News Archive
Titiqtat Qanuritnit tapkuat 2026 Angayuqakhamun Niruatqikharniq
(Mai 27, 2026 – Iqaluit, Nunavut) Ublumi, Nunavut Tunngavik Nanminilgit (NTI) Ataniq Niruaqtuliqiyi Havakti Joe Kunuk tuhaqhityutigiya tamna Gloria Uluqsi niruaqtauyuq Angayuqaq tapkununga NTI-kut piplugu 19.6% niruaqtaunit.
Gloria Uluqsi kivgaqtuiniaq Angayuqanguniq tikitlugu Tisaipa 2028.
NTI-kut Angayuqaq atuqpiartuq ilauyuq tapkununga NTI-kut Katimayini Katimayit tamnalu Ataniuyut Katimayiralaat, tamnaluttauq Ikhivautalik, Hivuliqti tamnalu/uvaluniit Tigumiaqatauyuq tahapkununga pingiqnit timiuyutlu:
Makigiaqta Inuit Iliharniq Kuapurisan: Atuqtitai havagutit turangayut tahapkununga Inuit ilihainiq iliharniqlu
Nunavut Inuit Risuasis Maniliurutit Tigumiaqtit: Aulatauni piqaqnit maniktat tapkunanga Inuit …
>> Read More
NTI-kut Ikkayoktigivlugit ukkua UvagutTV Kagitaoyakut Kungiaktitiniaktot tahapkua Tamaita Niguagaghanguktitaoyot Aivakatigititlugit Angayokaghamik Niguagiahaaktitlugit
Kilamik Tohagaghaoyok
(May 13, 2026 – Iqaluit, Nunavut) – Nunavut Tunngavik Timingat pikatautkuyait hapkua Nunavunmiut Inuit kungiakuvlugit, iliitugivaligahuaklugit tahapkua niguagaghanguktitaohimayot, pikataotkuyaovlutik kavamatlikinikut aolatjutaitnik kagitaoyakut kungiaklutik tahapkuninga tamaita niguagaghanguktitaoyot aivakatigititlugit.
Ikkayoktigilugit ukkua Uvagut TV, ukua NTI-kut kungiaktitiniaktot kagitaoyakut ukkua Tamaita Niguagaghanguktitaoyot Aivakatigititlugit Tallimut, May 15, 2026-mi, ublukhiut 6:00 p.m. unnukpat Kivatani Ubukhiutat. Tahapkua aivatitlugit kungiaktaoniaktot tatvuna Uvagut TV tatvalu ukkuja NTI-kut kagitaoyakut kungiakutatni Facebook-kut, taimatot hatkiomaniakmata kungiagomayunut humilikak Nunavunmi tatvalu humiitlikak hilatanikmiuniit.
Tahapkua kungiaktaotitlugit …
>> Read More
Atanioloaktok Niguaktolikiyonik Tohaktitjutigiyat tatvani 2026-mi NTI-kut Niguaktitiffakniaktitlugit Angayokakhamik
Kilamik Tohagaghak
(March 31, 2026 – Iqaluit, Nunavut) Nunavut Tunngavik Timingat (NTI-kut) Angayokangat Paul Irngaut tohaktitiyok una Joe Adla Kunuk, ikkayoktigivlugit ukkua Ayaya Makpigalioktit tatvaliu Tohaktitilikiyiit, titkoaktaohimaliktok Atanioloaktok Niguaktolikiyonik (CRO) tatvani kayuni tatkikhiotini ukkua NTI-kut Niguaktitiffakniaktitlugit Angayokaghamik, niguaktitiniaktot Pingatiotmi May 27, 2026-mi.
Tahamna niguaghaghanguktitinik tatvani niguakniaktitlugit tatva angmakniaktok Pingatiutmi April 15-min akungani Aipputimi, April 21, 2026-mut. Uktokataoyumaguvit niguagaghanguktitaolutit uvalunin niguakataoyomaguvit, Inuit Kanatamiutaoyut, 16-nik ukkiukagiakaktot angayoghiotkiyatlunin tatvanganin May 27, 2026-mi, tatvalu attiliokataoyagiakaktot tatvani …
>> Read More
NTI-kut toghiktoktut hivuvakpalikuvlutjuk tahamna maliganguktitaoyok hikkuktitjutinik maligiakaktaitnik tahamani Nunavunmi
(March 26, 2026 – Nuuk, Akkukitok) Ukkua Katimayiit tatvani Nunavut Tunngavik Timingat (NTI-kut) katimayut ukkautigivlutjuk tahamna kavamatokatkut hikkuktitjutinik maligalioktat ikpigiyaoniakmat Inuinait angunahuaktioyonik piyunaotaitnik tatvalu kayangnaipkutigiyaitnik manikami.
Ukkua Kartimayiit ukkaotigiyait hapkua Inuit ihomalutigiyaitnik tahapkuninga nutanik kavamatokatkut hikkuktitjutinik, ilihimayaat una Maligaghak Bill C-21, atoktaoliktok December 15, 2025-mi, nutkaktitaoyot amigaitpiaktunik avatkumayunik 2,500-nik hannayaohimayunik tahapkuninga “anguyaotaokataktunik” hikkuktitjutinik. Ukkua Katimayiit angikhimayat una pigiaktitjutaohimayok toghiktotaoyok Kavamatokatkunik hivuvaktitkuvlutjuk una hikuktitjutinik maligaliokhimaliktatnik tahamani Nunavunmi nutkangallakuvlutjuk talimanik ukkiunik kanikuvlutjuk una …
>> Read More
NTI-kut Hakkugighivaliutigiyat Inuit-tugaaktut-Inuknik Ikkayokatigiknikut Akkukitumi
(March 25, 2026 – Nuuk, Akkukitok) Ukkua Nunavut Tunngavik Timingat (NTI-kut) Katimayiit katimaniaktot tavani Nuuk, Akkukitumi, ublumiuliktitlugo tahapkua nunakjuat hilakjuami pikataoyomavalialiktitlugit tahamani unnakpalialiktitlugo Ukkiuktaktok.
”Pimagioyok tahamna ihomagilugo tamaita hapkua Inuit huli ilihimayagiakaktot hakkugiktumik happuniakatigigiakaktot ikkayoktigiklutik humilikak tahamani Inuit Nunaatni. Tahamna Ukkiuktaktok niovigaghaongitok. Tahapkua umitjat ingilgayagingitaat, uyagaghiokviongitok, uvalunin ikalukhiokviongitok. Tahamna Ukkiuktaktok pihimayavut pihimainakniaktavut angilgakvigigaptitku.” Ukallaktok una NTI-kut Angayokangat, Paul Irngaut.
Tohakvigilgaakhutjuk ukkua NTI-kut Maniliokutaitnik Ukkautyiyiovlutik Katimayigalaat Unipkagiyaitnik, ukkua Katimayiit pigiaktitihimayot kaffinik manilikitjutinik.
Una manighaghanik …
>> Read More
NTI-kut Kiotjutait tatvunga Ikajuqtigiikta – ukkua 7-giyaitni Nunavut Maligaliokviup Havagiyaghait
Kilamik Tohagahak
(March 23, 2026 – Iqaluit, Nunavut) Nunavut Tunngavik Timingat (NTI-kut)
Nunavut Tunngavik Timingat (NTI-kut) koviahuktot takkuvlugit tahapkua hivuliotiyomamingnik naunaiyaihimalikmata tatvani Ikajuqtigiika, ukkua 7-giyaitni Maligaliokviop havagiyomayaitnik tohaktitingmata Ub lumi. Una tunnighimatjutat tatva hakkugighivaliotighaitnik Inuinait ataniktotighaitnik Ihuaghaivaliutighaitnik tatvani Nunavut Angikutatni tatvalu tahapkunani hitamauyuni havagiyomayaitni naunaiyaghimayot tatvani Ikajuqtigiikta nallaumayangata ukkua NTI-kut timioningatni hivuliotiniaktaitnik titigakhimayot tatvani Inungnik Makipalliatittiniq 2025-2029.
“NTI-kut huli tunnighimayot havakatigitiagomavlugit ukkua Nunavut Kavamatkut (GN-kut) tahapkualu Maligalioktit tatvani Nunavunmi Maligaliokviatni pivaliagomavlugit tahapkua tamapta …
>> Read More
NTI-kut tohaktitiyomayot tatvani May-mi Angayokaghamik Niguaktitiffaakniaktot tatvalu Hadjagaffuk Angayokap Toglighanik tikoaghiniaktot
Kilamik Tohaktitaoyagiakaktok
(March 18, 2026 – Iqaluit, Nunavut) Nunavut Tunngavik Timingat (NTI-kut) Ilaukatauyut tatvalu ukkua Katimayingit
ihomaliokhimaliktot, on March 13, 2026-mi, hivuvagaligomavlutjuk tahamna Niguaktitiffaaknik NTI-kut Angayokaghanik tatvanganin ubluanin December 2026-min tatvunga May 27, 2026-mun.
Tatvani January-mi ukkiumi atoktumi, NTI-kuni Ilaukataoyut tikuaghihimayot Toglianik Angayokap uminga Paul Irngaut Angayokap innanungaktitugo, una Angayop innigiya inukagoikmat. Ukkua Ilaukataoyot ihomaliokhimayat malikayat ukkua NTI-kuni Katimayiit, taimaikatakmatguuk ayungnakatakmat ukkua NTI-kut piyumagaluaklutjuk kivgaktoitialimaitmata Inukutimingnik kinguani malgok tatkighiotini ataohinaotitlugo una ataniktoiyot angayokagiyat …
>> Read More
NTI-kut Hagimagiyait Arviaqmiut Tikkuaktaungmata Nunangani nayogaghanik ukkua Inuit Nunagatni Ilihagiakpalikviuniaktok
Una Kilaminuak Tohaktitaoyoghak
(February 11, 2026 – Ottawa, Ontario) Nunavut Tunngavikt hagimagiyaat nunaliitni Arviaqmiut tikuaktaongmata nayokvighanik Inuit Nunangatni ilihagiakpalikvikjuap, angiyumik iliitagiyaovluni hivulikpanguvluni Inuinait-hivulikhutjuk ilihakvikhak.
“Una hagimannakhuni tukkikatiaktok ublutaat hapkua Inuinait, Inuit Nunangatni, Nunavunmiutlu tatvalu ihomagiyaoyotaok Kanatamiut,” ukkalaktok NTI-kut Angayokangat Paul Irngaut. “Tahamna ihomalioktaohimayok nayokvigha Inuit Nunangatni Ilihagiakpalikvikjuakhak tatvani Arviatni naunaitok hakkugingninga tahaffuma nunaliitni, Inuktitutlo ukkauhitnik Inuit iliitkuhiktotaitniklo atoktaotiaktok, Inuit kaoyimayatokangitlo hivuliktiit hivunighitiaktot ilihaitjutinik.”
Arviat hakkugiktomik iliitkohiktotikaktok Inuit ilihautighaitnik ihuaghautikhanik atotiakhutjuk tahamna Inuit Qaujimajatuqangit, …
>> Read More
GNkut ukualu NTIkut Quviahuutigijaat qulinguqtuq 10 Ukiut Qilaut 2026 Qungiaqtitidjutit
Qilamik Tuhaqtitauyukhaq
(Iidjirurvia 6, 2026 – Iqaluit, Nunavut) Quviahuutauniaqtuq una qulinguqtuq 10th tikutidjutaa haffuma Qilaut Titirarniq Atuutinik Akitaqutautit, Kavamatkut Nunavunmi (GN) ukualu Nunavut Tunngavik Inc. (NTI) ahavaqatigiliqtait ukua Alianait Arts Festival ilaujaangini uvani 2026 Qilaut Qungiaqtitijuni.
Talvanga aularutaanin uvani 2015mi, Qilaut tautuktitijut havatiaqhimajunik ukualu ajuitut Inuktut atuutinik titiraqtut atuqtuujaqtillu. Naunaijautigijaangani una quviahuutaujuq ukiuq, una 2025mi akimajut qungiaqtitauniaqtut avatiinun Nunavut aturiangini akimajut atuutit. Ilaujut qungiaqtitijuni, Alianait katimapkainiaqtut Inuktut titirarnirmun katimajuarutinik atautini nunallaani. Kangiqhidjutit …
>> Read More
Nunavut Tunngavik Tungavingat Kinniktot Katimayioyughanik tatvani 2026-mi Inuktuuqta! Akkitakutini
Kilamik Tohaktitaoyoghak
(January 27, 2026 – Iqaluit, Nunavut) Nunavut Tunngavik Tungavingat (NTF-kut) kinniktot toghiktotinik tahapkunanga Inuktut ilihainioyunit, makpigalioktinit, unipkayoktunit, tatvalu Inuktun titikanik taigualioktioyonit ihomagiyaoyoghanik tahaffumina Inuktuuqta! Inuktut Titigaktit Akkitakutinik Tikkuaghiyiovlutik Katimayigalaatni.
“Una Inuktuuqta! Akkitakutat pimagioyok hannalgutaovluni tahamani Nunavnmiut Inuit hakkugighivalioktiginiakmatjuk atoghimaaklugitlo ukkauhikut,” ukkalaktok NTF-kut Ighivaotat Paul Irngaut. “Ukkua tikkuaghiyioyot Katimayigalaat pihimaliktot amigaiknighaoyunik Inuktuuqta uktoktunik aipagutoagangat, tatvalu uktoktoinaktavut tahapkua Inuktut ayungitot ihomagilutjuk pikataolotik tatvani katimayigalaatni una 2026-mi Akkitaktutaatni.”
Tikkuaghiyioniaktot Katimayigalaatni katimayioyoghat tikuaktaoniaktot NTI-kunit. Tahapkua …
>> Read More
Igluvut Timingat Katimangarhutik Hivulikpamik Katimahimayot Pivaligahuakhutjuk tahamna Inuit-Hivulikhutjuk Igliuknikut Havagiyaghaat
Kilamik Tohaktitaoyoghak
(January 23, 2026 – Iqaluit, Nunavut) Igluvut Timingat katimangarhutik Hivulikpamik katimahimayot ukkua Katimayiit katimangmat Iqalungni ippaghak, naunaiyaotaotiakhutik angiyomik iliitagiyaotjutaovluni pivaliatjutaoyonik Inuit-hivuliktaitnik iglulikinikut tahamani Nunavumi. Ublumi atoktitlugo, ukkua Havaghitaohimayot Katimayiit katimahimayot angikhutjuk hapkua Igluvut maligait, manighagiyaghaia maligait, tatvalu tikuakhivlutik manilikiyioloaktoghamik, iliitagitjutikhaitnik ukkua Timyioyut ataniktotikhait tatvalu maligalikinikut tungavikhaat.
“Una piunirhauyok tatvalu taimaitokangititlugit hivumuvaliatjutikhaitnik hannavaliatjutighaitnik kayangaitunik akikitkiyanik iglughanik Inuinait ihagiagiyaitnik hivuliotiyagiakaktitlguit,” ukalaktok una ighivaotaolaktok Paul Irngaut. “Igluvut tukikaktok igluliogaloagiakaknik tahapkua Inuinait igluutighaitnik parnaiyaotikaklotik, …
>> Read More
Nunavut Tunngavik Tohaktitityot Hivuliktiata Kanogininganik
Kilaminoak Tohaktitiyagiakaktat
(January 21, 2026 – Iqaluit, Nunavut) Ukkua Nunavut Tunngavik Katimayiit ublumi tohaktitaohimaligamik angagiyaat taimaaktigotanik havagiyaminik uma Jeremy Tunraluk Angayokagiyaotitlugo, atoliktitaoyot kilaminoak.
Mr. Tunraluk havagiyaminik nutkaghimalaktok akkiliktoktaohimaitomik tatvani Nunavut Tunngavik-kuni tatvanganin December 2, 2025-mi. Toglia Angayokaap Paul Irngaut angighimayok havagilaklugo una Angayokangulakluni uttakititlugit nigoaktitiffakiagaliktitlugit kakugo hivunighami.
Katimayagiakaktitlugit tatva kagitaoyakut ingilgatjutaitigut katimahimayot kungialiokutikut ublumi, NTI-kut Katimayiit niguaghimaliktot niguaktitiffaklutik Angayokaghamik tatvani December 2026-mi, ataotikut nigoaktitiyagiakakmangata malgoknik Toglianik Angayokaap havagiyaitnik.
NTI-kut huli ihomagiyakatiaktot havagiyaghamingnik ikkayogiakaktitlugit tahapkuninga innulikinikut, iliitkuhilikinikut, …
>> Read More
(English) Public Notice: NTI BOD Meeting
Sorry, this entry is only available in English.
GNkut ukualu NTIkut atiliuqtaat Havaqatigiirniq Nutaanguqtirutaa
(Ubluirvia 16, 2025 – Arviat, Nunavut ) Ublumi, Nunavunmi Hivuliqti John Main ukualu Nunavut Tunngavik Inckut. (NTI) A/Angijuqaangujuq Paul Irngaut atiliuqtaa nutaanguqtirutaa haffuma 2022 havaqatigiingnikkut uqariijaut, tutqighaqhugu ihuangninga ihuaqtumik havaqatigiingniq qitqani Kavamatkut Nunavunmi (GN) ukualu NTItkut haffumuuna Nunavunmi Iligiingnikkut Katimajiit.
“Nunavut Kavamanga havakhimaarniaqtun ihuaqtumik havaqatigiiktukharnik aulajukharnik iliqatigiiktukharnik piumaluaqtainik Nunavut Tunngavikkut,” uqallaktuq Hivuliqti Main. “Ikajuqhugit inuuhiqattiarutighait Inuit qitqani katitiqhimajut aghuurutit ataani uuma havaqatigiingnirmun. Niriuktugut hivumuuqtilugu una aghuungnaqtuq havaaq.”
Aulatitihimaarniq talvuuna Katujjiqatigiinniq Malikhautikharnik, tamna Nunavunmi …
>> Read More
Nunavut Tunngavikkut Ilitagiyumayait Hivulikti Main ovalo Nutaak Kavamatkut
For Immediate Release
(November 20mi, 2025 – Iqaluit, Nunavut) Nunavut Tunngavikkut Angayukaak Jeremy Tunraluk ilitagiyumayaa John Main niguaktaugami Hivuliktimut Nunavumi ovalo Ilaukatigiliktait niguaktauyut Atanguyait Katimayiinut.
“Nalungigaakhimayaga Hivulikti Main, inminik ovalo havakatigiikhimaplugu amigaitunik ukiunik. “Nalungivlugulu Inuit ikpigiyainik atugutainik ukatiit Inuktut,” ukaalakhuni Angayukaak Tunraluk. “Ovalo, ukpigiyainut atugutainik Maligaliuktit Maligaliukvimi, mamiahuktugut Nunavumi pikaguimata Inumik ilauliktut anginikhaami angikatanialiktut Nunakyuami, ilauyuk Hivuliktikyuak, hivulimi Hivuliit Ministait Katimayuktut ovaluniit Katimayiit Hivuliktikyuat. Ublum piyukhauliktugut hanatjutainik ovalo hakugikhitjutikhainik ilaukatautjutivut atugutainik Inuit …
>> Read More
(English) Call for Expressions of Interest to Attend: NTI Workshop on the Nunavut Inuit Strategy on Research
Sorry, this entry is only available in English.
NTI-kut Tohaktitiyomayut Inuktuuqta! Akkitakutinik Takkiniaktut
Kilamik Tohagakhak
(November 5, 2025 – Iqaluit, Nunavut) Nunavut Tunngavik Angayukangat, tatvalu ighivautalik tatvani Nunavut Tunngavik Tungaviatni Jeremey Tunraluk kuviahuktok tohaktitiyumavluni tahapkuninga 2025-mi akkihimayut tatvani Inuktuuqta! Inuktut Nunipkanik Titigakhutik Takhihimayut. Tahapkuanguyut Margaret Neeveacheak-Steele, Raigili Amaaq, Megan Maata Ungalaq, unalu Daniel Kuluguqtuq.
Tatvani Havailakmi, November 8-mi, una Inuktuuqta! Akkitakutinik Kungiaktitiniaktot tatvani Aqsarniit Hinniktakviatni tatvalu Katimakvikjuangani Iqalungni, Nunavut tahapkua tathiniaktut ukkautaoniaktut. Una atauhik takhiniaktok aittoktauluni taktarhamik $80,000 tallanik tatvalu ikkayoktaoniaktok huli titigakhimakuyaovluni atauhikmik ukkiumi …
>> Read More
NTI-kut Tohaktitiyot Illiffakuvlutjuk una Toglia Angayokap Manilikiyiitkut tatvalu Hivumutjutikhait Ihomagiyaoloaktot Pigiaktitjutaohimayot tatvani 2025-mi Katimakjuakninga Ummiktiktaotitlugo
(October 24, 2025 – Kangirhiniq, Nunavut) Ublumi, Nunavut Tunngavik inniktikmata tatvani 2025-mi Aipagugangat Katimakjuakninganik Katimaniat Kangirhiniqmi, malikavlutjuk pingahunik ublunik unipkalioktat, pigiaktitaohimayot, tatvalu katikhukhimayot hivunighitjutit ihuaghaotikhait Inuit hivuliotiyomayaitnik. Una ihomakhutaoloaktok uttitiffakutikha uma NTI-kut Toglia Angayokanguyup Manilikiyiitkuni, havaginiagungnakhiya uma Titigaktii-Manilikiyii, Ighivaotaliup tatvani Inuit Innulikiyiit tatvalu Iliitkuhilikiyiit Pivalianikut Ukkautjiyiovlutik Katimayigalaat, Ikkayohiakutinik Katimayigalaat, Igluvut Timingat tatvalu allanik havakaktok tatvani NTI-kut havagiyaitni ataniktotainilo.
“Hakkugikhivaligahuaklugit kiotiakutikhait iloani NTI-kut pitjutaoniaktok Inuit nipingitnik tohaktaolutik Katimayiitnit havaktitiyaptingnitlo,” ukkalaktok NTI-kut Angayokangat …
>> Read More
NTI-kut Hatkitiyot uminga Angirratsaliulauqta Hannavlutjuk una Igluvut Timingat
(Kangirhiniq, Nunavut — October 23, 2025) Ublumi, Nunavut Tunngavik katimayiit tohaktitiyot angiyomik apluktamingnik ihuaghaotikhanik haffuma Angirratsaliulauqta angmaktigamitku una Igluvut Timingat.
Angirratsaliulauqta, Una hivulikpanguyok Nunavumi Inuit Iglulikinikut Havaghanik Parnaiyaotat, hannayaohimayok Inuinaknit, iglughaitnik Inuit, hivuliotiyumayait anigakvighait hapkua Inniknigit, aknait nuttakatlo kimavighait ningaktuniit, inolgamiit ayoghaktot, ihoaghagomavlutjuktaok ihagiagiyaoyot akikitkiyanik iglughaitnik hapkua Inuinait havaktot kinniktot nayogaaktaghamingnik iglunik pitjutaongitunik havamingnut uvalunin iglulikiyiitkunut.
“Ihomagiyavut ihuaghaklugo tahamna iglulikinik tahamani Nunavumi tugaaklugo Inuinaknun,” ukkalaktok NTI-kut Angayokangat Jeremy Tunraluk. “Kovianakpiaktok tautokhugu tahamna …
>> Read More
NTI-kut Katimayiit Tohaktitiyot Hivuliotkuvlugit Havakhait ukkua Nutaat Nigoaktaoniaktot Maligaliokvikmut
(October 21, 2025 – Kangirhiniq, Nunavut) Ippaghak, ukkua Nunavut Tunngavik Katimayiit tohaktitiyot tahapkuninga ihomagiyamingnik hivuliotitkuvlugit havagiyakhait ukkua Nunavumi nigoakniaktitlugit nigoagaghanguktitaoyot tatvalu nutaat kavamtauniaktot, ihomagitkuvlugit NTI-kut tunnighimayaitnik ikkayokatigiklutik pivaliotikhaitnik Inuit innulikinikut, iliitkuhilikinikut tatvalu pivalialikinikut innutiakutikhaitnik.
Ukkua Katimayiit ihomagitkuyait kaffioyunik hivuliotitkuvlugit havagiyakhait pikatigiklutik ihomaliokatigigiakaktot, illaliotivlugit Inuktut ilihainik, Inuit havaghakhiokutikhait tatvalu ilihautikhaitnik, iglulikinikut tatvalu pikutaitnik ihuakutikhaitnik, nikkailiokataknik, una Inuit Nuttakat Hivuliotiyagiakaktok Havagiyaoyok, tatvalu anniaktailitjutikhat ajikigiakaktot, ilaliotivlugo ihomapkut innutiakutikhat, inminiiktailitjutikhat tatvalu ihuaghaklugit hapkua ayoghaotaovaliayot higgakluknikut …
>> Read More
Nunavut Tunngavik Attiliokut Ikkayojhiakutit Angikutatnik pikatigivlugit ukkua Inuit Ingilgakniktalikinikut Katimayiit Hatkiotikhatnik $5 Million tallat Hannatjutikhat haffuminga Nunavumi Inuit Ingilgaknitanik Takkuyaghakakvikmik
(October 20, 2025 – Kangirhinq, Nunavut) Ublumi, Nunavut Tunngavik Angayokangat Jeremy Tunraluk koviahuktok tohaktitiyomavluni $5 million tallat ikkayohiakutikhat hatiktaoniaktot tatvunga Inuit Ingilgaknitalikinikut Katimayiitkunut hannatjutikhanik tahaffuma Nunavumi Inuit Ingilgaknitalikinikut Takkuyaghakakvikmik.
“Akitunumik hilakjuami takkuhauyut ajikutaatnik Inuit Ingilgaknitalikinikut Takkuyakhakakvikmik tahamani Nunavumi pivaliotaoniakmat Inuit kinnaomangamik, kaoyimayatokanik Kingovaghanut Iliitoghainik tatvalu Haggimatjutigilugit,” Ukkaktok NTI-kut Angayokanga Tunraluk. “Nunavut Inuit huli atoghimaaktat ayungitningit hakkugingningitlo ingilgaat ubluk tamaat. Una takkuyaghakakvik ilihakvioluni, tahapkua Inuit pikutait tahamunga angilgakniakmata, tatvalu Inuit uppautikatakniakmata iliitkuhiktokamingnik,iliitkuhikmingnik …
>> Read More
Aupayangayunik Illuvguanik Tunnioghainik
(September 24, 2025 – Iqaluit/Kangighinik, Nunavut) Piniahaaktitlugit tatvani Kanatamiut Ublutani tahaffuminga Ukpiriyaunikut Iliitagiyauninganiklo Taimani Ilihagiaktitaohimayot (September 30th) Nunavut Tunngavik Timingat Nunavumi aittuiniaktot tahapkuninga Aupayangayunik Illuvguanik inolgamiit angitilangitnik ihomagiyomavlugit tahapkua annaghimayot Taimani ilihagiaktitaohimavlutik ahinnut nunanut, tatvalu huli koviahutigiyomavlogit pinnikninganik hapkua nutagaotivut tatvalu iliitkuhiktutivut.
Tahapkua aupayangayut illuvguat titigaoyaghimayait uma Arviatmiutauyop hannauyaktioyok Nooks Lindell, tatvanga Hinaani Design-kuni. “Una Hakalikitaak titigauyakhimayok naunaipkutauyok pinniktok ingilgatiakhunilo. Unalo Inuk kitianiitok ihomagivlugo una Anaanatiaga tatvalu ayungitungmat titigauyaknikut.Unipkakatakpangmat tahaffuminga Inunnguinnikut …
>> Read More
NTIkkut. Tungarijuut tiquaqtaugami Christy Nipisha Sinclair umunga nunakakkatut katimayiit
Tuhajaqhaak
(September 12, 2025 – Iqaluit, Nunavut) Nunavut Tunngavikkut Angajuqanga Jeremy Tunraluk ilitaqhijaa Christy Nipisha Sinclair tiqquaqtaugami nunakakkaktut Katimajiinunon (IAC) Angiunun Havaqhaat Havakviani. IACkkut uqautiqattangnaikkat Kanada kanukli havaaqhat hivumungnianik, ihumagikublugiik ihumaliuligangamik nunaptingnik, Imautirjauptingnik, Nunalaaptingnik.
“IIllitaqhittiarumajaga Christy tiquaqtaurnman ikpingnaqtumun havaaqhaq.,” uqauhia NTIkkut Angajuqaanga Tunraluk. “ Haquriiqtuk Innuinaq hivuliktiyii. Ilihimajaminiklu, nanminiqutanniklu, aqhuuqhuni hivumungnahugittait inuit pinnahuaqtaminik. Havaanniit ilihimajaminnik haqugiiqtitingniakkuq Katimayiinun unalu Inuit-hivulliitirijainun, havangitlu Kanadap katimarjuanii illijaukublugit”
NTIkkut niriurijaat havaqatiriirlugu Ms. Sinclair, havaqatigiiqtaqutlu Inuit Nunangaanito inuit maligautait …
>> Read More
NTIkkut qiutjutaa Kanadap Govamaanun Angiunun Havaqhaanun Tuhaajutaat
Tuhajaaqhaq
(September 12, 2025 – Iqalungni, Nunavut) Nunavut Tunngavikkut (NTI) Angajuqaaq Jeremy Tunraluk kiujuuq ublumi Kanadap Govamannun tuhadjutaanun Angiuniq havaqhaanun..
“Nigiugiraluaqtakkut Nunavuutim havaaqhanun igajuutiqhaa. Ataqugaluagaptigiik Kanadap Govamanin titkikiminingit.,” Uqauhia Angajuqaap NTIkkut Tunraluk. “Taimanilu, NTIkkutlu ilitaqhiikujut Kanadamun una kupilguuqtuuk apkutiqha, tulurtakvialu Kitikmeoni havaaqhajuarnga nakugutiumajaatlu Nunaptingni.Hivumuuqujaaqqut Kanamiutaatuminga allanunlu havaqhaanun.”
NTIkuni havaqatigiingnikmunlu Nunavut Govamaatlu(GN),hivummuqtitiujut hitamannik ikpigijaaniq havaqharjuanik atani GN-NTI ukiuktaktumi munaqhijiinik unalu amiqhijiinik pangnaijutiqha: Una kupilguktuumi apkutiqha, tularqtarvialu, Iqalungnilu imaaquktut algujaaqtuktunun havaqhaak , unalu Kivalliqmi imaaquktut-qaritaujaquurutiqhait., …
>> Read More
GNkut unalu NTIkullu Tunihimajaa Nunavunmi Ukiuqtaqtumi Atanniqtuidjutikkut Amiridjutillu Hanaqidjuti
Tuhaqtitauhainnaqtukhaq
(Saptaiba 12, 2025 – Iqaluit, Nunavut) Nunavut Kavamanga (GN) unalu Nunavut Tunngavik Inc. (NTI) ublumi tunijaa una Nunavut Ukiuqtaqtumi Atanniqtuidjutikkut Amiridjutillu Hanaqidjuti, piliuqtauhimajuq kangiqhihimadjutinin hivuliutiujumadjutinillu uqautaujun uvani Ukiuqtaqtumi Atanniqtuidjutikkut Amiridjutillu Kaimanirjuami pihimajuq Iqalungni qaangilihaaqtumi Juunmi.
Taimaatun nunakkut-kavamatigun pijumaniit Ukiuqaqtumi akuulirutainnun ukunanilu hulaqutainnun uvani hilaup aallanguqtirninganut kajumikhidjutaanun, akhuurnaqtuq Nunavut nipingit hivulliuqtakhait Kanadaup atanniqtuidjutaani katimadjutainnun. Katimanirjuaq hanaqidjutikhaqlu tamarnik naunaijaqtaa qitqaniittuq havaguti Inuinnait piqaqtaa naunaijarnianik Kanadaup nanminiutaanik Ukiuqtaqtumun. Una Nunavut Ukiuqtaqtumi Atanniqtuidjutikkut Amiridjutillu Hanaqidjuti …
>> Read More
NTI-kut Katimayiit Katimangmata tahapkua Angiyot Havakhat Ihomagivlugit Inuit Iglutaakuikhaitnik, Hannatjutikhanik ukkua Igluvut unalu Aqqusariaq
Killamik Tohagakhak
(August 28, 2025 – Kinngait, Nunavut) Ukkua Nunavut Tunngavik Timingata (NTI-kut) Katimayiit katimayut tatvani Kinngaitni tatvani pingiaknikmi, pivaliotigivlugit kaffioyot tahapkua katimatjutaoyot, illaliotivlugit angikutait tahapkua Nunavumi Inuit Iglutakutikhaitnik Maligak, manighagiyaohimayot kavamatokatkunit Nunakakaktunit igluliokutikhaita manighaitnik, tatvalu aolakutikhat tahapkua Ilikuaktunik-maniliokutaongitunik (INFP) ataniktotikhaita aolatjutikhait ukkua Aqqusariaq-kut.
Manilikitjutaitnik Ihivgiokutait
Ukkua Katimayiit ihivgiokhihimayot tatvalu angikhimayat ukkua 2024-2025-mi Ihivigioktaohimayot Manilikitjutaita Naunaipkutait. NTI-kut huli taitai tunniyaohimangmiyot namagiyaokpiaktonik ihivgiokutaitnik pikangitiaktot havakviatni manilikinikut ihomalotaoyonik manilikitjutaita naunaipkutaitnik. Katimayiit naunaiyakhimayat taima 46%-nik angiklilakhimayot …
>> Read More
NTI-kut Kiotjutat taffumina Kanatamiut Pivalialikinikut Maligakmik; Titigagiakaktaitnik tahapkua Inuit Havagiyainik hapkua Kanatamiut Pikataoyomaniakmikata Nunavumi
Kilamik Tohaktitaoyoghak
(August 27, 2025 – Kinngait, Nunavut) Nunavut Tunngavik Timingat (NTI-kut) koviagivlugo namagiyaat angiktaohimalikmat una Maligakhak Bill C-5, Una Atohik Kanatamiut Pivalialikinikut Maligakhak, tatvalu naunaitiakhimayonik atogaghanik ihuaghaivalialiktot taima una Maligak ihuaktunik ikkayotaoyagiangani tahamani Nunavumi huli pitiagiakakhugit tahapkua Inuit piyunaotait tatvalu ublumi maligagiyait. Una Maligakhak C-5 Maligakliokvikjuami Angiktaohimayok tatvani June 26, 2025-mi, maliganguktitogik ukkua Ihuakutikhanik Niovgotaokataktot tatvalu Maligauyunik Havaktolikinikut uvani Kanatamiut Maligakmi tatvalu una Hannavaliatjutikhanik Kanatamiut Maligakmi.
Tatvani nutaatni havagiyaoniaktuni, ukkua kavamatokatkut …
>> Read More
Hivulliq Katimania Akukittuq-Nunavut Iqaluliqiyit Katimayiralaat
KATUTYIQATIGIT UQAUHIT
(Niqiliqivik 13, 2025 – Nuuk, Akukittuq) Talvani Niqiliqivik 2, 2025, tapkuat Kavamatkut Akukittuq, Kavamatkut Nunavut, Nunavut Tunngavik Nanminilgit, tapkuatlu Qikiqtani Inuit Katutyiqatigit katittutut talvani Nuuk atulinngautani katimania Akukittuq-Nunavut Ilaluliqiyit Katimayiralaat, naunaiqhugu atuqliqtaunia piyauniq Ukiurtaqtumi iqaluliqutit ikayuqtigikniq.
Hakugikhigiaqnia Ukiurtaqtumi Katutyiqatigit
Tamna Katimayiralaat atuttiaqtat pinguqtaunia atuinaqnikha ikayuqtigikniq tapkunanga Akukittuq tamnalu Nunavut. Kivgaqtuiyut tamaitni hitamat timiuyut atuqatigiktut tamatkiumayunik takuyauni tamaita inmingnut atuqnilgit iqaluliqutit ilagiyai, akhuqyumini tamatkiknik akhuraqnit pilaqnitlu iqaluliqutit iqaluknutlu turangani pityutit.
Iniqpalliahimayut
Maligait Piqataunit Angiqnit: …
>> Read More
NTI-kut tohaktitiyot Takhihimayunik tatvani 2025-mi Nunavut Ubluutani Siikitunik tatvalu Nunakukutinik Attiit Ammuyaohimangmata
(July 14, 2025 – Iqaluit, Nunavut) Nunavut Tunngavik Timingat (NTI-kut) koviahuktut tohaktitiyomavlutik tahapkuninga tahihimayunik tatvani 2025-mi Nunavut Ubluutani Siikitunik tatvalu Nunakukutinik Attiit Ammuyaohimangmata.
Nunavummiut Inuit attiliokataohimayot tatvani Nunavut Angikutani attiit iliyaoyagiikhimayut tahapkununga attiitnut ammuyaoniaktunut akkiyakhanik ataohikmik tattakhamik malgokmanik akkiyakhauyok tamaitni nunaliitni, tahapkuninga Yamaha SideWinder L-TX GT siikitunik, uvalunin tahapkuninga Polaris Sportsman 570 Nunakukutinik Handanik. Tahapkua attiit ammuyaokataktot attoklugit tahapkua kaivikataktot nampakaktot nutkagangata attiitnun tatkikataktot tatvalu naunaiyaihimayot tatvani July 9-mi, Nunavut Ubluutani. …
>> Read More
(English) Nunavut Day Goodie Bags – Rankin Inlet
Sorry, this entry is only available in English.
(English) Nunavut Day Celebrations
Sorry, this entry is only available in English.
NTI ukualu GN hivuliqhurnirmun ilaliutihimajut Igluqpatigut Ukiuqtaqtumilu Ataniudjutit mUnaridjutillu havaqatigiingnirmun upalungaijautit
Qilamik Tuhaqtitaujukhaq
(Imaruqtirvia 20, 2025 – Iqaluit, Nunavut) Nunavunmi Paanariiktunun Katimajiit (NPC) – Ilaujut ukuat Ministait Katimajiit ukunanin Nunavut Kavamanga (GN) Katimajiillu ukunanin Nunavut Tunngavikkut Timinga. (NTI) – katimajut ublumi Iqalungni hivumuuqtitaangani uqaqatigiingnikkut hivuliujukhat.
Katimajuni, katimajiit angirutigijaat malruk nutaak havangnirmun upalungaijautit ukualu hanaqidjutit turaangajut Igluqpangnun ukualu Ukiuqtaqtumi Ataniudjutinun Munaridjutinunlu. Katimajiit talimat atuqtaujut havangnirmun upalungaijautit turaangajut Nutaqqanun Munaridjutinun, Inirnikhanun, Igluqpatigut, Nunallaani Maniliunirmun Pivalliadjutit, Ilihaidjutillu.
“Quviagijaqqut Nunavut Tunngavik Inc.’s hivuliqhurnirmuninmi havaqatigiingnikkut upautidjutit hivumuuriangani hapkua akhuungnaqtut …
>> Read More
NTI-kot Ikayoktoeyut Nonavumi Hivonikhavut-mik ikayoktogeagani Inoet Amigaeniginik Havaktulo Pivaleaniginik
Toninagiktukhak
(May 15-mi 2025-mi – Atoami, Ontario-mi) Nonavut Tungavik Timeoyomi (NTI) Ikhivaotalik, Makigeaktalo Inoet Ayoekhaniginik Koapareseoyomi (MITC) Ikhivaotalik Jeremy Tunraluk koveahoktok tohaktitiyamini 2.2-mileatalamik ikayutikhamik agikatigegunmik ukoalo Nonavut Hivonikhavut-kolo (NS) ikayoktogeagani Inoen havaktut pivaleaniginik havakhamik atoktukhamik hitamani ukeoni.
Kaganoak atoligomayamiknik upalogaeyaotinik, NS-koni Katimayini Hivolikhoktit tikoakhihimayut havaohiknik ihageagiyaoyonik atokhimaginageagani hivonikhami havaohet nakogotaoteageagani ihoaktomiklo. Manikhakhat Makigeakta-mit piyotaoneaktut NS-konit hatkikhiyagani notanik havakvikhanik, neoviklotik havami ihoakotikhanik, atokaktukhaniklo pivageagani iyoakhiyotinik taya havaktonit atoktakhaenik.
“Una manikhakhak agiyomik aplogeagotaoyuk Nonavut Sinunikhavut-mi.” …
>> Read More
NTI-kut hatkikhiyut toghiktotikhanik tahaffuminga Uqausirngaq Manikhanik Ikkayotikhanik tatvuna Inuktut Tammaktailitjutikhanik
Kilaminoak Tohaktitaoyagialik
(May 7, 2025 – Iqaluit, Nunavut) Nunavut Tunngavik Timingat (NTI-kut) Angayokangat Jeremy Tunraluk koviahuktok tohaktitiyomavluni tahaffuminga 2025–2026-mi Uqausirngaq Manikhanik Toghiktotikhanik hatkikhiyomavlutik, una Inuit hivuliktat manikhanik ikkayohiakutikhat Kavamatokatkunit ikkayotaotkovlugit munagitiakutikhaitnik, attokhimaakutikhaitnik, tammaktailitjutikhaitnik, tatvalu ihuaghaotikhaitnik hapkua Inuktut ukkauhiitnik tahamani Nunavumi tatvalu humilikak.
“Una ihomagiyaoloaktok hivuliotiyagiakaktok Inungnik Makipalliatittiniq 2025-2029, NTI-kut hitamanik ukkiunik paknaiyaotaitni hivulioktiyomayait, una Inuktut tamaat Hivunikhamut Taimunga – pivaliotikhat taima tahamna Inuktut ukkauhik attokhimaakovlugo tahamani Nunavumiut Inuinaitniit,” ukkalaktok Angayokat Tunraluk. “Tatavalu …
>> Read More
NTI koyagiyat Atanikpakyoak Kavamatokani Kanatami Mark Carney
Toninagiktukhak
(April 29-mi 2025-mi Ikalokni, Nonavumi) Nonavut Tungavik Timeoyok (NTI) koyagiyat Atanikpakyoak Kavamatokani Kanatami, Ihomagiyaoteaktok Mark Carney vutiktaoyoni takhikmat.
NTI-kot nahogiyut havakatigiyagani kavamagiyat Nonavumilo Ilaoyok Maligaleokvikyoami tamat atoligeagani Nonavumi Agikatigegut, hivomuktitpaligeaganilo NTI-kot hitamani ukeoni atoligomayaenik atoaktakhaenik Inuknit Makitpaleayutinik 2024-mit 2029-mut.
Inoet nanminik inuvalealigeagani kiteanetmat hivonikhani Nonavut Kanataovlo nanminigiyaoniganik ihomaloknaeniganiklo Ukeoktaktomi. NTI-kot Kavamalo Nonavumi okakmata ataotimi okaohiptikni Ukeoktaktok nanminigiyaoniganik, ihomaloknaegeagani Kanataop Ukeoktaktoa tokikakmat ikayoktokniginik Inoenaknit hivolikhoktaoyut holiyotit togagateaktonit maniknik atoktitiyotinit ihageagiyaoliktoni hanahimayonik, iglolikiyotinik, aneaktonik …
>> Read More
