Qilamik Tuhaqtitaujukhaq
(March 24, 2025 – Iqaluit, Nunavut) Ublumi, Kavamatkut Nunavunmi Ministaa Aanniaqtailinirmun John Main ukualu Nunavut Tunngavik Inc. (NTI) Angijuqaanga Jeremy Tunraluk tutqikhaffaaqtaa inmi uqariiqtaa piijariangani tiibiirniq (TB) Nunavunmi. Nunaqjuami TBiirnirmun Ublua, ilitariblugu aulahimaaqtuq havaqatigiingnirmun akhuurutit nutqaqtinahuaqlugu TB, ikiklijuumiqlugu TBmun-ilaujut irhiurutit, ihuaqhijuumiqlugulu kanguhuutit, ihuaqhijuumiqlugu inuuhirnun qanuriniit inungnun nunallaanunlu hulaqutiqaqtut TBnirmun avatiini Nunavut.
Uvani ukiumi Nunaqjuami TBiirnirmun Ubluani pidjutaujuq “Hii! Nungupqaqtittaaqtavun TBiiniq: Akhuurutigilugu, Maniliurutigilugu, Tunilugu”. Una akhuurutaujuq akhuurutainun Nunavunmi akhuurutinun, turaangajut maniliunirmun, hulidjutinun-pihimajut ihuaqhaidjutit.
Naunaijautikhaq ublumun, GNkut NTIkullu aularutijaataviktuqhimajumi-tamaani hulilukaarutinun akitaqutautit. Angamaumajuq Nunavummiunun tamainun ukiuqaqtunun, ilaujuq Nunavut Inuit kitut nunaqaqtut hilataani aviktuqhimajup, akitaqutautit tunihijut alianaqtunik taktaghanik aalakiinik ukiuqaqtunun. Tujuqlugit titiraujaqhimajat tautuktitijuq qanuqtut atautimut inuuhiringnirmun nunallaami nutqaqtinirmun TBiirniq, ikajuqlugillu tapkua kitut aanniarutigijaat. Tikuaqtaujut hulilukaarutit takunarniaqtut uvani 2026 TBiirnirmun ilituqhaidjutit tatqirhiutaini. Tujuqtaujukhat angmaumajut tadja tikitinagu Qitiqqautijuq 25, 2025, akimajut tuhaqtitauniaqtut atukhaaqqat Qiqaijaluarvia. TBiirniq hiamitiqtuq aanniarut tamna hulaqutaujuq amigaitunun nunaqjuami. Havvaqatigiingnikkut, ukua GNkut NTIkullu, hivuliqhuqtaublutik hapkunanga Inuit Tapiriit Kanatami TBiirniq nutqaqtinahuarutaanun tungavia, havaliqtut nutqaqtinahuaqhugu TBiirniq Nunavunmi imaa ihuaqhijuumiqlugit pijaarnirit TBiirnirmun ihivriurutit mamihaidjutillu nunallaani. Tunihiblutiklu turaangajunik ikajuutink nunallaanun hulaqutiqaqtunun TBiirnirmun, ukualu tamainun avatiinun ikajuutinik, pijaarnirmunlu nirijuminaqtunik niqinik atautinun aanniarutiqaqtunun TBmik, akhuuqhalugillu tamaita inuit mihingnautiqaqtunun TBiirnirmun ihivriuqtaulutik.
“Nutqaqtinahuarniq TB pijariaqaqtuq tamapta havaqatigiikluta. Imaa ihivriuqtaulutit, malittiaqlugit mamihautit, ikajuqatigiiklutik, ikajungniaqtugut nutqaqtinianun TB Nunavunmi,” uqaqtuq Minista Main. “Uqaffaaqhugit havaqatigiigutit ukununga NTIkunun upautiliqhugu Nunaqjuami TBiirnirmun Ublua, hakugikhijuumiqtavut ikajuutit tuhaqtidjutinunlu akhuurutit. Pittailiniq, qilamik ilituqhaidjutit, iniqtiqlugillu mamihautit pidjutaujut ikiklijuumirnirmun hivuniptingni hiamitirnira munariblugit nunallaavut.”
“Tiirniq hiamitiqtailijaujaaqtuq mamitaaqtuqlu. Akhuuqhajatka tamaita mihingnautiqaliqtut ihivriuqtaulutik, ihariagijaukpat, mamihaqtaulutik TBiirnirmin,” uqaqtuq NTI Angijuqaanga Tunraluk. “Aanniarutiqaniq TBmik ajungnaingituq, taimaali tapkua NTIkut tunihijut nirijuminaqtunik niqikkut ikajuutinik atautinun aanniarutiqaqtunun TBmik. Imaa havaqtigiingnikkut, nutqaqtinaqtaqqut TBiirniq Nunavunmi.”
Nunavummiut akhuuqhajaujut ilaulutik havaanun nunallaami aanniaqtailinirmun imaa kangiqhimapkaqtaulutik, ilaulutik TBiiqtailinirmun akhuurutinun atuqlugillu nunamingni aanniaqtailinirmun ikajuutinun mamihaidjutinunlu. kangiqhittiarumaguvin tiibiiqtailinirmun mamihaidjutinunlu iliturijumagungniluuniin Hulilukaarutinun Akitaqutautit, takulugu Kavamatkut Nunavunmi qaritaujaliqivia.
-30-
Tuhaqtipkainikkut Uqaqvigijaqhat:
Ivaluarjuk Merritt
Aulapkaiji Tuhaqtipkainirnut
Nunavut Tunngavik Inc.
Charmaine Deogracias
Atan’ngujaq, Tuhaqtipkaijiit
Munaqhiliqijitkut
867-975-5712
