(October 9mi, 2013 –Iqaluit, Nunavut) Nunavut Tunngavik Timinga Angayukaak Cathy Towtongie ublumi ukakhimayuk Qikiqtani Inuit Katutjikatingit akhut havakhimayainik mikhaanut Qikqitani Mamiahuktut Kamisitkunut avataanik siksinik ukiunik.
Towtongie ukaalakhimayuk malikhugit QIAkut autlaktigutainik malgunik makpigaat ovalo kungiaktakhait ilauyut kinguliinik tamamik 13mik Qikiqtani nunait ovalo ilauyut ukautainik ilaa, Nunakatiliugutainik, iluligiyiinik, ilihagutikhainik, kingmiit, hanatiligiyit, nuutitigutikhait ovalo aniaktailigiyit munagitjutikhait. QIAkut autlakhimayait kamisitkut 2007mi titigagiaganik ukautait kinguliinik Qikiqtaalumiut Inuit ukiumit 1950mit-1975mut. Makpigaak atukhimayait tahapkoa ukautihimayait ukakatihimayainit ovalo kinguliit makpigaangit.
Tikinahuaktait hamna hanayakhat tuhaktinahualugit aniagutainik ovalo mungitjutikhainik ilanganik Inuit aniktitauhimayut kavamatkunit angigutainik ovalo pikuyainit ovalo piligiaganik ihuakhagutikhait ilaukatautjutainik kitkanit Inuit ovalo Kavamatkut havakviit.
“Kitkanit NTIkut Katimayiit, Ukautiyatka nakuutjutainik QIAkut Angayukaak Okalik Eegeesiak, ovalo QIAkut Katimayiit ovalo Havakviit hamna akhut inikhimayainik. Hunamik tunihimayut hamani kinguliit ihuaktut ukatiakhimayait kanugitaakhait hulihimayut Inuit talvani ukiungani. Piyumayunga pilikluta munagiliklugit anigutait ovalo ihuinaagutait ovalo hivumut nuutitiluta aniaktailigiyinut, aliahugutinut ilaukatautjutait kavamatkut ovalo havakviit,” ukaktuk Towtongie.
“Piyumayunga hapkoa makpigaat ilaukatauniaktut Kanatamiunut ilihagutikhait atugutainut ilaa nutagait hamani nunaptini ilihagiaganik kinguliinik Inuit,” ukaktuk Towtongie.
-30-
Tuhafaagumaguvit takulugit:
Kerry McCluskey
Atanguyak Tuhaktituiyit
Foninga: (867) 975-4914 Foninga Akiituk: 1-888-646-0006
Foninga Alguyaituk: 867-222-2893
Kagitauyakut Takulvia: www.tunngavik.com
