Kilamik Tohaktitaoyoghak
(August 27, 2025 – Kinngait, Nunavut) Nunavut Tunngavik Timingat (NTI-kut) koviagivlugo namagiyaat angiktaohimalikmat una Maligakhak Bill C-5, Una Atohik Kanatamiut Pivalialikinikut Maligakhak, tatvalu naunaitiakhimayonik atogaghanik ihuaghaivalialiktot taima una Maligak ihuaktunik ikkayotaoyagiangani tahamani Nunavumi huli pitiagiakakhugit tahapkua Inuit piyunaotait tatvalu ublumi maligagiyait. Una Maligakhak C-5 Maligakliokvikjuami Angiktaohimayok tatvani June 26, 2025-mi, maliganguktitogik ukkua Ihuakutikhanik Niovgotaokataktot tatvalu Maligauyunik Havaktolikinikut uvani Kanatamiut Maligakmi tatvalu una Hannavaliatjutikhanik Kanatamiut Maligakmi.
Tatvani nutaatni havagiyaoniaktuni, ukkua kavamatokatkut katikhukpalialiktot titigakhugit tahamani Kanatami hannavaliatjutikhanik havaghanik tatvalu tunnighimayot naunaitiakhimayonik ihivgiokutikhanik tahapkua ikkayoktaoniaktot tatvanga Akkituyonik Havagiyaoyot Havakviatnit tatvalu tapkunanga Nunakakaktot Ukktaujiyiolutik Katimayiitnin. NTI-kut havaginiaktait tamaita hapkua havagiyaoniaktot ihoakhaktaolotik tahamani Nunavumi pihimayagiakakmatjuk ikkayoktikaklotik Inuinaknik tatvalu malikatiagiakaktot tahaffumina Nunavut Angikutatnik.
NTI-kut Nunavut Kavamatkutlu, tatvani March 2025-mi, angikatigikhimayok titigaklogit tahapkua hivuliotiyagiakaktot havaghat tatvalu pikatigikhutik katimapkaihimayot tahapkuninga Ukkiuktaktumi Atuutikaktunik Ataniktuitjutaitnik tatvalu Kayanaitunik Annaumatjutikhaitnik ikkatoktigiiklotik ihomakhutikhanik. NTI-kut havagivaliayaat tahamna tatvunga Inuit-Kavamatokatkutlu Ikkayoktigiikhutik katimayigalaatkut (ICPC), ukkua katimakatigihimayaat una Hivuliktikjuak Kanatamiut Kavamatokatkuni tatvani Inuvik-mi July 24, 2025-mi,ukkautigihimayaat tahamna ihuaghaitjutikhaitigot tahaffuma Hannavalianikut Kanatamiut Malihak humilikak Inuit Nunangat-ni.
“Inuit toghiktotikatakhimayat tahapkua akkituyot havaghat taimaninguktok kangagalok. Ukkua Katimayiit koviahuktot pivaliotigiyomavlutjuk tahapkua pikutaita ihuakutikhaitnik tahamani Nunavumi havaghanikpaliatjutikhanik tatvalu nanminiktakutikhanik, tatvalu akkighinagiangita hunnavaluit atokpaktavut innuhiptingnut Inuinauvluta,” ukkalaktok una NTI-kut Angayokangat Jeremey Tunraluk.
“ Naunaitiaghimayagiakaktot tahapkua atogaoyughat, nakuatoktunik maniliokutikhanik, tatvalu ikkayokatigiitiagiakaktugot tamapta pivaligahuaklugit tahapkua Kanatamiut-hannavaliatjutikhait havaghat tahamani Nunavumi hakkugighivaliutikhait Inuit pivaliatjutikhait hakkugighivaliutikhaitlu Inuit nunaliit.”
NTI-kut killamik ihomagiyait ihuaghaikatigiiklotik Havaghait hapkua Kanatamiut Piyomayaitnik tahamani Nunavumi, illaliotilugit hapkua havaghat Kivalliq-mi Immakut Kulliktotikhat Kagitaoyakukutikhaniklu Hannatjutikhait, Iqaluit Immakut Kulliktotikhat, Qikiqtarjuaq-mi Tagiogani-Umitjat Tullaktakvikhat tatvalu una Kugluktualokmi Apkuhiokvikhat tatvalu Tullaktakvikhak; tatvalu pihimayagiakaktat Inuit nanminigilutjuk tahapkua akkituyot havagiyaoyoghat tatvalu maniktutikhait taima hapkua ikkayohiakutikhait tahamani Nunavumi aolangitangita.
– 30 –
Pivalialikinikut Tohakvikhaat:
Ivaluarjuk Merritt
Ataniat Tohaktitilikiyiit
Nunavut Tunngavik Timingat
