Aniguqtitaunariqtughaq
(Fibuali 11, 2025 — Arviat, Nunavut) Nunavut Tunngavikkut Timingat (NTI) niuviqniaqhimayut $15-milian-taalamik Nunaqaqqaaqhimayut Nunallaarnit Ikluqpautighait Maniutainit (ICIF) ikayuutighait nutaannguqtiqtut Iniqnirit Munaqtauviinik aviktuqhimayumi.
NTI-kut ihumalluaqtut taimaa naamayunik Iniqnirit munaqtauvighainik hanayughat munaqtaulutiklu Nunavunmi, talvanilu mikitqiyanit nunallaarnit. “Umiktirutighaq ayuqhautinik Iniqnirit munaqtauviinit, aulapkaqtitaghavullu havaktiinit pihimayauyut tajja Nunavunmi. Hapkua niuviqtauyut ikayuutauniaqtut amiriyaamik tajja havaktigiyaqqut. Taimaalu nayugauyut Arviani, Uqhuqtuuqmi Iglulingmilu nayugaqvighait Inuinnait Iniqnirit talvani aulattiaqhimayunit aimavigharnit” uqaqtuq Jeremy Tunraluk.
$5-milian-taalait nutaannguqtirutauniaqtut Arviani Andy Aulatjut Nayugaanik (Iniqnirit Nayugaat), hanayauhimayuq 1990-mi. Ahiagullu hunaqutauyunit, hapkua niuvigakkut ayuqnaiqpaalliutauniat Kavamatkunnut Nunavunmi (GN) himmiqtuiyaamik iggavingnit illiqpiinik, natiinik, haanginnik, imautinik, ququurutiniklu, HVAC-nguyut pakpautit nutaannguqtiqlugillu minguutaat.
NTI-kut ikayuutighanik aittuqhinahuat $500,000-taalamik ihivriuqhiyaamik qanurininganiinik ikluqpait talvani nutaatqiyanit Aulahimmaaqtunik Munaqtauvingnit Uqhuqtuuqmi Iglulingmilu, havaangigut ilittuqharahuaqhugit hunaqutit himmiqtauyughat. Maniutillu hapkua atuqtauvangniat qauyihaiyaamik akituniinik aklivaalliutighait hapkunani ikluqpautinit. NTI-kut GN-kullu munarinahuaqtait hapkua qauyihautit atauttikkut talvanngat parnaiyautiliuqlutik maniktuqvighainik amiakkuanik $9.5-milian-taalauyut.
“Havakviat Aanniaqtuliqiyit quviahukpiaqtut havaqatigiyaamik ikayuqtivut talvani NTI-kunnit hivumuuqtittiyaamik Katujjiluta havaaghaita katitiriyunik Iniqnirit munaqtauvighainik qaklivaalliqhugit aimaviinut.” Uqaqtuq Ministauyuq Aanniaqtuliqiyinit John Main. “Hapkua havaaghat ilittuqhitivaktut Piliriqatigiinniq, havaqatigiiktumik iniqtauyughat taimaa Iniqnirit ikayuqtauyaamik ikayuutiqariamiklu ihariagiyainnut aviktuqhimayumi, nayuqtaghait ilamingniittumik, ilitquhimingnut, ilihimayamingnullu. Hapkua niuvigauyut
ahiagut hakugighaiyut aanniaqtailiniqmut havauhiinik kihimi hakugighaivalliayuqlu havaqatigiiktumik iniqniaqhimayaqqut ihuaqhivaalliqhugu inuuhiit Iniqnirivut ilaitalu aviktuqhimayumi tamaat.”
Hapkua niuvigauyut hakugighaivaktuq NTI-kunnik GN-kunniklu havaangit nakuutqiyanut Iniqnirit munaqtauviit, hivumuuqpallianiaqtut havaqatigiiktumi hanayaamik hivituyumik atuqtauyughanik parnaiyautinik hanayaamik amihunik Iniqnirit-munaqtauvighainik inighainiklu nunallaarnit hivunighami amigaiqpalliayunut Iniqnirinut, iniqniaqhimayaqqut taapkualu Iniqninnguqpalliayut Ihumaqattiaqtumik – Iniqnirit Angayughiillu Havauhighait..
Tuhaqtittiyikkut Hivayaqtaghat:
Ivaluarjuk Merritt
Aulapkaiyiryuaq Tuhaqtittiniqmut
Nunavut Tunngavikkut Timingat
Pierre Essoh
Tuhaqtittiniqmut Havakti
Havakviat Aanniaqtuliqiyit
