(ᓄᕕᐱᕆ 17, 2015 — ᐃᖃᓗᐃᑦ, ᓄᓇᕗᑦ) ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᖅ ᕿᒥᕐᕈᔭᐅᓚᐅᖅᑐᖅ ᓄᓇᕗᑦ ᒪᓕᒐᓕᐅᕐᕕᐊᓂ ᑕᕿᕆᔭᕗᑦ ᐊᑐᕆᐊᓕᓵᖅᑎᓪᓗᒍ. ᐊᔾᔨᐅᖏᑦᑐᒧᑦ ᑲᑎᒪᔨᕋᓛᑦ 23-ᓂᒃ ᐊᑐᓕᖁᔨᔾᔪᑎᖃᓚᐅᖅᑐᖅ ᐅᑯᓄᖓ ᓄᓇᕗᑦ ᒐᕙᒪᒃᑯᖏᓐᓄᑦ ᑕᒪᑦᓱᒧᖓ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᒧᑦ. ᐃᒪᓐᓇᐃᑲᓗᐊᖅᑎᓪᓗᒍ ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᑉ ᑐᖏᓕᐊ ᔭᐃᒪᓯ ᐃᑦᑐᓗᒃ ᐊᖏᖃᑎᒋᓪᓗᓂᒋᑦ ᐃᓘᓐᓇᑲᓴᒃ 23 ᐊᑐᓕᖁᔨᔾᔪᑎᑦ, ᐃᑦᑐᓗᒃ ᐅᖃᖅᑐᖅ ᓱᓕᒃᑲᓐᓂᖅ ᑐᑭᓯᓇᖅᓯᑲᓐᓂᕆᐊᓕᑦ ᓯᕗᓂᐊᒍᑦ ᐃᓂᖓᓄᑦ ᐃᓕᓚᐅᖅᑎᓐᓇᒋᑦ ᑕᒪᐃᑕ.
ᓱᕐᓗ ᐆᒃᑑᑎ, ᐊᑐᓕᖁᔨᔾᔪᑎᑦ ᐋᖅᑭᒋᐊᕈᑎᑦ ᒪᓕᒐᕐᔪᐊᓄᑦ ᓇᓗᓇᐃᑦᑎᐊᕈᑕᐅᓗᑎᒃ “ᐅᑯᐊ ᓄᓇᕗᒥ ᐃᓕᓐᓂᐊᖅᑐᓕᕆᓂᕐᒧᑦ ᐋᖅᑭᐅᒪᔪᑦ ᑲᔪᓯᑎᑦᑎᓗᑎᒃ ᑕᒪᐃᓐᓂᒃ ᐅᖃᕈᓐᓇᕐᓂᕐᒥᑦ ᒪᓕᒃᖢᒋᑦ ᑕᒪᑦᓱᒧᖓ ᐊᑕᐅᓯᕐᒧᑦ ᐃᓕᖓᔪᑦ, ᐊᑐᖅᑕᐅᒐᔪᒃᑐᑦ ᐊᖅᑭᐅᒪᔪᐊ ᑕᒪᐃᓐᓄᑦ ᐃᓕᓐᓂᐊᕐᕕᓄᑦ ᓄᓇᕗᒥ ᐊᑐᕐᓗᑎᒃ.” ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᑲᔪᖅᑐᐃᔪᑦ ᑕᒪᑦᓱᒧᖓ ᐊᑐᓕᖁᔨᔾᔪᑎᓂᒃ ᐊᑕᐅᓯᖅ ᐊᑐᖅᑕᐅᓂᐊᖅᐸᑦ ᐅᓇ ᖁᓪᓕᖅ ᐃᓕᖓᓂᐊ. “ᐅᓄᕐᓂᖅᓴᓄᑦ ᐅᖃᐅᓯᕆᔭᐅᔪᒧᑦ” ᐅᖃᖅᑐᖅ ᐃᑦᑐᓗᒃ, “ᑕᒪᑦᓱᒧᖓᓕ ᑲᒪᒋᔭᐅᔪᒧᑦ, ᓯᕗᓪᓕᖅ ᐅᖃᐅᓯᕆᔭᖅ ᐃᓕᓐᓂᐊᖅᑎᑦᑎᔾᔪᑎ ᐃᒪᓐᓇᐃᒋᐊᓕᒃ ᐊᒻᒪᓗ ᐃᓄᒃᑑᕆᐊᓕᒃ.”
ᐊᓯᐊ ᐊᑐᓕᖁᔨᔾᔪᑎ ᐱᔭᕆᐊᓕᒃ ᑐᑭᓯᓇᖅᓯᑎᑕᐅᑦᑎᐊᕐᓗᓂ ᐅᓇ ᑕᒪᑦᓱᒧᖓ ᐱᔾᔪᑎᐊᓄᑦ ᓴᖑᑎᑕᐅᓗᓂ ᐊᖅᑭᒋᐊᖅᑕᐅᓂᐊ, ᐊᖅᑭᒋᐊᕐᓗᒍ ᐅᕝᕙᓘᓐᓃᑦ ᐱᕐᓗᒍ ᐃᓱᓕᕝᕕᖏᑦ ᑕᒪᑦᓱᒧᖓ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐅᖃᐅᓯᓄᑦ ᐃᓕᓴᐃᓂᕐᒥᑦ ᒪᓕᖁᔭᐅᔪᑦ. ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᑲᔪᖅᑐᐃᔪᖅ ᑕᒪᒃᓱᒧᖓ ᑐᒃᓯᕋᐅᑎᒧᑦ ᑭᓯᐊᓂ ᐱᓕᕆᕕᐊᑦ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐃᓚᐅᑎᓪᓗᒋᑦ ᑕᒪᕐᒥᒃ ᑎᒍᒻᒥᖃᑕᐅᔪᑦ ᑕᒪᑦᓱᒧᖓ ᑲᔪᓯᓂᐅᔪᓄᑦ ᐊᒻᒪᓗ ᑐᑭᖏᓐᓄᑦ ᑕᒪᐃᓐᓂ ᐃᓄᐃᑦ ᐅᖃᐅᓯᖏᓐᓄᑦ ᐱᔪᓐᓇᐅᑏᑦ ᓇᓪᓕᐊᓂᒃ ᐊᑉᓗᕆᐊᕈᑎᖃᕐᓂᐊᕐᒪᖔᑕ.
“ᓂᕆᐅᑦᑎᐊᖅᑐᖓ ᐅᖃᖃᑎᖃᕐᓂᐊᕐᓂᕐᒥᑦ ᑕᒪᒃᑯᓄᖓ ᐊᑐᓕᖁᔨᔾᔪᑎᓕᐊᖑᔪᓄᑦ ᐊᒻᒪᓗ ᐱᓗᖓ ᑐᑭᓯᓇᖅᓯᓯᒪᔪᓂᒃ ᐃᓕᓐᓂᐊᖅᑐᓕᕆᓂᕐᒧᑦ ᒥᓂᔅᑕᖓᓄ, ᐹᓪ ᖁᐊᓴ.” ᐅᖃᖅᑐᖅ ᐃᑦᑐᓗᒃ.
