Nunavut Tungavitkuni Tuklia Ikhivautaliup James Eetoolook ublumi tunihiyuq 2014-mit 15-mut Aipagutuaraagat Unipkaaq Qanuriniginik Inuit Ilitquhiat Inujuhiilu, taiyauyuq Inuit Inujuhiini Ilitquhiinilu Akhurutigiyait Inmik.
2014-mit 15-mut unipkaaq qauyijutauyuq inujuhiinik taimaniraaluklu inuhiqnik uqautayut Nakataani 32 uqatiaqhunilu huuq hatqiqtauniganik havaariyautilugit agiqatiriigutikhat uvani Nunavumi Agiqatiriiguunmi. Unipkaaq atuliquiyuq iniqtiria-gani atuqtukhaq nakuutqiyamik kagiqhimajutikhanik havaariyauniginiklu ilaunigini havaariyauyunilu atuliqnigagut Nakataani 32, ihuaqhaqlugulu atuliqniganik amirijutikhanut havauhiuyunik.
“Agiqatiriigutikhat havaariyautilugit, Inuit piyariiriaqaqtut nanminiq pijutikhamiknik pivalianiginik inuhiqmi ilitquhiqmilu pitquhikhanik havaaniklu Nunavumi. Ila ukua pitquhikhat havaalu ilauginmata agiqatiriiguunmi, Inuit hatqiqhiyut Nakataanik 32 piqariaptikni maligatigut aturiaqaqtunik, maliqaqyuamilu hapumijutinut pigiarutikhamik ilaulaaliriaptikni qanurinigini atuliqnianilu kavamani inujuhiqmi ilitquhiqmilu havaani ikayutinilu,” uqaqtuq Eetoolook.
Aipagutuaraagat unipkaaq aipagutuaraagat havaagiyauyariaqaqtuq Nakataani 32.3.4-mi, unipkaaq hatqiqtitauniaqtuq Nunavumi Maligalqiyit Katimanigani Kanatauvlu Maligaliuqviani.
