Nunavut Tunngavik Timinga Angayukaak Cathy Towtongie atikhimayuk Ilitagitjutainik pihimayut NTIkut Angayukaamit Ilitagitjutainik Katimakyuaktitlugit nigipkaititlugit Kangiklinimi unuak. NTIkut Katimayaktuktut katitihimayut Kangiklinimi ukiuk tamaat katimakyuagutainik ubluinik.
Ukiuk tamaat, ilitagihimayut tunihimayut pingahut ilitagiyauyunik akhut ikayukhimayut tamaktitailigutainik Inuit Inuuviviniit ovalo hivuliuyut nunainik uktugutikhainut. Ukiuk ilitagiyauhimayut hapkoa David Oolooyuk, Veronica Ell, ovalo Ennaidami Takhiit ilakatingit.
Towtongie ukaktuk Ooloyuk ayongitainik ovalo pigaagutainik ilaukatautjutainik kingminik uraisiktunik, ukakhuni ilitagiyauhimayut Manitobami ayongitainik. Ell avaliikhimayuk kilamik inuutjutainik ovalo ikayukhimayait angiyut ilatagiinik ilaa, nalungitiagami mikhugiaganik. Ennaidami Tahiit Ilakatingit, nalungitauyut Ahiarmiujuit (Inuit Iluani Nunait), ilitagiyauhimayut ayokhakpiagutainik pitkutait ovalo hanalgutait ahiguktautihimanmata ovalo pualgiyakhagit ovalo pipkaihimayut pikaluangitumik pitkutikhainik. Nalungitiaktuk kilautinut numiktiyut David Serkoak pihimayaa ilitagitjutainik kitkanit Ahiarmiujuit. Serkoak ilitagiyauhimayut havagutainik tamaktitailiguinik inuuviviniit Inuit kilautikut numiktunut.
Tamamik ilitagiyauhimayut tuniyauhimayut ilitagitjutainik ovalo $500mik kinauyakhainik.
