(ᐅᑐᐱᕆ 15, 2012 — ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᑯᒃᑯᑦ ᓂᕈᐊᖅᑐᓕᕆᔨᖓ ᐋᑕᒥ ᐃᑦᑐᐊᑦᓯᐊᖅ ᓇᓗᓇᐃᖅᓯᖅᑲᐅᕗᖅ ᐅᓪᓗᒥ ᑎᒃᑯᐊᖅᓯᓐᓇᖅ ᒪᑐᐃᕐᓂᕋᖅᑐᓂᐅᒃ ᓂᕈᐊᕐᓇᐅᓂᐊᖅᑐᒧᑦ ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᓂᑦ ᒪᑐᐃᖓᓂᐊᖅᑐᓂ ᐅᑐᐱᕆ 29-ᓄᕕᐱᕆ 2, 2012-ᒧᑦ.

ᓂᕈᐊᕐᓇᐅᓛᖅᑐᓂ ᑎᓯᐱᕆ 10, 2012-ᒥ. ᓂᕈᐊᕈᓐᓇᖅᑐᑦ ᑕᐃᒃᑯᐊ ᓯᕗᕐᖓᒍᑦ ᓂᕈᐊᕆᐊᓖᑦ ᑎᓯᐱᕆ 3, 2012-ᒥ ᓂᕈᐊᕈᓐᓇᖅᑎᑕᐅᓛᕆᓪᓗᑎᒃ ᐊᒻᒪᓗ ᓂᕈᐊᕈᔾᔭᐅᒋᐊᓖᑦ ᓂᕈᐊᕈᔾᔭᐅᓗᑎᒃ.

ᓂᕈᐊᖅᑕᐅᒐᓱᐊᕈᓐᓇᖅᑐᑦ ᑲᓇᑕᒥᐅᑕᐅᒋᐊᖃᖅᐳᑦ, ᐅᑭᐅᖃᕐᓗᑎᒃ 16-ᓂᒃ ᐅᖓᑖᓄᓪᓗ, ᐊᒻᒪᓗ ᓄᓇᕗᑖᖃᑕᐅᓯᒪᓂᕐᒧᑦ ᐊᑎᓕᐅᖅᑕᐅᓯᒪᒋᐊᖃᖅᑐᑎᒃ.

ᑎᒃᑯᐊᖅᓯᔾᔪᑎᓂᑦ ᐱᔪᓐᓇᖅᐳᓯ ᓂᕈᐊᖅᑐᓕᕆᔨᒥᑦ, ᓄᓇᓕᓐᓂᑦ ᒐᕙᒪᓕᕆᔨᐅᔪᓂᑦ ᐅᕝᕙᓘᓐᓃᑦ ᓄᓇᕗᑦ ᑐᓐᖓᕕᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓᓐᓂᑦ.

ᓂᕈᐊᒐᒃᓴᐅᔪᓐᓇᖅᑐᑦ ᑐᓂᓯᓯᒪᒋᐊᖃᖅᐳᐃᑦ ᑎᒃᑯᐊᖅᑕᐅᔾᔪᑎᒥᓐᓂᑦ ᐸᐃᑉᐹᓂᒃ ᓂᕈᐊᖅᑐᓕᕆᔨᒧᑦ 5:00-ᒥ ᐅᓐᓄᓴᒃᑯᑦ ᓄᕕᐱᕆ 2, 2012-ᒥ.

ᓂᕈᐊᒐᒃᓴᐅᔪᓐᓇᖅᑐᑦ ᐱᓕᕆᐊᖃᖅᐳᑦ ᖃᐅᔨᒪᒋᐊᖅᑎᐅᓪᓗᑎᒃ ᑎᒃᑯᐊᖅᑕᐅᔾᔪᑏᑦ ᐸᐃᑉᐹᑦ ᑐᔪᖅᑕᐅᔪᑦ ᓂᕈᐊᖅᑐᓕᕆᔨᒧᑦ ᐱᔭᐅᑦᑎᐊᕋᓗᐊᕐᒪᖔᑕ. ᑎᒃᑯᐊᖅᓯᔾᔪᑏᑦ ᐸᐃᑉᐹᑦ ᐱᔭᐅᓐᖏᑉᐸᑕ ᐃᓱᓕᕝᕕᖓᓂ ᑕᐃᓐᓇ ᓂᕈᐊᒐᒃᓴᐅᒐᔭᓚᐅᖅᑑᒐᓗᐊᖅ ᓂᕈᐊᒐᒃᓴᐅᒐᔭᓐᖏᓚᖅ ᓄᓇᕗᑦ ᑐᓐᖓᕕᒃᑯᑦ ᓂᕈᐊᕐᓇᖓᓐᓂ.

ᓂᕈᐊᒐᒃᓴᐅᔪᓐᓇᖅᑐᑦ ᐲᖅᓯᔪᓐᓇᕆᕗᑦ ᑎᒃᑯᐊᖅᑕᐅᔾᔪᑎᖏᓐᓂᑦ ᐸᐃᑉᐹᓂᑦ 5:00-ᒨᕋᓱᐊᕐᓂᖓᓂ ᓄᕕᐱᕆ 5, 2012-ᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕗᖓ ᐅᖄᓚᔪᓐᓇᖅᐳᑎᑦ:

ᐋᑕᒥ ᐃᑦᑐᐊᑦᓯᐊᖅ
ᓂᕈᐊᖅᑐᓕᕆᔨ
ᐅᖄᓇᐅᑎᖓ: (867) 979-3684 ᓱᒃᑲᔪᒃᑯᑦ: (867) 979-1487
ᐅᖄᓚᐅᑎᕋᓛᖅ: (867) 222-5505 ᐊᑭᖃᕆᐊᖃᓐᖏᑦᑐᖅ: 1-877-968-3684