎᑦᑎᑎᖏᓐᓂᖅᓴᐅᓇᔭᖅᑐᑦ ᐃᓅᓯᓕᕆᓂᕐᒧᑦ ᐊᑭᓕᖅᑑᑎᓂᒃ, ᐃᒪᓐᓇᓗ ᓇᖕᒥᓂᖅ ᑕᒪᒃᑯᐊ ᐊᑭᖃᕐᒥᖕᒪᑕ ᐱᕙᓪᓕᐊᔪᓕᕆᓂᕐᒧᑦ. ᐸᐃᔭᔅ ᐅᖃᖅᑐᖅ ᖃᐅᔨᒪᔭᒥᓂᑦ, ᐃᓄᐃᑦ ᐱᑕᖃᕐᓂᖏᑦ ᐅᑭᐅᖅᑕᖅᑐᒥᑦ ᐱᒻᒪᕆᐅᕗᑦ ᐃᓕᖓᓂᐊ  ᑲᓇᑕᒥ ᐊᑦᑕᓇᖅᑕᐃᓕᒪᑎᑦᑎᓂᕐᒥᑦ.

ᐃᑦᑐᓗᒃ ᐅᖃᖅᐳᖅ, “ᑲᓇᑕᐅᑉ ᐅᑭᐅᖅᑕᖅᑐᐊᓂᑦ ᐊᑦᑕᓇᖅᑕᐃᓕᒪᑎᑦᑎᓂᖅ ᐊᑭᓕᒃᓴᖃᒻᒪᕆᒃᑐᖅ ᐊᖏᔪᐊᓗᖕᒥᑦ ᑭᑯᑐᐃᓐᓇᓄᑦ ᐃᓄᖕᓄᑦ ᑕᐃᑎᓪᓗᓂᔾᔪᑦ ᐊᖏᕐᕋᕆᓂᕐᒧᑦ. ᓴᙱᓕᖅᑎᓐᓂᐊᕐᓗᒍ ᐊᑦᑕᓇᖅᑕᐃᓕᒪᑎᑦᑎᓂᖅ, ᑲᓇᑕ ᐃᒪᓐᓇᐃᓕᐅᕆᐊᖃᖅᑐᖅ ᐃᓂᓪᓚᐃᓗᓂ ᓄᓇᕗᒥ ᓄᓇᑖᓂᕐᒧᑦ ᐊᖏᕈᑎᓂᒃ ᐊᒻᒪᓗ ᑲᒪᒋᓗᒋᑦ ᐃᓄᐃᑦ ᓄᓇᓕᖕᒥᐅᑕᑦ ᐃᒪᓐᓇ ᐅᑭᐅᖅᑕᖅᑐᖅ ᐱᕙᓪᓕᐊᔪᓐᓇᕐᓂᐊᕐᒪᑦ ᐊᔾᔨᒋᔭᐅᓕᕐᓗᓂ ᐃᓕᖓᓂᐊ ᓴᙱᔪᒥᑦ ᐊᒻᒪᓗ ᐊᒃᖢᐃᑦᑐᒥᑦ ᐃᓚᒋᔭᐅᑎᓪᓗᒍ ᑲᓇᑕᒥ.”