ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
(ᒫᑦᓯ 30, 2023, ᐃᖃᓗᐃᑦ, ᓄᓇᕗᑦ) ᑕᕝᕙᓂ ᐱᓇᓱᐊᕈᓯᑦᑎᓐᓂ, ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᖃᐅᔨᕙᓪᓕᐊᓕᓚᐅᖅᑐᖅ ᐱᕋᔭᑦᑐᒥᓂᐅᑐᐃᓐᓇᕆᐊᖃᕐᓂᖏᓐᓂᒃ ᐊᑎᓕᐅᖅᑕᐅᖃᑕᐅᓯᒪᓂᕐᒧᑦ ᐊᒥᕋ ᐊᒻᒪᓗ ᓇᑦᔭ ᒋᐅ ᓄᓇᕗᑦ ᐊᖏᕈᑎᖏᓐᓂ. ᑲᕆᒪ ᒫᓐᔨ ᐅᖃᓚᐅᖅᑐᖅ ᒪᕐᕆᐊᓐᓂᒃ ᐊᒥᕋ ᐊᒻᒪᓗ ᓇᑦᔭ ᒋᐅ ᑎᒍᐊᖃᕆᐊᑦᓴᖅ ᐊᒻᒪᓗ ᓇᓗᓇᐃᕆᓪᓗᓂ ᐃᓄᒃᒥᒃ ᐊᕐᓇᒥᒃ ᐃᕐᓂᐊᒥᓂᖃᕐᓂᕋᐃᓪᓗᓂ ᐴᑯᓗᖃᕐᓂᕋᐃᓚᐅᖅᑐᖅ.
ᑐᙵᕕᒃᑯᑦ ᑐᓴᖅᑎᑕᐅᓚᐅᖅᑐᑦ ᐊᕐᓇᒥᒃ ᓇᓗᓇᐃᖅᑕᐅᓚᐅᖅᑐᒥᒃ ᐃᕐᓂᔪᒥᓂᐅᓂᕋᖅᑕᐅᓪᓗᓂ ᐴᑯᓗᕆᓂᕋᖅᑕᐅᔪᖅ ᑖᒃᑯᓃᖓ ᐊᒥᕋ ᐊᒻᒪᓗ ᓇᔾᔭ ᒋᐅ ᕿᑐᕐᖓᕆᙱᒋᐊᑦᓴᒥᓂᒃ. ᐅᓪᓗᒥ, ᐊᐅᓚᔾᔭᐃᒋᐊᖅᑲᐅᔪᖅ ᐊᒥᕋ ᐊᒻᒪᓗ ᓇᑦᔭ ᐲᖅᑕᐅᖁᓪᓗᓂᒋᒃ ᐃᓄᐃᑦ ᐊᑎᖃᖃᑕᐅᔪᖁᑎᖏᓐᓂᒃ. ᐃᖃᓗᓐᓂ ᓄᓇᓖᑦ ᐊᑎᖃᖃᑕᐅᔪᓕᕆᔨᖏᑦ ᑲᑎᒪᔨᕋᓛᑦ ᕿᒥᕐᕈᓂᐊᖅᑐᑦ ᐲᖅᑕᐅᖁᔨᔾᔪᑎᒥᒃ ᑐᑦᓯᕋᐅᑎᖓᓂᒃ ᐊᒻᒪᓗ ᐃᓱᒪᓕᐅᕈᑎᒋᓕᕐᓗᒍ.
ᑐᙵᕕᒃᑯᑦ ᐊᑎᖃᖃᑕᐅᔪᓕᕆᔾᔪᓯᖓ ᐊᑐᖅᑕᐅᓯᐊᖅᑐᖅ ᐊᐅᓚᑕᐅᓂᖓ ᐃᓛᒃᑯᑦ 35 ᓄᓇᕗᑦ ᐊᖏᕈᑎᖏᓐᓂ ᐊᒻᒪᓗ ᐊᑎᖃᖃᑕᐅᔪᓄᑦ ᐊᑐᐊᖅᓯᔾᔪᑎᑦ ᐊᑐᓕᖅᑎᑕᐅᓯᒪᔪᑦ ᓄᓇᓕᓐᓂ ᐊᑎᖃᖃᑕᐅᔪᓕᕆᔩᑦ ᑲᑎᒪᔨᕋᓛᖏᓐᓄᑦ. ᓄᓇᓕᓐᓂ ᐊᑎᖃᖃᑕᐅᔪᓕᕆᔩᑦ ᑲᑎᒪᔨᕋᓛᑦ ᐊᑐᓂᑦ ᓄᓇᕗᑦ ᓄᓇᓕᖏᓐᓂ ᕿᒥᕐᕈᖃᑦᑕᖅᑐᑦ ᑐᑦᓯᕋᐅᑎᓂᒃ ᐊᒻᒪᓗ ᐃᖕᒥᒃᑯᑦ ᐃᓱᒪᓕᐅᕈᑎᒋᖃᑦᑕᖅᑕᖏᑦ ᖃᐅᔨᓴᑦᓯᐊᖅᑐᓂᒋᑦ, ᕿᒥᕐᕈᓚᐅᖅᑐᑎᒃ ᐊᑦᑐᐊᔪᓂᒃ ᐃᑲᔫᑎᓂᒃ ᓱᖅᑯᐃᖅᓯᔾᔪᑎᒃᓴᓄᑦ ᐃᓚᒋᔭᐅᔪᓐᓇᕋᓗᐊᕐᒪᖔᑕ. ᑖᓐᓇ ᖃᐅᔨᓴᖅᑕᐅᓂᐅᔪᖅ ᓯᕗᓪᓕᐹᑦᓯᐊᖅ ᐊᐅᓚᓂᐅᓯᒪᔪᒥ ᑐᙵᕕᒃᑯᑦ ᐊᑎᖃᖃᑕᐅᔪᓕᕆᓂᕐᒧᑦ ᐱᓕᕆᐊᖓᓂ. ᐱᕋᔭᑕᐅᑦᑕᐃᓕᒪᔾᔪᑎᒃᓴᐅᓇᔭᖅᑐᒥᒃ ᓯᕗᓂᑦᑎᓐᓂ, ᑐᙵᕕᒃᑯᑦ ᐱᓕᕆᖃᑎᓖᑦ ᓄᓇᓕᓐᓂ ᐊᑎᖃᖃᑕᐅᔪᓕᕆᔨᒃᑯᑦ ᑲᑎᒪᔨᕋᓛᖏᓐᓂᒃ ᐋᖅᑭᑦᓯᒪᑦᓯᐊᕆᐊᒃᑲᓐᓂᕈᑕᐅᔪᓐᓇᕋᔭᖅᑐᓂᒃ ᓴᕐᖓᑎᑦᓯᑲᓐᓂᕈᑎᒃᓴᓂᒃ ᐊᑎᖃᖃᑕᐅᔪᓄᑦ ᑐᑦᓯᕋᐅᑎᓂᒃ ᐊᒻᒪᓗ ᕿᒥᕐᕈᔭᐅᖃᑦᑕᕐᓂᖏᓐᓂᒃ.
-30-
ᑐᑭᓯᒋᐊᒃᑲᓂᕐᕕᒃᓴᖅ:
ᑭᐊᕙᓐ ᑲᑉᓗᑦᓯᐊᒃ
ᑐᓴᐅᒪᔾᔪᑎᓕᕆᔨᒃᑯᓐᓂ ᑐᑭᒧᐊᒃᑎᑦᑎᔨ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006
