ᐃᕐᖐᓐᓇᖅ ᓴᖅᑭᖅᑕᐅᒋᐊᓖᑦ
ᓄᓇᕗᑦ ᑐᙵᕕᒃ ᑎᒥᖓᓂᒃ ᒑᓴᓖᒥᒃ ᓂᐅᕕᕈᓐᓇᐅᑏᑦ
(ᕕᕝᕗᐊᓕ 22, 2023, ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖁᕕᐊᒋᔭᓖᑦ ᑐᓴᖅᑎᑦᓯᒋᐊᑦᓴᖅ ᑐᓂᐅᖅᑲᐃᓂᕐᒥᓂᒃ ᒑᓴᓖᑖᕈᑎᒃᓴᓂᒃ. ᒑᓴᓖᑖᕈᑎᒃᓴᑦ ᑐᓂᔭᐅᓂᐊᖅᑐᑦ ᐊᑕᐅᓯᐊᕐᓗᑎᒃ $750 ᒑᓴᓖᑖᕈᑎᒃᓴᓂᒃ ᐊᖑᓇᓱᑦᑎᓕᖕᓄᑦ ᐃᓪᓗᒥᐅᖃᑎᒌᓄᑦ ᓄᓇᕗᑦ ᓄᓇᓕᓕᒫᖏᓐᓂ.
ᒑᓴᓖᑖᕈᑎᒃᓴᑦ ᐃᑲᔫᑎᒃᓴᑦ ᓄᓇᕗᒻᒥ ᐃᓄᓐᓄᑦ ᐊᖑᓇᓱᖃᑦᑕᖅᑐᓄᑦ, ᓂᕿᓕᕆᕙᑦᑐᓄᑦ, ᐊᒻᒪᓗ ᒥᓇᕋᖅᐸᑦᑐᓄᑦ ᐃᓄᓕᖅᑕᓂᒃ ᓂᕿᓂᒃ. ᐊᑭᑦᑐᐸᓪᓕᐊᓂᖓ ᐅᖅᓱᖅ ᐊᒻᒪᓗ ᓱᓇᒃᑯᑖᑦ ᐅᔾᔨᓇᕐᒪᑦ ᐊᐳᖅᓯᒪᕕᐅᖃᑦᑕᕐᓂᖓᓂᒃ ᐃᓄᓕᖅᑕᓂᒃ ᓂᕿᑖᕈᑎᒃᓴᓂᒃ ᐊᒻᒪᓗ ᑐᙵᕕᒃᑯᑦ ᒑᓴᓖᒥᒃ ᓂᐅᕕᕈᓐᓇᐅᑏᑦ ᐃᑲᔫᑎᒃᓴᓕᐊᖑᓯᒪᔪᑦ ᐃᑯᓪᓚᕈᑎᒃᓴᐅᑎᑕᐅᓪᓗᓂ ᐃᓚᖏᓐᓄᑦ ᐊᑭᓕᕆᐊᖃᖃᑦᑕᖅᑕᖏᓐᓄᑦ ᐊᖑᓇᓱᑦᑏᑦ.
ᒑᓴᓖᑖᕈᑎᒃᓴᑦ ᑮᓇᐅᔭᓕᑕᐅᓯᒪᔪᑦ ᐊᖑᓇᓱᑦᑎᓄᑦ ᐃᑲᔫᑎᒃᓴᓂᒃ (HSG), ᐃᑲᔫᑏᑦ ᓂᕿᓂᒃ ᓄᓇᖅᑲᑎᒌᑦ ᒥᓇᕋᐅᑎᖃᑦᑕᕐᓂᖏᓐᓄᑦ, ᓄᓇᓕᓐᓂ ᐊᖑᓇᓱᓐᓂᖅᓴᐅᖃᑦᑕᖁᓪᓗᒋᑦ ᒥᓇᕋᐅᑎᓗᑎᓪᓗ, ᐊᒻᒪᓗ ᐅᓄᖅᓯᑲᓐᓂᖁᓪᓗᒋᑦ ᐊᖑᓇᓱᖃᑕᐅᖃᑦᑕᖅᑐᑦ ᐱᖅᑯᓯᕐᒥᒍᑦ ᐊᓯᕙᖅᑐᑎᒃ, ᐃᖃᓪᓕᐊᖅᑐᑎᒃ, ᐊᒻᒪᓗ ᓄᐊᑦᓯᖃᑦᑕᕐᓂᖏᓐᓄᑦ ᓂᕿᑦᓴᒥᓂᒃ.
ᓄᓇᓕᓐᓂ ᑐᖅᑲᑕᕐᕖᑦ (CLO) ᐊᑐᓂᑦ ᓄᓇᕗᑦ ᓄᓇᓕᖏᓐᓂ ᑐᓂᐅᖅᑲᐃᖃᑦᑕᓂᐊᖅᑐᑦ ᒑᓴᓖᑖᕈᑎᒃᓴᓂᒃ ᐊᐃᑦᓯᖄᖅᑐᑐᐃᓐᓇᐃᑦ ᑐᓂᔭᐅᖃᑦᑕᕐᓗᑎᒃ ᐱᑕᖃᕐᓂᖏᓐᓂ ᒑᓯᑖᕈᑎᒃᓴᑦ. ᒑᓯᑖᕈᑎᒃᓴᑦ ᑲᖏᕐᖠᓂᕐᒥ ᑐᓂᐅᖅᑲᖅᑕᐅᓂᐊᖅᑐᑦ ᑐᙵᕕᒃᑯᑦ ᐊᓪᓚᕝᕕᖓᓂ. ᐊᖑᓇᓱᑦᑏᑦ ᖃᐅᔨᒃᑲᐃᓗᑎᒃ ᑭᓇᐅᓂᕐᒥᓂᒃ, ᑐᙵᕕᒃᑯᓐᓂ ᐊᐅᒃᑕᔫᖓᑕ ᓈᓴᐅᑎᖓᓂᒃ ᐊᒻᒪᓗ ᐊᖏᕐᕋᖓᑕ ᓈᓴᐅᑎᖓᓂᒃ ᐊᐃᑦᓯᕈᑎᒃ ᒑᓯᑖᕈᑎᒃᓴᒥᒃ. ᐊᖑᓇᓱᑦᑏᑦ ᖃᐅᔨᒪᔭᐅᔾᔪᑎᖏᑦ ᑎᑎᕋᖅᑕᐅᖃᑦᑕᓂᐊᖅᑐᑦ ᑐᖅᑲᑕᕐᕕᖕᓄᑦ ᐊᐃᑦᑐᐃᖃᑦᑕᓂᐊᕐᒪᑕ ᐊᑕᐅᓯᕐᒥᒃ ᒑᓯᑖᕈᑎᒃᓴᒥᒃ ᐃᓪᓗᒥᐅᖃᑎᒌᓄᑦ.
ᑖᓐᓇ ᐊᑕᐅᓯᐅᒐᐅᓂᖓᓄᑦ ᐃᑲᔫᑎ ᑐᓂᐅᖅᑲᖅᑕᐅᔪᖅ, ᓄᓇᓕᓕᒫᑦ ᑐᓂᐅᖅᑲᐃᔪᐃᓐᓇᐅᓯᒪᓕᖅᐸᑕ ᐃᓘᓐᓇᖏᓐᓂᒃ ᒑᓯᑖᕈᑎᒃᓴᓂᒃ, ᐱᑕᖃᒃᑲᓂᔾᔮᖏᑦᑐᖅ ᒑᓯᑖᕈᑎᒃᓴᓂᒃ. ᑐᓂᔭᐅᔪᖃᔾᔮᖏᑦᑐᖅ ᐱᓐᓂᖏᑦᑑᒐᓗᐊᓄᑦ ᒑᓯᑖᕈᑎᒃᓴᓂᒃ ᑕᐅᖅᓯᐅᔾᔭᐅᔪᓂᒃ ᔭᒐᐃᓐᓂᕋᓗᐊᖅᐸᑕ ᓱᕋᐃᓐᓂᕋᓗᐊᖅᐸᑕᓘᓐᓃᑦ. ᒑᓯᑖᕈᑎᒃᓴᑦ ᑮᓇᐅᔭᑎᒍᑦ ᐊᑭᖃᙱᑦᑐᑦ, ᑮᓇᐅᔭᕈᖅᑎᑕᐅᒍᓐᓇᙱᑦᑐᑦ, ᐊᒻᒪᓗ ᒑᓴᓖᑐᐊᒧᑦ ᐊᑐᕋᑦᓴᑦ. ᒑᓯᑖᕈᑎᒃᓴᑦ ᐊᑐᖅᑕᐅᓯᒪᔭᕆᐊᓖᑦ ᔭᓐᓄᐊᓕ 1, 2024. ᐊᖏᕐᕋᒧᑦ ᐅᖅᓱᒃᓴᒧᑦ ᐊᑐᖅᑕᐅᒍᓐᓇᖏᑦᑐᖅ.
ᒑᓴᓖᑖᕈᑎᒃᓴᑦ ᑐᓂᐅᖅᑲᖅᑕᐅᒋᐊᕐᓂᐊᖅᑐᑦ ᓯᑕᒻᒥᕐᒥ/ᕿᑎᖅᑰᑦ, ᕕᕝᕗᐊᓕ 23, 2023.
ᑖᒃᑯᐊ ᓇᓗᓇᐃᔭᖅᓯᒪᔪᑦ ᓇᑭᑦ ᒑᓯᑖᕈᑎᒃᓴᑦ ᐊᐃᔭᐅᔪᓐᓇᕐᒪᖔᑕ ᓄᓇᓕᖕᓂᒃ ᐊᒻᒪᓗ ᒑᓯᑖᕐᕕᒃᓴᑦ ᓂᐅᕕᕐᕖᑦ ᒑᓴᓖᖅᑖᕕᑦᓴᐅᔪᓐᓇᓂᐊᖅᑐᑦ ᑕᕝᕘᓇ ᐃᑲᔫᑎᑎᒍᑦ:
ᓄᓇᓕᒃ | ᓂᐅᕕᕈᓐᓇᐅᑎᓕᕆᔨ | ᒑᓴᓖᒥᒃ ᓂᐅᕕᕈᓐᓇᐅᒻᒧᑦ ᓂᐅᕕᕐᕕᐅᒍᓐᓇᖅᑐᑦ |
ᕿᑭᖅᑕᓂ |
||
ᐃᑉᐱᐊᕐᔪᒃ | ᔮᒃ ᐅᐃᓕ – CLO | ᑕᖅᑯᑦ ᑯᐊᐸᒃᑯᑦ |
ᑲᖏᕐᖢᒑᐱᒃ | ᒦᕆᐅ ᓴᖑᔭ – CLO | ᐊᑯᓂᖅ ᓂᐅᕕᕐᕕᒃ |
ᐊᐅᓱᐃᑦᑐᖅ | ᐊᓛᓱᐊ ᐊᐅᓪᓚᓗᒃ − CLO | ᓯᑯ ᓂᐅᕕᕐᕕᒃ |
ᐃᒡᓗᓕᒃ | ᕆᑦᓱᑦ ᐊᒪᕈᐊᓕᒃ − CLO | ᐃᒡᓗᓕᒃ ᑯᐊᐸᖓ |
ᐃᖃᓗᐃᑦ | ᐄᑐᕆᐊᓐ ᑑᒪᓯ − CLO | QC ᕿᑭᖅᑖᓗᒻᒥ ᐅᖅᓴᒃᕕᒃ ᐊᒻᒪᓗ ᐃᖃᓗᐃᑦ ᑯᐊᑉ ᐅᖅᓴᕐᕕᒃ |
ᑭᒻᒥᕈᑦ | ᐱᐅᕆ ᐃᑭᓪᓗᐊᖅ − CLO | ᑭᒥᒃ ᑯᐊᐸᒃᑯᑦ |
ᑭᙵᐃᑦ | ᔫᑕᐃ ᑐᓄ ᓄᑲᖅᑎᖅ − CLO | ᑭᙵᐃᑦ ᑯᐊᐸᖓ |
ᐸᓐᓂᖅᑑᖅ | ᓰᓇ ᒫᒃᒧ − CLO | ᐸᓐᓂᖅᑑᖅ ᑯᐊᐸᖓ |
ᒥᑦᑎᒪᑕᓕᒃ | ᓚᐃᒥᑭ ᑲᓪᓗᒃ − CLO | ᑐᓄᓂᖅ ᓴᐅᓂᖅ ᑯᐊᐸᒃᑯᑦ |
ᕿᑭᖅᑕᕐᔪᐊᖅ | ᓗᐊᓇ ᑯᓪᓗᐊᓕᒃ − CLO | ᑐᓗᒐᖅ ᑯᐊᐸᒃᑯᑦ |
ᖃᐅᓱᐃᑦᑐᖅ | ᓲᓴᓐ ᓴᓪᓗᕕᓂᖅ/ᓲᐱ ᐃᓪᓚᐅᑦ − CLO | ATCO ᓱᓇᒃᑯᑖᓕᕆᔩᑦ |
ᓴᓂᕋᔭᒃ | ᓕᓕ ᐊᕐᓇᕐᔪᐊᖅ − CLO | ᓴᓂᕋᔭᒃ ᑯᐊᐸᖓ |
ᓴᓂᑭᓗᐊᖅ | ᐃᒥᖅᑯᑕᐃᓚᖅ − CLO | ᒥᑎᖅ ᑯᐊᐸᒃᑯᑦ |
ᑭᕙᓪᓕᕐᒥ | ||
ᐊᕐᕕᐊᑦ | ᕼᐃᐅᑕ ᐸᓂᒍᓂᐊᖅ − CLO | ᐊᕐᕕᐊᓂ ᐅᖅᓴᒃᕕᒃ |
ᖃᒪᓂ’ᑐᐊᖅ | ᕚᓗᕆ ᓇᐃᕈ − CLO | ᐅᑭᐅᖅᑕᖅᑐᒥ ᐅᖅᓱᐊᓗᓕᕆᔨᒃᑯᑦ |
ᐃᒡᓗᓕᒑᕐᔪᒃ | ᕚᓗᕆ ᐃᑉᑲᕐᓇᖅ − CLO | ᐱᑦᓯᐅᓛᖅ ᑯᐊᐸᒃᑯᑦ |
ᓴᓪᓖᑦ | ᕌᓂ ᓂᖏᐅᖓᓐ − CLO | ᓴᓪᓕᖅ ᒑᓯᓕᕆᔨᒃᑯᑦ |
ᓇᐅᔮᑦ | ᐃᓕᓴᐱ ᒪᑉᓴᓛᖅ − CLO | ᓇᐅᔮᑦ ᑯᐊᐸᖓ |
ᑲᖏᕐᖠᓂᖅ | ᓄᐊᒪᓐ ᐅᑲᓕᖅ − ᑐᙵᕕᒃᑯᑦ ᐊᓪᓚᕝᕕᖓ | ᓴᒃᑯ |
ᑎᑭᕋᕐᔪᐊᖅ | ᐃᓕᓴᐱ ᕗᐃᓯ − CLO | ᐃᔅᓴᑎᒃ ᑯᐊᐸᒃᑯᑦ |
ᕿᑎᕐᒥᐅᑦ | ||
ᐃᖃᓗᑦᑑᑦᑎᐊᖅ | ᔫᓇ ᐃᖃᓗᐊᖅ − CLO | ᕿᓪᓚᖅ ᓂᐅᕕᕐᕕᒃ |
ᐅᖅᓱᖅᑑᖅ | ᑮᑦ ᓂᒥᖅᑕᖅᑐᖅ − CLO | ᕿᑭᖅᑕᖅ ᑯᐊᐸᒃᑯᑦ |
ᑰᒑᕐᔪᒃ | ᕕᓐᓴᓐ ᓂᙵᒃ − CLO | ᑰᒻᒥᐅᑦ ᑯᐊᐸᒃᑯᑦ |
ᖁᕐᓗᖅᑐᖅ | ᒪᓕᓴ ᒪᒃᑖᓄᑦ − CLO | ᖁᕐᓗᖅᑐᖅ ᑯᐊᐸᖓ |
ᑕᓗᕐᔪᐊᖅ | ᔭᐃᑯ ᓂᕕᐊᑦᓯᐊᒃ − CLO | ᐹᓕᐊᔫᒃ ᑯᐊᐸᒃᑯᑦ |
ᖃᐅᔨᒋᐊᕐᕕᑦᓴᖅ:
ᑭᐊᕙᓐ ᑲᑉᓗᑦᓯᐊᖅ
ᑐᓴᐅᒪᔾᔪᑎᓕᕆᔨᒃᑯᓐᓂ ᑐᑭᒧᐊᒃᑎᑦᑎᔨ, ᓄᓇᕗᑦ ᑐᙵᕕᒃ ᑎᒥᖓ