Nunavut Tungavik Timiuyumi (NTI) Ikhivautalik Aluki Kotierk Unalu Qigiqtani Inuit Ikhivautariyaat (QIA) PJ Akeeagok ublumi ilauyuk taluiqniganik ajikutaqagituup itkaijutip 10-talauyuup piqaqtumik titirauyagainik huiqhimaliqtuup Kanojuak Ashevaop. Kotierk, Akeeagok-lo ilauhimayuk hulijunmik ilagivlugit Kenojuap ilagiyait ahiilu Nunavumit Inuit Kanatamilu ilitaqnaqtut inuit.

Ikhivautalik aliagiyaa takugami havaaginik hilaqyuami qauyimayauyuup Inuinaup titirauyaagit takuukhauyut nutaami manikmi.

“Ublumi itqaumayaqut Kenojuak Ashevaup ikayuutait inuujuhiptikni. Una agiyuq ilariini ilauyuni, nunagiyauyumilu ilauyunik, tamainilu Inuinaqni,” uqaqtuq Kotierk. “Quviahuutigiyaquut Inuit hanaqitiaruhiit iniqtigailu. Kanatamiutat takugaagamik 10-talamik manikmik, itqaijutauniaqtuq Inuit havamiiniginik hivituutqiyamik 150-ukiut.”

“Aliahuuktuga quviagijutigiyaagani tamaitalu Kanatamiutat una Kenojuak Ashevaup hakugiktut titirauyaagit ilitariyaukmata Maniqaqvikmit Kanatami. Ashevaup titirauyaagit qauyimayauyut hilaqyuami.  Quviahuuktuga hamaniinama ilagiyailu quviahuutigiyaagani una aqliknaqtuq Inuinaq aqnaq Qigiqtani nunagiyaptiknit,” uqaqtuq Akeeagok.