ᓴᒃᑯᑕᐅᑲᐅᑎᒋᔭᕆᐊᓕᒃ
(ᓄᕖᕝᕙ 1, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ (NTI) ᐊᖓᔪᖅᑳᖅ ᓂᕈᐊᖅᑐᓕᕆᔨᒃᑯᓐᓄᑦ, ᒫᓂᑲ ᐃᐅᓪ−ᑲᓇᔪᖅ, ᑐᓴᖅᑎᑦᑎᕗᖅ ᓄᓇᕗᑦ ᑐᙵᕕᒃ ᑎᒥᖓᓄᑦ ᓂᕈᐊᕋᒃᓴᐅᔪᑦ ᐊᑯᓂᐅᓂᖓ ᓂᕈᐊᖅᑕᐅᓂᒃᓴᖓᓄᑦ ᐊᖓᔪᖅᑳᑉ ᐃᓂᖓᓄᑦ ᒪᑐᒻᒪᑦ 5 ᐅᓐᓄᓴᒃᑯᑦ ᐅᓪᓗᒥᐅᔪᖅ ᓄᓇᓖᑦ ᓯᕿᙳᔭᖓ ᒪᓕᑦᑐᒍ.
ᐅᑯᐊ ᓂᕈᐊᕋᒃᓴᑦ ᑐᓂᓯᓯᒪᔪᑦ ᐊᓕᓚᔪᕐᓂᒃ ᒪᓕᑦᑐᒋᑦ ᓄᓇᕗᑦ ᑐᙵᕕᒃ ᑎᒥᖓᑕ ᓂᕈᐊᕐᓂᕐᒧᑦ ᒪᓕᒐᕋᓛᖏᑦ ᐊᒻᒪᓗ ᐊᐅᓚᔾᔪᓯᖏᑦ ᓂᕈᐊᕐᓂᖏᖕᓄᑦ ᐊᖓᔪᖅᑳᕐᒧᑦ. ᐊᓪᓕᕐᒥᒃ ᓇᓗᓇᐃᖅᑕᐅᓯᒪᙱᑦᑐᑦ ᐊᑎᖏᑦ ᑎᑎᖅᑐᖅᓯᒪᔪᑦ ᓂᕈᐊᕋᒃᓴᐅᔪᑦ:
ᓂᑯᓪ ᐱᐅᕚ ᑲᒻᐸᒡ
ᐋᓄᓗ ᓇᑲᓱᒃ
ᕐᑳᑕᓂ ᑕᐅᑐᖅᒋ
ᔨᐅᓚᒥ ᑑᕐᖕᒐᓗ
ᓂᕈᐊᕋᒃᓴᑦ ᐱᕕᖃᖅᑐᑦ ᓇᒡᒐᔾᔭᐅᕈᕋᓱᐊᕐᓂᖓᓂᒃ, ᓄᕖᕝᕙ 4, 2024 ᓯᕿᙳᔭᖅ 5 ᐅᓐᓄᓴᒃᑯᑦ ᓄᓇᓖᑦ ᓯᕿᙳᔭᖓ ᒪᓕᑦᑐᒍ ᖁᔭᓈᕈᓐᓇᕐᓗᑎᑦ ᓂᕈᐊᕋᒃᓴᐅᔾᔪᑎᖏᖕᓂᒃ.
ᓂᕈᐊᖅᑏᑦ ᑕᓪᓕᒪᑎᒍᑦ ᓂᕈᐊᕈᓐᓇᓛᖅᑐᑦ ᓄᓇᕗᑦ ᑐᙵᕕᒃ ᑎᒥᖓᑕ ᓂᕈᐊᓕᕈᑎᑦ ᐊᖓᔪᖅᑳᕐᓄᑦ: ᓯᕗᓂᐊᒍᑦ ᓂᕈᐊᕈᓐᓇᓛᖅᑐᑦ ᑎᓰᕝᕙ 2, 2024 ᓂᕈᐊᕈᓐᓇᔾᔮᓛᙱᒃᑯᑎᑦ ᓂᕈᐊᕐᓇᐅᓕᖅᐸᑦ; ᓂᕈᐊᕐᓇᑉ ᐅᓪᓗᖓᓂ ᑎᓰᕝᕙ 9, 2024, ᐊᔪᕈᑎᓕᓐᓄᑦ ᐅᐸᒍᑎᓯᒪᔪᑦ ᓂᕈᐊᖅᑐᓕᕆᔩᑦ ᓂᕈᐊᕈᓐᓇᖁᓪᓗᒋᑦ ᐊᔪᕈᑎᓖᑦ, ᓂᕈᐊᕆᐊᖅᑐᑎᑦᑎᓗᑎᑦ ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑎᒍᑦ ᐊᐅᓪᓚᖅᑎᑦᑎᓗᑎᑦ ᓂᕈᐊᖅᑕᒥᖕᓂᒃ.
ᑐᑭᓯᒋᐊᒃᑲᓐᓂᖁᓪᓗᑎᑦ ᖃᐅᔨᒃᑲᕐᓗᒍ ᓄᓇᓕᓐᓂ ᑐᓴᐅᒪᔪᓕᕆᔨ, ᐊᖓᔪᖅᑳᖅ ᓂᕈᐊᖅᑐᓕᕆᔨ ᐅᕝᕙᓘᓐᓃᑦ ᐊᓪᓚᒡᕕᐊ ᐊᖓᔪᖅᑳᑉ ᓂᕈᐊᖅᑐᓕᕆᔨᑉ.
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᖃᐅᔨᒋᐊᕐᕕᒋᒍ:
ᐊᖓᔪᖅᑳᖅ ᓂᕈᐊᖅᑐᓕᕆᔨ (CRO)
ᒫᓂᑲ ᐃᐅᓪ−ᑲᓇᔪᖅ
ᐅᖄᓚᐅᑎᖓ: 867-222-3519
ᐊᓪᓚᒡᕕᐊ ᐊᖓᔪᖅᑳᑉ ᓂᕈᐊᖅᑐᓕᕆᔨᑉ
ᔭᐃᓴᓐ ᕌᕗᑦᔅ
ᐅᖄᓚᐅᑎᖓ: 867-222-2487
