(Mai 27, 2026 – Iqaluit, Nunavut) Ublumi, Nunavut Tunngavik Nanminilgit (NTI) Ataniq Niruaqtuliqiyi Havakti Joe Kunuk tuhaqhityutigiya tamna Gloria Uluqsi niruaqtauyuq Angayuqaq tapkununga NTI-kut piplugu 19.6% niruaqtaunit.
Gloria Uluqsi kivgaqtuiniaq Angayuqanguniq tikitlugu Tisaipa 2028.
NTI-kut Angayuqaq atuqpiartuq ilauyuq tapkununga NTI-kut Katimayini Katimayit tamnalu Ataniuyut Katimayiralaat, tamnaluttauq Ikhivautalik, Hivuliqti tamnalu/uvaluniit Tigumiaqatauyuq tahapkununga pingiqnit timiuyutlu:
- Makigiaqta Inuit Iliharniq Kuapurisan: Atuqtitai havagutit turangayut tahapkununga Inuit ilihainiq iliharniqlu
- Nunavut Inuit Risuasis Maniliurutit Tigumiaqtit: Aulatauni piqaqnit maniktat tapkunanga Inuit Nanminit Nunat
- Nunavut Inutuqat Ikayuhiat Tigumiaqtit: Piqaqtitni tatqiq tamaat akiliqtutit tapkununga Inutuqat talvanga NTI-kut avikniat ilagiya avikhiviunit, havagut taiyauyuq Uqqujjait Innarnut
- Nunavut Inuliqutit Pivaliayuliqiyit Katimayit: Pinguqtitnia malikhugu Nakataani 32 tapkunani Nunavut Angirut ihuaqhihimayakhai Inuit piqataunit tapkunani inuliqutit ilitquhiliqutitlu pivaliatitni (havagutit tatya atuqtauyut tapkunanga Nunavut Tunngavik Nanminilgit)
- Nunavut Tunngavik Tunngaviat: Atuqtitni havagutit turangayut aturahuaqtitni Inuit uqauhit, ilitquhiliqutit mamihainiqlu tapkunanga aulaqtitauplutik ilihaqnit
Ilagiplugulu, NTI-kut Angayuqaq ikhivautaliukmiyuq tapkununga Ilauyunut katimayit tahapkunani timiuyuni piplugu NTI-kut Ilauvigini tahapkuat timiuyut:
- NTI-kut Maniliurutit tamnalu Inuliqutit Pigiarutit Nanminilgit: Tigumiaqtit nanminilgit tapkununga Atuqtuarvik Kuapurisan piqaqtitiyut kiinauyanik tahapkununga Inuit Nanminilgit
- Igluvut Kuapurisan: Turangayut piqaqtitni nutaq akituvallangittut angilrat tamnalu akituvallangittut iglukhat havagutai tahapkununga Inuit
- Aqqusariaq: Ikayuqtuqtai mamihainiq tahamani Nunavut hugiaqhugit pitaqvit akhurnaqniq atuinarumanilu atuqni atuqhugit tamatkiyut, ilitquhiliqutit tunngavigini, tamaitnutlu munaqnit
Niruaqtut niruariaqtuqni mikhaanittut 72.4%. Tamna tamaitnut avikhimani niruarniq qanuritnit piyualat talvani election.tunngavik.com.
Tuhaqpalliriami turaqvigilugu:
Ataniq Niruaqtuliqiyi Havakti (CRO) Aapisia taphuma CRO
Joe Adla Kunuk Jason Roberts
Hivayauta: 867-222-3634 Hivayauta: 867-202-3696
