ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
(ᓯᑉᑎᒻᐱᕆ 12, 2025 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ) ᐊᖓᔪᖅᑳᖅ ᔨᕆᒥ ᑑᕐᖔᓗᒃ ᖁᕕᐊᒃᑯᔾᔨᔪᖅ ᑯᕆᔅᑕ ᓂᐱᓴ ᓯᓐᒃᓕᐊ ᑎᒃᑯᐊᖅᑕᐅᓂᖓᓄᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᔨᑕᑦ ᑲᑎᒪᔨᖏᓐᓄᑦ (IAC) ᓄᑖᒥ ᐊᖏᔫᑎᓄᑦ ᐱᓕᕆᐊᓄᑦ ᐊᓪᓚᕝᕕᖓᓄᑦ. IAC ᖃᐅᔨᒪᔨᑕᐅᓂᐊᖅᑐᑦ ᑲᓇᑕᒧᑦ ᖃᓄᖅ ᐊᖏᔫᑎᑦ ᑲᓇᑕᒥ ᐱᕙᓪᓕᐊᔾᔪᑎᒃᓴᑦ ᐱᓕᕆᐊᑦ ᑲᔪᓯᒋᐊᖃᕐᒪᖔᑕ, ᓄᓇᖃᖅᑳᖅᓯᒪᔪᑦ ᑕᑯᓐᓇᒐᖏᑦ ᐃᑲᔫᑎᓂᖏᑦ ᐃᓱᒪᓕᐅᕈᑎᑦ ᐊᑦᑐᐃᓯᒪᓂᖏᓐᓂᒃ ᓄᓇᑦᑎᓐᓂᒃ, ᐃᒪᑦᑎᓐᓂᒃ ᓄᓇᓕᑦᑎᓂᓪᓗ.
“ᖁᕕᐊᒃᑯᑎᔭᕋ ᑯᕆᔅᑎ ᑖᑦᓱᒧᖓ ᐱᖕᒪᕆᐅᔪᒧᑦ ᑎᒃᑯᐊᖅᑕᐅᒻᒪᑦ,” ᐅᖃᖅᑐᖅ ᑐᙵᕕᒃᑯᑦ ᐊᖓᔪᖅᑳᖓ ᑑᕐᖔᓗᒃ. “ᓴᙱᓂᖃᑦᓯᐊᖅᑐᖅ ᐃᓅᓪᓗᓂ ᓯᕗᓕᖅᑎ ᐃᑲᔫᑎᖃᖃᑦᑕᖅᑐᖅ ᖃᐅᔨᒪᓂᕐᒥᓂᒃ, ᓱᖏᖅᓲᑎᒃᓴᐅᓂᕐᒥᓂᒃ, ᐊᒻᒪᓗ ᑐᓂᓯᒪᑦᓯᐊᖅᑐᓂ ᓯᕗᒧᐊᒃᑎᑦᑎᓂᕐᒥᒃ ᐃᓄᐃᑦ ᓯᕗᓪᓕᐅᔾᔭᐅᖁᔭᖏᓐᓂᒃ. ᐱᓕᕆᓯᒪᓂᕐᒥᒍᑦ ᓴᕐᖓᑎᑦᓯᓂᐊᖅᑐᖅ ᑲᑎᒪᔨᓂᒃ ᐊᒻᒪᓗ ᐃᑲᔫᑎᖃᕐᓗᓂ ᐃᓄᓐᓄᑦ−ᓯᕗᓕᖅᑕᐅᔪᖅ ᐊᒻᒪᓗ ᐃᓄᐃᑦ−ᓇᓗᓇᐃᖅᓯᒪᔭᖏᑦ ᐱᓕᕆᐊᑦ ᑭᒡᒐᑐᖅᑕᐅᑦᓯᐊᖁᓪᓗᒋᑦ ᑲᓇᑕᒥ ᐊᖏᔫᑎᓂᒃ ᐱᓕᕆᐊᓂᒃ ᐸᕐᓇᑕᐅᓯᒪᔪᓂᒃ.”
ᑐᙵᕕᒃᑯᑦ ᓂᕆᐅᒋᔭᓖᑦ ᐱᓕᕆᐊᖃᑦᓯᐊᓂᐊᕐᓂᕐᒥᒃ ᓯᓐᒃᓕᐊᒥᒃ ᐱᓇᓱᐊᖃᑎᒥᓂᓪᓗ ᐃᓄᐃᑦ ᓄᓇᖓᓂ ᐊᐅᓚᑦᓯᔾᔪᑎᓄᑦ ᐊᖅᑯᑏᑦ ᐊᑐᖅᑕᐅᖁᓪᓗᒋᑦ ᐃᓄᐃᑦ ᐱᔪᓐᓇᐅᑎᖏᑦ ᐊᐅᓚᑦᓯᔾᔪᑎᓄᓪᓗ ᖃᐅᔨᒪᒋᐊᕈᑎᒃᓴᓂᒃ ᓴᖅᑭᖅᑐᓂᒃ ᐃᓪᓗᓕᕆᓂᕐᒧᑦ, ᑲᓲᒪᓂᕐᒧᑦ, ᐆᒻᒪᖅᑯᑎᓄᑦ, ᐊᒻᒪᓗ ᓄᓇᓕᓐᓂ ᐱᖁᑎᕐᔪᐊᓄᑦ.
-30-
ᑐᓴᕋᑦᓴᙳᖅᑎᑕᐅᔪᓂᒃ ᖃᐅᔨᒋᐊᕐᕕᒃᓴᖅ:
ᐃᕙᓗᐊᕐᔪᒃ ᒦᕆᑦ
ᑐᑭᒧᐊᒃᑎᑦᑎᔨᖓ ᑐᓴᐅᒪᔾᔪᑎᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
