ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᒃᐱᒍᓱᑦᑎᐊᖅᐳᑦ ᖃᑕᖑᑎᖏᓐᓂᒃ ᔭᐃᒪᓯ ᐊᕐᕚᕐᓘᑉ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐃᓇᖏᖅᓯᓯᒪᑲᐃᓐᓇᖅᑐᖅ ᐊᖓᔪᖅᑳᒥᑦ ᑐᖏᓕ ᔭᐃᒻᔅ ᐃᑦᑐᓗᒃ ᐅᓪᓗᒥ ᐅᖃᖅᑐᖅ ᐃᒃᐱᒍᓱᑦᑎᐊᕐᓂᕐᒥᑦ ᕿᒃᓵᖅᑐᓄᑦ ᖃᑕᖑᑎᖏᓐᓄᑦ ᐊᒻᒪᓗ ᐃᓚᓐᓈᖏᓐᓄᑦ ᔭᐃᒪᓯ ᐊᕐᕚᕐᓘᑉ, ᒪᓕᒐᓕᐅᖅᑎᐅᖃᑦᑕᖅᓯᒪᔪᖅ ᓄᓇᕗᒻᒥ ᐊᒻᒪᓗ ᓄᓇᑦᑎᐊᕐᒥ, ᐊᒻᒪᓗ ᓯᕗᓂᑐᖃᖓᓂ ᐊᖓᔪᖅᑳᖑᓯᒪᓪᓗᓂ ᐃᓄᐃᑦ ᑕᐱᕇᑦ ᑲᓇᑕᒥ.

“ᖃᐅᔨᒪᓚᐅᖅᑕᕋ ᔭᐃᒪᓯ ᐊᕐᕚᕐᓘᒃ ᐅᓄᖅᑐᓄᑦ ᐅᑭᐅᓄᑦ. ᐃᑎᔪᒥᑦ ᐅᐱᒋᓚᐅᖅᑕᕋ ᑐᓂᓯᒪᓂᕆᓚᐅᖅᑕᖓᓂᒃ ᐃᓄᖕᓄᑦ ᐊᒻᒪᓗ ᐱᒃᑯᓇᖅᑐᓂᒃ ᑐᓂᓯᓯᒪᓪᓗᓂ ᓴᖅᑭᑦᑎᖃᑕᐅᓂᕐᒥᑦ ᓄᓇᕗᒻᒥᑦ. ᐱᓕᕆᐊᕆᓚᐅᖅᑕᖏᓐᓂ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖑᓂᕐᒧᑦ, ᔭᐃᒪᓯ ᐃᑲᔪᓚᐅᖅᑐᖅ ᐊᔭᐅᕆᓂᒃᑯᑦ ᓴᖅᑭᑦᑎᓂᕐᒥᑦ ᐊᑐᓃᖅᑐᒥᑦ ᓄᓇᒥᑦ ᐃᒪᓐᓇᐃᖁᓪᓗᒋᑦ ᐃᓄᐃᑦ ᑎᒍᒻᒥᔪᓐᓇᕐᓂᕐᒥᑦ ᓇᖕᒥᓂᖅ ᐃᓅᓯᖏᓐᓂᒃ,” ᐅᖃᖅᑐᖅ ᐃᑦᑐᓗᒃ.

ᐊᖓᔪᖅᑳᖑᓪᓗᓂ ᐃᓄᐃᑦ ᑕᐱᕇᑦ ᑲᓇᑕᒥ, ᐊᕐᕚᕐᓗᒃ ᑐᓂᓯᓚᐅᖅᓯᒪᔪᑦ ᓯᕗᓪᓕᕐᒥ ᑐᒃᓯᕋᐅᑎᒥᒃ ᓴᖅᑭᑦᑎᔪᒪᓂᕐᒥᑦ ᓄᓇᕗᒻᒥᑦ ᑲᓇᑕᐅᑉ ᐊᖓᔪᖅᑳᕐᔪᐊᖓᓐᓄᑦ ᐱᐊᕆ ᑑᕐᑐ 1970-ᑎᑦ ᐊᑐᖅᑎᓪᓗᒋᑦ. ᓱᓕ ᐱᔨᑦᑎᓚᐅᕐᒥᔪᖅ ᐊᖓᔪᖅᑳᖑᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᐃᔭᓂᖃᖃᑦᑕᖅᑎᓪᓗᒋᑦ ᑕᒪᑦᓱᒧᖓ ᓄᓇᕗᒻᒥ ᐊᖏᕈᑎᓂᒃ ᐊᒻᒪᓗ ᐃᓚᐅᓪᓗᐊᑕᖅᓯᒪᔪᖅ ᐊᖅᑭᒃᓱᐃᖃᑕᐅᓂᕐᒥᑦ ᑲᓇᑕᒥᐅᑕᖅ ᖃᐅᔨᒪᓂᖅᓴᐅᓕᖁᓪᓗᒋᑦ ᐱᓪᓗᒋᑦ ᐱᑕᖃᕆᐊᖃᕐᓂᐊᓂᒃ ᓄᓇᑖᕈᑎᒃᓴᓂᒃ ᐃᓄᖕᓄᑦ.

ᐊᕐᕙᕐᓗᒃ ᐃᓅᔪᓐᓇᐃᓚᐅᖅᑐᖅ ᐃᑉᐸᒃᓴᖅ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ:
ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ
ᐅᖄᓚᐅᑦ:
ᐅᖓᓯᒃᑐᒥᒃ ᐊᑭᖃᖏᑦᑐᖅ: