Nunavut TunngavikTiminga Angayukaap Tuklia James Eetoolook ublumi pitkuhimayuk Inuit Qikiqtani takulugit nunaini umayuligiyit ukagiaganik nunainik tuktut naunaiyautainik.
Eetoolook ukaktuk Inuit piyukhat hamna pitinagit Qikiqtani tuktut katimatinagit ayoikhailutik Iqalumi akaguanikpat. Kavamatkut Nuanvumi munagiliktut katimayut July 23mit 24mut tamamik Qikiqtani nunait umayuligiyiit ukagiaganik ublumi kanugitktut tuktut naunaiyautait.
“NTIkut munaiyut hamani katimayukhanik ilauyut Nunavumi Nunataagutit Angigutaanut Ilangani 5 ovalo munagikatigiigutait atugutainik. NTIkut, HTOkut, Inuit, GNkut ovalo Nunavumi Umayuligiyit Katimayiit tamamik munagikatigiiktut ilaukatauplutik umayukhiugutait atugutainik. Katimayut tuniniaktut tamamik ilaukatauyut pilaaktainik ukakatigiilutik kablunaat kauyimayatukangit Inuit qaujimajatuqangit mikhaanut nunaini tuktut naunaiyautait,” ukaktuk Eetoolook.
GNkut kaipkainiaktut malgunik ilaukatauyukhanik tamamik HTOkunit Iqalumut katimayukhanut. Inutukait ovalo munagikatigiiktut ilaukatauyut ilaukatauniaktut. NTIkut pitkuyut Inuit takulugit inminik HTOkut kilamik ukagiaganik ihumagiyainik ovalo ukakatigilugit nalungitainik nunaini tuktut naunaiyautainik, ilaa HTOkut ilaukatauyut nakuutkiyamik ilaukatautigiaganik nunaini katimatitlugit.
“Ublumi tuktut naunaiyautait tamaat Qikiqtani tuhaktiliktut ikikliliktut. Inuit nalungitut tuktut naunaiyautait inminik amigaikatakpaktut ovaluniit ikilitilikpaktut, kihimi akhut munagikatigiiktut ilaukatauyut katimalutik ovalo ukaklugit kanuk munaginiaktait atugutikhainik ilihimayukhat ublumi,” ukaktuk Eetoolook.
