ᐃᕐᖐᓐᓇᖅ ᓴᖅᑭᖅᑕᐅᒋᐊᓕᒃ
ᓄᓇᕗᑦ ᑐᙵᕕᒃ ᑎᒥᖓ ᒪᓂᒪᑎᑦᓯᔪᖅ ᐃᑲᔫᑎᑦᓴᓂᒃ ᓄᓇᕗᑦ ᐃᓄᖏᓐᓄᑦ ᕿᒫᒋᐊᖃᖅᑎᑕᐅᔪᓄᑦ
(ᐊᐅᒡᒍᓯ 17, 2023, ᐃᖃᓗᐃᑦ, ᓄᓇᕗᑦ) ᐃᑯᐊᓛᔪᐊᓗᐃᑦ ᐊᖅᐸᐸᓪᓕᐊᖏᓐᓇᑎᓪᓗᒋᑦ ᓄᓇᓕᓐᓄᑦ ᐊᖅᐸᕐᕕᐅᑐᐃᓐᓇᕆᐊᓕᓐᓄᑦ ᓄᓇᑦᓯᐊᒥ (NWT) ᐊᒻᒪᓗ ᕿᒫᑎᑕᐅᒋᐊᖃᖅᑎᓪᓗᒋᑦ ᐃᓚᒌᑦ ᐊᖏᕐᕋᒥᓐᓂᒃ, ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐱᓕᕆᐊᖃᖅᐸᓪᓕᐊᔪᖅ ᐃᑲᔫᑎᑦᓴᑲᓐᓂᕐᓂᒃ ᐊᑦᑐᖅᑕᐅᔪᓄᑦ ᓄᓇᕗᑦ ᐃᓄᖏᓐᓄᑦ ᐊᖏᕐᕋᓕᓐᓄᑦ. ᑖᓐᓇ ᐱᖕᒪᕆᐅᔪᖅ ᐱᓇᓱᐊᒐᖓ ᑐᕌᖓᓕᒃ ᐃᑲᔪᖅᑕᐅᑦᓴᐅᑎᒋᔾᔪᑎᑦᓴᓂᒃ ᐱᔪᓐᓇᖅᑎᑕᐅᔪᓄᑦ ᐊᖏᕐᕋᓕᓐᓄᑦ ᐊᑦᑐᖅᑕᐅᔪᓄᑦ ᕿᒫᒋᐊᖃᖅᑎᑕᐅᓂᕐᒧᑦ, ᐃᓚᒋᔭᐅᓪᓗᑎᒃ ᑖᒃᑯᓇᓃᑦᑐᑦ ᔭᓗᓇᐃᕝ, ᑎᓗ, ᑎᑦᑕ, ᐃᓐᑐᐳᕋᐃᔅ, ᕗᐊᑦᓯ ᓯᒥᑦ, ᕼᐊᐃ ᕆᕙ, ᔩᓐ ᒪᕇ ᕆᕙ, ᐊᒻᒪᓗ ᐱᑦᓱᑯ.
ᑭᒡᒍᑕᐅᓪᓗᓂ ᑐᐊᕕᕐᓇᖅᑐᒦᓐᓂᖏᓐᓄᑦ, ᑐᙵᕕᒃᑯᑦ ᐃᑲᔫᑎᑦᓴᓂᒃ ᓴᖅᑮᔪᑦ ᐊᑕᐅᓰᖅᑐᒥᒃ ᐊᑭᓕᐅᑎᑦᓴᒥᒃ $1,000−ᓂᒃ ᐃᓚᒌᓄᑦ ᐃᓪᓗᒥᐅᖃᑎᒌᓄᑦ. ᑖᓐᓇ ᐃᑲᔫᑎ ᐃᑯᓪᓚᕈᑕᐅᓇᓱᐊᖅᑐᖅ ᑐᐊᕕᕐᓇᖅᑐᒦᑦᑐᓄᑦ ᐊᑦᓱᕈᓐᓇᑐᒃᑰᖅᑐᓄᑦ ᓄᓇᕗᑦ ᐃᓄᐃᑦ ᐃᓪᓗᒥᐅᖃᑎᒌᓄᑦ ᐊᑦᑐᖅᑕᐅᓯᒪᔪᓄᑦ ᕿᒫᒋᐊᖃᖅᑎᑕᐅᓂᕐᒧᑦ.
ᓄᓇᕗᑦ ᐃᓄᐃᑦ ᐃᓪᓗᒥᐅᖃᑎᒌᑦ ᑐᕌᕈᑎᓕᐅᖅᓯᒪᔪᑦ ᐊᑦᑐᖅᑕᐅᓯᒪᔪᓂ ᓄᓇᓕᓐᓂ ᐊᖏᖅᑕᐅᑲᐅᑎᒋᔪᑦ ᐊᒻᒪᓗ ᖃᐅᔨᒋᐊᕆᐊᓖᑦ ᑐᒥᕕᒃᑯᓐᓄᑦ ᐃᑲᔫᓯᐊᖏᑦ ᑮᓇᐅᔭᑎᒍᑦ ᑮᓇᐅᔭᒃᑯᕕᖏᓐᓄᑦ ᐴᖅᑕᐅᑦᓴᐅᑎᒋᖁᓪᓗᒋᑦ.
ᑕᒪᒃᑯᓇᓂ ᐊᑎᖃᖃᑕᐅᔪᑦ ᑐᕌᕈᑎᖏᑦ ᓇᓕᒧᖃᙱᑦᑐᓂ ᕿᒫᒋᐊᖃᖅᑎᑕᐅᔪᓄᑦ, ᑭᓯᐊᓂ ᓇᖕᒥᓂᖅ ᑕᕝᕙᓃᖃᑕᐅᓪᓗᑎᒃ, ᓱᖅᑯᐃᖅᓯᒍᑎᑦᓴᒥᒃ ᓇᓗᓇᐃᖅᓯᒋᐊᓖᑦ ᑕᒫᓂᒥᐅᑕᐅᓂᖏᓐᓄᑦ ᓄᓇᓕᓐᓂ ᐃᓚᖃᕐᓗᓂ ᑮᓇᐅᔭᓕᑕᐅᒍᑎᖏᓐᓄᑦ ᑮᓇᐅᔭᒃᑯᕕᓐᓄᑦ ᐴᖅᑕᐅᒍᑎᑦᓴᖏᓐᓄᑦ ᑐᓂᔭᐅᒋᐊᓕᒃ ᑐᙵᕕᒃᑯᓐᓄᑦ. ᐆᑦᑑᑎᒋᓗᒍ ᓱᖅᑯᐃᖅᑕᐅᒍᑎ ᓄᓇᖃᕐᓂᖓᓂ ᐃᓚᒋᔭᐅᓪᓗᓂ ᐊᖁᑦᑐᖅᓯᐅᑎᑎᒍᑦ, ᐆᒻᒪᖅᑯᑎᓄᑦ ᐊᑭᓕᕋᑦᓴᓕᐊᖑᓯᒪᔪᓂ ᐅᕝᕙᓘᓐᓃᑦ ᐊᑐᖅᑐᐊᕈᑎᓂ.
ᓱᓕᒃᑲᓐᓂᖅ, ᑐᙵᕕᒃᑯᑦ ᐃᓕᓴᖅᓯᓯᒪᔪᑦ ᐊᑦᓱᕈᓐᓇᑐᒃᑰᕐᓂᖏᓐᓂᒃ ᐃᓄᐃᑦ ᓄᓇᓖᑦ ᓯᓚᑖᓃᑦᑐᑦ ᓄᓇᑦᓯᐊᑉ ᐊᒻᒪᓗ ᓇᓗᓇᐃᖅᑐᑦ ᕿᒫᒋᐊᖃᖅᑎᑕᐅᓂᖏᑦ ᐊᑦᑐᐃᓂᖃᕈᓐᓇᕐᓂᖏᓐᓂᒃ ᑭᒃᑯᑐᐃᓐᓇᕐᓂᒃ ᐊᓯᖏᓐᓃᑦᑐᓂᒃ ᑲᓇᑕᒥ. ᑕᕝᕗᖓ, ᑐᙵᕕᒃᑯᑦ ᐃᑲᔪᕆᐊᓪᓚᒍᑎᓖᑦ ᓄᓇᕗᑦ ᐃᓄᐃᑦ ᐃᓪᓗᒥᐅᖃᑎᒌᑦ ᕿᒫᒋᐊᖃᖅᑎᑕᐅᓯᒪᔪᓂᒃ ᓯᓚᕐᓂᓗᒻᒧᑦ ᓲᕐᓗ ᐃᑯᐊᓚᔪᑦ ᐊᖅᐸᕐᓂᖏᓐᓄᑦ, ᑳᒥᒍᔾᔭᐅᔪᓄᑦ, ᐊᓯᖏᓐᓄᓪᓗ, ᓇᓂᒥᐅᑕᐅᒐᓗᐊᖅᐸᑕ 2023-ᒥ. ᓄᓇᕗᒻᒥ ᐃᓄᐃᑦ ᑐᓂᓯᒋᐊᓖᑦ ᓇᓕᖅᑲᓂᒃ ᕿᒫᒋᐊᖃᖅᑎᑕᐅᒍᑎᓂᒃ, ᐃᓚᖃᕐᓗᑎᒃ ᓱᖅᑯᐃᖅᑕᐅᒍᑏᑦ ᓄᓇᖃᕐᓂᖏᓐᓂᒃ ᐊᒻᒪᓗ ᐴᖅᓯᒍᑎᑦᓴᓂᒃ ᑮᓇᐅᔭᓕᑕᐅᒍᑎᓄᑦ ᑮᓇᐅᔭᒃᕕᖏᓐᓄᑦ.
ᐅᕝᕙᓘᓐᓃᑦ ᐊᑭᖃᙱᑦᑐᒧᑦ ᐅᕗᖓ 1-888-236-5400. ᐃᑲᔫᑎᑦ ᑮᓇᐅᔭᑎᒍᑦ ᓇᓗᓇᐃᒃᑯᑕᖏᑦ ᑮᓇᐅᔭᒃᑯᕕᖏᓐᓄᑦ ᑕᑕᑎᕋᑦᓴᖅ ᑐᙵᕕᒃᑯᑦ ᐃᑭᐊᖅᑭᕕᖓᓂᒃ ᐱᔭᑦᓴᖅ ᐅᕙᙵᑦ www.tunngavik.com. ᖃᐅᔨᒪᒋᑦ ᐃᑲᔫᑎᑦ ᑮᓇᐅᔭᓕᑕᐅᒍᑎᓄᑦ ᐊᑕᐅᓯᕐᒥᒃ ᒪᕐᕉᓐᓄᑦ ᐱᓇᓱᐊᕈᓰᓐᓄᑦ ᐊᑯᓂᐅᑎᒋᑐᐃᓐᓇᕆᐊᖃᕐᓂᖏᓐᓂᒃ ᒪᓕᒋᐊᖃᕐᓂᖏᓐᓄᑦ ᐊᐅᓚᑕᐅᓂᖏᓐᓂᒃ.-30-
ᑐᑭᓯᒋᐊᒃᑲᓂᕐᕕᒃᓴᖅ:
ᑭᐊᕙᓐ ᑲᑉᓗᑦᓯᐊᖅ
ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4941
ᐊᑭᖃᙱᑦᑐᖅ: 1-888-646-0006
