Kilamik Tohagaghaoyok
(May 13, 2026 – Iqaluit, Nunavut) – Nunavut Tunngavik Timingat pikatautkuyait hapkua Nunavunmiut Inuit kungiakuvlugit, iliitugivaligahuaklugit tahapkua niguagaghanguktitaohimayot, pikataotkuyaovlutik kavamatlikinikut aolatjutaitnik kagitaoyakut kungiaklutik tahapkuninga tamaita niguagaghanguktitaoyot aivakatigititlugit.
Ikkayoktigilugit ukkua Uvagut TV, ukua NTI-kut kungiaktitiniaktot kagitaoyakut ukkua Tamaita Niguagaghanguktitaoyot Aivakatigititlugit Tallimut, May 15, 2026-mi, ublukhiut 6:00 p.m. unnukpat Kivatani Ubukhiutat. Tahapkua aivatitlugit kungiaktaoniaktot tatvuna Uvagut TV tatvalu ukkuja NTI-kut kagitaoyakut kungiakutatni Facebook-kut, taimatot hatkiomaniakmata kungiagomayunut humilikak Nunavunmi tatvalu humiitlikak hilatanikmiuniit.
Tahapkua kungiaktaotitlugit hatkitjutaoniakmata Nunavunmiut Inuit nallakniakmat hapkua niguagaghanguktitaoyot ukaktitlugit, iliituginiakmatjuk hunanik ihomagiyakakmangata hivuliotiyomayaitniklo havaghamiknik, tatvalu tohaktitaoniakmata hivugani taffuma niguagiaktokviop ubluani. NTI-kut pipkainiakmiyot Nunavunmiutaknik Inuinaknik tujuklutik appikutighanik kagitaoyakut tatvuna NTI-kut kagitaoyatni Facebook-kut. Hapkua Inuit appikutait ikkayotaoniakmata hivunighitjutinik ukkautautitlugit tahapkua pivaliatjutit tatvalu ihomalutaoyonik tatvalu piyomayaoyunik pimagiyaitnik hapkua nunaliit humilikak Nunavunmi.
Tahapkua aivatjutaoniaktot kungiaktaoniaktot Inuktitut Kablunaatutlu ukkauhiit atoktaolutik kangighinaghiniakmata kungiaktunut humilikak Nunavunmi.
Nunavut Inuit niguagungnaktot tatvani vote NTI-kut Angayokaghamik Niguaktitiffaakniaktitlugit, May 27, 2026-mi, 10 a.m. ublami akunngani 7 p.m. unnukpat nunaliitni ublukhiotat atoklugo, uvalunin niguaknagigomagomik tatvani May 20, 2026-mi, 10 a.m. ublami akunngani 7 p.m. unnukpat nunaliitni ublukhiotat atoklugo
Tohaktitaovaligomaguvit tahapkuninga NTI-kut Angayokaghamik Niguaktitiffaakniaktitlugit, kagitaoyakut tahapkua taiguaghat Appikutaokataktot takkuinagialgit (FAQ), kagitaoyakut elections.tunngavik.com.
-30-
Pivalialikinikut Tohakvikhak
Annie Thomlinson
Atanik Tohaktitilikiyiitkuni
Nunavut Tunngavik Timingat
