Uktugumayut pikaliktut avataanut ubluinik tuniyaanganik uktugutikhainik Jose Amaujaq Kusugak Ilihaktut Ikayugutikhait akaguaninut. Umiktigutikhait piniaktut Nunavumi Ubluani July 9mi, 2013.
Makpigaat pilaaktut NTIkut kagitauyakut takulviani ovalo tuhagutikhait ilangit tunikhaihimayut tamamik ilihakviinut, Nunavumi Iliniagiakpaalivinut ilihakviit, hamletkut titigakviini ovalo Nunait Tuhaktituiyit Havaktiit.
Uktugumayut titigaktukhat 500mik ukautainik ukaktut kanuk atuniaktait ilihagutikhainik tuhaktiyaanganik Inuit inminiigutikhait, naluhuigutait, ukautait ovalo inuuviviniit. Tamamik titigakhimayut inminik titigakhimayukhat ovalo aatjikutaungilugit titigaktaakhimayunik aalanit titigaktinit. Piyumayut uktuktut ilauliklutik ilihagutikhainik ovaluniit Inuit ukautainik ilihaniaktainik. Kihimi pilaaktut uktuktunit takupkailutik kanuk ilihagutiginiaktait ovalo havaniaktait ikayuniaktut hivumut nuutitigutikhait Inuit Inminiigutait.
Ilihagutikhait ikayugutikhainik tuniyauniaktut malgunut Inuit tamamik $5,000.00mik atuktakhait ilihagutikhainut ilainiaktut iliniagiakpaaliviminut ilihakviit. NTIkut katimayigalaat ihivgiuniaktait uktukhimayut ovalo pilutik ilinaktukhanik atuklugit kanugitut ilihaniaktainik, titigakhimayainik ovalo ikayugutikhainik ikayuktiinit.
Ilihaktut ilaukatauyut ovaluniit ilaukataulaaktut Ilaukatauyunut Nunavumi Nunataagutit Angigutaanut pilaaktut hamunga ilihaktut ikayugutikhainik.
