(ᑎᓯᐱᕆ 16, 2025 – ᐊᕐᕕᐊᑦ, ᓄᓇᕗᑦ) ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ. (ᓄᓇᕗᑦ ᑐᙵᕕᒃᑯᑦ) ᐊᖓᔪᖅᑳᕆᔭᐅᓚᐅᑲᒃᑐᖅ ᐹᓪ ᐃᕐᖓᐅᑦ ᐊᑎᓕᐅᖅᑲᐅᕘᒃ ᓄᑖᙳᕆᐊᖅᑕᐅᔪᒥᒃ 2022−ᒥ ᐱᓕᕆᖃᑎᒌᖕᓂᕐᒧᑦ ᓇᓗᓇᐃᖅᓯᔾᔪᑎᒥᒃ, ᓇᓗᓇᐃᖅᓯᓪᓚᕆᒃᖢᓂ ᐱᒻᒪᕆᐅᓂᖓᓂᒃ ᐱᓕᕆᖃᑎᒌᑦᑎᐊᕐᓗᓂ ᓄᓇᕗᑦ ᒐᕙᒪᖓᑦ ᓄᓇᕗᑦ ᑐᙵᕕᒃᑯᓪᓗ ᓄᓇᕗᒻᒥ ᐱᓕᕆᖃᑎᒌᖕᓂᕐᒧᑦ ᑲᑎᒪᔨᕋᓛᑦ ᐊᖅᑯᑎᒋᓗᒋᑦ.
“ᓄᓇᕗᑦ ᒐᕙᒪᖓ ᓱᓕ ᐱᓕᕆᔪᒪᓪᓚᕆᒃᐳᑦ ᑲᑐᔾᔨᖃᑎᒌᑦᑎᐊᕐᓗᑎᒃ ᒪᓕᑦᑎᐊᕐᓗᑎᒡᓗ ᑲᑐᔾᔨᓗᑎᒃ ᓯᕗᓪᓕᐅᑎᑕᐅᔪᒪᔪᓂᑦ ᓄᓇᕗᑦ ᑐᙵᕕᒃᑯᓐᓂ,” ᓯᕗᓕᖅᑎ ᒪᐃᓐ ᐅᖃᖅᑐᖅ. “ᐃᑲᔪᖅᑐᐃᓗᓂ ᐃᓄᐃᑦ ᐃᓅᓯᖃᑦᑎᐊᖁᓪᓗᒋᑦ ᑐᙵᕕᒋᔭᐅᓪᓗᐊᑕᖅᐳᖅ ᑲᑐᔾᔨᓪᓗᑕ ᐱᓇᔪᖕᓂᕆᔭᑦᑎᓐᓄᑦ ᐱᓕᕆᖃᑎᒌᖕᓂᒃᑯᑦ. ᓂᕆᐅᒃᐳᖓ ᓯᕗᒻᒧᐊᒃᑎᑦᑎᓂᐊᕐᓂᑦᑎᓐᓂ ᐱᒻᒪᕆᐅᔪᒥᑦ ᐱᓕᕆᐊᖑᔪᒥᒃ.
ᐱᕈᖅᓴᐃᓂᖅ ᑲᑐᔾᔨᖃᑎᒌᖕᓂᕐᒥᒃ ᒪᓕᒋᐊᓕᖏᓐᓂᑦ, ᓄᓇᕗᒻᒥ ᐱᓕᕆᖃᑎᒌᑦ ᑲᑎᒪᔨᕋᓛᖏᑦ ᐊᖏᖅᓯᒪᑦᑎᐊᖅᑐᑦ ᑕᒪᐃᓐᓂᒃ ᐱᓕᕆᖃᑎᒌᒃᑐᓂᑦ ᑲᑐᔾᔨᖃᑎᒌᖁᓪᓗᒋᑦ ᐊᑕᐅᓯᐅᙱᑦᑐᒥᑦ ᐃᓱᒪᒋᔭᐅᔪᓂᑦ ᐃᓄᖕᓄᑦ ᓄᓇᕗᒻᒥᐅᓄᓪᓗ.
“ᐃᓄᐃᑦ ᐃᓅᓯᖏᑦ ᐱᐅᓯᕚᓪᓕᕐᓂᐊᖅᑐᑦ ᐃᖅᑲᓇᐃᔭᕐᓂᒃᑯᑦ ᐋᖅᑭᑦᑎᐊᖅᓯᒪᔪᓂᑦ, ᐃᓱᒪᒃᓴᖅᓯᐅᕈᓐᓇᑦᑎᐊᖅᑐᓂᑦ ᓵᑕᒃᓴᐅᔪᓐᓇᖅᑐᓂᒡᓗ ᐱᓕᕆᖃᑎᒌᓂᑦ ᒐᕙᒪᒃᑯᓐᓂᑦ ᑕᐅᑐᙳᐊᖅᑕᐅᔪᖅ ᑎᑎᕋᖅᓯᒪᔪᑦ 32−ᒥᑦ ᓄᓇᕗᒻᒥ ᐊᖏᕈᑎᖓᓂᑦ,” ᐅᖃᖅᑐᖅ ᐊᖓᔪᖄᖑᓚᐅᑲᒃᑐᖅ ᐹᓪ ᐃᕐᖓᐅᑦ. “ᓴᙱᓂᖅᓴᐅᕗᒍᑦ ᐊᒻᒪ ᐃᖏᕐᕋᑦᑎᐊᕐᓂᖅᓴᐅᓪᓗᑕ ᐱᓕᕆᖃᑎᒌᒃᖢᑕ.”
ᐱᓕᕆᖃᑎᒌᑦ ᑲᑎᒪᔨᕋᓛᖏᑦ ᑐᓴᐅᒪᑎᑕᐅᕙᒃᐳᑦ ᐱᓕᕆᖃᑎᒌᒃᑐᓂᑦ ᐱᔾᔪᑎᖃᓗᐊᖅᖢᑎᒃ ᖃᔅᓯᑲᓪᓚᖕᓂᒃ ᐱᓪᓗᐊᑕᕐᓂᒃ ᐃᓱᒫᓘᑕᐅᔪᓂᒃ. ᓯᕗᓕᖅᑎᒻᒪᕇᑦ ᐱᓕᕆᖃᑎᒌᒃᐳᑦ ᓇᓗᓇᐃᖅᓯᓇᓱᒃᖢᑎᒃ ᐋᖅᑭᒋᐊᕈᑎᒃᓴᓂᑦ, ᐊᔪᕆᖅᓲᔾᔨᓗᑎᒃ, ᐊᒃᓱᕉᑕᐅᔪᓂᓪᓗ ᐅᖃᐅᓯᖃᕐᓗᑎᒃ.
ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑲᑐᔾᔨᖃᑎᒌᓵᓚᐅᖅᐳᑦ ᑲᖏᖅᑐᒑᐱᖕᒥ ᐱᓕᕆᐊᖑᓚᐅᖅᓯᒪᔪᒥᒃ 1999-ᒥ, ᐃᖅᑲᓇᐃᔭᖃᑎᒌᑦ 2004-ᒥ, ᐋᔩᖃᑎᒌᖕᓂᒃ 2011-ᒥ, ᐊᒻᒪ ᑲᑐᔾᔨᖃᑎᒌᖕᓂᕐᒧᑦ ᐱᓕᕆᐊᖑᓚᐅᖅᑐᒥᒃ 2020-ᒥ ᐱᓕᕆᖃᑎᒌᒍᓐᓇᑦᑎᐊᖁᓪᓗᒋᑦ ᑕᒪᐃᓐᓂᒃ ᐱᓕᕆᖃᑎᒌᓂᑦ.
ᓄᓇᕗᒻᒥ ᐱᓕᕆᖃᑎᒌᓄᑦ ᓇᓗᓇᐃᖅᓯᓂᖅ ᐃᑭᐊᖅᑭᕕᒃᑯᑦ ᐱᔭᐅᔪᓐᓇᖅᐳᖅ ᐅᕙᓂ www.tunngavik.com.
-30-
ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᑦ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᒃᑎᑦᑎᔨ ᑐᓴᒐᒃᓴᓕᕆᔨᓄᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑮᓯ ᓚᓱᑦ
ᑐᑭᒧᐊᒃᑎᑦᑎᔨ, ᑐᓴᐅᒪᔪᓕᕆᔨᒃᑯᓐᓄᑦ
ᓄᓇᕗᑦ ᒐᕙᒪᖓ
867-975-6004
